NXT Digital Cable News | September 30, 2016

All Tribal Women union(ATWU)GHQ apan thutut kingah dan in ahong tung ding October ni 1 suunma dak 11 in ATWU office, dorcas veng newlamka ah maban panlak ding dan kikup khom na omding hi, hiai hun ah Tribe leader tuamtuam te leh heutu muan huai te akipan in maban pai ding dan leh pan lak ding dan ngaih khiak na om ding hiin thu tut kingah a,hiai hun ah a utpeuh mah teltheih ding hiin gen uhi.

Manipur Express | September 30, 2016

HEADLINES:

Dawilok taka India gamtatna thukkik hiding : Pakistan PM

Army te’n ‘Surgical Strike’ bawlin helpawl 40 that

New Delhi, Sept-29: Indian Army Northern Command apan ‘Special Forces Para Commando’  4th & 9th Battalion te’n Helicopter zang in Pakistan Occupied Kashmir(POK) a Line of Control (LoC) huamsung km 3 tan ah tuzing dak 12:30 apan 4:30 kikal ‘Surgical Strike’ bawl uh a, dakkal 4vel kikaptuahna om nung in helpawl member 40 val thah a om in ‘terror launch pad’ 7 hihsia uhi. Huai thiltung Pakistan Prime Minister in mawhpaih a, dawilok tak a India gamtatna ah Pakistan sepaih 2 thah a om in, midang 9 liam ahihdan gen a, Ceasefire bawhsia India sepaihte thukkik dia Pakistan Army-te mansa a om ahihdan leng gen hi. Tunitaklam dak 4:00 in All Party Meeting sap in om a, Prime Minister Narendra Modi telin Political Party teng in ‘Anti-Terror Operation’ kibawl kipahpih thu puang in, Uri terror attack ziakin Pakistan kiangah sinlai hoihtak piak in omta chi uhi. 

Siamsinpawlpi Mizoram Felicitation Programme 2016

 Ahun- 1st October, 2016 | 10:30am
Amun- I & PR Auditorium, Aizawl

Khuallian- Awardees
Khual Zahtathuai- Pu H. Rohluna, Education Minister, Mizoram

Manipur Express | September 29, 2016

HEADLINES:

Gam 8 lakah India telin gam 4 in boycott sawm

Islamabad a SAARC Summit, 2016 khawlsak hiding

http://essaynparagraph.com/

New Delhi, Sept-28: Asia simlam bial a gam 8te kigawmna, South Asian Association for Regional Cooperation (SAARC) adia diplomatic conference poimawh pen ‘19th SAARC Summit 2016’ om ding tawh kisai India in boycott a puan nung in Bangladesh, Afghanistan leh Bhutan inleng boycott puansawm uh a, SAARC nuaia kikhai khawm gam 8 laka 4 in huai huna kihel lou dia thupuan aneih ziakun hunchiam omlou in tukum a omding pen khawlsak hita hi. SAARC Summit ahihleh Pakistan capital Islamabad leh Murree khawpi ah November 2016 sunga neih ding chih hi a, Jammu & Kashmir a Uri terror attack tawh kisai in, Summit zintun ding Pakistan tunga lungkimlou te’n huai hunzatna uap sawmlou uhi.

NXT Digital Cable News | September 28, 2016

Tusun dak 12:00 in Langkhanpau Guite, Chairman, ADCC makaih in a office chamber ah, CCpur SP Thak Rakesh Balwal, IPS leh CEO thak Soiminlian Lengen te toh kimeltheihtuahna leh vaidawnna hun zat in om hi. Hiai hun ah, Member of District Council, MDC te lak a out of station a om te chih louh midang teng kim tak in tel ua, a kipahpih uh etsak na in puandum piak na nei uhi.

Manipur Express | September 28, 2016

HEADLINES:

PM makaih in Pakistan’ MFN tungtang genkhawm hiding

Terror attack ziakin India in SAARC Summit uap sawmlou

New Delhi, Sept-27: South Asian Association for Regional Cooperation (SAARC) gam makai te’n November 2016 sungin Islamabad ah Summit nei ding uh a, Pakistan apan cross-border terrorism leh terror attack thiltungte ziakin, Prime Minister Narendra Modi in huai hun uap sawmlou ahihdan gen hi. Pakistan kianga Most Favoured Nation (MFN) Status piak a om tungtang zinghal (Sept 29) in Prime Minister Narendra Modi makaih a genkhawm hiding a, gamdang te’n Pakistan tawh kizopna abeisak theihna ding un panlak sawm uhi.

THE MANIPUR REGULATION OF NON-LOCAL PEOPLE BILL, 2016

A

BILL

to regulate the Non-Local people coming to the State of Manipur and to provide protection, maintenance of socio-economic and cultural balance of the Local People of Manipur and for maintenance of peace and public order in the State of Manipur by regulating the entry into and exit from Manipur for Non-Local people and tenants in the interest of general public and for matters connected therewith or incidental thereto.

BE it enacted by the Legislature of Manipur in the Sixty-Seventh Year of Republic of India as follows:

YPA Gen HQ in MLA 2 ngetna nawlkhin

Lamka, Sept-27 (phualvatimes.com): Thu kizadan in Sept 21, 2016 in Phungzathang Tonsing, MLA 58/CCpur A/C leh Vungzagin Valte, MLA, 56/Thanlon A/C & PS te’n YPA General Headquarter President kiangah laikhak in, huai ah “Etsanna zukkik” di’n ngen uhi. MLA 2-te laithon in ataklat dan in, gam-leh-nam banah YPA adia amau leng panla gige kia hilou a it mahmah ahihdan uh taklang in, etsan(boycott) la khe di’n ngen uhi. Hiai tawh kisai mahin, YPA Cabinet inleng MLA 2–te ngetna tawh kisai tuni’n ngaihtuahna nei uh a, Bill 3-te tawh kisai thuchian leh salphate luang vui ahihma MLA-te tungtang ngaihtuah hilou di’n thusuah bawl uhi.

Joint Press Statement | JACAATB & OMTF

Joint Press Statement | Joint Action Committee Against Anti-Tribal Bills & Outer Manipur Tribals' Forum (OMTF)

Patau Dak Hon Khetkhum! | Written by K. Lianthansang

Patau Dak Hon Khetkhum!

(Pilvang Ding A Thuhilhna)

Written by K. Lianthansang

Lawmte khat in, “New Bazar geilak, Tedim Road ah kindeuh in hong pai ou; lawmte gari accident om” chih teng phone tungtawn a hon genzual in hon ‘off’ khum ngal hi. Ke’n leng  a ‘c-rias’ khawng om ahi ding uh chi’n ka delh pah a, amun ka tun in lawmte Bike tai lai leh car a tai- gil liansim papi khat ana kisel loiloi ka mupah hi. Agei uah ka vapai a, lawmte lak a khat Dist Hospital a  paipih dingin hon sawl ngal uhi. Ka paikhiatma a thil omdan ka theih leh ‘kei lou kuadang om kei’ chi hileh kilawm a “Bang kham na hi ua, non phut himhim uh. Side light mulou uh maw” chi’a, car neipan aw khauhtak a ana chih ziaka lawmte leng ana heh uh ana hidaih hi. Ut thu ding hile bel gari a kiphutkhak kuamah a ut omlou ding ahihman in, kisukkhakna banghiam a om chiang a ‘aw khauh’ kizatkhum pah gaga pen hoih kimlou hi ahi, chih ka ngaihtuah khia hi. Lawmte leng a hattai lua ahihlouh ban uah bangmah kham neilou uh ahih ziak in  ana hehlua uh a hihtuak hi.

