Zingsol Album Honkhiak hiding: Trailer Khahkhia

Lamka, Nov-29 (PhualvaTimes): A hong tung ding December 15, 2016 chiang in S.Vanlalmuan Ngaihte a.k.a McMuan Ngaihte in music video album abawl release hiding. Hiai toh kisai in official trailer khahkhiak in om a, anuai a Youtube link ah ettheih ding.

Manipur Express | November 29, 2016

Suangdoh Sub-Divn enthak di’n ngen

Lamka, Nov-28: Singngat Assembly Constituency huapsung a Suangdoh Sub-Divn thak bawlkhiak tawh kisai in a huapkhak khua hausa bangzahhiamte’n govt. kianga enthak dia phutna in tuni’n rally pai uh a, DC/CCpur Lunminthang Haokip, IAS kiang ah memorandum pia ua, DC in tuni mah in revenue detptt., kiang ah thon ding ahihdan gen hi.

Suangdoh Sub-Divn bawlkhiakna din govt. in Nov. 23, 2016 in Gazette order  suahkhia in,  khua 27 leh machete (hamlet) 10 huamsak hi a, khua khenkhat geographical area etin mipi’ adin haksatna tunzaw ding dinmun a om ziakin enthak dia ngen uh hi’n khua hausate’n gen uhi. 

NXT Digital Cable News | November 28, 2016

United Naga Council UNC in tukha bul November 1, 2016 apan Manipur a hihna lampi nih national highway te hunchiam omlou a economic blockage abawl uh paitou zel in Manipur state sung ah Imphal tel a district tuamtuam ah nek leh tak ah mipi in haksatna tuak touzel in nek leh tak man hundang sang in napi tak in khang hi.  Nek leh tak khang ziak in district mipi in haksatna a tuah uh toh kisai bang ah vanman khangthu toh kisai in tuni sunnung dak 3 vel in Lamka Traders and Self Employed Association (LATSEA)  in lamka khopi sung a nek leh tak supply tu lian pen te toh Saulim Restaurant Tedim Road ah houlim khawmna nei uhi.  Hiai hun ah  nek leh tak supply tu lian pen te apan mahajon te tel ua, UNC in blockage abawl ziak a supply tute’n haksatna atuah te uh ban ah vanman khan dan toh kisai genkhawmna nei uhi.

Manipur Express | November 28, 2016

ZSF in mohpaihthu puang

Dec 1 tan Police custody ah omding

Lamka, Oct-27: Diesel Auto (No. MN 02A-3498) driver Jeptha Famhoihte (22) s/o Lalremruot of Saikot, Kanan Veng in zan nitaklam dak 4:45 velin HQ Belam Veng a paiding student 2 pua in New Lamka lam ah taisuakpih a, student 2 te auto apan tawmkhia uhi. Police te’n tuni’n CJM court ah Jeptha Famhoihte’ pawkhia uh a, court in Dec. 1, 2016 tan Police custody ah omding in phalsak a, Police te’n FIR No. 57 (11) 2016 CCP-PS U/S 365/511 IPC registered uhi.

Zomi Student Federation (ZSF) GHQ in auto driver Jeptha Famhoite in Young Pillar College leh Vimala Raina H/S a kai student 2  kidnap sawm ziak in mohpaihthu puang uhi. ZSF in hiaibang a 1 veina ahihlouh ziakin lungphonhuai sakthu puang uh a, mipi deihna bang a maban ah law enforcing agency te’n student-te’ bitna ding a panla thak ding in ngen uhi.

Police lam apan kizadan in Oct 13, 2016 nitaklam dak 4:20 vel a Red Cross road apan kumchinglou student 3 Auto atuang driver in kidnap sawm in Tuibuong lam ah taipih a, student te’ auto apan tawmkhia uhi. Police te’n naupangte’ Jeptha Famhoihte photo ensak uh a, student te’n ami kibang mah hi’n Police-te theisak uhi. Huai thu ah Police te’n FIR No. 50 (10) 2016 CCP-PS U/S 365 IPC registered uhi.

Muslim – Christian Hong Suak Nungak Fatima Thugen Laktom

Letkhiatu:  Pastor Rawna Kopsiam

Bible 50vei ka sim suakta hi. Genesis apan in ka ban sima, Huchi in Song of Solomon ka sim a, Awi Song of Solomon hichu Love story ahi mai. India mi leh sa ka hi na a Hindi in ka pau thei kei hi. Bible ka sim tou zela, New Testament ka hong tung tou a, Jesu kua hi hiam chih theih ka ut mahmah hi. Hiaiziakin ka sim thak zihzeh hi. Tanchin Hoih bu lite ka sim zawh in ka bedroom lam uah ka luta Jesu na nak thupi e khai. Kou mihingte kiang ah na hong pai a, na hong kithei chian sak a ka chi hi. Hun hong pai zela, Muslim a om ka ut nawnta kei hi. Hiai Pathian hi ka Pathian ding in ka pomta ding.

Manipur Express | November 27, 2016

Numei 2 auto apan tawmkhia

http://static.dnaindia.com/

Lamka, Nov-26: Tunitaklam dak 4:45 velin numei naupang 2 Headquater Veng a paisawm te’n Police Station khang Tedim Road ah Diesel Auto (No. MN02A-3498) kham in tuang uhi. Amau Red Cross Road junction, New Bazar ah auto kham uh a, himahleh auto khawllou in speed in New Lamka lam manawh in taipih a, numei naupang 2-te’ lauthawng in Grace Photo Studio gei, New Lamka (G) ah auto sung apan tawmkhia uhi. Amau bel liam uh a, phatuam ngaite’n Hospital ah pawlut uhi. Auto taisuak mahleh phatuamngaite’n delhzui in auto leh driver mankhia uh a, ZRA te’n Auto driver Jeptha Famhoite (22) s/o Lalremruot Famhoite of Saikot, Kanan Veng pawkhia in Police-te’ khut ah auto leh driver pekhia uh a, Police te’n kem uhi. 

HQ Belam Veng a om leh Young Pillar College a class XI simlel numei naupang kum 17 leh HQ Belam Veng mah a om Vimala Raina H/S ah class IX simlel kum 16-te gendan in Tuitengjang (Sangaikot area) a om apaneu uh buh khen a kuan hi uh a, Lamka tan DI gari a hong tuang in, Police station gei a auto man uh hi’n gen uhi.

Manipur Express | November 26, 2016

HEADLINES:

UNC in Naga mite tenna bial teng ah Total Shutdown puang

Police Commando-te’n UNC President leh Info. Secy. man

Imphal, Nov-25: Imphal West Police Commando te’n Pheidinga khua ah tuni sunma dak 11:15 velin United National Council (UNC) President Gaidon Kamei leh Info & Publicity Secretary Sankhui Stephen man uh a, amaute kintaka khahkhiak ding phutna in Senapati, Tamenglong, Chandel leh Ukhrul district ah tunitaklam dak 4:00 apan dakkal 24 sung UNC in Total Shutdown puang hi. Manipur Govt. in district piching hidia Sadar Hills leh Jiribam apuansawm tungtang ah Naga mite thudot a omlou chih ziakin, UNC in October 31, 2016 apan hunchiam omlou ding Economic Blockade puang uh a, blockade khauhtak omlai in Police venbitna tawh gari tamkhop Imphal tunpih himahleh UNC volunteer te’n Nov 21 in NH-2 huamsung Tadubi area ah truck haltum uhi. Truck haltumna tawh kisai in Senapati PS ah UNC makaite tunga case bulhkhum hi a, tuni a makai nih matna leng huai case tawh kizom dingin gingta uhi.

