Presidential Address
Presented to the Delegates of
60th UZO Annual Assembly
on March 31, 2016
Kum 60 val i nam UZO hing na pui i bieh Pasian in thupina leh patawina lienpen tang tahen!
UZO Hqtr Executive Committee, date 19th February 2016 Resolution No. 1na phasahna bang in tu tung March 31, 2016 ni a ding a UZO Annual Assembly 2016 hat ahi.
1. Apeisa kum ni vel i nam UZO sung kivaihawmna nawngkaina lienpi ana um nanleh Pasian toh i nam mite leh UZO Grievance Cell te leh Pastor-te pangkhawm in UZO kuong tawlna pei tou thei veve hi. “Saipi a pei ngai in a pei hi”.
2. Kum 2009 UZO Special Assembly, Zoumunnuam khuo ah khantouna toh kisai i nam sung ah Policy Programme te ana kibulphu apat tuni tan sung in sep-le-bawl khawllou in ana ki-um hi. I nam pen Policy programme toh kitawl ahita hi. Tuate lah ah gen tham ching UZO Education Policy Behiang ah St. Marys’ School khu High School piching suo ahita a, Pawl sam (Class-X) Exam leh lawching Sangnaupang phabep khat um ahita. Sangnaupangte khuolna in i nam in pan la in kumpi/solkal in Hostel zong hing lampieh hi.
I Zou nam sung a Hattuom ZPCS, MELC, ZCBC te toh UZO in sepkhawm theite semkhawm in Laisimna lam pan lakhawm in ZSP GHQ te SSC Coaching Organise kibawlsah hi. Hattuomten sponsore hing bawl ahiman un kipah thu puon ahi. Mailam hun ah zong i nam a ding in pan lakhawm tou zel vai.
3. Tualeh kum 20 vel ana kingaisah talou Zogal Memorial Shield Tournament Lamka Public Ground ah CDSA te toh kithuo in apeisa 23 April – 30 June 2015 sung in lawching tah in zawkhiet ahita hi. Maban ah zong Organise tou ding in pan kila tou tading hi.
4. Manipur Legislative Assembly in 31st August 2015 in Anti-Tribal Bill thumte ana pass ua, tuate deilou a kiphin pasal hangsan kuo (9) ten hinna ana taan uh khawh kisa a, UZO in zong mawpai ahiban ah theitawp suo a Anti-Tribal Bill thumte doudal ahi.
5. Tuaban ah UZO Diamond Jubilee zong thupitah a man kisawm a UZO GHQ in zong pan nasatah in ana kila man hi. Hinanleh i gam sung a 3Bills (Anti-Tribal Bills) te zieh a buoina leh Myrtars mi-9 te vui thei ahinailou zieh in UZO GHQ 3rd Executive Committee thuphasah No. 1 dated 29th October 2015 dungzui in i nam sung ah nopbawl lam khawlsan phot hoi a kisah zieh in Diamond Jubilee a suong mai a chiemte kisawm ahita hi.
6. Maban ah Pasian in hun hoi-hun pha hing pe van ipu-ipaten i gam leitang humbitna ding a sisan-naisan suo a ahinna uh ana piehna uh theizingna Zogal Centenary 2017 chieng in thupitah a lawm thei ding in kisingsa chiet mai tava ui.
7. Tualeh Zogal Day March 17 a kizang gige pen April 23 ding a UZO Assembly in 58th Annual Assembly 2013 thuphasah pen kichientahtah lou a thei ahizieh in sui thana i misiem-mipilte ngansie tha lei i nam a ding hoi ding ahi.
