Chin Baptist Youth Fellowship(CBYF) Golden Jubilee Lamka

Chin Baptist Youth Fellowship(CBYF) Golden Jubilee | Lamka

CBYF Golden Jubilee lopna kipan

Lamka, Jan-30: Chin Baptist Youth Fellowship(CBYF) kiphuhkhiat nung kum 50 chin Golden Jubilee lopna tuni nitakin Lanva TCCC Hall ah kipan a, Upa H.Thang Khan Kham in 

Golden Jubilee Souvenir hong in, Pastor S.Lang Kho Gin in Pathian kiang ah lan hi.  B.Siing NK Thang in Jubilee Music Album hongkhia in  Pastor Nang Khan Suan in Pathian 

kiang ah thumna in lan hi.  (Aban page 4na ah)

    Golden Jubilee lop sungteng thugentu in Rev.Dr JM Ngul Khan Pau,Sr Consultant,Deve Associates International pang ding a,Ms  Lucy Dimnu,Director Elim Resource Centre in 

seminar ah sinsak ding hi. Rev Dr Sut Khan Thang in Bible study makai ding a, Feb 1,2014 zinglam dak 10:00 in mipi kikhopna hun ah Upa Dr H.Thang Khan Piang, Founder 

Rec.Secy, CBYF HQ in Golden Jubilee suang hong ding a, Rev Dr Sut Khan Thang, Executive Secy, CBA in Pathian kiang ah lan ding hi

-------------------------

CBYF Golden Jubilee lopna paitou zel 

Lamka, Feb-01: Chin Baptist Youth Fellowship(CBYF) Golden Jubilee lopna January 30, 2014 akipan Lanva TCCC Hall a om sunzom zel uh a, huai ah Rev.Dr JM Ngul Khan 

Pau,Sr Consultant,Deve Associates International in thugen hi.   Tuni zinglam a mipi kikhopna ah Upa Dr H.Thang Khan Piang, founder Recording Secretary  CBYF HQ in Golden 

Jubilee suang hongkhia a, Rev Dr Sut Khan Thang, Executive Secy, CBA in Pathian kiang ah lan hi.      

      Rev.Dr JM Ngul Khan Pau in a thugenna ah khawtang leh saptuam ah khangnoute e poimawh mahmah in, amaute’n biakna limsak dingin hasuan a, huailou in makaite kichi 

zahtakna tawh tuailaite’ leh kuapeuh in itsiam ding ahihdan gen hi. Aman agenzel dan in eimite thilpiak leh midangte kianga panpihna piak kitasam in, huchihlai in panpihna i piakte 

leng midangte adia noplou thei ding khop in kisialna om zel chi a, saptuam makaite bang ka vaksa chipeuh a kousia ki-om a, amaute Pathian in a makaih a, avak ahihlam theilou 

ihiam chi hi. Feb 2, 2014 zinglam dak 10.00 in Golden Jubilee lopna hunnanung kipan nawn ding a, makai masate suunna banah amau innkuate adia thumsakna om ding hi. Sun hun 

ah ‘Khangnote Kristian dan tawh kituak a koppih zonzia ding’ chih thupi zangin Ms Lucy Dimnu, Director, Elim Resource Centre in Seminar ah sinsak ding hi. 

---------------------

CBYF  Golden Jubilee lopna zou uh 

Lamka, Feb-2: TCCC Hall, Lanva  a Chin Baptist Youth Fellowship(CBYF) Golden Jubilee lopna ah  tuni’n ordination om a, Rev. Dr. Sut Khan Thang, Exe. Secy, CBA in  Pastor 

din S. Thangboi Hatlangh leh Kham Sian Lal a ordained banah Tg. H. Khup Sian Mung, President, CBYF HQ in makai masate pahtawina hun makaih a, makai  sisate suunna leh a 

innkuante uh adin Pastor Palet Thuomngell in thumsak a, Rev. Dr. JM Ngul Khan Pau in Pathian thugen hi.

 Sun hun a seminar  ah  ‘Khangnote Kristian dan tawh kituak a koppih zonzia ding’ chih thupi zangin Ms Lucy Dimnu, Director, Elim Resource Centre in sinsak hi. Tuni nitak 

kikhop zawh in Rev. Dr. Enn Za Sian, Secretary, CBEM in Golden Jubilee lopna hunkhak hi.

Photo by Mimin Naulak / PhualvaTimes.com