NXT Digital Cable News | November 25, 2016

Imphal police commando hidia gintak te’n UNC makai lianpen Gaidon Kamei leh makai dang khenkhat amatkhiak ziakun tuni apan Manipur a Naga mite tenna bial teng ah Total Shutdown puan in om hi. Thusuak kizadan in, Pheidinga khua ah Bolero ngou, nagaland registration kithuah, NL 07C-1642 tuni in Imphal Police commando ten khamkhawl ua, asunga tuang UNC President Gaidon Kamei, kum 52, s/o (late) Landou Kamei of Noney Part 1, tulela Namdulong a omlel banah  gari hektu, Sankhui Stephen, kum 36, S/o (late) Sankhui Thamnok of Komsen Village , Chandel mankhia ua, UNC ten hun sawttak Manipur a hihbuai ziak ua mat a om uh hin kigen hi.

Manipur Express | November 25, 2016

HEADLINES:

Rajya Sabha a PM kiheldan Oppn pawlte lungtunglou

Bank counter ah Rs.500 leh Rs.1000 note khektheih nawnlouh

New Delhi, Nov-24: Central govt. in zingchiang (Nov 25) apan bank counter ah Rs.500 leh Rs.1000 note khek theih nawnlouh ding in thupuan bawl a, sum lui khek nuamte laka bank account nei nailou-te’n akintheilam a hong thak ding in theihsakna bawl hi. Tuni a Rajya Sabha session ah opposition pawlte ngetna bang in Prime Minister kihel a, Demonetisation tungtang houlimna saulou a uap banah, sunnung a sutzop ding chih himahleh PM akihel nawnlouh ziakin United Opposition pawlte lungtunglou uhi.

Yangon ah Global Zomi Alliance Khawmpi pailel - News in Pictures

Global Zomi Alliance Khawmpi a 3 veina 24 apan 27 November tan daihdiing , Tedim Baptist Church - Yangon Biak inn ah kipanta a, Nitak mas zawh hita hi.

Akhatveina 2012 Kum in Kalaymyo ah zat in om a, A nihveina 2014 kum in Tesim ah zat hinawn hi. Tukum aa pen Lamka diing cih himahleh I TRIBAL MOVEMENT leh Igam buaina ziak in hitheilo phot a, Mailam ah ettouh hidiing hi.

NXT Digital Cable News | November 24, 2016

Lunminthang haokip DC cchurachandpur in tuni in district sung a Oil pump omte’ theih ding in thusuah bawl hi.  Thusuak in ataklatna ah apaisa November 5, 2016 a petrol leh diesel hawm dia bikhiak kibawl oil pump ten zui chiat ding in theisak a, pertrol leh diesel tung zah leh stock omdan DC office ah report pe zel ding leh election toh kisai a official te ngai poimoh diak ding in theihsakna bawl hi.  DC CCpur in apaisa novemer 5, 2016 ni a thusuah abawl dan in heavy vehical truck leh bus ten diesel liter 40, light vehical tractor leh four wheeler ten diesel 20, three wheeler, petrol zang ten liter 10 leh diesel zang ten liter 10 , four wheeler petrol zang ten liter 20 leh two wheeler ten liter 10 la thei ding in thusuah bawl a, hiai thusuah pen thuthak omma oil pump ten zui chiat ding in theihsakna bawl hi.

Manipur Express | November 24, 2016

HEADLINES:

Manipur a Tribal Movement ni 450 chinna zat in om

Lamka, Nov-23: Hiangtam Lamka a Salpha Pumbuuk ah tunitakin Tribal Movement ni 450 chinna zat in om a, ‘The Singtangmite’ makaih a huai hunzatna ah Martyr-te zahna in candle lighting om in mipi tamkhop paikhawm uhi. H. Mangchinkhup, Chief Convenor, JAC-AATB in Salphate vui ahihlouh ziakun nungkik theih hinailou chi a, maban suan a paitou ding in mipite chial a, August 31, 2015 leh tuni ni 450 in kilamdanna neilou in, govt. tawh kilemna omlouh banah salphate luang vui hilou chi hi. Tulai khotang paidan awlmawh huai asakdan leng gen a, Tribal movement spirit leh lungput pialsanlou a, a thiltup theihkawm a kalsuan ding in mipite chial hi. Aman agenzelna ah maban a election huna mipi pilvang ding in ngen a, makai telkhelh ziaka vangsiatna om ahihman in thupukna hoih leh kichian bawl ding in ngen hi. Tuni a hunzatna ah Thangzamuan Tombing in ‘Our land’ pansan in thugenna nei a, Thangbiaklian Hangzo in ‘Our Right’ chih leh Dr. Tualchin Neihsial in ‘Our Identity’ chih zang in thugen hi. 

NXT Digital Cable News | November 23, 2016

India Prime Minister makaih BJP solkar in india gamsung a diklou tak a summuhna Black Money beisak sawm in November 8 zankim apan india sum note 500 leh 1000 akhawlsak toh kiton in india gamsung pumpi in buaina nasa tak tuak ua, niteng in gamsung a bank chih ah sum khek ding, Withdrawal leh deposit nuam in mipi pung hulhul mai hi.  Churachandpur District mipi in leng sum 500 leh 1000 khawlsak ziak in buaina namai lou tuak in, niteng in zingkhang apan in bank leh ATM booth ah kivual dim gige uhi.  November 10 apan in bank ah sum khek, la leh koih ding tatsat lou in om a, bank ten leng hihtheih tawp suah in nnasep hun dia kipia sang a  tamzaw sem uhi.  District sung ah ahihleh customer haupe’n leh chest bank nih om sun, United bank of india UBI leh State bank of india churachandpur branch te ah bank dang sang in mitam zaw gige ua, tuni in leng mi hunkhop in sum la, koih leh kheng ding in bank ah adim in om uhi.  Chest bank nih te lak ah khat State of India SBI churachandpur branch in November 10, 2016 apan customer te’n bank ah sum note lui 500 leh 1000 note kheng leh akoih te uh Reserve bank of India ah thot leh kheng ding in sum note lui te sim in, 500 leh 1000 te a bundle a koih in buaipih san lel uhi.

Legal Awareness leh Presidential Election sai ding

SSPP Gen Hqtrs te'n Cikha a vehlai uh (file photo)

Lamka, Nov-23: (phualvatimes.com): Siamsinpawlpi in Zodawn leh phaijang ah siamsinna puahphat thakna ding leh tunding thakna ding a ana patkhiak “Siamsin Education Initiative- an initiative of Siamsinpawlpi” nuai a Singngat leh Suangdoh Sub-division huamsung ah Lungthul (D), Suangdai, Lungchin leh Suangdoh khuate ah Nov 28, 2016 to Dec 3, 2016 sungin School Farewell/Annual Day leh Prize hawmkhiakna prog uap ding leh kumnawn 13^th January, 2017 a SSPP Platinum Jubilee zatna ding tawh kisai in Chialpi bawl dingin SSPP GHQ President Lianzapau Samte makaih in team khat zin ding uh hi’n thutut kingah hi.