Akhawnung a ka theihthak leh  car pen toutai ahi a, Tedim Road apan saklam a luttouh sawmlai, lawmte, ava makhelh sawm tawh kiphutuah(kihettuah) kha uh ana hidan ahi hi.

Manipur Express | September 27, 2016

HEADLINES:

Sushma in Pak leh Terrorist-te kizopna puangkhia 

http://i.ndtvimg.com/

New York, Sept-26: New York khawpi a UN General Assembly pailel ah tuni’n External Affairs Minister Sushma Swaraj in thugenna nei a, India hihsiat sawm terrorist te’n Pakistan apan galvan leh sum-le-pai ah huhna ngah uh chi hi. Terrorism kichi human rights bawhsiatna huaisepen ahihman in UN Assembly hunsung ngei a ‘Global Treaty on Terrorism’ bawl poimawh hi’n leng gen a, terrorist pawlte tawsawn leh panpihte zonkhiak a, akituahpih bang gawtna piak ding ahi, chi in makai paikhawmte kiangah ngetna bawl hi.

Kolkata akipan long (boat) 4 puaktung in om

Lamka,  Sept-27 (PhualvaTimes.com): M. Gouzamang Guite, EM/ADCC panlakna in tuzing in Kolkata akipan long (boat) 4 Lamka puaktung hi a, Siktui mun, Vengnuam ah test ride neih hingal hi. Thukiza danin, hiai longte ahihleh Lamjang(Khuga Dam) a om Siktui Farms and Resorts honkhiak ahihchiang a zat ding hi'n kigen hi. Long 4te lakah mi 2 tuan theihna khat, mi 4 tuan theihna nih leh mi 6 tuantheihna khat hi a, huai banah atuangte bitna dingin Life Jacket 16 leh life buoy 5 leng hong tung hi'n kigen hi. Resort a basic facility-te zawh ahih chiangin long service pat hiding chih thu kiza hi.

NXT Digital Cable News | September 26, 2016

Southern Division Forest, Churachandpur saina in zingchiang September 27,2016 in Ccpur govt. College ah painting leh article gelh kidemna om ding hi. Sunnung dak 12:30 in Class V - VIII ten spot Painting competition nei ding ua huai ah a thupi ding in "Great Indian Hornbill in natural Habitat" chih zang ding uhi. Huai ban ah, sunnung dak 1:00 in amun mah ah Class IX - XII ten Spot Article Writing competition nei nawn ding ua, athupi ding in "Significance of Wildlife Conservation in Churachandpur District" chih zang ding uhi. 

Manipur Express | September 26, 2016

HEADLINES:

BJP Council meeting tuni'n zousiang

Vote muhna lel di’n Muslim-te zat hikei hen: Modi

Kozhikod, Sept-25: Kerala a Kozhikod munah ni 3 sung BJP Council Meeting neih a om tuni’n zousiang uh a, PM Narendra Modi in party makai leh supporter paikhawmte lakah vote muhna ding lel a Muslim minautang zat hikei hen chi a, Uri terror attack a kigolhte hawi hilou ding chih taklang kawm in, India hihbuai sawmte lawhsam ding uh chi hi. Jan Sangh hunlai a makai poimawh Deendayal Upadhyay in Muslim minautang-te dopsang ding lunggulh in, election hun vuak a phawk ding ahihlouhdan tangkoupih a, India khua-le-tui neite ahihman un gamsung mipi bang a ngaih ding hi’n Prime Minister in tuni’n gen a, tuni a Upadhyay pianchampha 100vei hunah PM telin BJP makai tuamtuam te’n zahna sangpen pia uhi. BJP govt in a paipih(motto)  "Sabka Saath, Sabka Vikas" ahihdungzui in, dawpsang a om masa dingte nam tuantual leh mi gentheite hi un Prime Minister in gen hi.

SUAHTAKNA LAMPI-II - Written by Vungzamuan Valte, IRS

SUAHTAKNA LAMPI-II

Written by Vungzamuan Valte, IRS

Suahtakna kichi chi tampi in khentheih ding hi. Britishte i gam ahong lut ma un, sa-leh-gal a kithahna, suak-leh-sal a kimatna te’n vai a hawm a, zalenna kichi a meimong leng mupha louhial uhi. I pipute’ nektak zonna ah buai chihtak in buai uh a, hunteng leh niteng in sihna limguam tawn den uhi. Khawsung vaihawmtute’ mitmei veng kawm in khawsa uh a, gal lau ngoihngoih kawm leh hin-le-sih kikar a khawsa in munmuang man louhial in hinkhua zang uhi. Britishte a hong lut uh a, kivaihawmna chikhat, minautangte adingin bitna leh khamuanna a hon tun uhi. Pupate biakna leh ngeinate taisan in Jesu nungjuihna hon sinsak uh a, khawsakdan, nektak zondante kikhek in, zu-nek a koltanna, dawi-leh-kau biaknate taisan in, laisim dante ahon puak uh a, khanlawhna leh suahtakna chikhat i tang uhi.

A SAM A HONG SAU NAWNTA | Written by Pastor Thangrawnlian

PATHIANNI SERMON:

A SAM A HONG SAU NAWNTA

Written by Pastor Thangrawnlian

Thilsui mite’n a suidan un mikhat in a sam kumkhat sung met hetlou in hawi leh, kumkhat sungin inches 16 in akhangzou chi uhi. Numeite’ a samsau ziakin a lungsim uh gum deuh ahi diam zaw theikhang, Pasalte bel sam atom leh sau in i lungsim control ban mahmah mawk hi. Sam asau chianga kigum deuh leh poisak leng neilou deuh mah kibang hi. Pasal samsau tengteng gum deuh leh hatdeuh uh chihna bel ahituan zenzen  kei. Bible a pasal samsau kigen minthang mahmah mi nihte bel Samson leh Absalom hi uhi. Samson bel a samsau leh a hatdan a kihah gen a, Absalom ahihleh a samsau leh a melhoih dan kihah gen hi. Tuni a i gennop zawk ahihleh Samson tawh kisai ahi.

