Sinzawl manawh in Side Drain bawlna sunzom

Lamka, April-16 : Manipur Tribal Movement Road construction, MTMRC in Guite Road bawlna sunzom in, JCB khat tawh tulai in nullah (side drain) bawl  uhi. Tuivai leh Sinzawl kikal a nasem, MTMRC te apan tuni a thu kizadan in, sum kidaih nawnlouh ziakin gari dangte lakkhiak hiphot a, tu in JCB khat tawh Side Drain bawl uh c
hi uhi. JCB in side drain abawl kawm in vuahzuk hun a hawktui vung te leng, a poimawhna munte ah va khahkhe zel a, Sinzawl leh Tuivai kikal lampi enkai kawm in anasepna mun uh sunzom uhi.

                Amaute’n tulelin side drain bawl in Sinzawl manawh in zingkal dak 6 velin nasep kipan uh a, side drain inleng Sinzawl phatou dekta chih tuni’n kiza hi. April 11, 2016 (Monday) in Sinzawl phakma km 4 vel zou tou uh a, nikhat in metre 300 vel side drain bawl zou uh hi’n gen uhi.  Side drain bawlna a leisai omte nitaklam chiang in lampi nawl ah koih khe zel uhi.

Guite Road bawlna nasep zawhsiang hinailou in MTMRC te’n leng ZOLLS Office mun ah Information Centre hongkhia uh a, tuamun pansan in Guite Road bawlna ding sum kaihkhop sawm uhi. Mipite’n kithuahpih tou zel ding in G. Nengdouthang, Chairman, MTMRC in media tungtawn in ngetna bawl a, lampi bawl kipatma leh MTMRC kipat nung kilamdang mahmah in, gari taituahte lauthawng lou a lungmuang tak a atai theih uh mipite ading in azak nuam tuan mahmah chi hi.

MTMRC tungtawn a Guite Road bawlna dia sum thawh ding te’n ZOLL Office mun a MTMRC Information Centre, New Lamka (G), Tedim Road ah office kai hunsung in va piak theih ding a, bank account tungtawn inleng panpihna piaktheih hi. Office ding mun thovengtak ZOLLS in apiak ziakun MTMRC Chairman in media tungtawn in kipahthu puang hi.

Bank Account Details:

• A/C Name --- MTM Road Construction

• A/C No ---- 35602651836

• Branch ----  Churachandpur

• Bank ---- State Bank of India

•IFSC Code ----  SBIN0006182
==================

CLICK Photos to ENLARGE