8. Tuaban ah, UZO Policy Programme Sub-Committee UZO Global Forum te vaisaina nuoi ah UZO Moreh Block toh kithuo in apeisa 15 March 2016 in “The 1st Joint Meeting of UZO Indo-Myanmar” chiin Tamu Zo Babtist Associationte Conference Hall ah India leh Myanmar UZO toukhawmna kinei hi. Tuanah, Joint Meeting in thupuasahna tambang in lah ahi:
i) UZO (India) leh UZO (Myanmar) UZO (USA), UZO/UZO Malaysia ten pan lakhawm a UZO International Forum khat siemkhiet tup ahi.
ii) The First Indo-Myanmar International Seminar on Zou Language, Literature, Culture and Custom, sponsored by UZO (USA), organised by Zou Literature Society, India, 15-16 May 2013 ni a “Thupuon” khu 1st Joint Meeting of UZO India & Myanmar, 15 March 2016 in kituohtah a pom tou ahi. Tuate ahileh
a) Kawlgam-Vaigam a Zo/Zou chi a laiteng zah dan (spelling) kizangte pen a kibang a tuot leh pom ahi.
b) Leitung pumpi a um Zouham/Zokam leh Zou lai gel dan a kibah theina ding a Common Literature nei ding, tuanah Bible, Labu, Hilchetna bu, Thusuo tuomtuomte, Tangkou ichite gam khat leh gam khat kithottuo ding ahi.
c) Leitung pumpi a um Zou tate in, Pupa tawndan, pupa chindan, laigeldan (Culture & Custom) i neite uh zui ding, kepbit ding, nopni-dani, mouhah-moulop ni, lieu-le-pan um ni chieng a zui dih ding ahi.
d) Zou tate umna pou ah kivaihawmna min ding in UZO a kikhaikhawm ding ahi.
e) Common (Inter-confessional) Holy Bible Zouham/Zoukam leitung pumpi a zah ding a bawlkhiet ding ahi.
9. Kawlgam/Vaigam a um Zou/Zo pen a kibang a pom ahi. Aziehpen amaute phung khat-taang khat khangthu kipatna kibang, tawndan-chiindan kibang leh ham-le-pau leh sakhuo kibang ahi.
10. Tualeh ihina (indentity) kepbitna ding i tawndan-chiindan (Custom Culture) puo phat (Develop)na ding ban ah kihumbitna ding khopi bawl ding khu UZO in dei huoi sa mama hi. Lai Siengthou Joshuo 20:1-2 sim in kihanchiem in lungsim khat toh Zou taten pan la chiet vai! Lungsim khat toh Zou taten pan la chiet vai.
11. UZO kituptah a March 2015 apat dinsuo ahi nua in Zou Zumpi zong siemtha (revive) bawl ahi. Tuni tan in Zou Custom & Culture pansan in Zou Zumpi in vaihawmna nei in Case 8 (giet) zaw ahita hi. Singnuoimite kung a kihehtuote nangawn UZO GHQ in ngen kia in Zou Custom dungzui in eima Court ah thutanna kinei zelzel hi.
12. Pasian hepina jal leh mipite pankhawm siemna zal in Electoral Politics ah ei UZO in MLA, MDC/EM/Chairman, District Council chite i tang tou thei zieh un kipah huoi mama hi. Pasian min thupi tahen! A poimaw pen ahileh telching Kumpi Palaite (Elected representative) toh i nam UZO a kizawh/peikhawm thei ding khu dei huoi mama hi. Amauten UZO Policy leh Programme te hing sepsuohpi ding un inam min in i ngen uhi. Tualeh mailam hun ah MLA 2017 Election (kitelkpina) ah UZO in kituohtah a pankhawm a UZO Constitution Article 57na dungzui in pan lahkhawm ding in kisingsa chiet vai.
Tualeh 1954 UZO kiphu apat tuni tan UZO Constitution tampi vei siemtha ahita a, hinanleh Dan (Constitution) phalna umlou a siem tha (Ammendment) kibawl zel pen khawhsah ahia, tu ban Dan (Constitution) siemtha (Ammendment) ding chieng in i Zou mipi phalna tellou in bawl nawnlou mawngmawng ding in UZO palaite kihanchiem chiet vai.
UZO in ma sawn tou zing tahen.
Kipah ing!
Sd/-
Pu Chinlunthang
President
United Zou Organisation
General Headquarters
