Shillong, June-28 (PhualvaTimes.com): Apaita 26th June 2016 in BYF Shillong in EBCC Biakinn, Lapalang ah Fresherste vaidawnna hun zang uhi. Hiai hun ah mun tuamtuam apan Siamsin dia paikhawm melthak mi 26 kihel uhi.
N Lalsuanmang, Chairman BYF Shillong in melthakte vaidawnna thugenna hun nei a, aman agenna ah nu leh pa te nuai a om nonlou phot ihih na ah 'freedom comes with responsibility' cih phok kom a i heina peuh ah pilvan poimoh a, tuaban ah khotang a YPA, SSPP leh Saptuam a om a huai kha poimoh ngaih mahmah ding ahihdan gen in siamsin dia hong paithak fresherste leh a omsa ten sepna leithoh leh gukthoh hetlou ding in i siamsinna ah hahpan in kisakhol ni ci hi. David T Seilunmang, Secy BYF Shillong in melthakte pulakna leh thilpiak piakna hun nei hi. Upa H Chinkhenthang IAS(Retd)in a gelh " Siamsinte a ding a Dan sawmte/Thugousiahte" Freshers te kipia hi.
Pastor G Khankham ,Local Pastor leh Adviser BYF Shillong in Freshers te thumsakna leh thuman pha taktak genna hun zang hi.
Gladys Haubiaklun in " Sianmang a din nasemni" chih leh Jameson Guite in " Toupa toh omkhawm" chih la siamtak leh tuailai te lungkhoih tak in hon awi ngiahngiah uhi.
Reporting by: N Lalsuanmang / PhualvaTimes
Photo by: Thangmuanlal Munsong, Sanglun Tonsing & Jo Tonxing / PhualvaTimes
Photo by: Thangmuanlal Munsong, Sanglun Tonsing & Jo Tonxing / PhualvaTimes
No comments:
Post a Comment