Manipur Express | November 23, 2016

HEADLINES:

Lok Sabha leh Assembly by-election ah ruling pawlte hat

Black Money a kigolhte tawh kilemna bawl hilou ding:PM

New Delhi, Nov-22: Prime Minister Narendra Modi in Black Money leh Nekgukna doudal sawm a Demonetisation apuansa nungtolh lou a paipih hiding chi a, gamsung mipi’n huai system dikloute pomlou dinga ngen kawm in, nekgukna leh black money a kigolhte’n thupha tawi in ngaihdam ngen mahle uh ngaihsak hilou ding chi hi. Sum tungtang a thubuai omlai in State 6 leh UT 1 ah Lok Sabha seat 4 leh Assembly seat 8 adi’n by-election neih in om a, tuni a result puankhiak hun in BJP in vualzawhna thupitak ngah in, gamsung mipi’n demonetisation gum uh ahihdan kilang hi.

Diktatna Tungtawn A Vuahzohna - written by Pastor H Thangbiaklal, Lungthul D

Tua bang in, Israelte khempeuh, mi khat bang a pheikhai kilualtak in Gibea sim ding in hong kuan uhi. (Vaih. 20: 11)

Text : Vaihawmmite 19, 20.

Kum bangzahhiam paita in i gam in diktatna a dangtakna thupitak in a hon zel a, a diak in khangnoute lak ah hong uang diak a bang hi. Mi gam a diktatna toh nna vasem in, mi gam khantouhna a mit mahmah a hon mu kia leng hilou in i khutsung a i tawi smartphone in khovel kilchih i hon muhzawk mah chiang in ka tenna ka gam ka it kichi a, chiltui kaizen a gam itna gen a, gam itna la sasa hang a, a teng mite Khristian kichilai hang a, hichizah dong a liangvai a omtel bang hiding hi hiam chih ngaihsutna leh i gam i nam puaknatna, veina leh awlmohna i gam ah hipi hongtung hi. I gam a diktatlouhna leh kineksiatnate’ hang in i gam hong puakzak a, ka tuailaipih salpha mi 9-te’n a hinna uh pia in, tuni tandong a luang uh vuikhiak ahinaikei hi. Saptuam inleng i buaina pen uh Bill 3 khenlam ahi chih phawk in tu kum 2016, thupi ding in “DIKTATNA A KILAMTHAKNA” chih thupi in i nei a, kilamzou nailou kisakna lianpi omlai ahingei ding a heutute’n kum nawn 2017 a tua thupi mah pansan ding a hon lemgel ziak un kipahhuai i sa hi.

NXT Digital Cable News | November 22, 2016

Young Paite Association (YPA) New Lamka Block leh Unit te’n lanva lei New lamka naihlam a welcome gate abawl uh zoh siang ahihtoh kiton in tuni zingkal in Welcome gate kigelhna plate tuahna nei uhi.  Hiai hun ah YPA New Lamka Block a makai te ban ah hiai huangsung a om YPA unit chih a member ban ah makai tamtak paikhawm in, Welcome to New Lamka chih kigelhna plate takna nei uhi.  Hiai welcome plate ah ahihleh Tingkangphai lam apan honglut te muh theih ding in welcome to New lamka chih kitak a, tingkangphai lam zuan te muhtheih ding mah in Mangpha chih kigelh hi.  Welcome gate kigelhna takkhiakna zoh ahihtoh kiton in zingchiang zingkal dak dak 7 in hiai mun ah welcome gate honna leh latna om ding a, hiai hun puamuanlal guite, assistant secretary YPA New lamka block in makaih ding hi.  Hiai hun ah S. Chinngaihpau, Chairman, CEC YPA General Headquarter in Gate hong in, Langkhanpau Guite, Adviser, YPA New Lamka Block in honkhiak aom welcome to new lamka chih kigelhna Gate pathian kiang ah lan ding hi.  S. Manlian, President, YPA New Lamka Block apan thugenna om ding a, HA Zatuan, Finance Secretary, YPA New Lamka Block apan welcome gate bawlna toh kisai Report om in,  Vice President, YPA New Lamka Block in kipahthu genna nei in huntawpna bawl ding hi.

Manipur Express | November 22, 2016

HEADLINES:

RBI in Rs.1 crore nuailam loan ditkikna di’n ni 60 sung behlap

Ni 8 sung in Bank ah Rs. 5,11,565 crore piaklut in om

New Delhi, Nov-21: Prime Minister Narendra Modi in Nov 8 nitak zankim apan ‘Demonetisation’ minvuah in bank note Rs.500 leh Rs.1000 zat theih nawnlouh ding in thupuan bawl a, huainung Nov 10-18, 2016 sung in Reserve Bank of India nuaia Bank tuamtuam kiangah Rs.5,44,571 crore koihlut in om hi. RBI apan thusuakin agendan in ni 8 sungin customer-te’n Rs.33,006 crore vel kheksak uh a, amau bank account chiat ah Rs.5,11,565 crore vel deposit uhi. RBI in tuni’n bank tuamtuamte kiangah ngetna bawl in loan  Rs.1 crore nuailam latu-te’n ni 60 sung a dinkik thei dia phalsak di’n ngen a, housing, car leh farm loan la-te’n November 1, 2016 apan December 31, 2016 kikalin dinkik thei ding uh hi’n thupuan bawl hi. 

Manipur Express | November 21, 2016

HEADLINES:

Bomb 3 vei puak; mi 1 si, security personnel 3 liam

Imphal, Nov-20: Manipur ah Nov 21, 2016 apan ni 10 sung Sangai Festival 2016 lawpna kipat ding ziakin mun tuamtuam ah security hihkhauh in om mahleh tuni zingsang apan dakkal 12 sung in bomb 3 vei puak a, huai ah mi 1 si in security personnel 3- A/R personnel 1 leh CRPF jawan 2-te liam uhi.  Akigendan in tuni zingsang dak 8:10 velin Singjamei Chingamatak a Assam Rifle Camp apan metre gamla lou ah IED bomb puak a, huai hun in Iron & Cement shop ah nasepna mun zuan a pai Binod Rai (32) s/o Ram Kishore Rai of Muzaffarpur, Bihar tulel in Chingamathak ah inn luah a om si hi’n gen uhi. 

RBI Assistant 2016: 69 Posts

The Reserve Bank of India (RBI) has invited applications for recruitment to the post of from eligible candidates for recruitment to the post of Assistant.

The 53rd Siamsin Shillong Annual Conference 2016 Report Tomkim leh Kipahthu Genna

Hun sawtpek apan a I na geel uh The 53rd Siamsin Annual Conference 2016 nisim November 19, 2016 in lohchingtak in zatzoh in omta hi.

Hiai hun ah siamtak mai in Mr.Seithianmung Hangzo leh Miss Ningmuanching in program hon makaih uhi.

Chief Guest Pu K Ginkhanchin, IP&TAFS Financial Adviser apan thu manpha tak ngaihkhiak ahi.

