Indo-Myanmar International Border Gate apan gamlalou, Tamu Lei (Bridge) kim-le-kiang ah zan nitak dak 10:00 leh 10:30 (Myanmar Time) velin bomb 2vei puak a, thuchian zak hinailou hi. Ni tamlou paisa in Kalaymyo leh Tamu kikal a om Khampat khua ah Bomb hattak puakzak ngeita hi. Hiai thiltung Meitei helpawlte gamtatna hiding in gingta uh a, Tamu ah Burma sepaih om mahleh zalentak in Meitei te om uh hi'n leng khosung mite apan kiza hi. "Tamu leh Namphalong ngial ah Burma sepaih sang in Meitei helpawl lauhuaizaw" chi uhi. Sagaing Division ah Zosuan/Zomi population tamtak om uhi
Burma gamsung a Sagaing Division ahihleh Manipur helpawlte kibukna hi'n Myanmar newspaper 'Irrawady' in taklang a, kum bangzah hiam akipan Manipur leh Northeast buaina in Burma gamsung a Sagaing Division pehsawn hi'n leng taklang hi. Irrawady in ataklatzelna ah Burma sepaih te etkaina nuai a om himahleh Manipur leh Northeast India a helpawlte'n huaibial a opkhum nung uh kum paisa in dawr mahajon te kaplupna, khamtheih zuakna, leh sualna chituam tuam pung hi'n taklang hi.
