ZRO heutu Th. Thangzalun @ Matthew tanchin tomkim ZRO in suahkhia

Pa.Th.THANGZALUN ahih leh january   12, 1963 kumin Mukot khua ah   apiang a, (L) Kaikhanthang leh (L) Chinning tate laka upa pen ahi. Laisim na lam ahih leh sungkuan khosa haksa takin B.A tan ana sintou a, kum  1991 January 17 ni in azi Dimkhanngai toh saptuam dan siangthou in Maukot EBC biakin ah kiteng ua, tanu khat Chingmuankim Pathian apan goutan nei uhi. Nu Dimkhanngai in ahong sihsan chingin a naunu Nu.Ngaikhanchin toh hong kiteng ua Tanu 3(Thum) leh tapa 1 (khat) nei uhi. A damlai in pawlpi sung tuam tuam  ah  panmun  poimoh  tak  leh  teacher  hihna  tan bang ana semkha a, a sepna te ahih leh KZP Singngat block  ah

 Asst.Secy,  Joint  Secy  STC  Hqtr  ,  leh  Mata mualtam  Immanuel School ah teacher ana sep banah T.Ngaizanem MLA Candidate Singngat A/C ah chief agent in ana pang hi. Pawlpi (ZRO) ah 2002 kumin Gam-Leh- Nam iitna ziakin a lutin Planning & Social Development Director len in hun sottak asep nungun a chihtakna leh nasep hoih te ziakin  secretary dingin promotion mu in asih tan dawng Gam leh Nam adin ana semtou hi. Pa.Th.Thangzalun ahih leh mi polh nuam ahih banah chiamnuih hat leh lawm leh vual laka paukam zang siam leh mi sulim theih mahmah mi ahi a, a sepna lam peuh ah mi chitak leh ginom mi ahi. Pawlpi adia kum 15 (fifteen)  sung veng veng ginom taka ana sep laiin kha khat paita apat in natna tuam leh ki soiselna tuamtuam nei in lamka damdoi inn tut in om a himahleh hoih siang theilo ahih manin Doctor ten Imphal lama refer in Shija Hospital ah admit in om a, hun sottak etkol himah leh damsiang theilou in sisan banah oxygen tanpha piak ngaiin hong omtou hi. Damna lamen a etkol himah leh  lametna om nonlou ahih manin dated 22nd  April 2016 ni in ICU apan innlama etkol   dingin hong ki potou a, himahleh a natna te tuak mualsuah zolo in Dated 22nd April nitak dak 6:20Pm velin a sungkuan leh amah iittu seppih lawm leh vual nusia in honna beisan ta hi.

Gam-Leh-Nam adia a sihtan dawnga ginom taka sem Th.Thangzalun @ Matthew hi pawlpi in ka sun mah mah  ua amah banga heutu muanhuai leh diktat banah lawm leh vual lamkaih siam ka taan ua Pawlpi in ka iitna thu uh leh kasuun thu ka puang ua, a sungkhat laina leh a sungkuan te ading  in khamuanna Toupan pe leh chih ka thumna uh ahi.

issued by 

Information & Publicity

Zomi Re-Unification Organization

Headquarter:Ciimnuai

Dated: Churachandpur

The 23rd April, 2016