Manipur Express | November 20, 2016

HEADLINES:

Nov 22 in Vote simna leh result puankhiakna om ding 

Tuni’n Lok Sabha leh Assembly seat adi’n By-election om

New Delhi, Nov-19: State 7 leh UT 1 apan Assembly constituency 10 leh Lok Sabha constituency 4 ah tuni’n By-election neih in om a, buaina thupilua omlou in voter tamtak in ‘voting rights’ aneihte uh buchingsak uhi. Tuni a bypoll omna munte West Bengal, Madhya Pradesh, Assam, Arunachal Pradesh, Tamil Nadu, Tripura, Madhya Pradesh leh Puducherry (UT) hi a, zingkal dak 7:00 apan nitaklam dak 4:00 tan in mun tuamtuam ah vote khiakna om a, November 22, 2016 (Sepnawnni) in vote simna a omding banah huaini mah in result puankhiak hiding hi. Maharashtra ah leng Legislative Council (MLC) seat 6 adi’n biennial election tuni a neih in om hi. Tutung a Bypoll ahihleh, Centre a vaihawm BJP in ‘Demonetisation’ puankhiak nung a elecoral test atuah masakna uh hi a, Rs. 500 leh Rs. 1000 sihsakna ziaka mipi haksatna te’n election paidan khek lamdang thei ding hi’n gen uhi. 

NXT Digital Cable News | November 19, 2016

Churachandpur district mipi te' buaina,  taksapna leh haksatna sum note, sum nen, nek leh tak, thautui chih te ah haksatna in kiam lam manoh lou ding bang lailai hi. Bank leh ATM booth ban ah thautui la ding ani ani in mi pung hulhul a,  bank leh thautui hawm ten mipi khualna in hihthei tawp suah in nna naktak in sem uhi.

Manipur Express | November 19, 2016

HEADLINES:

Sadar Hills a MDC-te Congress akipan kitawp

Pic: http://www.thesangaiexpress.com/ (file photo)

Sadar Hills, Nov-18: Sadar Hills ADC building a members’ Lounge mun ah Nov 2, 2016 ni a Sadar Hills thubuai tawh kisai a meeting hun a thupuakna delh zuina in Sadar Hills a MDC te’n tunitaklam in Manipur Pradesh Congress Committee a President T.N. Haokip kiangah kitawpna pia uh a, huai zawh in party dang ‘Sadar Hills Democratic Party’ bawlkhia uh hi’n kigen hi. Sadar Hills MDC te’n full-fledged revenue district dia Sadar Hills puangkhiak ma zek a Govt. in a cancel tawh kisai kikhemna leh kimualphou sakna hi a, kum 40 paisa apan kikhemna leh mipi-te ngaihtuahna banah state govt. a lawhsap ziak a lou theilou a Congress party apan kitawp ding in thutanna bawl uhi. 

Demonetisation - Currency Shortage in Lamka - News in Pictures

Manipur Express | November 18, 2016

HEADLINES:

Rs. 500 leh Rs. 1000 khamna zukkik di’n ni 3 sung hunpia

‘Demonetization’ thu ah innpi 2 a tutkhawmna buai nawn

http://media2.intoday.in/

New Delhi, Nov-17: Parliament Winter Session pailel ah Demonetization ziakin Rajya Sabha leh Rajya Sabha buai nawn a, Opposition pawlin Speaker tutna kiang a kiphinna aneih ziakun houlimna omtheilou hi’n kigen hi. Lok Sabha ah tuni sunma in debate saulou omthei a, Rajya Sabha a session kipat nung sawtlou in sum tungtang thubuai omte ziakin 5vei adjourned in om hi. Tuabang kalah West Bengal Chief Minister Mamata Banerjee leh Delhi Chief Minister Arvind Kejriwal in sum note Rs. 500 leh Rs. 1000 zat theihlouh dia khamna omte, ni 3 sung a zukkik ding in govt. kiangah thutawp pia uh a, thupiak abawlte uh ngaihsak ahihkeileh kiphinna khauhsem pankhe ding hi’n taklang uh a, sum taksapna liantak om ziakin Reserve Bank of India munpi ah sum bawlna enkhia uhi.

JAC Against Anti-Tribal Bills, PR | November 18, 2016

JOIN ACTION COMMITTEE

Against Anti-Tribal Bills

 jac.tribals@gmail.com

Press Release

Lamka, November 18, 2016

The Manipur Govemment's 'assnrnnce’ to grant full-fledged district status to SADAR Hills and Jiribam Sub-division that met with stem opposition from the United Naga Council (UNC) more than a fortnight ago in the form of Economic Blockade on Manipur Valley continues unabated.

Although the blockade was imposed by the UNC in all Naga-dominated districts. there have been repeated incidents of counter blockades by the dominant Valley-dwelling Meitei community on vehicles fenying goods to all the tribal districts including Churachandpur District. the only tribal hill district not covered by the UNC's Economic Blockade.

NXT Digital Cable News | November 17, 2017

Tuni zinglam dak 10:30 in Zomi Student Federation ZSF GHQ in lamka khopi sunga niteng a nek d poimoh tuamtuam zuak te lak ah, adiak in vai mahajon te lak etkhiak na va nei uhi,ZSF GHQ in atak lat na ah UNC in economic blockade ziak a nek leh tak ban ah van man bang zah hiam khang ahi chih atheih phet un dawr kai mahajon te lak et khiak na pan ngal ua mahajon ten agen na uah van man te akheng val a pelou uh hiin gen uhi,

Manipur Express | November 17, 2016

HEADLINES:

Congress party tawh kizopna tatsak di’n thutawp pia

Source: http://www.e-paolive.net/ (file photo)

Imphal, Nov-16: Kangpokpi ah Joint Action Committee for Sadar Hills (JAC-SH) leh Kuki Inpi Sadar hills, SAHILCA, Thadou Inpi Sadar Hills telin Sadar Hills bial a CSOs te’n tuni’n joint meeting nei uhi. Huai hunah JAC-SH te’n Sadar Hills a Congress Councilor te’n Nov 17, 2016 sun dak 1:00 ma ngei a Congress party ah kitawpna peding in thutawp pia uh a, huai ni mah nitaklam dak 5:00 ma a JAC-SH kianga kitawpna lekha copy 1 pelut di’n leng theisak uhi. Huai banah Sadar hills a district leh block level Congress worker leh member tengin Congress party apan kitawpna pia a, a zekai pen a Nov 18, 2016 tan a newspaper-te ah suahkhe ding inleng theisak uhi.

ZRA panlakna in Lamka ah Petrol hawmna om nawn ding

Lamka, Nov-16 (PhualvaTimes) : United Naga Council(UNC) in Manipur adia life line omte ah hun sawttak apan economic blockade bawl ua, huainung in Imphal leh Lamka ah thautui taksapna liantak om hi. Mizoram apan sumdawngmi-te'n Lamka ah thautui hon pawlut ua, huaite tuzing in ZRA panlakna nuai ah Rs. 100 a zuakkhiak in om a, zingchiang (Nov 16) inleng PT Sports Complex ah sutzop sawm uhi. 

NXT Digital Cable News | November 16, 2016

United Naga Council(UNC) in economic blockade a bawl ziak un Manipur ah haksatna nasa tak tung hi. Blockade ziak in state sung ah van man te khang in a diak in thautui toh kisai, petrol litre khat ah 200 bang tungzou hi. Thautui man toh kisai zanhal, november 14,2016 in Zomi Revolutionary Army(ZRA) in thusuah bawl in litre khat 100 tan a zuak ding leh huai sang a tamzaw a zuak lou ding in theihsakna bawl uhi.