Manipur Express | September 25, 2016

HEADLINES:

“India in software, Pakistan in Terrorist thonkhia” -  Modi

Armed Force Chief 3 in tuni’n PM Modi kimuhpih

http://im.rediff.com/

New Delhi, Sept-24: Chief of Army Staff , Air Force Chief leh Vice Chief of the Navy te’n tuni in Prime Minister Narendra Modi a tenna inn ah kimuhpih uh a, huai hun ah  Jammu & Kashmir dinmun banah India maban ding telin thu tuamtuam genkhawm uhi. Service’ Chief 3 te’n Uri attack tungtang amuhdan uh tawh kisai Prime Minister kiangah gen uh a, Prime Minister in leng ngaihdan khenkhat a neihte genkhia hi. Tuni a PM kimuhpihte Army Chief General Dalbir Singh Suhag, Air Chief Marshal Arup Raha leh Vice Chief of Naval Staff Vice Admiral K B Singh hi uh a, National security advisor Ajit Doval leng amaute lakah kihel a, Navy Chief Admiral Sunil Lanba gamdang ah a zinkhiak laitak ahih ziakin amah sikin Vice Chief of Naval Staff Vice Admiral K B Singh tel hi’n gen uhi. Army Chief in Uri attack a sepaih 18 a sihna tawh kisai in Prime Minister Modi leh PMO official tamtak mukhinta chihthu om a, tuni a meeting hunah India a security dinmun  banah Pakistan in a nawk gige Jammu & Kashmir dinmun leng genkhawm uh a, helpawlte tunga khauhtaka panlak dingdan tanpha gen uh chihthu leng om hi.

NXT Digital Cable News | September 24, 2016

Zan September 23, 2016 nitak in EBCC Hebron, New Lamk ah EBC Lamka South Division Kumsim Khawmpi 10veina kipan hi. Khawmpi ahihleh Upa S. Lalngailian, Chairman, DWC in hong a, Khawmpi thupi, Diktatna a Kilamthakna chih thupi a zang in Rev. V. Nenglian, DS, LSD in Pathian thutak genna nei hi. Tuni zingkal dak 6:30, Bible Study hun ah Pastor K. Pumsuanthang, Local Pastor EBCC Pethuel in Bible Study makaih in sun hun in vaihawmna nei uhi. Hiai hun ah, Rev. V. Nenglian, DS/LSD makaih in khawmpi palai, thupina gam a honna paisan, mi 12 te suunna hun zang in kumnawn khawmpi ulian ding kiteelna leh Kumnawn 2017-2018 budget genkhawmna leng nei uhi. Kumnawn khawmpi a ulian ding a teelching thak aom te, Business Chairman ding in Upa Ngul Khanjam mah teelching nawn ua, Business Vice Chairmanding in Upa Shinkhokam teelching in Recording Secretary ding in Upa V. Daikhansuan leh Asst. Recording Secretry ding in Upa K. Dongzalam te teelching uhi. Huai ban ah, kum nawn budget ding a proposal abawl uh, 8,06,54,000 (Crore 8 Lakh 6 leh Sang 54) pom kipna leng nei ngal uhi. Tunitak kikhop hun ah thugenpi mah in thugen in zingchiang nitak khop hun ah, kumnawn khawmpi ulianding a teel ching aom te nna gotna om in Pastor Dr. Hs. Chinsuanthang, Local Pastor EBCC Tangnuam in khawmpi khaak ding hi. 

Manipur Express | September 24, 2016

HEADLINES:

France leh India tuni in New Delhi ah kilemna suaikai uh

India in France akipan Rafale fighter jets 36 lei ding

http://www.livemint.com/ 

New Delhi, Sept-23: Union Defence Minister Manohar Parrikar leh India a hongzin  French Defence Minister Jean Yves Le Drian te’n tuni in New Delhi ah  kilemna suaikai uh a, India in France akipan kidouna lenna ‘Rafale fighter Jet’ 36 lei dingin thukim uhi. Huai dingin India in Euro 7.87-billion ( India sum in Rs 59,000 crore vel) seng ding hi’n kigen hi. Rafale fighter jet ahihleh latest missile leh weapon system kithuahvek hi a, zat ahih hun ah Indian Air Foce-te’ vanzat  muanhuai in khauh mahmah ding in kigen hi. Tuni a France leh India in kilemna a bawl theihna ziak  Prime Minister Narendra Modi in kha 16 paisa a France khawpi Paris a phakna  gahsuah ahi kichi hial hi. India in tulai a kidouna lenna suak nanungpen  leisawm in kum bangzahhiam paisa akipan panla hi. 

Bang Doh-ai Hiam? | Written by V L Mangzou

Singngat Special

Bang Doh-ai Hiam?

“MDC hon telching le uchin zaw Sixth Schedule inlusi a hawm di hi ing a”.

- Pa Thangta @ Kaihlam Heelaw

Mi khat in, “Bang chi e?” ahon chi a, “Ringot eive, Bang ka chi a eita?, pau leng ka pau sam a. Bang chichite khawng bilngongte eive ua, kei ka bil ngonglou. Bil 2 ka neih kha a huntawk mahmah, bil 3 ka poimawh kei” ka chihsan zungzung leh, “Hilouuu, lai na gelh ngei nawnkei a” ahon chi a, “Ka gelh utkei. Ka gelh utte ka gelh utkei a, ka gelh utlouhte lah ka gelh ut tuankei a, ka buai. Kei-le-kei leng ka kituak kei. Mahni-le-mahni nangawn kituakloupi in midang tawh kituaktak a pankhawm a khekhat a dinkhawm ka sawm sek na a ahitheikei taktak kei, khe 2 a i din a bawn ki-awn ngawkngawk a!”

NXT Digital Cable News | September 23, 2016

YPA Hall, Hiangtam Lamka ah tuni sunma dak 11 apan Two Day Awareness/Training Programme neih in om a, SSA leh RMSA nuaia District leh Block Functionary te banah Headmaster leh School magement committee member-te paikhawm uhi. Hiai hun in, Implementation of Student database Management Information System, SDMIS tawh kisai sinsakna om a, Chief Guest in Soiminlian Lengen, CEO/ADCC leh Functional President in T. Goukhomang, ZEO, DPO  Churachandpur pang uhi. Hiai training hun ahihleh sehnih in kikhen a, tuni a Session masa zatna ah Ccpur leh Henglep block apan mi 200 val paikhawm ua, zingchiang in Singngat, Tipaimukh, Thanlon leh Samulamlan Block ten nei nawn ding uhi. 

Manipur Express | September 23, 2016

Kilawmlou taka sum latute action lading in ngen

Lamka, Sept-22: Khamchinpau Zou @ K. Zou, Advocate & Social Activist in DC/CCpur kiang ah CCpur Dist. sung ah Voter identity card, Aadhar card, Meithai, Teksia, BPL, AAY card bawlna ah kilawmlou taka sum latute tung ah action lading in ngen hi. Aman ataklatna ah CCpur Dist. sung ah diklou tak in Agent leh kumpi nasem khenkhat-te’n Voter identity card leh adangdang  bawlna ding in dan (law) kalh leh kilawmlou tak a sum alakthu uh tampi za hi’n taklang hi. Aadhar card bawlna ding in Rs. 500 apan Rs. 600, Voter identity card bawlna ding in Rs. 250 apan Rs. 300, BPL, AAY, Teksia (Old Aged) leh Meithai (widow) card-te leng sum lou in mi nautang te’n kinei theilou chih leng za hi’n taklang hi. Hichibang a kumpi nasem leh Agent khenkhat te’n kilawmlou taka sum alak ziak un, mi nautang tampi neih ding a kilawm hinazenpi tamtak a  neilou om hi’n taklang hi.

