LAMKA, March-31 : National Highway (NH102B) bawlhoih dia nasem a omlel Manipur Tribal Movement Road Construction (MTMRC) team te giahbuk, tuni'n huihpi hattak in Tuivai kuam a nawk hun ah avek in mutsia, giah theihna ding vual ahihlouh man in beidong takin om uh chih kiza hi. Tuivai luidung ah akhenchiang in Mobile network omthei a, Mobile tungtawn in Lamka hon thuzak thei uh hi'n leng kigen hi.
"Tuivai luidung ah huihpi hattak om ziakin nasemte omna leng nuai kha a, gua/mau a kibawl giahbuk teng musiat, Detail report ngak hilel, thumpih ni" chi'n G. Nengdouthang, Chairman, MTMRC in tunitakin gen a, amaute ahihleh Tuivai apan gamlalou a nasem a omlel hi un gen hi. MTMRC' nasemte giahbuk ahihleh Guite Road lampi nawl a kibawl hi a, lamkhang lam ah thildang omlouh ziakin huih-dawh mahmah a theih ahi. 
(File Photo : MTMRC Giahbuk. Taken on March 19)