Manipur Express | November 16, 2016

HEADLINES:

Nasem (worker)te’ nitha punsak ding telin thupukna bawl

Tuni’n Chief Minister makaih in Cabinet meeting om

Imphal, Nov-15:  CM Secretariat a Cabinet Hall ah tuni zinglam dak 9:00 akipan in Chief Minister makaih in Cabinet meeting om a, huai ah nasep chi tuamtuam 15 a semte nitha (daily wages) a hun tawh kituak a  pung ding in thupukna bawl uhi. Huai lou in Director, Information and Public Relations (IPR) post leng Professional Post hiding in Cabinet in thupukna bawl a, Manipur State Power Company Ltd. (MSPCL) a semtu lak belh ding leh Rural Development & Panchayati Raj Dept. (RD & PR) a bangzahhiam leng Contract basis a sem ding lak ding in thupukna bawl uhi.

NXT Digital Cable News | November 15, 2016

The Zou Artiste Union (ZAU) HQ saina in tuni sunnung dak 1 in zogal memorial hall complex zoveng ah ZoFilm Company in abawl  Zou Feature Film “ITNA TULLOU” kichi mipi ettheih dia zuak khiak ding in hongkhiakna om hi.   Hiai hun ah itna tullou a tel actor,  actress,  part la kha teng ban ah ngaina tu mi tamtak in uap ua, N  ibochao singh,  special contractor in chief guest hihna toh uap in zou feature  film itna tullou hongkhia hi.   Hiai hun zatna Paul TK. Lal leh Bliss lhingboi ten makaih ua  john haulamlian in thumna a hun hong in,  M thanga zou,  director  zo film company  in introduction  leh welcome  speech hunla in,  Kaisuanlian President ZAU in thugenna hunzang a,  khuallian te apan thugenna om in,  zogam ronald lalpu lead hero itna tullou in vote of thanks gen in john zamkhomang in hun khakna nei hi.   Program zat hun sungin lasiam tuamtuam in lasakna nei ua,  program zatzoh in itna tullou film screening nei uhi.  Itna tullou film ahihleh M.  Thathang zou in a direct hi a, ngainuomching in a produce hin kigen hi. 

Paukhansuan Khuptong’ Thugenna (transcript) | By Chinhaugou Langel

Paukhansuan Khuptong’ Thugenna (transcript)

Pute’ Vualzawlna & Manisfesto Honna: 28 October 2016

Lungsim a geel a geel phaklouh, Pathian in ah lunglutnate sitheilou in ah, hun lemtaang takmai tuni a hon bawlsak manin amasa in Pathian’ tung leh deihsaktu hong paikhawmte tung ah kipahthu kon gen masa ahi.Tuni hih, ka ngaihtuah chiang in ah, nidangpek a hichibang lunglutna ka neih hih kahihkhiak theihlouh hun sawtpi ahi a. Ka pa kiang ah,“MLA lunglut ka hi, hon phalsak in” ka chi a. 2013 vel apan in ah kana kingen ua. Hilele aman hih, den a heutute hongen bang in ah,“I ki-zatna, I ki-etkolna, saptuam’ gamnasepna, Pathian’ gamnasepna lam ngen a kalsuan I hih man in, Politics hih ei a ding chi hilou di ahi”hon chi a. “Abanghileh pa kei lunglut ka hih chiang in ah, Pathian ki’ah I ngen tou dia, Pathian in hun lemtang hon piak leh, next MLA election 2017 hih, huai adia kisa ut ka hi” chi’n kana ngen a,“thumna toh I delhtou di” achi a. 2013 hon liam a, ka ngen zel a, aman hih Pathian in hong dawng

Manipur Express | November 15, 2016

ZRA in petrol leh diesel Rs. 100 tunga zuaklou di’n theisak

File photo

Lamka, Nov-14: Zomi Revolutionary Army (ZRA) a town commander in tuni sunnung in press/media-te kimuhpih in economic blockade om ziaka van man natak a khang tawh kisai mipi theih di’n thupuan bawl hi. Aman agenna ah, e-blockade ziakin dist. ah vanman adiak in thautui vang mahmah a, huaipen dawr bawlte’n hun lemtang a la a aman khangsaklou ding leh petrol Rs. 100/- leh diesel Rs. 70-/ tunglam a zuaklou ding banah nitak nektawm chi, chini, dal, anntang leh a dangdang leng rate a ngei mah a zuak di’n theisak hi.

Rs. 500/- leh Rs. 1,000/- note sihsak tawh kisai a dawr bawlte’n leng sumnen omlou paulap a dawr khak chihte om theilou ding a, Dec. 30, 2016 tan sum khek theihna hun kinei ahihman in customer-te tawh adjustment mipi khualna van leisak dingin ngen a, mun dang apan van hongtung himhim Imphal ah puaksawn phal hilou ding chi a, ZRA in hoihtak a enkai ding ahihman in kuapeuh pilvang ding inleng theisak hi. Hiai tawh kisai mipi khualna ahihman in kuapeuh in nungthuap dia ngen kawm in thupuan palsat omleh atung uah action khautak lak hiding inleng gen hi.

KIZAKSAKNA LEH NGETNA | PhualvaTimes

Lamka

15^th November 2016

A nai-gamla a om PhualvaTimes simtute leh entute na vek uh chibai !

Kum 2012 a patkhiak a om PhualvaTimes in hun bangtan hiam Online News Service akibawl nung in tukum bullam apan Website www.phualvatimes.com hongbuai a, huainung in news khahkhiakna ding neilou in ki om a, google blog zang in hihtheih dandan in hiai nasep ki sunzom hamham hi.

Tu in website thak kibawl lel a, tunung sawtlou in khahkhiak theih di’n lam-et huai hi. Website kibawlthak hun ah Mobile Apps leng ngaihtuah kisawm a, deihbang a hong paitheih leh Website, Youtube, Mobile Apps, Facebook leh WhatsApp telin Platform 5 ah News Service ngah theih ta ding hi.

NXT Digital Cable News | November 14, 2016

Paite Tribe Council, PTC, General Headquarters, Central Working Committee in tuni zingkal dak 7:00 in PTC/GHQ office, Hiangtam Lamka ah emergency meeting nei uhi. Meeting hun ah, John K. Ngaihte, General Secretary, PTC/GHQ in Mrs. Pamsialching sihna thu a aseppih te kuamah donglou a TO WHOM IT MAY CONCERN chih certificate DC/CCPUR a apiak thu, Moral ground a hihkhial chi a kitopna lai a piak toh kisai genkhawm uhi. PTC lam a pan thu kimu dan in, General secretary kitawp na thu toh kisai hun sawt kuamtak gen khawm ahihnung a a kitopna lai a pomsak ban uah, To Whom It May Concern note a suah pen leng CWC in bangmahlou (null and void) a koih in, District Magistrate kiang ah leng hiai certificate cancellled ahi chih tanpha lai pia uhi. Huai lou in, general secretary kitawpna a pom u toh kiton in Paite Tribe Council ki-ukna dan (11vei puahphatna, 2013) Bung 5, Article XII Clause 48 (vi) pansan in H. Pauzalal, Secretary (internal) in General Secretary mohpuakna len ding chi in nam kip ngal uhi.