NXT Digital Cable News | September 22, 2016

Tuni sunma dak 11 in Y.Ibochou singh senior manager United Bank of India(UBI) makaih in district hospital a ATM booth di abol uh etkhiak na hong nei uhi. Hiai ATM machine koih na ding ahihleh District Hospital in RKS fund tung ton a abawl hi a, tunung sawt lou in hiai ATM booth ah van zat ding chituam tuam te thuah pah hi ding a, azat theih taktak na ding in kha khat val zek lut lai ding hiin gen uhi. Hiai ATM zat theih ahong hih hun chiang in damlou ompih te ading in zang khai tuan mahmah ding a, huai ban ah, zat theih a honghih pah a deih thu uh mi tamtak in gen uhi. 

Manipur Express | September 22, 2016

HEADLINES:

Kum 92 paisa apan kizui Railway budget tuam beisak hita ding

Union leh Railway Budget gawmkhawm di’n thupuk

http://i.ndtvimg.com/

New Delhi, Sept-21:  Kum 92 paisa apan kizangtou Railway Minister adia Budget bawl a omte kumnawn in beita ding a, tuni’n central government in Union Budget lakah Railway Budget gawmkhawm(merged) di’n thupukna bawl hi. India a transporter lianpen Railway ministry kianga budget tuam piak a omte beisakna dia thusun kibawlte, Union Cabinet in apompih ziakin Finance Minister Arun Jaitley in kipahthu puang a, February 2017 nipikal masa sungin ‘common budget’ puankhiak hiding chi hi. Hunpaisa in Union Budget luikhiak madeuh in Railway Budget puan in om sek hi. 

NXT Digital Cable News | September 21, 2016

Tuni zinglam dak 9:30 apan Mini-Auditorium, Dorcas hall, New Lamka ah, Centre for Community Initiative (CCI) inntekna in Regional Action on Inclusive Education in North East India (RAISE) in 1st Project Steering Committee meeting nei uhi. Hiai meeting hun ah Northeastern state tuamtuam apan palai 17, Assam state apan 5, Megahlaya apan 4, Tripura apan 3, Manipur apan 2 leh RAISE team 3 tel in RAISE project toh kisai genkhawm na nei uhi. Meeting hun ah, RAISE North East in pan a laak dan tuamtuam te kikupna a neih ban uah, action plan aneih tuamtuam te uh, partner organisation te toh pangkhawm a hih haatsem ding dan gen khawm uhi. Huai lou in tuni a meeting hun sung mah in, report tuamtuam piak na aneih ban uah, action plan tuamtuam haatsak sem ding dan kikup khawmna hun leng nei ngal uhi.

Manipur Express | September 21, 2016

KSO, P. Kamdou Veng V/A  & ZYO te’n mawhpaih

P. Kamdou Veng hanmual kiangah sisa in kimukhia

Lamka, Sept-20: Tuzingkal dak 7:00 velin P. Kamdou Veng Hanmual lampi, curvert phakma deuh, lampi lai ah pasal 1 sisa in kimukhia a, Police te’n zing dak 8:00 velin siluang la in ahihna chet dingin Dist. Hospital a Morgue ah koih uhi. Sun dak 12:00 velin misi pen Michael Henkholen Mate (28) s/o (late) Thenlal Mate of S. Canaan Veng, Tuibuong hi’n kithei khia hi. Michael Henkholen Mate’ taksa tung ah soisakna hunkhop om a, akhut anung lam ah kihenkhawm in, a gawl (throat) kitanphial in kimukhia hi. Tunitak mahin S. Canaan Veng hanmual ah kivui hi. Hiai thiltung tawh kisai in KSO/CCpur, P. Kamdou Veng V/A, ZYO P. Kamdou Veng Unit te’n mawhpaihthu puang uhi.

Manipur Express | September 20, 2016

HEADLINES:

NIA te’n Uri a terror attack tungtang suizui ding

PM makaih in J&K dinmun genkhawm; UN in mawhpaih

New Delhi, Sept-19: Prime Minister Narendra Modi makaih in Minister poimawh(top Minister) tengin New Delhi ah high-level meeting  nei uh a, Jammu & Kashmir state a security dinmun banah terrorist te’n Uri mun a Army Brigade Hqtrs a luh hun ua Army personnel 18 si a, 19 liam tungtang leng genkhawm in, thupiak dinmun banah Uri a maingaltaka helpawlte agamtatna tungtang kikumkhawm uhi. Thudang kizadan in Uri a thiltung National Investigation Agency(NIA) pawlin suizui ding uh a, NIA team-te tuni’n J&K khawpi Srinagar tung uh a, Srinagar akipan km. 102 a gamla Uri mun pha in thil omdan suizui pah ding uhi. UN Chief Ban Ki-Moon in Uri terror attack mawhpaih thu puang a, terror attack tungtang in India lam ah International Community pang ding ahihdan gen hi. 

Manipur Express | September 19, 2016

HEADLINES:

Army kaplum-te gawtlouh in a omkei ding uh : Modi

Kashmir ah terror attack ah Army 17 leh helpawl 4 si

New Delhi, Sept-18: Tuzing dak 5:30 in Jammu & Kashmir state sung Baramulla district a Uri munah galvantawi mi 4 in AK-47 assault rifle leh grenade zang in Army brigade munpi luh uh a, dakkal 3 sung kikaptuahna ah Army jawan 17 thah a om in midang 20 liam uh a, helpawl mi 4te leng kaplup hi uhi. Prime Minister Narendra Modi in huai thiltung mawhpaihna sangpen puang a, Army thattute gawtlouh in a omkei ding uh chi in gamsung mipite kiangah thuchiam bawl hi. India nampi adia hinna piate mangngilh ni omlou ding hi’n Prime Minister in gen a, Home Minister Rajnath Singh leh Defence Minister Manohar Parrikar tawh leng huai tungtang hun sawttak houlim khawm uh ahihdan tunitakin gen hi.

Manipur Express | September 18, 2016

HEADLINES:

Nute vualzawlna leh itna tuh hinkhua damsaktu ahi : Modi

PM Modi in tuni'n Rs. 3800 crore Scheme hong

Gandhinagar, Sept-17: Prime Minister Narendra Modi in tuni a apianchampha 66veina hunah Gujarat singtangmite adi’n Rs. 3,800 crore scheme hongkhia a, kum 97 a upa apianna nu Heeraben Modi tawh leng minute 30 sung hunzang khawm in anu’n vualzawlna ngetsak hi. Prime Minister in anu mai a kun a, vualzawlna ngetsak a a omlai lemlak Twitter ah khahkhia a, Nute vualzawlna leh itna in hinkhua damsak (A mother's love and blessings are the elixir of life) chi in Twitter ah khahkhia hi.

Manipur Express | September 17, 2016

HEADLINES:

Kha 2 nung in Cong in Arunachal khahsuah nawn

Arunachal Congress MLA 44 lakah 43 in PPA zom

Itanagar, Sept-16: Arunachal Pradesh a Congress Legislature Party (CLP) member 44 omte lakah 43 te’n party nusia in BJP nuaia om North East Democratic Alliance (NEDA) kahiang Peoples’ Party of Arunachal (PPA) zom uh a, kha 2 paisa a Supreme Court in ahingsak thak Congress govt  beisiang nawn in, Chief Minister-lui Nabam Tuki vuakin Congress taisanlou hi.

