Churachandpur Manipur minor girl raped in Munirka Delhi : 48 Exclusive Photos : Delhi ah Lamka mi rape hinawn; tuni’n kihouna omta

February 7, 2014 nitak dak 10.30 velin Munirka, Delhi ah Lamka mi nungaknou kumchinglou sualluih in om a, NE bialsung, adiakin pau-le-ham kitheituah tribe tuamtuam te’n lungkimlouh thu tangkoupih in Police Station alert sak mahmah uhi.

Tuni’n FIR kigelhlut tungtang bang dinmun a om hiam chih enkhe dingin Biaklun Shoute, Manager, Corporate Affairs, Hindustan Unilever Limited Delhi telin makai khenkhat te’n Deputy Commissioner of Police (D.C.P) kimuhpih uh a, himahleh bang dinmun a om hiam chihte theihchet hilou h

i.

Churachandpur district tualsuak nungaknou kum 14 lel, a inn neitu tapa in a sualluihna pen Delhi govt. makaihtu AAP in Delhi Police kiangah dotna bawl hi’n leng kigen hi.

Delhi akipan thutut kingahdan in, innsung van poimawh lei dinga pawtkhia numei naupang ahihleh kum 14 lel ahihbanah HYGEA Hospital (Daya Hospital) kianga pharmacy kong ah pasal khat in mantang in room awng(vacant) khat ah lutpih in sual(rape) chih ahi. Numei sualluih ahihnung in amai(cheek & chin) liam a, huailou in a private part tanpha liam in Safdarjung Hospital, New Delhi ah medical test kibawl a, etkol in omlel hi.

National capital a thiltung in Northeast mite thangpaisak mahmah in, JNU students Union makaihna Northeastern mi tamkhop in zan akipan Vasant Vihar police station kongah kiphinna nei uh a, tuaziakin Police-te’n Protection of Children from Sexual Offences (POCSO) Act nuaia FIR register in misualtu Vicky mankhe tau hi.

Tuabang kalah tuni tan inleng buaina veng nailou a, Patiala House Court, New Delhi kong ah tunitaklam in mi 200-300 kikal ding ngaihtak a kikou in thawm husa ngaihtak om hi.

Social networking site te leh youtube video a kimu dungzui in tuni a kiphinna hunah leng agammi(Delhites) tamtak in kiphinna ah madawk takin om uh a, tribe tuamtuam akipan NE mite leng tamkhop om uhi.

Written by Joy Ngaihte / www.phualvatimes.com