Minister leh Sub Divnl office lopna om
Lamka, April-30: Vaiphei
People Council (VPC) Kangvai Block saina in tuni zinglam in Kangvai
Hausapa’ inn ah T.Manga Vaiphei in Cabinet Minister (PHED, Labour &
Employment, Sc & Tech) alet kipahpihna leh Kangvai SDO/BDO office
lopna kithuah om hi. Rev S. Khaikholam Vaiphei, i/c Kangvai Pastorate
MPCS in T. Manga Vaiphei, Minister ading in Pathian kiang ah vualzawl
ngetsak in thumsak hi. Huai hun ah Functional President in P. Vaiphei,
IAS, Principal Secy., Guest of Honour in Seiminthang Lenthang, MCS,
SDO/BDO Kangvai pang hi. Program ah VPC GHQ, YVA GHQ, Zillai GHQ,
Kangvai Sub-Division Demand Committee (KSDDC) Secretary te banah mi
poimawh hunkhop tel uhi.
HEADLINES:
Die-in-harness a dia reserve 10% leng 20% hita ding
Cabinet in Edn dept. a sem ding post 1,671 lak lemsa
Imphal, April-30: Tuni nitaklam dak 3:00 in CM Secretariat ah Chief Minister O. Ibobi makaihna in Cabinet meeting om a, Manipur a Education dept. ah SSA nuai a Primary Teacher 489, Upper Primary Teacher 455 banah RMSA nuai ah Graduate Teacher 307, Office Assistant 204, Multi-Tasking staff 206 kigawm post 1,671 a sem ding lak ding in thukim uhi. Huai lou in Cabinet in Govt. dept. nuai a sem ding appointment himhim bawl theih louh ding a ‘ban’ a puan leng Education dept. a sem ding a tung ate lakna ding in khahkol (relaxed) ding in thupuk uhi. Tuni a Cabinet meeting ah die-in-harness nuai ah 10% tan appointment piak theih dia bikhiah uh leng khat vei thu a din (one time measure) 20% tan hiding in bikhiah uhi.
Manipur govt. thupuangtu Rural Development and Panchayati Raj Minister M. Okendro in a gendan in SSA nuai a Primary School 173 tuma a kihong thak a sem ding teacher 2 zel a kigawm in 346 hi a, huai ding in Cabinet in post creation bawl ding in thupuk chi hi. Upper Primary School a di’n post 364 leng Cabinet in post creation bawl ding lem a sak banah post 91 awng om sa tawh kigawm in post 455 a ding in appointment bawl kin lemsa uhi. RMSA nuai a Manipur a Jr. High School leh Upper Primary School 34-te High School Level a upgrade ahihziakin post 204 a thak a creation bawl hiding a, post awng omsa 103 telin post 307 a ding appointment bawl ding in Cabinet in lemsa hi. SSA leh RMSA nuai a teacher lakna ding ah tulel a RR (Recruitment Rule) zat hiding hi. Huailou in Dept. dang-te a sem ding lak hun ah die-in-harness nuai ah post 20% lak ding in leng Cabinet in lemsa a, himahleh SSA leh RMSA nuai a teacher lakna ding ah die-in-harness case 15% lel bikhiah in om hi.
Education dept. nuai a post awng office assistant 204 leh Multi-tasking staff post 216 lak ding in Cabinet in thupukna a bawl banah District Council nuai a teacher 120 leng Education dept. a lak (absorbed) hiding in Cabinet in thupukna bawl uhi. Minister in a gen zelna ah Manipur a Village leh singtang tong deuh a, lampi leh lei bawlna ding tawh kisai Rural Development and Panchayati Raj dept. nuai a om Manipur State Rural Roads Development Agency (MSRRDA) in a sai leng hoih zaw sem a na asep uh deih thu Cabinet in gen khawm uh a, Rural Engineering Dept. (RED) kichi leng a thak a bawl ding in Cabinet in lemsa hi. RED in leng MSRRDA Chief Engineer mah a Head hi ding a, MSRRDA nuai ah RED pen dedicated agency dan in om ding chih ahi hi.
MSRRDA in tunitan in PMGSY nuai a Phase 10 tan a din Rs. 2,790 crore bei in lampi leh lei bawl uh a, Stage 1 leh Stage 2 nuai a lampi kibawl leh up-gradation work a din Rs. 1,269 crore vel balance work lai chih ahi hi. Tu in leng lampi leh lei kibawl nailou khua 105 a din km 1083 vel a sau lampi bawlna ding in DPR buaipih hilel a, huai-te a din leng estimated cost Rs. 487 crore hi’n kigen hi. MSRRDA nuai a staff 365 absorbed ding in leng tuni a Cabinet meeting in lemsa ahihdan Govt. thupuangtu RD & PR Minister M. Okendro in gen hi.
Mannuamching, IAS in NE Foodbanking Network hong
Lamka, April-30: Mannuamching, IAS, CEO/ADC in tuni zinglam dak 8:30 in Tuibuong a SEDO office, Sumkong Kaimun ah “North East Foodbanking Network” kichi hongkhia hi.
Aman agenna ah Regional level a hunger fight nang a project/program honkhiat a om kipahpihthu gen a, mimal leh organization support na lou a project leh program pai zoulou ding ahihziakin mimal leh organization te’n amau level chiat ah kithuahpih dingin ngen hi. Hunger fightna ding a phuhkhiat/hongkhiat a om Foodbanking Network pen volunteer & charitable organization leh not-for-profit based organization himahleh mipi a tamzawte’n sum-le-pai muhna/zonna maimai dan a ngaihtuah louhna ding un organizer lam te’n project funding, project tup-le-ngim etc. mipi’ theisiam sak ding in thuhilh hi. Aziak ahihleh NGOs tampi sum-le-pai deihna ziak a kiphutkhia ahihban ah mipi atamzaw te’n mi ginmawh, muanmawhna ngen tawh kidim ahi chi hi.
N. Sukajit, Project Manager, NERCORMP/CCpur in NERCORMP project tawh North East Foodbanking project tup-le-ngim kibang sim ahihziakin panpih theihna teng a panpih ding hi a gen in, Volunteer T-Shirt hongkhia hi. Rev Hangminthang, Bishop MELC in Northeast Food Banking Network staff leh volunteer mi 25-te thumsak hi. Aman agenna ah Sabine Neidermajer, Project Co-ordinator, MSF in gilkial (hunger) tawh health kinai mahmah ahihziakin theihtawp suah a panlakpih ding chi’n gen hi. Muani Tombing, Director, Lainat Ministry in a client-te counselling abawl hun a thuhilhna apiak thupipen ahihleh ann hoitak a anek ding chih ahihziak in gilkial sa a counselling bawl pen thil haksa ahi chi hi.
Khamlianlal, Founder & Director, Northeast Foodbanking Network in agenna ah North East Foodbanking Network program/project ahihleh man-made and natural disaster hun a tuahsia thuakte ahuntak a panpihna, nek-le-tak pia a, gilkial manlou a koih ding, ahihkeileh genthei-chimawh ziak a mihing khat gilkial a sih lawmlawm sang a organization in mimal, pawlpi, church leh school level a food item-te kaikhawm leh stored bawl a, panpihna piak ahihtheihnang deih ziak a kiphutkhia ahihdan gen hi.
LOCAL NEWS:
Bank tawh kisai meeting omding
Lamka, April-30: DC office a BRGF Resource Centre ah May 4, 2016 sundak 12:00 in Bank tawh kisai Dist. Consultative Committee (DCC)/Dist. Level Review Committee (DLRC) meeting omding hi. Huai ah March 31, 2016 tan a Bank-te’ CD Ratio etkikna, March 31, 2016 tana Dist. ACP 2015-16 achievement etkikna (review), Govt. sponsored scheme/program sepsuah (implement) etkikna, RSETI nasepna, Dist. sung a ATM position tel in bank-te’ nasep tuamtuam enkhawm ding uhi.
JPO te’n khahkhe di’n ngen uh
Lamka, April-30: Hmuia Veng a Young Mizo Assn. Manipur Group Office ah tuni’n Joint Philanthropic Organisation (JPO) te’n meeting nei uh a, Tribal Revolutionary Army (TRA) pawl in April 26, 2016 nitaklam dak 5:30 vel a Imphal bazar ah Thangsianbiak @ Biabiak of Laimanai, Imphal tulel a Imphal Zou Youth Orgn (ZYO) Vice President leh PA to Ginsuanhau, MLA (Singngat A/C) kidnap thu kikum uhi. JPO te’n Biabiak tung a thiltung poisakthu leh asungkuante thuakpih thu puang uh a, humanitarian ground a Biabiak khahkhe ding in TRA-te kiangah ngen uhi.
Biakinn tamtak ah Anngawl thumna om
Lamka, April-30: Evangelical Baptist Convention (EBC) saptuam omna teng ah tuzing dak 7:00 apat sunnung dak 2:00 kival in saptuam chih a Dorcas pawl makaih in Manipur Singtangmite’ buaina tawh kisai, gam uh buaina awlmawhna ziakin EBC bial pumpi ah anngawl thumkhawmna om hi. Anngawl thumkhawmna a telte’n mahni annek tang antang tawi uh a, antang tawikha loute’n sum tawi in Biakinn ah koih uhi.
Mi 2 in NFSA/Ration card surrender nawn
Lamka, April-30: Kaikhanlian Guite of Bungmual in National Food Security Act tungtawnin Ration card ngah mahleh Bungmual V/A tungtawnin Dist. Supply Officer (DSO) kiangah surrendered a, tu-in Bungmual mi mah Medical Department a sem N. Kamzathang leh asanggamnu Khamvung inleng Bungmual V/A tungtawn mahin Ration card surrendered nawn uhi.
Huihpi ziakin tenna inn 1 kisia
Lamka, April-30: Muanhuaitak apan thusuak kingahdanin, zan zingkal baihtaka huihpi hattak nungin B. Kaljang (Singngat A/C) khua leng naktakin nuai a, tua ah Pa Khaizachin Suante gawkung kipai in a innkhang ua Pa Kapnou tenna inn naktakin dengsia hidanin kiza hi. Khawsung mipi pangkhawmin zan leh tuni in belhtheih dingin hiai inn tunding kik a om hi’n kigen hi.
Huihchim' Charity Musical Nyte om
Lamka, April-30: Huihchim Media saina in Chiengkawnpang ah tunitakin “Charity Musical Nyte – In aid of Calamity- affected People of Saichang Area, Henglep Sub- Division , Ccpur District” neih in om a, huai hunah Evan LL Muona, H Kailalmuon, PCL Thuoma, Lawmnakim Hrangte, Ngaihching, Julie Mawi, Jerry K Bieklien, Betsy Gangte, Sangkhum, Sangthiem, Khokhawl, Ginkhoson, Nunthar, Thangboi, Janglal Khongsai leh James Arjun te’n laa sa uhi. Special Invitees in Lunminthang Haokip IAS, DC/Ccpur; Mangkhogin Haokip IPS , SP/Ccpur; S Thienlaljoy Gangte MCS, SDO/Ccpur; Soiminlian Lengen MCS, SDO/Henglep; Joel K Haokip MCS, SDO /Thanlon; Thangboi S Gangte MCS, SDO /Mualnuam; Sangboi Gangte MPS, SDPO/Thanlon; T. Kammuanlal Simte AC to DC leh Dr Chinkholal banah MDC tuamtuamte pang uhi.
Huai hunah Phungzathang Tonsing, MLA(Ccpur) in gialpi thuakte adia Rs. 20,000/- apiak Paupi Ngaihte in pekhia a, DC/Ccpur inleng Rs. 5000 apiak banah CT Lian, MDC leh ‘Suanni Maw’ team in Rs. 2000 pia uh a, Thangkhosuanmung, MDC(Hiangtam Lamka) banah MDC tuamtuam leh makai tuamtuam te’n leng panpihna pia uhi.
Rayburn College Graduation 2016
Lamka, April-30: New Lamka a Rayburn Chapel ah May 2, 2016 zinglam dak 10:00 in Rayburn College Graduation 2016 (Degree Section) program omding a, Rev. Khen P. Tombing, Principal, Rayburn College in Graduate student-te thumsakna leh degree piakna nei ding hi. Huai ah Prof. Dr N. Mohendro Singh, Academic Adviser, Rayburn College in Graduation speech neiding a, Dr Mary N. Baite leh Dr. GN Ching makaih in Student of the Year Award hawmkhiat hiding hi.
Town staff-te kisuan uh
Lamka, April-30: Tipaimukh road a Town office building bawlthak ding ziak in tuni’n EO Town leh staff-te Tuibuong a Dist. Council office ah kisuan uh a, building thak bawl zawh masiah huai mun pansan in nasem ding uhi.
“UKLF te’n thagum in suaikai sak’ –KNLF
Lamka, April-30: Kuki National Liberation Front (KNLF/KNO) thusuakin tuni a agendanin, UKLF pawlin thagum in Chandel district ah hausa-te meeting neihpih in thagum in suaikai sak ua, hiaibang chindan a khatveina hi nawnlou a, KNLF/KNO in ngaisiamlou ahihdan uh taklang uhi. KNLF in mi chih, namchih kituak dialdial a tengkhawm lunggulh mahmah a, huchikawm kalah, UKLF in mipi khenzak sawmin nasem uh chi’n ngawhna nei uhi. September 2016 chianga UKLF Chief SS Haokip in 2017 MLA election ding tawh kisai a meeting sap a sawm leng mipi khenzak sawmna ahi chi uh a, tualou in April 19, 2006 a Sugnu a om Standard High School ah UKLF leh Kuki Chief Assn in meeting aneih uh leng KNLF in apomkei chi uhi.
KNLF kichi revolutionary organisation ahi a, chikmahin MLA/MDC leh election dangdang ah a kigolh ngeikei a, mipi’ thuneihna azahtak mahmah chi uh a, UKLF in thagum a blank paper a khaw hausa tuamtuamte suai akaihsak zel uh KNLF/KNO in zadah mahmahta ahi chi uhi. Khaw hausate’n KNLF hi’n UKLF hitaleh, revolutionary party dangte laulou a ding tang ngam ding in ngen uh a, gam leh leitang humbitna ah hausate khauhtak a pang dingin ngen uh a, hausate’ tunga thagum a nasep sawmte kuapeuhin dal dingin Secy, Inf & Publicity KNLF Kolphe Kuki in taklang hi.
Affidavits ah Self Attestation zattheih ding
Lamka, April-30: Dr. Suhel Akhtar, Addl. Chief Secy. Administrative Reforms, govt of Manipur in Affidavit ah Law (layer) te’n signature bawl ngai mahleh Manipur Gazettee order No.1202, dated March 9, 2016 dungzui in Self Attestation zat theih ding hi’n official order suah hi. Self certificate/Self attestation ah diklou taka thilhih om leh Indian Penal Code dungzui a action lak hiding a, student te’n Educational institution, recruitment, scheme/benefits etc. ngah nang tawh kisai original documents teng tawivek ngaiding a, Dist. Administration teng in zui chiat dingin Dr. Suhel Aktar in theisak hi.
Hearing Assessment Camp ah mi 14 tel
Lamka, April-30: Thangzam Road, Laitui Medico sak a Inclusive Education for Disabled (IED)-SSA/CCpur Resource Centre ah tuni zinglam dak 10:00 apat in Hearing Assessment Camp om hi. Hiai camp bel USA pansan banah India a Noida based anei Star Key India Private Ltd.-te saina hi a, Vinya, Audologist/ General Manager, NE hongpai a, Imphal apat Joy Rani Brahmachari, Asst. Co-ordinator, IED-SSA/Manipur in hon makaih hi. Tuni a assessment camp ah naupang kum 18 nuailam mi 14 ki ensak uh a, mi 13 kiang ah hearing aid piak hi ua, mi 1 ahihleh cosmetic surgery bawl hiding in kigen hi.
Lajangphai ah Free Health Camp om
Lamka, April-30: HQ Veng a om 7-Assam Rifles pawl saina in Lajangphai khua a Widow Welfare Association Asia office ah tuni zinglam dak 9:00 in Free Health Camp om hi. Huai ah civil doctor 3: Dr. Rohini (Pediatricians), Dr. Vungngaihching (Gynecologist) leh Dr. Alex Touthang (Ortho) banah Assam Rifles doctor 2: Dr. Syam S. Gurjar (General illness) leh Dr. V. Vaiphei, CMO te’n numei-naupang leh meithai mi 200 val medical check-up nei uhi. Medical Camp ah 7-A/R te’n Rs. 1 lakh vel man ding damdawi amanbei in damloute kiangah pia uhi.
One Day Career Guidance program
Lamka, April-30: Lutheran Youth Fellowship (LYF) Lamka Division saina in Zomi Colony a MELC HQ Church ah tuni zinglam dak 10:00 in ‘One Day Career Guidance Program’ om hi. Huai ah Ginzamang T. Zomi in CBSE, BSEM & CoHSEM nuai a tutung class X & XII board exam zou a result ngaklel-te Career Planning & Right Decision tawh kisai sinsak a, zilna leh theihna, education tungtawn in mihing khat in a innsung leh agriculture ah improve sak thei kia hilou in field dangdang ah leng kikhekna (changes) lianpi tun thei ahi chi hi.
MZP saina in Career Guidance
Lamka, April-30: MZP Chiengkawn Branch saina in Chiengkawnpang a ESC Sunday school Hall ah tuni zinglam dak 11:00 in class X & XII exam zou-te’ ading in Career Guidance om a, student 80 vel tel uhi. Huai ah William Jangkhoson Baite, AE, PHED; Douthanglal @ Ronald, Bank PO/UBI leh Micheal Mate, Co-ordinator Accelerate Coaching Centre te’n sinsak uhi. MZP Chiengkawn Branch makai-te gendan in class X & XII exam zoute khualna ziaka Career Guidance poimawh tak kinei hi a, kum bangzahhiam paisa in class X & XII exam zoute’ adia Career Guidance program kinei zel hi’n gen uhi.
SUUNNA:
Chongzavung (88) m/o Zamkhankap of Mission Veng, zannitak dak 5:30 velin teknat in si a, tuni’n Lamka hanmual ah kivui hi.
Haulianthang (59) s/o (late) Upa Kamkhogin of Mata, zannitak dak 9:00vel in kidney fail ziakin si a, tuni’n Mata hanmual ah kivui hi.
Zamsuanthang (44) H/o Thangnemching of Bungmual, Laiveng, tuni sunnung dak 1:30 in cancer natna in si a, nitaklam in Bungmual hanmual ah kivui hi.
IMPHAL NEWS:
Tourism hatsakna dingin dept te’n panla
Imphal, April-30: State Government in Department of Tourism tungtawn in state sunga tourism tawh kisai hatsakna ding in panla uh a, kum 4-5 paisa sung in thil tamtak semkhia uh hi’n thusuakin taklang hi. Tourism hatsakna ding a nasepnate lakah Manipur Sangai Festival tungtawn in gam tuamtuam akipan in khualzinmite hongpai uh a, festival hunsung in Arts & Culture, Handloom, Handicraft, Indigenous Sports, Cuisine, Music leh Adventure Sports lamte phoulak in om chi uhi. Kum 15 paisa sungin Tourism dept te’n World Tourism Mart (WTM), London, North East Summit, South Asia Travel and Tourism Exchange (SATTE), International Tourism Mart, Travel and Tourism Fair (TTF), leh North-East Festival chihte ah kihel uh hi’n taklang hi.
Gamgiphai a Commando koih deihlou
Kangpokpi, April-30: Sadar Hills civil body tuamtuam te’n Gamgiphai, Sadar Hills ah tunai chin in Manipur police Commando outpost koihthak a om deihlou in tuni’n joint meeting nei uhi. Huai ah Kuki Inpi Sadar Hills, Kuki Women Union Sadar Hills, Kuki Students’ Organization, Sadar Hills, Kuki Organization for Human Rights Sadar Hills banah KISH, KWU leh KSO nuaia unit tuamtuamte kihel uhi. Mipi adia lemna-muanna omtheihna ding in state govt. in kintak a commando outpost lakhe ding in theisak uh a, Commando outpost koih sang in district police hihhat sem dingin ngen uhi. Thiltung dang ah Thadou Students Association, Thadou Youth Association leh Thadou Women Association pawlin huai tawh kisai mah in tuni’n Motbung ah joint meeting nei uh a, Police CDO outpost deihlou ahihdan uh taklang uh a, Sadar Hills a MLA 3 te’n kintak a panla ding in nawh uhi.
Hunchiam omlou in class boycott
Imphal, April-30: Manipur University a Central government’ reservation policy zat ding deihlou in tuni’n singtangmi siamsinte kiphin uhi. Manipur University Tribal Students’ Union (MUTSU) nuai a kikhai khawm student pawlte’n class boycott in kiphin uh a, kalnawn Seppatni akipan class tengteng boycott ding uh ahihdan puang uhi. Reservation tawh kisai, hunpaisa a kizang pen zatkik ahihkeileh Manipur tawh kikawmtuahna national highway teng ah economic blockade puang ding uh ahihdan leng MUTSU pawlin gen uhi. Thusuak dang ah, Central etkaina nuaia University khat ahihman in Deans’ Committee of Manipur University pawlin University Grant Commission (UGC) deihna bang in central reservation koih sawm uhi. Huai reservation policy ah teaching leh non-teaching post lakna di’n ST ading 7.5% hi a, scheduled caste ading 15% banah OBC ading 27% hi’n kigen hi. Reservation policy thak zat hileh ST te’n tulel a 31% a hamphatpihte uh naktak in keniam ding hi’n leng kigen hi. Kiphinna tawh kisai MUTSU president Bosco Jaiche Kharam in tuni a agendan in kalnawn Sepnawnni leh Nilaini in MUTSU pawlin MU ah shutdown puang uh a, lawhchinna om keileh May 4 akipan economic blockade leh kiphinna tuamtuam in zui ding chi hi.
‘Slow sand filtration water plant’ hongkhia
Imphal, April-30: HQ IGAR (South) tawh pangkhawm in 9 Sector Assam Rifles nuai a 12 Bihar Regiment pawlin Patsoi-II, Imphal West ah tuisiang 12000 litre koihtheihna ding ‘Slow Sand Filter Water Plant’ tuni’n hongkhia uhi. Huai hunah 12 BIHAR Regiment a Commanding Officer in tuisiang koihna ding hongkhia a, mipi adia poimawh tuisiang ahihman in Security force te’n huai ding in panla uh chi hi. Assam Rifles pawlin thusuah abawl uh kimudan in hiai tuisiang ahihleh 24 x 7 hour sung in a thawn in mipi’n dawn thei ding uhi.
Kut Commt. in Mary Kom kipahpih
Imphal, April-30: State Level Kut Committee Chairman G.S Haopu min a tuni a press statement kisuahkhia in a taklatna ah, Indian Boxer Mc Mary Kom kianga Rajya Sabha member hihna piak ahih kipahthu puang uhi. Amau hiai bang a singtangmi kimawlsiam khat kianga Rajya Sabha membership piak pen Manipur a namchih adia kipahna leh singtangmite tawisang na ahi, chi uhi.
Chandel a mi 2 thahna mawhpaih
Chandel, April-30: Maring mipite kikhaikhawmna Maring Uparup Assembly leh Naga People’s Front ( NPF ) 42 Tengnoupal Area Unit pawlin Taret Lok, Moirengthel village, Chandel District a mi 2 thahna tawh kisai mawhpaihthu puang uhi. Pawl nihte’n atuam tuak a mawhpaihthu a suah uh kimudan in kithahna a telkhate government in kintak a mankhe ding in theisak uh a, maban ah hiai bang a kithahna tawpsan ding in ngen uhi.
TUNI THUPI:
“Diktatin Toupa Pathian in a nasemmi, a jawlneite kiangah a thuguk hilh louin bangmah a hih kei ding.”
– Amos 3:7
EDITORIAL:
May Day/Labours’ DayMay Day i chih International Workers' Day/ Labours’ Day chih in leng om hi. Hiai Ni poimawh hong kipatna tawh kisai leh thil omdan enkhawm zek lehang ut huai isa a, adiakin khangthakte’ adingin leng a poimawhna om mahmah dingin igingta hi. Kum tengin May Day kichi Ni masapen May 1 in zat hisek a, leitung gam tuamtuam ah thupitak takin program neih hisek hi. Tua ziak mahin leitung gam tamzaw in ‘public holiday’ in ana puang uh a, media-te telin private company tuamtuam a semte’ adingin leng khawlni a zatin om hi.
Kumzabi sawm-le kua beikuan (late 19th century) hunin Socialists leh Communists pawlin May 1 pen ‘International Workers' Day’ dingin hon telkhia uhi. Ahi a, a kigendan in 18th century hunin bel Roman Catholics te’n May Day kichi ana zangta chi uh a, Virgin Mary adia vualzawlna ngetsakna hundanin ana neisek uh chih ahi. Himahleh, tamtakte’ gendanin, leitung ah Christiante ziaka hiai May Day zat ahikei chi leuleu uh a, kiselna tak mahmah khat ‘issue’ bel hipeuh mahding hi. Bangteng hileh, niteng nektawm zongte khualna ziak peuhmah a hiai Ni poimawh zat hidingin koihtheih hi.
May 1 ahihleh ataktak in Christiante adingin Ni poimawh mah ahi diam chihtheih a a omna bel Jesu pianna nu Mary’ pasal St Joseph kichi carpenter hi a, amah zahtakna leh pahtawina piakna leng ahi chih hi leuleu a, Joseph ahihleh niteng nektawm zongin carpentry (singlem leh adangdang bawl) a kilawh hi a, tua ziakin amah thupi ngaihna ni ahi chileng om hi. Tua ziak mahin International Workers Day celebrations bawlkhiak a om ahi chi uhi. Khut nasep tungtawn a nektawm zong liauliaute adingin hiai Ni pen poimawh mahmah a, tua ziak mahin govt tuamtuam hitaleh United Nations tanpha in leng ngaikhawk mahmah uhi. United States ah International Workers' Day tawh kisai bangchidan hiam chih a theipha nai hetlou bang om thepthup uh chih hizel hi. Amaute economy asan ziaka hibanga May Day poimawhna ana theiban lou om adiam chih theihin om hi.
I gentaksa khat ah lut kik nawn lehang, kumzabi 19 nunglam deuhin working class group a om mizawng leh gentheite’n ni khat ah dakkal 8 tan nasep theihding in ngetna nei uh a, nikhat a dakkal 10 apan 16 kikal na kisepsak pen mihingte’ damtheihna dingin lauhuai ahi chi uhi. Dakkal 10-16 kikal na a kisepsak hun un a nasep uh atha un azawhlouh ziakun mihing alom lom in ana si uhi. 1860's velin nasemte kiphin zak uh a, nikhat in dakkal 8 tan ka sem ding uh a, himahleh, ka lawh uh cut hikei hen chi uhi. Himahleh, hiai thu pomsak hilou a, 1880's hunin pomsak hipan uhi. Capitalism ana hat mahmah ziakin hiai teng tung hidan a genin leng om a, nasemtute gim deuhdeuh, ataksa uh chau deuhdeuh, himahleh, a boss-te uh hausa deuhdeuh chingkhawng ana hi.
Tuni in hiaite tawh kisai et in eilawi tawh kumzabi paisa a mi thiltuahte bang ahia a kikhiakna chih theihin om hi. Ganhing banga kizanga, lawh tawm chikchik kipiak chih bang i chindan uh hilai leh kilawm abatna ton om hi. Nisa leh khawlum nuai ah suun nitum a nasem dia kizang, lawh tawmchik kipia, nang na ut kei leh midang kilawh ut atam mai chih khawng mi tamtak paidan ahihlai ziakin poi mahmah hi. Indian government nuai a Labour ministry in nikhat a mikhat in atawm tawp a hiai zah alawh ding ahi chih bikhiah a om hi. Labour commission in nitha lawh abawlpen adiktak azuihding hileh mi tamtak abuai dinga, huai dan zuih chetzou kei mahle hang, a kilawmzah bek kha lawh ikipiak uh deihhuai mahmah hi.
Mi kilawh dinga ilak theihleh eipen aneizaw deuh chihna ahi a, huai chauh leng hilou in Christian ihihna tawh i mi hinpihte itna ineih uh poimawh mahmah hi’n kilang hi. Mi khenkhatte ngialbang kilawh alak chiang un thaduh law mahmah uh a, singpi nasan awm ngam lou phialphial omlai tel uh chih bangleng om hi. May Day in ei niteng nektawm zongte adingin thu kipahhuai hon puak leh ichi mahmah hi.
Lamka, April-30: Vaiphei
People Council (VPC) Kangvai Block saina in tuni zinglam in Kangvai
Hausapa’ inn ah T.Manga Vaiphei in Cabinet Minister (PHED, Labour &
Employment, Sc & Tech) alet kipahpihna leh Kangvai SDO/BDO office
lopna kithuah om hi. Rev S. Khaikholam Vaiphei, i/c Kangvai Pastorate
MPCS in T. Manga Vaiphei, Minister ading in Pathian kiang ah vualzawl
ngetsak in thumsak hi. Huai hun ah Functional President in P. Vaiphei,
IAS, Principal Secy., Guest of Honour in Seiminthang Lenthang, MCS,
SDO/BDO Kangvai pang hi. Program ah VPC GHQ, YVA GHQ, Zillai GHQ,
Kangvai Sub-Division Demand Committee (KSDDC) Secretary te banah mi
poimawh hunkhop tel uhi.HEADLINES:
Die-in-harness a dia reserve 10% leng 20% hita ding
Cabinet in Edn dept. a sem ding post 1,671 lak lemsa
Imphal, April-30: Tuni nitaklam dak 3:00 in CM Secretariat ah Chief Minister O. Ibobi makaihna in Cabinet meeting om a, Manipur a Education dept. ah SSA nuai a Primary Teacher 489, Upper Primary Teacher 455 banah RMSA nuai ah Graduate Teacher 307, Office Assistant 204, Multi-Tasking staff 206 kigawm post 1,671 a sem ding lak ding in thukim uhi. Huai lou in Cabinet in Govt. dept. nuai a sem ding appointment himhim bawl theih louh ding a ‘ban’ a puan leng Education dept. a sem ding a tung ate lakna ding in khahkol (relaxed) ding in thupuk uhi. Tuni a Cabinet meeting ah die-in-harness nuai ah 10% tan appointment piak theih dia bikhiah uh leng khat vei thu a din (one time measure) 20% tan hiding in bikhiah uhi.
Manipur govt. thupuangtu Rural Development and Panchayati Raj Minister M. Okendro in a gendan in SSA nuai a Primary School 173 tuma a kihong thak a sem ding teacher 2 zel a kigawm in 346 hi a, huai ding in Cabinet in post creation bawl ding in thupuk chi hi. Upper Primary School a di’n post 364 leng Cabinet in post creation bawl ding lem a sak banah post 91 awng om sa tawh kigawm in post 455 a ding in appointment bawl kin lemsa uhi. RMSA nuai a Manipur a Jr. High School leh Upper Primary School 34-te High School Level a upgrade ahihziakin post 204 a thak a creation bawl hiding a, post awng omsa 103 telin post 307 a ding appointment bawl ding in Cabinet in lemsa hi. SSA leh RMSA nuai a teacher lakna ding ah tulel a RR (Recruitment Rule) zat hiding hi. Huailou in Dept. dang-te a sem ding lak hun ah die-in-harness nuai ah post 20% lak ding in leng Cabinet in lemsa a, himahleh SSA leh RMSA nuai a teacher lakna ding ah die-in-harness case 15% lel bikhiah in om hi.
Education dept. nuai a post awng office assistant 204 leh Multi-tasking staff post 216 lak ding in Cabinet in thupukna a bawl banah District Council nuai a teacher 120 leng Education dept. a lak (absorbed) hiding in Cabinet in thupukna bawl uhi. Minister in a gen zelna ah Manipur a Village leh singtang tong deuh a, lampi leh lei bawlna ding tawh kisai Rural Development and Panchayati Raj dept. nuai a om Manipur State Rural Roads Development Agency (MSRRDA) in a sai leng hoih zaw sem a na asep uh deih thu Cabinet in gen khawm uh a, Rural Engineering Dept. (RED) kichi leng a thak a bawl ding in Cabinet in lemsa hi. RED in leng MSRRDA Chief Engineer mah a Head hi ding a, MSRRDA nuai ah RED pen dedicated agency dan in om ding chih ahi hi.
MSRRDA in tunitan in PMGSY nuai a Phase 10 tan a din Rs. 2,790 crore bei in lampi leh lei bawl uh a, Stage 1 leh Stage 2 nuai a lampi kibawl leh up-gradation work a din Rs. 1,269 crore vel balance work lai chih ahi hi. Tu in leng lampi leh lei kibawl nailou khua 105 a din km 1083 vel a sau lampi bawlna ding in DPR buaipih hilel a, huai-te a din leng estimated cost Rs. 487 crore hi’n kigen hi. MSRRDA nuai a staff 365 absorbed ding in leng tuni a Cabinet meeting in lemsa ahihdan Govt. thupuangtu RD & PR Minister M. Okendro in gen hi.
Mannuamching, IAS in NE Foodbanking Network hong
Lamka, April-30: Mannuamching, IAS, CEO/ADC in tuni zinglam dak 8:30 in Tuibuong a SEDO office, Sumkong Kaimun ah “North East Foodbanking Network” kichi hongkhia hi.
Aman agenna ah Regional level a hunger fight nang a project/program honkhiat a om kipahpihthu gen a, mimal leh organization support na lou a project leh program pai zoulou ding ahihziakin mimal leh organization te’n amau level chiat ah kithuahpih dingin ngen hi. Hunger fightna ding a phuhkhiat/hongkhiat a om Foodbanking Network pen volunteer & charitable organization leh not-for-profit based organization himahleh mipi a tamzawte’n sum-le-pai muhna/zonna maimai dan a ngaihtuah louhna ding un organizer lam te’n project funding, project tup-le-ngim etc. mipi’ theisiam sak ding in thuhilh hi. Aziak ahihleh NGOs tampi sum-le-pai deihna ziak a kiphutkhia ahihban ah mipi atamzaw te’n mi ginmawh, muanmawhna ngen tawh kidim ahi chi hi.
N. Sukajit, Project Manager, NERCORMP/CCpur in NERCORMP project tawh North East Foodbanking project tup-le-ngim kibang sim ahihziakin panpih theihna teng a panpih ding hi a gen in, Volunteer T-Shirt hongkhia hi. Rev Hangminthang, Bishop MELC in Northeast Food Banking Network staff leh volunteer mi 25-te thumsak hi. Aman agenna ah Sabine Neidermajer, Project Co-ordinator, MSF in gilkial (hunger) tawh health kinai mahmah ahihziakin theihtawp suah a panlakpih ding chi’n gen hi. Muani Tombing, Director, Lainat Ministry in a client-te counselling abawl hun a thuhilhna apiak thupipen ahihleh ann hoitak a anek ding chih ahihziak in gilkial sa a counselling bawl pen thil haksa ahi chi hi.
Khamlianlal, Founder & Director, Northeast Foodbanking Network in agenna ah North East Foodbanking Network program/project ahihleh man-made and natural disaster hun a tuahsia thuakte ahuntak a panpihna, nek-le-tak pia a, gilkial manlou a koih ding, ahihkeileh genthei-chimawh ziak a mihing khat gilkial a sih lawmlawm sang a organization in mimal, pawlpi, church leh school level a food item-te kaikhawm leh stored bawl a, panpihna piak ahihtheihnang deih ziak a kiphutkhia ahihdan gen hi.
LOCAL NEWS:
Bank tawh kisai meeting omding
Lamka, April-30: DC office a BRGF Resource Centre ah May 4, 2016 sundak 12:00 in Bank tawh kisai Dist. Consultative Committee (DCC)/Dist. Level Review Committee (DLRC) meeting omding hi. Huai ah March 31, 2016 tan a Bank-te’ CD Ratio etkikna, March 31, 2016 tana Dist. ACP 2015-16 achievement etkikna (review), Govt. sponsored scheme/program sepsuah (implement) etkikna, RSETI nasepna, Dist. sung a ATM position tel in bank-te’ nasep tuamtuam enkhawm ding uhi.
JPO te’n khahkhe di’n ngen uh
Lamka, April-30: Hmuia Veng a Young Mizo Assn. Manipur Group Office ah tuni’n Joint Philanthropic Organisation (JPO) te’n meeting nei uh a, Tribal Revolutionary Army (TRA) pawl in April 26, 2016 nitaklam dak 5:30 vel a Imphal bazar ah Thangsianbiak @ Biabiak of Laimanai, Imphal tulel a Imphal Zou Youth Orgn (ZYO) Vice President leh PA to Ginsuanhau, MLA (Singngat A/C) kidnap thu kikum uhi. JPO te’n Biabiak tung a thiltung poisakthu leh asungkuante thuakpih thu puang uh a, humanitarian ground a Biabiak khahkhe ding in TRA-te kiangah ngen uhi.
Biakinn tamtak ah Anngawl thumna om
Lamka, April-30: Evangelical Baptist Convention (EBC) saptuam omna teng ah tuzing dak 7:00 apat sunnung dak 2:00 kival in saptuam chih a Dorcas pawl makaih in Manipur Singtangmite’ buaina tawh kisai, gam uh buaina awlmawhna ziakin EBC bial pumpi ah anngawl thumkhawmna om hi. Anngawl thumkhawmna a telte’n mahni annek tang antang tawi uh a, antang tawikha loute’n sum tawi in Biakinn ah koih uhi.
Mi 2 in NFSA/Ration card surrender nawn
Lamka, April-30: Kaikhanlian Guite of Bungmual in National Food Security Act tungtawnin Ration card ngah mahleh Bungmual V/A tungtawnin Dist. Supply Officer (DSO) kiangah surrendered a, tu-in Bungmual mi mah Medical Department a sem N. Kamzathang leh asanggamnu Khamvung inleng Bungmual V/A tungtawn mahin Ration card surrendered nawn uhi.
Huihpi ziakin tenna inn 1 kisia
Lamka, April-30: Muanhuaitak apan thusuak kingahdanin, zan zingkal baihtaka huihpi hattak nungin B. Kaljang (Singngat A/C) khua leng naktakin nuai a, tua ah Pa Khaizachin Suante gawkung kipai in a innkhang ua Pa Kapnou tenna inn naktakin dengsia hidanin kiza hi. Khawsung mipi pangkhawmin zan leh tuni in belhtheih dingin hiai inn tunding kik a om hi’n kigen hi.
Huihchim' Charity Musical Nyte om
Lamka, April-30: Huihchim Media saina in Chiengkawnpang ah tunitakin “Charity Musical Nyte – In aid of Calamity- affected People of Saichang Area, Henglep Sub- Division , Ccpur District” neih in om a, huai hunah Evan LL Muona, H Kailalmuon, PCL Thuoma, Lawmnakim Hrangte, Ngaihching, Julie Mawi, Jerry K Bieklien, Betsy Gangte, Sangkhum, Sangthiem, Khokhawl, Ginkhoson, Nunthar, Thangboi, Janglal Khongsai leh James Arjun te’n laa sa uhi. Special Invitees in Lunminthang Haokip IAS, DC/Ccpur; Mangkhogin Haokip IPS , SP/Ccpur; S Thienlaljoy Gangte MCS, SDO/Ccpur; Soiminlian Lengen MCS, SDO/Henglep; Joel K Haokip MCS, SDO /Thanlon; Thangboi S Gangte MCS, SDO /Mualnuam; Sangboi Gangte MPS, SDPO/Thanlon; T. Kammuanlal Simte AC to DC leh Dr Chinkholal banah MDC tuamtuamte pang uhi.
Huai hunah Phungzathang Tonsing, MLA(Ccpur) in gialpi thuakte adia Rs. 20,000/- apiak Paupi Ngaihte in pekhia a, DC/Ccpur inleng Rs. 5000 apiak banah CT Lian, MDC leh ‘Suanni Maw’ team in Rs. 2000 pia uh a, Thangkhosuanmung, MDC(Hiangtam Lamka) banah MDC tuamtuam leh makai tuamtuam te’n leng panpihna pia uhi.
Rayburn College Graduation 2016
Lamka, April-30: New Lamka a Rayburn Chapel ah May 2, 2016 zinglam dak 10:00 in Rayburn College Graduation 2016 (Degree Section) program omding a, Rev. Khen P. Tombing, Principal, Rayburn College in Graduate student-te thumsakna leh degree piakna nei ding hi. Huai ah Prof. Dr N. Mohendro Singh, Academic Adviser, Rayburn College in Graduation speech neiding a, Dr Mary N. Baite leh Dr. GN Ching makaih in Student of the Year Award hawmkhiat hiding hi.
Town staff-te kisuan uh
Lamka, April-30: Tipaimukh road a Town office building bawlthak ding ziak in tuni’n EO Town leh staff-te Tuibuong a Dist. Council office ah kisuan uh a, building thak bawl zawh masiah huai mun pansan in nasem ding uhi.
“UKLF te’n thagum in suaikai sak’ –KNLF
Lamka, April-30: Kuki National Liberation Front (KNLF/KNO) thusuakin tuni a agendanin, UKLF pawlin thagum in Chandel district ah hausa-te meeting neihpih in thagum in suaikai sak ua, hiaibang chindan a khatveina hi nawnlou a, KNLF/KNO in ngaisiamlou ahihdan uh taklang uhi. KNLF in mi chih, namchih kituak dialdial a tengkhawm lunggulh mahmah a, huchikawm kalah, UKLF in mipi khenzak sawmin nasem uh chi’n ngawhna nei uhi. September 2016 chianga UKLF Chief SS Haokip in 2017 MLA election ding tawh kisai a meeting sap a sawm leng mipi khenzak sawmna ahi chi uh a, tualou in April 19, 2006 a Sugnu a om Standard High School ah UKLF leh Kuki Chief Assn in meeting aneih uh leng KNLF in apomkei chi uhi.
KNLF kichi revolutionary organisation ahi a, chikmahin MLA/MDC leh election dangdang ah a kigolh ngeikei a, mipi’ thuneihna azahtak mahmah chi uh a, UKLF in thagum a blank paper a khaw hausa tuamtuamte suai akaihsak zel uh KNLF/KNO in zadah mahmahta ahi chi uhi. Khaw hausate’n KNLF hi’n UKLF hitaleh, revolutionary party dangte laulou a ding tang ngam ding in ngen uh a, gam leh leitang humbitna ah hausate khauhtak a pang dingin ngen uh a, hausate’ tunga thagum a nasep sawmte kuapeuhin dal dingin Secy, Inf & Publicity KNLF Kolphe Kuki in taklang hi.
Affidavits ah Self Attestation zattheih ding
Lamka, April-30: Dr. Suhel Akhtar, Addl. Chief Secy. Administrative Reforms, govt of Manipur in Affidavit ah Law (layer) te’n signature bawl ngai mahleh Manipur Gazettee order No.1202, dated March 9, 2016 dungzui in Self Attestation zat theih ding hi’n official order suah hi. Self certificate/Self attestation ah diklou taka thilhih om leh Indian Penal Code dungzui a action lak hiding a, student te’n Educational institution, recruitment, scheme/benefits etc. ngah nang tawh kisai original documents teng tawivek ngaiding a, Dist. Administration teng in zui chiat dingin Dr. Suhel Aktar in theisak hi.
Hearing Assessment Camp ah mi 14 tel
Lamka, April-30: Thangzam Road, Laitui Medico sak a Inclusive Education for Disabled (IED)-SSA/CCpur Resource Centre ah tuni zinglam dak 10:00 apat in Hearing Assessment Camp om hi. Hiai camp bel USA pansan banah India a Noida based anei Star Key India Private Ltd.-te saina hi a, Vinya, Audologist/ General Manager, NE hongpai a, Imphal apat Joy Rani Brahmachari, Asst. Co-ordinator, IED-SSA/Manipur in hon makaih hi. Tuni a assessment camp ah naupang kum 18 nuailam mi 14 ki ensak uh a, mi 13 kiang ah hearing aid piak hi ua, mi 1 ahihleh cosmetic surgery bawl hiding in kigen hi.
Lajangphai ah Free Health Camp om
Lamka, April-30: HQ Veng a om 7-Assam Rifles pawl saina in Lajangphai khua a Widow Welfare Association Asia office ah tuni zinglam dak 9:00 in Free Health Camp om hi. Huai ah civil doctor 3: Dr. Rohini (Pediatricians), Dr. Vungngaihching (Gynecologist) leh Dr. Alex Touthang (Ortho) banah Assam Rifles doctor 2: Dr. Syam S. Gurjar (General illness) leh Dr. V. Vaiphei, CMO te’n numei-naupang leh meithai mi 200 val medical check-up nei uhi. Medical Camp ah 7-A/R te’n Rs. 1 lakh vel man ding damdawi amanbei in damloute kiangah pia uhi.
One Day Career Guidance program
Lamka, April-30: Lutheran Youth Fellowship (LYF) Lamka Division saina in Zomi Colony a MELC HQ Church ah tuni zinglam dak 10:00 in ‘One Day Career Guidance Program’ om hi. Huai ah Ginzamang T. Zomi in CBSE, BSEM & CoHSEM nuai a tutung class X & XII board exam zou a result ngaklel-te Career Planning & Right Decision tawh kisai sinsak a, zilna leh theihna, education tungtawn in mihing khat in a innsung leh agriculture ah improve sak thei kia hilou in field dangdang ah leng kikhekna (changes) lianpi tun thei ahi chi hi.
MZP saina in Career Guidance
Lamka, April-30: MZP Chiengkawn Branch saina in Chiengkawnpang a ESC Sunday school Hall ah tuni zinglam dak 11:00 in class X & XII exam zou-te’ ading in Career Guidance om a, student 80 vel tel uhi. Huai ah William Jangkhoson Baite, AE, PHED; Douthanglal @ Ronald, Bank PO/UBI leh Micheal Mate, Co-ordinator Accelerate Coaching Centre te’n sinsak uhi. MZP Chiengkawn Branch makai-te gendan in class X & XII exam zoute khualna ziaka Career Guidance poimawh tak kinei hi a, kum bangzahhiam paisa in class X & XII exam zoute’ adia Career Guidance program kinei zel hi’n gen uhi.
SUUNNA:
Chongzavung (88) m/o Zamkhankap of Mission Veng, zannitak dak 5:30 velin teknat in si a, tuni’n Lamka hanmual ah kivui hi.
Haulianthang (59) s/o (late) Upa Kamkhogin of Mata, zannitak dak 9:00vel in kidney fail ziakin si a, tuni’n Mata hanmual ah kivui hi.
Zamsuanthang (44) H/o Thangnemching of Bungmual, Laiveng, tuni sunnung dak 1:30 in cancer natna in si a, nitaklam in Bungmual hanmual ah kivui hi.
IMPHAL NEWS:
Tourism hatsakna dingin dept te’n panla
Imphal, April-30: State Government in Department of Tourism tungtawn in state sunga tourism tawh kisai hatsakna ding in panla uh a, kum 4-5 paisa sung in thil tamtak semkhia uh hi’n thusuakin taklang hi. Tourism hatsakna ding a nasepnate lakah Manipur Sangai Festival tungtawn in gam tuamtuam akipan in khualzinmite hongpai uh a, festival hunsung in Arts & Culture, Handloom, Handicraft, Indigenous Sports, Cuisine, Music leh Adventure Sports lamte phoulak in om chi uhi. Kum 15 paisa sungin Tourism dept te’n World Tourism Mart (WTM), London, North East Summit, South Asia Travel and Tourism Exchange (SATTE), International Tourism Mart, Travel and Tourism Fair (TTF), leh North-East Festival chihte ah kihel uh hi’n taklang hi.
Gamgiphai a Commando koih deihlou
Kangpokpi, April-30: Sadar Hills civil body tuamtuam te’n Gamgiphai, Sadar Hills ah tunai chin in Manipur police Commando outpost koihthak a om deihlou in tuni’n joint meeting nei uhi. Huai ah Kuki Inpi Sadar Hills, Kuki Women Union Sadar Hills, Kuki Students’ Organization, Sadar Hills, Kuki Organization for Human Rights Sadar Hills banah KISH, KWU leh KSO nuaia unit tuamtuamte kihel uhi. Mipi adia lemna-muanna omtheihna ding in state govt. in kintak a commando outpost lakhe ding in theisak uh a, Commando outpost koih sang in district police hihhat sem dingin ngen uhi. Thiltung dang ah Thadou Students Association, Thadou Youth Association leh Thadou Women Association pawlin huai tawh kisai mah in tuni’n Motbung ah joint meeting nei uh a, Police CDO outpost deihlou ahihdan uh taklang uh a, Sadar Hills a MLA 3 te’n kintak a panla ding in nawh uhi.
Hunchiam omlou in class boycott
Imphal, April-30: Manipur University a Central government’ reservation policy zat ding deihlou in tuni’n singtangmi siamsinte kiphin uhi. Manipur University Tribal Students’ Union (MUTSU) nuai a kikhai khawm student pawlte’n class boycott in kiphin uh a, kalnawn Seppatni akipan class tengteng boycott ding uh ahihdan puang uhi. Reservation tawh kisai, hunpaisa a kizang pen zatkik ahihkeileh Manipur tawh kikawmtuahna national highway teng ah economic blockade puang ding uh ahihdan leng MUTSU pawlin gen uhi. Thusuak dang ah, Central etkaina nuaia University khat ahihman in Deans’ Committee of Manipur University pawlin University Grant Commission (UGC) deihna bang in central reservation koih sawm uhi. Huai reservation policy ah teaching leh non-teaching post lakna di’n ST ading 7.5% hi a, scheduled caste ading 15% banah OBC ading 27% hi’n kigen hi. Reservation policy thak zat hileh ST te’n tulel a 31% a hamphatpihte uh naktak in keniam ding hi’n leng kigen hi. Kiphinna tawh kisai MUTSU president Bosco Jaiche Kharam in tuni a agendan in kalnawn Sepnawnni leh Nilaini in MUTSU pawlin MU ah shutdown puang uh a, lawhchinna om keileh May 4 akipan economic blockade leh kiphinna tuamtuam in zui ding chi hi.