SUAHTAKNA LAMPI

Written by: Vung Za Muan Valte, IRS

Tukum (2016) May kha tawplam leh June kha bullam kawmtuah in, naute suty lai suamin sungkuan in Lamka (Manipur) ah hun awl ka zang uhi. Tua hun laitak in Siamsinpawlpi General Headquarter te’n Conclave chi 2 sai uh a, Politics leh Siamsinna in khen uhi. Conclave masapen tel mankei mahleng, a nawnung zawpen ah heutute deihsakna tangin ka kihel thei tei a, kipahhuai mahmah hi. I gamsung teng nguina leh mauna in a tuam kimvel a, i maban ding lungdongtak a i omlai in, huchibang a kihoulim theihna hun remchang i neithei kipahhuai sawmsawm hi. Tampitakte ngaihtuahna ah, i nam in siamsinna leh Government lam a nasepna ah kiakniamna nasatak kinei ahi, naktak apan lak kul ahi, chihdan ngaihdan kiptak nei uhi. Manipur govt a sepna mumasate a pension zungzung uh a, tulaitak in second generationte a pension nawn zungzung uh a, nu-leh-pa ngaihtuahna nei deuh te’n giautau kisakna leh thawmhau kisakna lianpi anei uhi.

Manipur Express | September 16, 2016

HEADLINES:

Assembly Speaker in MLA 5-te kitawpna pom

Imphal, Sept-15: Manipur Assembly Speaker Th. Lokeshwor in NPF MLA 4 leh Congress MLA 1 kitawpna zan in pomsak a, huai dungzui in Assembly Secy. in-charge K. Meghajit in thupuan bawl hi. NPF MLA 4 te – L. Dikho, 48-Mao A/C; Samuel Risom, 44-Ukhrul A/C; Victor Nunghlung, 41-Chandel A/C leh Dr. V  Alexander Pao, 47-Karong A/C in Sept 4, 2015 in Assembly Speaker kiangah kitawpna a piak uh Speaker in thupukna bangmah bawl pah lou in kum 1 val pending in koih a, Congress MLA Y. Erabot, 15-Wangkhei A/C in Sept 12, 2016 a kitawpna a piak tawh kigawm in Assembly Speaker in zan in thupukna bawl pan hi’n thutut kingah hi. Manipur Assembly a seat 60 om lakah MLA 5 kitawp-te  pomsak ahih tawh kiton in  Assembly ah MLA 55 lel om hi. Tuban kha 6 ma in Manipur ah Assembly Election om ding a akilat tak ziak in MLA 5-te mun luah ding telna di’n By-Election a om gintak huai nawnlou hi’n kigen hi. Manipur Assembly term ahihleh March 18, 2017 a bei ding ahi hi.

EBCC Chennai BYF Sports 2016

BYF SPORTS MEET-2016

Theme: Lenlai ni aw aam ni.

India Simlam a om Tamilnadu Khopi CHENNAI ah EBC Church Chennai-Baptist Youth Fellowship in a 6veina ding in apaisa tarik 12Sept. in RA  Puram Play Field ah BYF Sports Meet 2016 “Leenlaini aw aam ni” chih thupi azang in salam a kithuah khawmna nuamtak mai kizang hi.Hiai Sports ah Saptuam milip 200 lak vel ah mi 150 lak tel in nuamtak in kizang a,Pastor T Paununsang

Manipur Express | September 15, 2016

HEADLINES:

DoNER Ministry in Rs. 100 crore val khahkhia

http://www.orissadiary.com/

Imphal, Sept-14: Development of North Eastern Region (DoNER) Ministry te’n New Delhi ah tuni’n Union Minister of State (Independent Charge) for DoNER & MoS PMO Dr. Jitendra Singh makaihna in meeting nei uh a, huai hun ah Dr. Jitendra in tu financial year a kha 5 masa (April - August) sung in Manipur ah development project tuamtuam adi’n DoNER Ministry in  Rs. 100 crore khahkhia hi a, Non Lapsable Central Pool of Resources (NLCPR) nuai a project tuamtuam adin Rs. 28.47 crore leh North Eastern Council (NEC) nuai a project-te adin Rs. 75 crore khahkhiak hi a, huai banah India govt. nuai a Ministry tuamtuam apan funding leh budget-te leng tel hi’n gen hi.

Manipur Express | September 14, 2016

HEADLINES:

Manipur pua a om  state tuamtuam ah leng Black Day kizang

Tuibuong a Indoor Stadium ah Black Day zat in om

Lamka, Sept-13: Kuki Inpi, CCpur leh KSO/CCpur  inntekna in tuni’n Tuibuong Peace ground a Indoor Stadium  ah Sahnit Ni (Black Day)  zatna om a, huai ah kum 1992-1997 hunlai a  NSCN(IM) te’n Kuki mi 900 val mulkimna bei a a thahte uh suunna leh zahna hun zang uh chih ahi hi. Thangkhosei Haokip, President, Kuki Inpi Manipur (KIM) telin Kuki nam sung a political, social, student leh saptuam tuamtuam a makaite’ telin mi tamtak paikhawm uhi.

Manipur Express | September 13, 2016

HEADLINES:

Bengaluru a bus 35 haltum nungin mi 1 si, 144 CrPC puan in om

Cauvery luitui kituh ziakin Tamil Nadu leh Karnataka mipi kalah buaina piang

Bengaluru, Sept-12: Karnataka in Tamil Nadu kianga Cauvery luitui, nikhat a cusec 12,000 zel Sept 20 tan khahkhe dia Supreme Court in thupuan abawl tungtang in state nih mipi kalah buaina huaisetak piang hi. Bengaluru bus station ah tuni’n Tamil Nadu registration kigelhna’ bus 35 haltum a om in Tamil mite dawr tamtak leng hihsiat hi a, mipi kiphinte leh police kinawktuahna ah tunitaklam in mi 1 kaplup in om a, Tamil Nadu ah leng Karnataka mite soisak in om uhi. Supreme Court in Sept 5  in Karnataka govt. kiangah nikhat a luitui cusec 15,000 khahkhe di’n theihsakna bawl a, himahleh state govt. in apompih louh ziakin, tuni’n huai thupukna khek lamdang hi a, nikhat 12,000 cusec khahkhe di’n theihsakna pe nawn hi. Supreme Court thupiak ziakin Karnataka state sung mun tuamtuam ah kiphinna sousangtak piang a, tuni a buaina thiltung tamtak om ziakin Section 144 CrPC puan in om hi.  Bengaluru apan km 17 vel ding bus station khat a gari halsetute lakah khenkhat in “Sisan ka hon pe thei ding uh a, Cauvery tui ka hon pe theikei ding uh’ chih kigelhna placard tawi uh hi’n thusuakin taklang hi.

Manipur Express | September 12, 2016

HEADLINES:

Kum 2015 apan Hindu pawlpi-te gamtatna ziakin sahkhaw dangte bitlou

BJP in vaihawm ahawm apan Christian-te bawlsiatna uang

New Delhi, Sept-11: Bharatiya Janata Party (BJP) makaih NDA government in May 2014 apan vaihawmna alet nung un India gamsung mun tuamtuam ah Hindu nationalist pawlte gamtatna ziakin Christian leh sahkhaw dangte bawlsiatna uang a, tukum sung vuakin Christian-te soisakna leh bawlsiatna thiltung 150 val om hi’n Global Council of Indian Christians (GCIC) pawlin taklang uhi. National Commission for Minorities taklatdan in sahkhua tawh kisai a hiamgamna thiltung om hun in, BJP vaihawmna  state-te ah thudik zonkhiak hilou in, state government in hiamgamna omsakte tawsawn hi’n taklang hi.

