LAMKA, April-8 (PhualvaTimes) : Guite kual a School tamlou omte lak a khat, Convention English Junior School, Lungthul(D) in a poimawh mahmah uh Computer Set khat, Pu Siamnunlian Valte, Principal, VK Tawna College in awlmohna liantak aneih ziakin pia a, School Committee te'n kipahthu puang uhi. Lamka khawpi sung ah Siamsinna Inn teng in Computer zang vek mahle uh, Singtang khuate ah,
tunitan in staff room ading Computer neilou tam mahmah lai chi uh a, Lamka ah School teng phial in White Board + Marker azatlai un Singtang khuate ah Black Board + Duster zanglai uhi. School Committee in PhualvaTimes tungtawn a kipahthu agenna uah, "Zodawn a siamsinna awlmohna lianpi leh school khan theihsem na ding deihna in Pu Siamnunlian Valte in amah sum mahmah zangin Lungthul Daizang school te zat ding computer a thak set hon piakna ah kipak petmah in Phualvatimes tungtawnin kipah thu ka hon gen uhi. Toupan aleh tampi in vualzawlta hen!!" " chi'n taklang uhi.