‘Slow sand filtration water plant’ hongkhia
Imphal, April-30: HQ IGAR (South) tawh pangkhawm in 9 Sector Assam Rifles nuai a 12 Bihar Regiment pawlin Patsoi-II, Imphal West ah tuisiang 12000 litre koihtheihna ding ‘Slow Sand Filter Water Plant’ tuni’n hongkhia uhi. Huai hunah 12 BIHAR Regiment a Commanding Officer in tuisiang koihna ding hongkhia a, mipi adia poimawh tuisiang ahihman in Security force te’n huai ding in panla uh chi hi. Assam Rifles pawlin thusuah abawl uh kimudan in hiai tuisiang ahihleh 24 x 7 hour sung in a thawn in mipi’n dawn thei ding uhi.
Kut Commt. in Mary Kom kipahpih
Imphal, April-30: State Level Kut Committee Chairman G.S Haopu min a tuni a press statement kisuahkhia in a taklatna ah, Indian Boxer Mc Mary Kom kianga Rajya Sabha member hihna piak ahih kipahthu puang uhi. Amau hiai bang a singtangmi kimawlsiam khat kianga Rajya Sabha membership piak pen Manipur a namchih adia kipahna leh singtangmite tawisang na ahi, chi uhi.
Chandel a mi 2 thahna mawhpaih
Chandel, April-30: Maring mipite kikhaikhawmna Maring Uparup Assembly leh Naga People’s Front ( NPF ) 42 Tengnoupal Area Unit pawlin Taret Lok, Moirengthel village, Chandel District a mi 2 thahna tawh kisai mawhpaihthu puang uhi. Pawl nihte’n atuam tuak a mawhpaihthu a suah uh kimudan in kithahna a telkhate government in kintak a mankhe ding in theisak uh a, maban ah hiai bang a kithahna tawpsan ding in ngen uhi.
TUNI THUPI:
“Diktatin Toupa Pathian in a nasemmi, a jawlneite kiangah a thuguk hilh louin bangmah a hih kei ding.”
– Amos 3:7
EDITORIAL:
May Day/Labours’ DayMay Day i chih International Workers' Day/ Labours’ Day chih in leng om hi. Hiai Ni poimawh hong kipatna tawh kisai leh thil omdan enkhawm zek lehang ut huai isa a, adiakin khangthakte’ adingin leng a poimawhna om mahmah dingin igingta hi. Kum tengin May Day kichi Ni masapen May 1 in zat hisek a, leitung gam tuamtuam ah thupitak takin program neih hisek hi. Tua ziak mahin leitung gam tamzaw in ‘public holiday’ in ana puang uh a, media-te telin private company tuamtuam a semte’ adingin leng khawlni a zatin om hi.
Kumzabi sawm-le kua beikuan (late 19th century) hunin Socialists leh Communists pawlin May 1 pen ‘International Workers' Day’ dingin hon telkhia uhi. Ahi a, a kigendan in 18th century hunin bel Roman Catholics te’n May Day kichi ana zangta chi uh a, Virgin Mary adia vualzawlna ngetsakna hundanin ana neisek uh chih ahi. Himahleh, tamtakte’ gendanin, leitung ah Christiante ziaka hiai May Day zat ahikei chi leuleu uh a, kiselna tak mahmah khat ‘issue’ bel hipeuh mahding hi. Bangteng hileh, niteng nektawm zongte khualna ziak peuhmah a hiai Ni poimawh zat hidingin koihtheih hi.
May 1 ahihleh ataktak in Christiante adingin Ni poimawh mah ahi diam chihtheih a a omna bel Jesu pianna nu Mary’ pasal St Joseph kichi carpenter hi a, amah zahtakna leh pahtawina piakna leng ahi chih hi leuleu a, Joseph ahihleh niteng nektawm zongin carpentry (singlem leh adangdang bawl) a kilawh hi a, tua ziakin amah thupi ngaihna ni ahi chileng om hi. Tua ziak mahin International Workers Day celebrations bawlkhiak a om ahi chi uhi. Khut nasep tungtawn a nektawm zong liauliaute adingin hiai Ni pen poimawh mahmah a, tua ziak mahin govt tuamtuam hitaleh United Nations tanpha in leng ngaikhawk mahmah uhi. United States ah International Workers' Day tawh kisai bangchidan hiam chih a theipha nai hetlou bang om thepthup uh chih hizel hi. Amaute economy asan ziaka hibanga May Day poimawhna ana theiban lou om adiam chih theihin om hi.
I gentaksa khat ah lut kik nawn lehang, kumzabi 19 nunglam deuhin working class group a om mizawng leh gentheite’n ni khat ah dakkal 8 tan nasep theihding in ngetna nei uh a, nikhat a dakkal 10 apan 16 kikal na kisepsak pen mihingte’ damtheihna dingin lauhuai ahi chi uhi. Dakkal 10-16 kikal na a kisepsak hun un a nasep uh atha un azawhlouh ziakun mihing alom lom in ana si uhi. 1860's velin nasemte kiphin zak uh a, nikhat in dakkal 8 tan ka sem ding uh a, himahleh, ka lawh uh cut hikei hen chi uhi. Himahleh, hiai thu pomsak hilou a, 1880's hunin pomsak hipan uhi. Capitalism ana hat mahmah ziakin hiai teng tung hidan a genin leng om a, nasemtute gim deuhdeuh, ataksa uh chau deuhdeuh, himahleh, a boss-te uh hausa deuhdeuh chingkhawng ana hi.
Tuni in hiaite tawh kisai et in eilawi tawh kumzabi paisa a mi thiltuahte bang ahia a kikhiakna chih theihin om hi. Ganhing banga kizanga, lawh tawm chikchik kipiak chih bang i chindan uh hilai leh kilawm abatna ton om hi. Nisa leh khawlum nuai ah suun nitum a nasem dia kizang, lawh tawmchik kipia, nang na ut kei leh midang kilawh ut atam mai chih khawng mi tamtak paidan ahihlai ziakin poi mahmah hi. Indian government nuai a Labour ministry in nikhat a mikhat in atawm tawp a hiai zah alawh ding ahi chih bikhiah a om hi. Labour commission in nitha lawh abawlpen adiktak azuihding hileh mi tamtak abuai dinga, huai dan zuih chetzou kei mahle hang, a kilawmzah bek kha lawh ikipiak uh deihhuai mahmah hi.
Mi kilawh dinga ilak theihleh eipen aneizaw deuh chihna ahi a, huai chauh leng hilou in Christian ihihna tawh i mi hinpihte itna ineih uh poimawh mahmah hi’n kilang hi. Mi khenkhatte ngialbang kilawh alak chiang un thaduh law mahmah uh a, singpi nasan awm ngam lou phialphial omlai tel uh chih bangleng om hi. May Day in ei niteng nektawm zongte adingin thu kipahhuai hon puak leh ichi mahmah hi.
No comments:
Post a Comment