LAMKA, April-17 (PhualvaTime): Tunitak dak 8:43 velin Central Lamka a Tedim Road zul, Eden Hotel kiang a Sharma Dawr kong ah Hand Grenade hiding a gintak hihpuak in om a, bomb puak ziaka si-le-liam omlou hi'n kigen hi. Police te'n thiltung atheihphet un amun vadelh in thil omdan enkhia uhi. Kumdang in Lamka khawpi sung ah bomb tawh kisai a kivauna thiltung om kholkei mahleh tukum sung in 3veina hita a, ZRA Operation Area ngen a thiltung ahihbanah ZRA Town Commander in hiai tungtang tuma in thusuah bawl ngeita hi.
DK Mang tenna huangsung ah April 2, 2016 a Hand Grenade muhkhiak hun in, ZRO/ZRA in mohpaih kawm in hiai thiltung nihte hoihtak in suizui ding a, kithahsawm a tenna inn huangsung a bomb paihtute ZRO/ZRA in zongkhe ding leh thiltung nihte a khut khatute matkhiak ahihnung a, a kituahpih gawtna piak hiding hi’n Town Commander, ZRA in thusuah bawl ngeita hi.
March 31, 2016 nitakin Khumujamba a Momocha leh a sak a Abung te inn ah pawlkhat in Hand Grenade 2 va deng lut a, Momocha inn apen puakzak in, vanzat bangzah hiam kise mahleh, asi-le-liam omlou hi. Huainung April 2, 2016 in Hebron Veng, New Lamka a DK Mang tenna huangsung, car nuai ah Hand Grenade khat muhkhiak hinawn hi.
Hiai thiltung 3 te'n Lamka mipite patausak mahmah a, mipite lungsim ah lauhna liantak omta hi'n leng kigen hi.
Mun 3 a Hand Grenade muhkhiakna leh puakzak tawh kisai kuate khutnung hi hiam chih tunitan theihkhiak hilou in, akipuang leng om nailou hi.
Mun 3 a Hand Grenade muhkhiakna leh puakzak tawh kisai kuate khutnung hi hiam chih tunitan theihkhiak hilou in, akipuang leng om nailou hi.
RELATED:
