Lamka, March-31 (PhualvaTimes) : Tunitaklam dak 4.30 velin Bairaba Venglhun, Mizoram a Pu Zoliankhuma' workshop ah meikuang nasatak om a, asunga vanzat bangmah lakhe manlou uhi. Mizo group tuamtuamte a kigendan in, Kek(Lightning) ziak a meikuang kipan hi'n gen ua, Kek a om nung sawtlou in tua workshop inn pen kuangzak chi uhi. Kek tuh "Natural High-Voltage Electrical Discharge'' himahleh, meikuang apawtkhiak hial lam kitheilou tamlou a, thil lamdang mahmah hi'n kigen hi.
