HEADLINES:
Manipur singtanggam pumpi ah dakkal 48 sung Total Shutdown
Lamka, May-17: Manipur Chief Minister O. Ibobi makaihna in May 9, 2016 a All Political Party meeting ah Anti-Tribal Bill 3-te India President in assent (lemsakpihna) a piak dinga bawhzui di’n New Delhi pha ding a thupukna bawl in Prime Minister, Home Minister leh Law Minister muh a sawm uh mawhpaihna in JAC against Anti-Tribal Bills in Manipur singtanggam teng ah May 18, 2016 zankim(midnight) tan dakkal 48 sung Total Shutdown a puan uh May 16, 2016 zankim lai in kipan a, tuni in buaina thiltung bangmah zak hilou hi. Anti-Tribal Bill 3 ziaka buai kipatna munpi(epicentre) Lamka khawpi tel in Singngat leh Senapati ah Total Shutdown khauh mahmah a, khawpi sungah dukan, hotel, bazar banah school/college leh bank teng leng kikhak a, khawpi sungah gari tai muh ding omlou phial hi.
Tuni’n singtanggam district tengah Total Shutdown khauh mahmah a, United Naga Council (UNC), All Tribal Chiefs Forum, Manipur leh Zeliangrong Youth Front (ZYF) inleng Total Shutdown lawhchinna ding in khauhtak in panla uh a, NH-2 a Mao Gate banah Ukhrul, Senapati, Chandel leh Tamenglong Dist HQ-te ah bandh khauh mahmah chihthu kiza hi. Sadar Hills ah Thadou Students' Association (TSA), Thadou Youth Association (TYA) leh Thadou Women Association (TWA) te’n NH- 2 (Imphal- Dimapur road) bandh uh a, volunteer te’n Gamgiphai leh Motbung village ah lampi khaktan uh a, dukan, hotel,bazar leh govt institution teng kikhak vek hi.
JAC against Anti-Tribal Bills in thupuan a bawl bangin CCpur dist pansan innpi leh nam tuamtuam makaite’n May 10, 2016 in Simveng a Simte Inn ah joint meeting nei uh a, huai hun ah CM makaihna All Political Party meeting thupukna mawhpaihna sangpen a mawhpaih in Total Shutdown leng support uh a, a lawhchinna di’n naktak a kithuahpih di’n thupukna la uhi. Tuaban ah, May 13, 2016 in Hmuia Veng a MPC Office ah United Naga Council leh Kuki Inpi Manipur telin CCpur pansan innpi leh nam tuamtuam apan makaite banah JAC against Anti-Tribal Bills makai te’n joint meeting nei uh a, huai hun ah leng Total Shutdown gupthu puang uhi.
JAC against Anti-Tribal Bills in Total Shutdown sungin medical check-up, water supply, media houses, postal service, telecom, electricity, airport akhak leh pi, exam pailel atel student leh invigilator-te, kitenna leh khawmpi omdia bikhiahsate khahkol uhi. Total Shutdown bel May 18, 2016 zankimlai in bei ding hi.
LOCAL NEWS:
ZBCA-America Khawmpi omding
Lamka, May 17: Zomi Community Church, Denver, CO, USA ah July 8-10, 2016 sung leitung pumpi a Zomite’ adingin ZBCA-America khawmpi 4veina om ding hi. Huai ah Rev. Dr. Ngul Khan Pau (India), Rev. Kham Sian Khup (Myanmar) leh USA akipan bangzahhiam te’n thugen ding uhi. Lasa ding in India akipan Moibiaklian; Jenny Zenthiansiang leh Niangbawi (Myanmar) hawhding uh a, visa leh thil tuamtuam hihfel a omta hi’n kigen hi. Khawmpi sungin Germany akipan Pastor Pau Pian Thang, USA akipan Pastor Pau Sian Lal leh Pastor Tual Cin Khup te’n ordination ngah ding uhi. Bible leh lasak kidemna om ding a, tuailaite’n Concert leng neiding uhi. Khawmpi ah pawlpi 28 val akipan mi 1000 vel teldia lam-et hi a, delegate 300 vel pha ding hi’n kigen hi. Khawmpi leh USA a Nashville mun a Zomi Innkuan Khawmpi tawh kizom ding hi’n kigen hi.
