PTC GHQ in Mizoram ah PTC Unit veh in CM muhsawm; ZRO President in PTC Mzr HQ Office suangphum hongkhia

PTC GHQ makaite'n Mizoram veh in CM muhsawm; ZRO President in Teikhang ah PTC Mizoram Sub-HQ Suangphum hongkhia

LAMKA/TEIKHANG, April-14 (PhualvaTimes) : Paite Tribe Council (PTC) GHQ makaite'n Lamka akipan Guite Road tawn in April 12, 2016 in Mizoram gamsung a PTC, SSPP, Officer/Intellectual leh Mizoram Chief Minister banah MNF makaite muhsawm in zinkhia uh a, tuni'n Teikhang ah ZRO President in PTC Mizoram HQ' Office ding suangphum a honna uap uh chih kiza hi. PTC GHQ makaite'n Sialkal tangdung

a PTC Unit tuamtuamte veh ding uh a, tua zawh in Aizawl manawh ding uh chih kiza hi. PTC GHQ makaite'n Mizoram Chief Minister amuh sawmna ziak uh puangkhelou uh hi'n leng kigen hi. 

L. Pumlianpau, President, PTC GHQ makaih in John K. Ngaihte, General Secretary, PTC GHQ; H. Paukhenmung, Finance Secretary, PTC GHQ; H. Pauzalal, Secretary, (Internal), PTC GHQ leh Chinkhanmang Ngaihte, Secretary (Organisation), PTC GHQ te'n Mizoram akipan Jiribam tawn in PTC Vangai Block veh ding uh a, tuamun apan April 20, 2016 in Lamka manawh ding uh hi'n leng thutut kingah hi.