LAMKA, April-13 (PhualvaTimes) : Lamka mipite'n zinling atuahte uh laka hatpen pawl hiding a gintak, 6.9 magnitude in tunitak dak 7:25 in khawpi sung leh mun tuamtuam nawk a, Lamka ngial ah hat mahmah in, innsung apan mi tamtak taipawt uh a, District Hospital ah leng damlou ompihte kap kawm in taipawt uh chih kiza hi. Zinling a hatluat man in sawtlou sung liing himahleh, zinling omnung dakkal 3 sung vel, mi tamkhop te lung-am leh luaksak a om uh chih kiza hi.
Zinling enkaitute lak a muanhuaipen a kigen, US Geological Survey' chiamtehdan in, zinling kipatna Mawlaik, Burma apan gamlalou ahihman in, India ading a akinaihpih pen Churachandpur district tawh km 200 val zek in kinaih a, Lamka ah thilsia omlouh hang in Imphal phaizang ah thilsia bangzah hiam om in, mi 9 vel liam uh chih kiza hi. Hiai zinling ahihleh Delhi, Kolkata, Guwahati leh Patna banah NE bial leh India khawpi tuamtuam in phawk pha uhi.
Tukum sung in Lamka ah zinling bangzahvei hiam omta a, kumdang a zinling te tawh akibatlouh ziakin mipi lungsim ah lauhna tun zaw hi'n leng theih theih hi. Tnitak a zinling, sawtdeuh hileh thilsia tamtak omthei dinmun hi'n leng mi tamtak in gen uh a, zinling akipan in Manipur leh Lamka khawpi bit nawnlou ahihdan chiang huntawk hi.
WATCH VIDEO
