Lamka, May-18 (PhualvaTimes.com): Zan leh tuni in Lamka khawpi leh Imphal khawpi banah Manipur state sung ah vuah tam mahmah a, Manipur kia hilou in NE pumpi ah leng vuahzu hi'n kigen hi.
Zan(May 17) zinglam akipan hiai news gelh ahihtan in Imphal khawpi sungah vuahzu in Lamphelpat area telin mun niam khenkhat ah tui vung dim hi'n kigen a, Moirang area ah leng tuitam ziakin inn taisan a mun bitzaw zuan innkuan 10 val om uh hi'n kigen hi.
Lamka khawpi ah zan nitaklam, tuzing kal leh tunitak lamin vuah chiin in tampetmah a, Lanva, Tuitha, Chiengkawn lui, Lailam lui telin lui tuamtuam leh nullahte ah tui tam mahmah hi. Lui gei a tengte adi'n pilvan huai maithei chih ahi. Huai banah, Nullah hoihtak omlouhna munte ah lampi lai ah tuiluangin lampi a paite adingin nawng kai mahmah hi. Silchar, Assam ahleng vuahchiin a, mun niamna munte ah tui vungdim chihthu kiza hi.
Tunitak lam a vuahzu in Keishampat leh Malom kikal a JCILPS min a lampi khaktan sawmte buaisak mahmah in, vuahtam ziakin deihbangin kiphin(lampi khak) theilou uh chihthu zak ahihbanah, amaute ziakin mi hunkhop airport ah tang uhi.
Weather forcast in ataklat danin tukal leh kal nawn May 25, 2016 (Nilaini) tan vuah zu den dingdan in gen uhi.
Atung a teng Imphal ahi.
Anuai a Limlakte Silchar ahi:
No comments:
Post a Comment