Manipur Express | November 14, 2016

HEADLINES:

PM in Black Money hahsiangna di’n mipi kithuahpihna ngen

Nekgukna doudal dia telching a om ka hi : PM Modi

http://i.ndtvimg.com/

New Delhi, Nov-13: Kum 70 paisa apan India masawnna ding daltu leh natna lauhuai, ‘Black Money’ beisakna di’n gamsung mipi’n Kha 70 (kum 5.8) ngaklai ding in Prime Minister Narendra Modi in tuni’n chialna bawl hi. December 30 nung in diktatloute tunga gawtna khauhsem piak hiding chi a, nekgukna ziaka gamsung mipi’n haksatna tamtak atuah nung un, huaite doudal dia Prime Minister luahthei dia telching a om ahihdan leng gen hi. 

Prime Minister in Karnataka state sung Belagavi ah tuni’n KLE society pawlte’ Valedictory Centenary zatna uap a, huai hunah Black Money ziaka India gam hausa dinglai zawng mahmah hi’n gen hi. Aman agenzelna ah, mi zuauthei, dukdakloute banah lepchiah te’n kum 70 sung vingveng India gam ah hauhsakna kaikhawm uh a, himahleh solkal kiang a piakkik ding aneihte uh limsaklou in, sum-le-pai a kaihkhawmte uah Tax penuamlou uh chi a, amaute ziakin India economy niamkiak hi’n leng taklang hi. Tutung a sum note nihte sihsak hun in mivantang-te’n haksatna tuak mahle uh, black money teng lakkik ahihchiang in amaute mah in hamphatpih pen ding uh chi hi. 

YPA Lamka Block makai-te'n GHQ tawpsakna pom in lungkimlouh thu taklang

YOUNG PAITE ASSOCIATION 

(Philanthropic Organization) 

LAMKA BLOCK 

(Regd. No. 2530/SR/78) 

LAMKA, MANIPUR – 795128 

HILHCHETNA 

Dated:12 th Nov 2016 I pawl deihthawh tak ‘YPA Khentuam Neilou’ chi a i kisaktheihpih mahmah gum tinten in, hoihzaw ding deihna leh nam kituak hi a, nam chidam tak a a omtheih ding deihna in Young Paite Association: Lamka Block kidekdek mah leh paukhiak mai hoih a kisa hi. Thudik gum a, YPA khentuam neilou ahihna humbit sawmsawm nung a hoih deih hetlou, namsung kikhenna tut teitei sawm om ziak a dawhzohna a bei man in hiai HILHCHETNA hong kisuah hi. 

NXT Digital Cable News | November 12, 2016

YPA GHQ in thu suah abawl uh kimu dan in Central Executive Committee. Young Paite Association, General Headquarters Meeting thupukna dungzuiin leh YPA Ki-Ukna Danbupi Article No. 501') in thuneihna a piak bangin, tulel a YPA Lamka Block vaipawte’n YPA General Headquarters deihna leh thupiakte zui nuamlou leh zahtaklou-a, ka] a suan teitei ziakun tuni 12th November, 2016 akipan 1n TAWPSAK ahi uhi. Tawpsak ahih uh toh kiton in, YPA min zangin, nasep silbawl bangmah a semthei nawn kei ding ua. YPA Lamka Block huam sunga YPA Unit(s) te YPA/GHQS in a enkai ding hi. YPA Lamka Block property te tengteng 13th November, 2016 tan in Presrdent/General Secretary. YPA GHQs khut ah ana pe ding ua theihsak ahi uhi. Tawpsak a om YPA Lamka Block vaipawte hiai CEC. YPA/GHQs thupukna palsat teitei muh a om theih khiak aki neih leh YPA General Heaquarters in a tunga thutanna abawl bangbang ah. a khase thei' kei ding uh chiin  taklang uhi.

Bungmual leh Chiengkawnpang ah JAF Road Show om - News in Pictures

Lamka, Nov - 12 (PhualvaTimes ) : Tunitak in Chiengkawnpang Bazar leh Bungmual Bazar ah Joint Artists Fellowship (JAF) pawlin Road Show sunzom nawn ua, Lamka khawpi sunga namtuam tuam apan lasiam-te'n mipi tamtak paikhawmte mai ah lasakna nei uhi. Hiai Road Show in a tup, Ccpur district sunga lemna leh muanna omsak nawn ding hi a, Music tungtawn in u-le-nau kala kilemna piansak ding thiltup lianpen in nei uhi. 

Manipur Express | November 12, 2016

HEADLINES:

India leh Japan in Civil Nuclear Energy ah kilemna bawl

http://images.indianexpress.com/

New Delhi, Nov-11: India Prime Minister Narendra Modi leh Japanese PM Shinzo Abe in Tokyo khawpi ah tuni’n ‘Civil Nuclear Energy’ tawh kisai in kilemna bawl uhi. Prime Minister nih te’n Nuclear Energy tungtang ah Delegation Level Talks leng nei uh a, galvan bawlna a zatlouh ding in lemsa uhi. 

JAF in Unity Campaign -cum- Road Show Sunzom Ding

Zingchiang November 12/2016 (Saturday) nitaklam in Joint Artistes Fellowship in,  Chengkon leh, Bungmual ah Campaign For Unity Through Music chih thupi a nei in UNITY CAMPAIGN-CUM-ROAD SHOW sunzom nonding uhi.

Manipur Express | November 11, 2016

HEADLINES:

Cash Ban ziakin Budget $45 Billion in khangtou ding

New Delhi, Nov-10: Prime Minister Narendra Modi in Rs. 500 leh Rs. 1,000 kizang lelte beisak dia thupuan abawl tungtawn in, India economy leh budget $45 billion in kibehlap ding a, Iceland economy 3vei tawh kikim ding hi. India a sum note sangpen nihte beisakna in athiltup lianpen tax lakna tawh kisai hi’n gen uhi. Tuma kum tamkhop paisa in gamsunga mihausa-te’n government theihphaklouh di’n sum(cash) kem uh a, himahleh sum note nihte sihsak ahihnung in, amau-te’ adia lampi omsun bank a khek ding hi a, bank ah transaction bawl ahihchiang in govt. in tax la vek theita ding hi’n kigen hi.

NXT Digital Cable News | November 10, 2016

Tuni sunnung dak 3:30  in Churachandpur District Village Defence Force (VDF) Welfare Association in, apaisa October 7, 2016 ni a sihna tuak, amember pih uh, Dongthang s/o Lhunkhojang of N. Molhoi galna in a sungkuan te kiang ah a sum in Rs. 1lakh pia uhi. Churachandpur district ah, apaisa 2012 in VDF dinkhiak in om a, tulel in member 600 vel om hi. Dongthang ahihelh Tuibong Mini-secretariat a posting leh huai mun a duty hi a, damlouhna ziak in October 7, 2016 in a zi leh a ta, pasal 2 nusia hi. Tuni a gaalna sum piakkhiakna hun ah, All Manipur VDF Welfare Association apan President Deban makaih in member tamkhop tak tel uhi.

