LAMKA, March-26 (PhualvaTimes) : Tuni zinglam dak 10:00 in Zomi Complex, Khominthang, New Lamka ah Zomi Council Election om a, huai ah interim Chairman B. Dongzalian mah Chairman dia telching in om hi. Thusuak kingahdan in, Chairman dia ki-candidate mi 2 om uh a, amaute VPC pan K. William leh STC apan B. Dongzalian hi'n kigen hi.
ZC nuai a om tribe 9 apan palai paikhawm uh a, mi 83 in vote khia uh a, huai lakah vote 1 invalid hi. Candidate tegel in vote 41 tuak mu uh a, Presiding Officer, EC in leng vote khia in, Chairman di'n B. Dongzalian Simte telching a puan in om hi'n kigen hi.