Delhi Police Recruitment 2016 - 4669 Vacancies

Applications are invited from the eligible and meritorious Candidates for various Posts in Delhi Police. Application from candidates will be accepted through ON-LINE MODE only.

Manipur Express | September 11, 2016

HEADLINES:

Somnath Temple ah CCTV tamsem poimawh : Modi

PM leh BJP team in Andhra Pradesh buaina genkhawm

New Delhi, Sept-10: Andhra Pradesh kianga central govt. in ‘Special Status’ apiak nuamlouh tungtang ah opposition party pangkhawm te’n Statewide Bandh bawl uh a, mipite haksatna pumpelh ahihtheihna di’n state BJP team in tuni’n New Delhi ah Prime Minister Narendra Modi kimuhpih uhi. Centre in Andhra Pradesh kianga ‘Special Package’ apuan ziakin BJP delegation team te’n kipahthu gen uh a, Special Category Status tungtang ah zanhal apan State Assembly Monsoon Session buai hi’n leng Prime Minister theisak uhi. Andhra adia financial package piak a om te’n Pollavaram irrigation project bawlna ding  banah tax concession leh special assistance telin thil tuamtuam huamkha hi. Prime Minister in huai huna agenna ah state sung masawnna di’n political party tuamtuam te’n lungsim khat neikawm a kalsuan di’n chial a, opposition party tuamtuam - YSR Congress, Congress, CPI leh CPM  te’n mipite hihbuailou di’n chial hi.

Fifteen Oh-gust! (15th August)

Written by: K. Lianthansang

“A nu-le-pa’ theih a zu himhim dawnloupa in zu kichi himhim dawnlou a va om mawk ding hi a sathei kei a; ngawl leng a sawm ngei kei himhim” 

– James Guite

`Kum 21 ka hih akipan gamdang ah nasem in ka va kilawh hi. Lawmte ana omsa khat zui ka hihman in ama’ sepna mun ah hon khum ngal a; ka sem pah mai hi. Kha 5 khawng lawmpa tawh ka sepkhawm nung un mun dang ah hon kisuankhiak san a, ama’ paikhiat nungin eimite mi 9  velin ka semkhawm lai uhi. Kei sepma a ana sem kum 5 khawng a senior khat in hon enkol hi. Amah bel kou na-gum semteng’ adia ‘Leader’ dan khat ahi.  Ama’ etkolna nuai ah eimite mi 9 leh Assamese-te mi 23 kigawm khawm  mi 32 khawng ka hi uhi. Thubuai-labuai a om hun hiam, thuhoih-lahoih om hun chiangin ka leader-pa un hon enkai zel a, haksatna ka tuah nikhua un leng ka ‘boss’ uh(ka sepna Company uh neitu) kiang ah hon gensak zel hi. Phat leh salhna aw teng ka leader-pa uh tan vek ahi. Lawh hong piakdek chiang un leng, ka leader-pa uh tungtawn in hon pekhe zel uhi.

Nidanglai hun sutkik zek zual ni. Kum 10 paisa in eimite khat in huai company ah va semkha a, a nasep hoih a sakluat ziak un, “ Na mi-le-sate 10 khawng hon tonpih inla, hiai ah semsak ni” chi’n ana genpih  uhi.

Manipur Express | September 10, 2016

HEADLINES:

India, US, Russia, China telin gam tuamtuam in mawhpaih

North Korea in leikawm ah Nuclear Test thupipen nei

New Delhi, Sept-9: North Korea piankhiak nung kum 63 chin lopna in Pynggye-ri underground nuclear site ah tuzing in Nuclear Test neih in om a, India, US, Russia, China, Japan leh South Korea telin gam tuamtuam in patauh huaisa in mawhpaih uhi. North Korea in nuclear test aneih 5veina hita a, tukum adia 2veina hi’n gen uhi. Tuzing a nuclear test kibawlin United States kapban ding hi’n gen uhi. North Korea news agency gendan in, leikawm a nuclear bomb hattak apuahzak nung sawtlou in, zinling tawh kibang, 5.3 magnitude in North Korea gamsung sawiling hi’n gen hi. South Korea military thusuak dungzui in, nuclear test kibawl pen kiloton 20 val a gik hi a, North Korea in nuclear test aneih teng laka hatpen hi’n taklang hi. US lenna in Hiroshima ah 1945 a atom bomb a khiak pen kiloton 15 a gik hi’n kigen hi.

Pu M Gouzamang MDC EM ADCC CCP.& Ex-President apan a SSPP JHQ. SHILLONG in deihsakna thilpiak kipah huaitak angah, PA System latna

Shillong, 9 September: Tuni nitak lam in Pa L.B Muanthang Secy Advisory Board tenna inn Lapalang ah latna programme sawt lou kinei zual hi.

Hiai hun ah President SSPP in sound hong piang khiak dan leh aleikhiakna zah khong genna nei a, MDC pu om kei mah leh apaikhawm te mai ah mdc pu tung a sspp kipak lua ahih dan gen hi. Mdc pu in nikum a, sspp in tornament akisai lai a leng Rs. 5000 a hong panpih ahih dan gen a, Mdc pu'n SSPP shillong te hong awlmoh dan manghilh vual ahih louh dan apaikhawm te mai ah gen hi.

Press Release | OMTF & JAC AATB

Office OF The

Outer Manipur Tribal's Forum ( OMTF )

( A Conglomerate of Hmar Inpui, Mizo People Convetion, Thadou Inpi, United Naga Council and Zomi Council )

Head Office: Lamka, Churachandpur, Manipur

Secretary : 9862066338

Convener: 8119044237

Press Release

Imphal, September 9, 2016

Delegates from the Outer Manipur Tribal's Forum ( OMTF ) and the Joint Action Committee Against Anti-Tribal ( JAC ) met with the Hon'ble Governor of Manipur, Smt. Najma Heptulla at Raj Bhavan, Imphal today, The team apprised the Lady Governor of the plight of the tribal in Manipur that have been magnified with the passing of the three infamous anti-tribal bills by the Manipur Legislative Assembly last year. In the meeting that went on for more than an hour, the team detailed the political marginalization and development exclusion faced by the indigenous tribals in Manipur, and the need for a solution that is sustainable and acceptable to the tribals. The delegates also explained how, with neither the Union Government nor the state Government showing any genuine interest to address the issue, the mortal remains of the nine Tribal Martyrs are still awaiting an honorable burial.

Manipur Express | September 9, 2016

HEADLINES:

April 1, 2017 apan gamsung pumpi ah GST Act zat hiding

State/UT 20 in GST a passed nung un President in tuni’n pom

http://www.thehindu.com/

New Delhi, Sept-8: President Pranab Mukherjee in Goods and Services Tax (GST) Constitution Amendment Bill tuni’n pomna bawl a, Bill pen Act a suahtheih ding ziakin Modi makaih central government in April 1, 2017 apan State 29 leh Union territory 7 ah zat di’n panla uhi. Tunitan in state/UT kigawm 20 in GST pom khinta uhi. President in gamsunga zat dia phalna (approval) abawl dungzui in GST Council dinkhiak hiding a, amaute’n Tax Rate, Cess leh Surcharge tuamtuamte bikhiah ding uhi.

