LAMKA, April-15 (PhualvaTimes) : KSO Tuilang Block General Secretary Lalchuailo Neihsial s/o Mr. Nawna Neihsial, Chief of Lenglong Village, Nungba Sub-division, Tamenglong District, huham tak a thahna tawh kisai tuni'n Zillai GHQ (Vaiphei Students) leh Kuki Students' Organization GHQ te'n Chief Minister tawh point 3 in kilemna bawlthei uh chih kiza hi. Tuzing dak 9:00 velin Chief Minister Champha ah KSO GHQ, Zillai GHQ makaite'n Charter of Demands apiaklut te uh CM tawh genkhawmna om a, bangtan hiam ahoulim nung un, Nungba sub-division a kithahna tawh kisai ah kilemna bawlthei uhi.
Hiai kilemna dungzui in State Govt. in Lalchuailo Neihsial sungkuante kiang ah Ex-gratia in Rs. 5 Lakhs pe ding a, a innkuan sung ua mi khat kiang ah state govt. a sepna piak ding, banah Lengluang khua ah mipi kikhop khawm theihna ding in Lalchuailo theihgigena dia Memorial Community Hall bawlsak ding chihte in kilem uhi.
Thukhonung kizadan in, ZUF leh Army kikaptuahna a si hidan in kigen mahleh, khosung mite muanmawh dan in, Army te'n a hingmat nung ua asoisak lup uh hiding in gen uhi.