Manipur Express | November 10, 2016

HEADLINES:

ZRO in ngetna leh theihsakna thu suah

Lamka, Nov-9: Ministry of Info. & PR, Zomi Re-Unification Orgn. (ZRO) in thusuah a bawl dan un Nov 8, 2016 in New Lamka a Simte Inn ah UPF makaihna Political Awareness lawhchingtak a zawh hi a, huai hun uap Biswarjit Daimary, MP leh Bodo Territorial Council makai tuamtuamte banah huaite hong ki thuahpih Romeo Hmar leh Dr. Lam Khan Piang, Innpi heutute, tribe leh Orgn. tuamtuam apan makai paikhawmte tungah kipahthu gen uhi. Pankhawmna leh thumnate Pathian in dawng in UPF & KNO makaite panlakna lamzang zel in maban lam etna lianpi om a, huai lawhchinna ding leh political status detdou neih theihna din pangkhawm semsem poimawh banah govt. lam apan deihsaktu leh awl mawhtu tamsem neih theihna ding in Pathian kianga ngen a thum tou zel ding in mipi chial uhi. 

NXT Digital News | November 9, 2016

Tuni suunnung dak 3 in St Paul school Newlamka ah National service day zatin om hi. National service day ahih leh Manipur State Legal Services authority, Churachandpur Dist Legal services authority leh BeMung Consultancy pang khawm a aneih uh hi a, hiai hun ah St Paul Institute apan school naupang pawl 11 leh 12 arts te ki hel ua, Letkho Kipgen Chief judicial magistrate CCPur leh secretary CCPur District Legal Services Authority te telin advocate tuamtuam ki hel uhi, tuni a National Legal service Day zatna hun ah catherine in makaih in,grace chiinhoihniang advocate in vaidawn thugenna nei a, hiai program zatna hun ah P Khamkhanthuam Advocate leh Songzamang Tombing Collective Lawyers India Trust ten National legal services leh Fundamental rights and duties chih thupi pansan in sinsak na nei ua, BeMung Resource Centre ten St Paul Institute student te zatding catalogue piak khiak na leng nei ngal uhi.

Press Statement | Zomi Re-Unification Organisation

ZOMI RE-UNIFICATION ORGANISATION

PRESS STATEMENT

10th November 2016

Dt. 8th Nov, 2016 nitaklam in, Simte Inn, New Lamka ah UPF makaihna in Political Awareness programme lawhchingtak in kizang hi. Hiai hun hong uap, Pu Biswarjit Daimary, MP leh BTC apan heutu tuamtuamte banah, amaute hong kithuahpih Romeo Hmar leh Dr. Lam Khan Piang, Innpis heutute, tribes leaders leh organisations tuamtuam apan heutu hongpaikhawmte tungah KIPAHTHU ko'n gen uhi.

Manipur Express | November 9, 2016

HEADLINES:

UPF makaih in political dinmun genkhawm uh

Lamka, Nov-8: United Peoples Front (UPF) makaih in tuni’n Simveng a Simte inn ah Manipur singtangmite political dinmun tawh kisai genkhawm uh a, Bodoland apan Biswarjit Daimary, MP (Rajya Sabha) makaihna  in Tridip Daimary, Speaker, Bodoland; Nerswm Boro, Dy. Speaker; Bijit Gwra Narzary, Council Legislative Assembly member; Samnath Basumatary, Gen. Secy Youth Bodoland Peoples Front; Jwosrang (Josrang) Boro, Secy, Dist. Bodoland People's Front; Kamal Uzir, Gen. Secy Block BPF leh Amit Boro, Chairman, Village Council-te ban ah Manipur Tribals Forum, Delhi makai Romeo Hmar leh Dr. Lamkhanpiang tel uhi. Chairman, ADC/CCpur leh MDC hunkhop, tribe leader tuamtuam, student leh philanthropic Orgn. makaite tel uhi.

NXT Digital Cable News | November 8, 2016

Apaisa October 14 ni a Thousilen khuam a sisa a kimukhia, Pamsialching, kum 22, w/o  Pausomlal of Thingkangphai, tuzing in akivuina Thingkangphai hanmual ah tawhkhiak in om a, Magistrate leh Police makaihna in Forensic Expert-te'n Imphal ah Post Mortem bawl uhi. Pamsialching pianna pa, Khamsongin Biangtung in atanu sihdan muanmawh huai sa in awklum hilou ding chi a, akhua uh Palkhuang apan Lamka hon zuan in Police Station ah FIR gelhlut hi. FIR bawl ahihnung in, siluang tawhkhiak thak di'n District Magistrate in thusuah bawl a, tuzing dak 7 velin Pamsialching sungkuante leh amah ngainatu te'n  Police leh Magistrate etkaina nuai ah toukhia ua, huaimun apan kintakin Police ten  Imphal zotpih uhi.

Thousilen khuam a si Pamsialching luang tawhkhiak in om

Apaisa October 14 ni a Thousilen khuam a sisa a kimukhia, Pamsialching, kum 22, w/o  Pausomlal of Thingkangphai, tuzing in akivuina Thingkangphai hanmual ah tawhkhiak in om a, Magistrate leh Police makaihna in Forensic Expert-te'n Imphal ah Post Mortem bawl uhi. Pamsialching pianna pa, Khamsongin Biangtung in atanu sihdan muanmawh huai sa in awklum hilou ding chi a, akhua uh Palkhuang apan Lamka hon zuan in Police Station ah FIR gelhlut hi.

Manipur Express | November 8, 2016

HEADLINES:

Pre-election poll tamzaw ah Hillary Clinton vualzou

58th Quadrennial US Presidential Election 2016 omding

http://images.financialexpress.com/

New York, Nov-7: United States gamsung pumpi ah zingchiang (Nov 8) in 58th quadrennial U.S. Presidential Election omding a, Electoral College a presidential elector ding mi 538 telkhiakna di’n gamsung mun tuamtuam ah vote khiakna om ding hi. US gamsung a Newspaper leh News Agency tuamtuam te’n pre-election poll abawlnate uah Democratic Presidential Candidate Hillary Clinton in point tamlou in akikhinpih Republican Candidate Donald Trump zou a, election om naikei mahleh Hillary Clinton kimuang hi’n gen uhi. Election Day hunma, tunitan in Hillary Clinton in amah gumtu electoral voter 274 vel kailut khinta a, President chin theihna dia vote 270 poimawhte khengtou hi. Donald Trump inleng electoral voter 170 vel neita a, President a chin theihna di’n voter dang 70 vel poimawh lai hi. Democratic candidate Hillary Clinton telching in omleh, US gamsunga numei President masapen hiding hi.

Manipur Express | November 7, 2016

HEADLINES:

Mipi khatam kitheihmawhbawl MLA 16-te boycott hilai - JAC

Manipur singtangmite kiangah ngetna leh thupuan bawl

http://image.newsdog.today/ file photo

Lamka, Nov-6: Joint Action Committee Against Anti-Tribal Bills (JACAATB) pawlin Manipur singtangmite kiangah ngetna leh thupuan bawl in, singtangmi MLA 16-te’n mipite kahtamte kitheih mawhbawl lai uh ahihdan taklang ua, amaute tunga boycott puan a omsate lakkhiak hinailou chi uhi. 