Indian Air Force: Airmen Recruitment 2016

Indian Air Force invites Online application from Unmarried male Indian Citizens (citizens of Nepal are also eligible) for selection test in January February  2017 to join as Airmen in Group ‘X’ (Technical) Trades or Group ‘Y’ (Non-Technical) {Except Automobile Technician, Ground Training Instructor, IAF (Police), IAF (Security) and Musician} Trades or for both Groups ‘X&Y’ for intakes 01/2018 and 02/2018 :

Manipur Express | September 7, 2016

HEADLINES:

ASEAN tungtawn in Act East Policy gahsuah ding: Kumar Reddy

PM Narendra Modi in ASEAN-India summit uap ding

New Delhi, Sept-6: Association of Southeast Asian Nations (ASEAN)-India Summit 14veina uap di’n Prime Minister Narendra Modi in zingchiang in Laos capital Vientiane zuan ding a, Nilaini inleng East Asia Summit 11veina uap ding hi. Tuni’n Vientiane khawpi ah ni 3 sung omding 28th ASEAN Summit kipan a, khawvel makaite’n ASEAN Community Blueprints 2025 tungtang genkhawm uhi. ASEAN a kikhai khawm Brunei, Myanmar, Cambodia, Indonesia, Laos, Malaysia, Philippines, Singapore, Thailand leh Vietnam makaite’n ASEAN dialogue partner - China, India, Japan, Korea, Australia  leh United States makaite tawh leng issue tuamtuam genkhawm ding uhi. 

Manipur Express | September 6, 2016

HEADLINES:

Tuni’n Assembly Session ah Govt.’ Bill 3 pass uh

Manipur Assembly Session tunitaklam in khawl 

Imphal, Sept-5: Manipur Assembly term 10na a session 14 veina Sept 2, 2016 (Friday) ni a om, tuni’n sunzom nawn uh a, Education Minister Dr. Kh. Ratankumar in Sept 2, 2016 in house a puak lut Govt.’ bill 3  tuni’n genkhawm ahih banah pass uhi. Huai-te (i) The Manipur Technical University Bill 2016 (Bill No. 5 of 2016), (ii) The Dhanamanjuri University Bill 2015 (Bill No. 6 of 2016) leh (iii) The Manipur State Higher Education Council Bill 2016 (Bill No. 7 of 2016) hi uhi.  Huailou in Assembly session ah Rajya Sabha leh Lok Sabha in Goods and Service Tax (GST) zat ahihna ding a, Constitution 122 Amendment Bill 2014 a pass leng Manipur Assembly in lemsakpih uhi. 

Lamka Nungak: Vaigam Nupi!

(Manglam Bek Ana Hileh Zaw)

Written by: K. Lianthansang

Lamka a class X ka zawh phet in Aizawl ah maban sunzom dingin ka kuan hi. Ka nu leh pa’ adia  tanu neihsun ka hihman in ka nu-le-pa’n hon duat mahmah ua; sum-le-pai ka ‘demand’ zahzah piak in ka om zel hi. A nasepna uh, a sum muhdan uh, a khalawh uh chihte ka theihoih mahmah. Achang in hon sum khakdan ua kipan in ka nu-le-pa’n ‘saving bawlsiam’ uh kasa mahmah nawn hi. Car mantamtak nuamtak ah kikhawh zou ua, kei a tanu uh lah sum kitasam a hon koih tuanlou uh, a lawhkhiat ulah tamlaw hetlou(sawm-a-khat ‘receipt’ a kipan ka theihdan in). Ke’n nuamtaka sum zat ding ka neih nakleh chi’n  a summuhna uh ka ngaituah sau sese tuankei  a,lamdangsakna khat chu ka nei veve hi.

Tangval chihdan khat ana kineisam ahihman in ama’n leng “Khualgam vangngaih zaw nalua” chi ahi ngei ding a,

Aizawl lam mah ah admission hong zong a, ka innluahna kiang lak ua inn khat hongluah tei hi. Ka College kaina uh lah kibang, ka veng(omna) uh lah kibang ahihman in ka kimukha mun mahmah uhi. Achang in lai ka simkhawm ua, achang in an ka nekhawm uhi.
Kipanpihtheihna chiteng phiala kipanpih ka himai uh. Khat in laigelh ding ahauh luatleh gelhpih chih bang, an  huan manlou a omleh khat in ana huankep chih bang in ka kihuhtuah zelzel uhi.

Manipur Express | September 5, 2016

HEADLINES:

Vatican City ah mi 1,20,000 val paikhawm

Pope in ‘Catholic Misiangthou’ in Mother Teresa puang

http://www.trbimg.com

New Delhi, Sept-4: Catholic makai lianpen Pope Francis in Vatican City ah ‘Misiangthou (Saint)’ hidi’n Mother Teresa puang a, huai dungzui in ‘Saint Teresa of Calcutta’ minvuah hita ding hi. Mother Teresa sihnung kum 19 chin hun tawh kituak a tuni sunnung dak 2:00 a Canonization piak hunah mipi 1,20,000 val paikhawm uh a, India akipan External Affairs Minister Sushma Swaraj, Delhi Chief Minister Arvind Kejriwal leh West Bengal Chief Minister Mamata Banerjee telin palai 12 inleng uap uhi. Pope Francis in huai huna athugenna ah saptuam-te’ kingai niam a, mizawng leh gentheite adia pang ding in chial hi. Mother Teresa nungzui Sister 250 banah mizawng leh gentheite tawh Pope Francis in huai hun zawh in annkuang umkhawm uhi.

NA THU IN SIAM HONTAN DING A, NA THU IN SIAMLOUH HONTAN DING

 (Matthai 10:34,12:37; Luke 12:51-53; Deut. 30:15,19)

Written by: Pastor Dr. Hs. Chinsuanthang

THUMASA: Toupa Jesu’n “Leitunga lemna leng sak dinga hongpai ka hikei a, kidouna leh namsau lengsak dinga hongpai ka hizaw” a chi hi (Matthai 10:34-39). Mial leh vak kituaktakin a omkhawm theikei ua, vak omna peuh ah mial a taimang zel a, huchimah bangin, vak omlouhna mun peuhmah mial in a luah zel hi. Tuabang dan in, Christ nungzuite leh a zuiloute kalah kituahna a omthei ngeikei ding chih thu Jesu’n a nungzuite a sinsak hi. Tui leh kha a piangthak a, Christ nungzui hi taktakte mah Christian diktakte ahi ua, himahleh huchibanga piangthakloute’n Christ nung azui theikei ua, amau leh amau Christian ka hi kichi mahle uleng, Christian diktak ahihlouh ziak un van-gam  a lutkei ding uhi. Huaibanah, mi kuapeuh tui leh kha a a pianthak keileh Juda Iscariot bangin Jesu Christ nung azui theikei uhi. Mi piangthakte  peuhmah Christ kha in a sungten khum a, huai mite kia ahi uh Christian diktakte (Romete 8:9 cf. Nasepte 9:5) chih thu leh, mahni deihtelna leh mahni thu a ataktak gam tung Christian hinkhua leh a taktak gam tunglou Christian minpu ahih dan uh houlimkhawm lehang i chi hi.

