Tuesday, 5 April 2016

Huihpi in Meghalaya leh Mizoram nawk; Lamka ah tutan in thiltung lauhuai omlou


LAMKA, April-5 (PhualvaTimes) : Tunitaklam akipan in Northeast state tuamtuam ah huihpi, gialpi, leh vuahpi kithuah om ziakin tuamunte ah thilsia tamtak om chih kiza hi. Shillong ah minute 1 sung lel huihpi nung masak hun in,
inn tamtak luah theihlouh in kisia a, tuamunte ah mi tamkhop kinawnkhia uh hi'n limlak apan muhtheih hi. Mizoram a Lungphunlian khua ah gial lian taktak, aktui  tawh kikim thei phial ding kia in, inntung deng vang seuhsouh chi uh a, vuah theu tan in, inn 80 omna lak ah luahtheih lai dia om inn 5 vuak hi'n theikhia uhi. Guwahati ah tunitaklam dak 1:15pm in Zinling tehna 5.4 a hat om hi.





Tutan in Lamka ah vuahzu lai a, vanpi ging in kawlphia om mahleh lungphawng thei ding thiltung om tadihlou hihtuak a, mipite bel alert mahmah uh hi'n leng theih theih hi. Vuahzu/Kawlphia nasat deuh chiang in Electric mit zel a, tunitak sung vuak inleng electric tamveitak mit ta hi'n gen uhi. Vanpi ging chiang in leitual leng liing-zungzung hial in gen  uhi. 




 Dakkal 1 sunga kilometre 60 val tungthei huihpi hattak in Northeast India, abikin Mizoram nawk guih thei chihthu om ziakin mipite pilvang ding in Dr. RK. Lallianthanga, Chief Scientific Officer, Aizawl in zan(April 4) in theihsakna bawl ngeita a, April 4, 5 leh 6, ni 3 sung a tuabang thiltung om guih thei hi'n leng taklang hi.











Series of destruction from cyclone lasting less than a minute






People having to leave their hearth and homes












This family has lost everything




NDRF men at work in Nongmynsong



Devastation wreaked by freak cyclone. So many people without roofs in Umpling..even their things were blown out of their homes