JACAATB apan thusuakin agendan in, Manipur Assembly Special Session ah August 30, 2015 in Bill 3 passed a omding ahihlam ATSUM in thei uh a, huai hunah singtangmi MLA-te kihellou di’n ngetna bawl mahleh ngeingaihlou uh chi hi. Singtangmite adia haksatna tungsak ding Bill 3 passed ni a kihel MLA-te – 1) D Korungthang, 2) Victor Keishing, 3) MK Preshaw, 4) Yamthong Haokip, 5) Francis Ngajokpa, 6) Nemcha Kipgen, 7) Ngamthang Haokip, 8) Z.Kikhonbou Newmai, 9) Janghemlung Panmei, 10) Gaikhanngam, 11) Dr. Chaltonlien, 12) Vungzagin Valte, 13) T. Manga Vaiphei, 14) Phungzathang Tonsing, 15) T.N. Haokip leh 16) Ginsuanhau tunga Boycott kibawlte, July 18, 2016 in Hmar Inpui, Thadou Inpi Manipur, Mizo People Convention, United Naga Council leh Zomi Council kipawlkhawmna Outer Manipur Tribals’ Forum leh JACAATB te’n pomkip thak in tunitan zuih a omtou lai hi’n taklang uhi. 

Manipur Express | November 6, 2016

8th Seikam: 

UKB leh Haijangte vualzou; match khawl phot ding

Seikam Memorial Open Football Tournament-2016 pre-quarter final match tawpna tuni a om ah 2014 a semi-finalist S. Nabil leh UKB te kimawl ua, huai ah UKB in 1-0 a zou in quarter-final lut ua, tua zawh in FC Khanglai leh 2013 runners-up S. Haijang te kimawl ua, S. Haijang ten 1-0 a zou in quarter-final lut uhi.  Match masa ah S. Nabil leh UKB te kimawl ua, huai ah half ma in UKB apan Lelen in goal poimawh mahmah khum in hun beitan in S. Nabil ten goal khum zoulou in UKB ten 1-0 in zou uhi.

Manipur Express | November 5, 2016

Chingmuan’ sisa in kimukhia 

Lamka, Nov-4: Chingmuan (44) w/o Langlam Ngaihte of  Singngat apaisa  Nov 1, 2016 zinglam dak 10:00 velin dukan a thil leiding akuan a omna kitheilou  a, Singngat V/A leh ZYA makaih in khawsung a pawl tuamtuam leh mipi’n khawkim khawkiang azon nung un tuni zinglam in Singngat- Sumchinvum Paldai lui ah awklumsa in kimu hi. A’ luang tuni mah in Singngat hanmual ah kivui hi.

Manipur Express | November 4, 2016

HEADLINES:

April 1, 2016 apan India pumpi ah GST zat hiding

GST rate dingin 5%, 12%, 18% leh 28% pomkip hita

http://img.etimg.com/

New Delhi, Nov-3: Central leh State apan GST Council member-te’n New Delhi ah tuni’n meeting poimawhtak nei uh a, kumnawn April 1 apan gamsung pumpi a zat di’n GST rate 5% , 12% , 18% leh 28% pomkip uhi. Gamsung mipite adia niteng poimawh (mass consumption item) ah 5% tax lak hiding a, GST Act zat hun chiang in state government in tax tuam latheilou ding a, revenue amansuahte ditkikna di’n centre apan compensation  ngah ding uhi.  

NXT Digital Cable News | November 3, 2016

Next Digital entute na vek un chibai. 

Evangelical Baptist Convention Baptist Youth Fellowship, Lamka South Division in tunitak apan November 6 tan daih ding, EBCC Dorcas veng biakin ah, Tuailai Thutak leh Diktatna a kibulphuh thakna, Paunakte 14:34 chih thupi zang in Division BYF khawmpi a 9vei na pan uhi. Tunitak dak 5:30 in D.Vungkhankhual leh Bliss Chinglianniang te makaih in programme zat in om a, Rev. V. Nenglian, Divisionak Superintendent, Lamka South Division in khawmpi hong in H. Pausonmung, Chairman, DBYF/LSD in vaidawnna leh khawmpi thupuak genna nei hi.

Manipur Express | November 3, 2016

HEADLINES:

Pakistan sepaih leh helpawlte’n mi nautang tum(target) uh – BSF  

PM Modi makaih in security dinmun genkhawm uh

https://images.kashmirobserver.in

New Delhi, Nov-2: Prime Minister Narendra Modi makaihin  New Delhi ah Indo-Pakistan gamgi jul venbitna (security) tawh kisai tuni’n ‘high level meeting’ om a, huai ah Union Home minister Rajnath Singh, Defence minister Manohar Parrikar leh National Security Advisor Ajit Doval tel uhi. Hibangkalah, thusuak kingahdanin BSF te’n a gendan un  Pakistan sepaih leh helpawlte’n India mi nautangte tum (target)  uh chi’n gen  uhi.

Manipur Express | November 2, 2016

Manipur Express a Web-offset colur machine fitting paizom zel

Lamka, Nov-1: Manipur Express sutna ding Web-offset colour machine fitting nasepna paizom zel a, tuban ni tamlou sungin etkhiakna (testing) kipan ding hi. Fitting nasepna ni bangzahhiam paitou lai ding a, tukha November, 2016 beima in machine thak zat man ahih gintak-huai hi.

Huailou in kum tengin KUT ni (Nov 1) MHJU nuaia News-te adi’n General Holiday hisek mahleh tukum 2016 in Restricted Holiday ( General Holiday hilou) ahihziakin tuni (Nov 2, issue)  News hong kisuah hi. Tunung zekin electric kizang leng agui khenthak ahih ding ziakin huai hun ah ni 1 hiam 2 tan leng news hong suak theilou ding ahihman in Nov 2, 2016 issue hong kisuah leng ahi.

Paukhansuan Khuptong | Bio Data & Manifesto

BIO-DATA OF PAUKHANSUAN KHUPTONG

1.     Name                           ~       PAUKHANSUAN KHUPTONG

2.     Father’s Name              ~       Upa Songkhotuan Khuptong

3.     Mother’s Name            ~       Ngaisiam Ngaihte

4.     Spouse’s Name            ~      Chingthiannem Tonsing

5.     Date of Birth                ~      03rd March, 1976

4.     Edn.  Qualification       ~      B. A. (Pol. Sc. Hons)

5.     Present Address            ~      Nehru Marg, Central Lamka

6.     Permanent Address       ~      Beulahlane, Central Lamka

7.     Occupation                  ~      Social Activist

8.     Contact Number           ~      +91 9612253243

Manipur Express | November 1, 2016

HEADLINES:

Gamsung pumpi a naupang 71% vel school kai

India ah school kai ngeilou naupang 6,54,00,000 om 

http://timesofindia.indiatimes.com/

New Delhi, Oct-31: Census 2011 dungzui in India ah kum 5-19 kikal naupang 38,01,00,000 omte lakah 6,54,00,000 velin siamsinna neilou in school kaitheilou uh a, gamsung pumpi a naupang 71% vel school kaisak in om uhi. Tuma kum 10 sung in, school apan nawhkhiak leh siamsinna sunzom kigawm 4,49,00,000 vel om uh a, vualphalou lakh 65.7 omte lakah 17,50,000 vel school kaitheilou uhi.