Manipur Express | September 4, 2016

HEADLINES:

China’ Hangzhou city ah G20 Summit kipan ding

Vietnam kiangah India in $500 million Credit peding

New Delhi, Sept-3: India Prime Minister Narendra Modi  leh Vietnamese PM Nguyen Xuan Phuc tuni’n Hanoi khawpi ah kimu in houlimna nei uh a, gamnihte’ kizoptuahna sutzopna dia point 12 a kilemna abawltheih ziakun, Defence Cooperation adi’n Modi in Vietnam kiangah credit in 500 million piak di’n chiam hi. Kilemna omte lakah exploration, outer space, double taxation avoidance, health, cyber security, advanced IT training banah UN peacekeeping operation  a pankhawm ding, Navy lam a kithuah khawm ding chihte leng telkha a, gamnihte kizahtak tuah a kalsuan khawm ding inleng kilemna bawlthei uhi. Vietnam President in “India’ Act East Policy” gupthu puang a, gamnihte kizopna tungtawn in lemna leh masawnna om ding a, galvilna lam ah leng thuksem a panlak khawm hiding chi hi.

Vietnam masawnna di’n Peace, Development leh Security lam ah India’ panpihna poimawh ahihdan leng Nguyen Xuan Phuc in Modi theisak a, investment, education, training, Science & technology  ah leng India in taisanlou a kithuahpih di’n chial hi. Prime Minister Modi  in Vietnam National Assembly Chairperson Nguyen Thi Kim Ngam leng kimuhpih a, gamnihte kala vaihawmna (parliamentary) tawh kisaia panlak khawm ding in kithukim uhi. South China Sea thubuai tungtang a, India in guptuam aneihlouh ziakin leng Vietnam makaite’n kipahthu gen uhi.

Manipur Express | September 3, 2016

HEADLINES:

Assembly Session om sung in ni 2 kia sitting om ding

Manipur Assembly Monsoon session kipan

Imphal, Sept-2: Manipur Assembly term 10na a session 14 veina tuni’n zinglam dak 11:00 in Chingmeirong a Assembly Secretariat ah kipan a, tuni a sitting om sung in obituary reference, table ah paper tuamtuam luikhiakna, committee report luikhiakna leh financial committee 3 telna ding tawh kisai banah govt. bill 3 puaklut in om hi. Tuni akipan Sept 5, 2016 tan Monsoon Assembly omsung in tuni leh Sept 5, 2016 kia sitting 2 vei lel om ding hi. 

Tuni a Assembly Session ah obituary reference hun masa a, huai ah MLA-lui Kishore Thapa suunna om hi. Chief Minister O. Ibobi in Kishore Thapa mi piching tak leh pawlh nuamtak ahih banah a bial mite nuih mel paw kawm a kithuahpih mi hi a gen in suunthu puang hi. Assembly Speaker Th. Lokeshwar in Thapa tungtang agenna 1974 mid term election ah Kangpokpi A/C akipan telching hi a, kum 1980 leh 1984 a Assembly election telching hi nawn a, mipi adi’n na tamtak semkhia hi’n gen hi. Huai hun ah IFCD Minister Ngamthang Haokip, Dr. I. Ibohanbi, MLA leh Kh. Joykishan, MLA in leng Kishore Thapa suunna thu gen hi. 

The 1st (L) BIAK-SIAM-LIAN Memorial Open Football Tournament , 2016 pat in om

Lamka – Sept. 3 (Phualvatimes.com) : Tuni Tarik 3 September ni’n Federation Club of Zion te’n asai uh “The 1st (L) BIAK-SIAM-LIAN Memorial Open Football Tournament , 2016 pat in om”. Opening Ceremony hun ah Pastor E. Chinzamang in patna thumna nei in, Chairman Tournamnet Organising Board K. Paubiaklal in Vaidawn thugenna nei hi.

Hiai hun in Pu M. Gouzamang, MDC Lamka West leh Pu Thiankhanmuan, Founding President te’n Chief Guest leh Chief Host hihna toh uap uhi. Chief Guest in agenna ah tulai Tuailai te’n kimawlna kihah bawl mahmah in ahoihlam I nawt ahi chi hi. Aman a gen zom nawnna ah, lai va sim gige theihlouh ahihna ah kimawl hun bang leng a om poimoh petmah ahi chi hi. Football kichi team work petmah ahih ziak in pankhawm siam poimoh a, pankhawmnna neu chikchik in vualzohna hon tun thei ahi chi hi. Kimawl mi’n Game Spirit neitak a kimawl a, vualzohna dik leh siangthou tak a I vualzoh pen athupi pen ahi chi hi.

SSPP JHQ Imphal in B.Golianmang IPS Kaisanna Kipahpih

Imphal, Sept-3 (PhualvaTimes.com): Ministry of Home Affairs, Govt. of India, a under Secy. in apaita 31st August, 2016 a thupuan abawl dungzui in Manipur Police Service (MPS) Officer B.Golianmang Indian Police Service (IPS) Officer in kaisang hi. Hiai kaisan na toh kisai in SiamSinPawlPi JHQ Imphal in President Pu Khamthianlal heu in pawlpi a heutute'n zannitak Sept-2, 2016 in Imphal a atenna inn uh Tribal Colony ah kaisan na kipahpih na in Puandum va silh sak uhi. Pu B.Goulianmang in tua kipahpih hunzat na a agenna ah, nidang in Bank ah ana sem a, tua Bank a asep komkom a MPS gelh ching ahihdan gen a, ban-ah aman agenzel na ah eimi te I biak Pa Pathin in hon vualzawl mahmah ahi ci a, eimite India gam mun tuamtuam a saptuam leh biakinn i neih dan te uh etmai in leng Pathian in ahon vualzawl dan gentheih ahi ci hi.

Manipur Express | September 2, 2016

HEADLINES:
‘Lenna kia a Netaji si mah ahi’- Japanese Govt

http://s3.india.com/wp-content/uploads/2016/07/netaji3.jpg

New Delhi, Sept-1: India government banah Japanese government thusuakin  a gendan in, Indian National Army(INA) leader Netaji Subhash Chandra Bose sihna  tawh kisai in ‘Lenna kia ah Netaji si mah hi’ chi’n chiamteh(record bawl)  uh chihthu om hi. Kum 60 paisa akipan Japanese government khut a document omsate et detdet ahihnungin Netaji Subhas Chandra Bose sihna pen lenna kia  ziaka si mah ahihdan chetin om chi’n kitaklang  chih ahi hi. Japanese official document dungzui in Taiwan ah August 18, 1945 in lenna kia om a, tualak ah Bose leng tel ahi chihthu om hi. Japanese authorities in official taka hibang thusuah abawl uh khatveina hipan chih hi a, India government in leng official document hunkhop nei a, huaite thuguk (secret) banga akoih uh  himahleh kumlui akipan thil a muhdan uh suahkhia chih ahi hi.