Kiten nung kum 47 chinna zang
Lamka, May-17: Manipur Express a Joint Editor Khamkhanthang Valte’ nu-leh-pa Rev V. Thangsuan leh Vialzaching kiten kum 47 a chinni tuni zinglam dak 11.00 akipan in Siloam Veng, Bungmual a Rev. V. Thangsuan’ inn ah Pathian kianga kipahthu genna hun zat hi a, huai ah saptuam heutute, tanau leh ngainate tamtak in uap uhi. Pastor V. Khamvum, Local Pastor EBCC Bungmual in Pathian kianga kipahthu genkawm in Rev. V.Thangsuan leh azi ading in vualzawlna ngen in thumsak hi. Program zat sung in mi 20 val in thugen uh a, Hoihching & Veven, Niangremvel, Chingsuankim & Chingsangvung te’n Special No. present uh a, program zawh in ankuang umkhawm uhi.
Dr. Alice in Asst. Professor muthak
Lamka, May-17: Dr Alice Khawlsawnkim in Tripura University nuai ah Asst. Professor muthak hi. Aman kum 2014 in NEHU nuaia Linguistics deptt ah Doctorate ngah a, Prof. SK Singh a guide apang in a thesis 'Vaiphei Phonetics, Phonology and Morphology: A descriptive Study' chih ana gelh hi.
Police custody ah ni 8 omding
Lamka, May-17: Ginsuanhau, MLA’ PRO T. Thangsianbiak @ Biabiak kidnap tungtung a Imphal West Commando-te’ mat Letkhomang Kipgen(20) s/o (late) Thangsei Kipgen of Bongbal village leh Henminthang Kipgen(30) s/o Paojang Kipgen of T.Lailoiphai village-te zan zekin CCpur police te’n T. Lala Vaiphei’ JCB Driver Khumanthem Tondonba Singh (23) s/o Kh.Kwaklei Singh of Pukhao Naharup Awang Leikai ,Imphal East kidnap case in man nawn uh a, zan in CJM court in May 23, 2016 tan(ni 8 sung) Police custody a omding in phalsak a, mi 2-te tungah CCpur Police te’n FIR No. 24 (5) 2016 CCP-PS U/S 400/365/34 IPC & 25 (1-C) A. Act registered uhi.
SP office ah form 344 kihawmkhia
Lamka, May-17: Tuibuong a SP office ah zan leh tuni’n Manipur Police deptt a Police Constable (male) post 2052, Follower (male) post 564 leh Manipur Rifle a Rifleman (male) post 441 lakna ding tawh kisai application form 344 hawmkhia uhi. Huaite Police constable adin form 195, MR adin 106 leh Follower adin form 43 ahi hi.
Mipi’ tuinek ding Bore Well pekhia
Lamka, May-17: 7-Assam Rifles te’n OP Sadbhavana Project 2015-16 tungtawn in Khengjang khua ah mipi’ tuinek ding Bore Well thuahsak (installed) uh a, tuni zinglam dak 11:30 in Jangkhogin Kipgen, Chief of Khengjang khut ah pekhia uhi. Feet 200 a thuk Bore Well ahihleh Rs 8.5 lakhs budget a kibawl hi a, Khengjang khaw mipi’ tui nekding litres 20,000 kholkhawm thei ding hi’n kigen hi.
Water Supply Zone-I (Koite Lui) nuai a Mongsang Water Tank ah tui kiningchin louhziakin Khenjang mipi’n 7-Assam Rifles-te’ kiang ah huhna ngen uh a, 7-Assam Rifles te’n mipi tuinek ding a bawlsak ban uah biakinn compound ah Solar Lamp, Syntex 2000 litre banah public toilet leng bawlsak uhi.
HSA Hmar Veng Unit makai tel uh
Lamka, May-17: Hmar Students’ Assn. CCpur Jt. HQ saina in kum 2016-2018 sung HSA Hmar Veng Unit makai ding tel uh a, President din Isak Lalremruot Puruolte telching uhi. Vice President- H.D Buonthasang; Secretary- H. Lalngailien Pulamte; Asst.Secy. Francis Hranglawmum; Treasurer- Angela Lamngaiting; Finance Secy.-Eunice Lallunghnem; Education Secy.- Zokhumi; Games & Sports.- Jacob Malsawmsang; Arts and Culture- Edwin L.Songate leh Inf. Secy. in James Khuolkung tel ching uhi.
Dist Hospital puahthakna paizel
Lamka, May-17: Lamka Dist Hospital puahna nasep paizel in, tu in nasemtute’n maternity ward sung ah tiles phah in, dailenbuk leh maternity ward ah rong(white wash) a nuhthak ban uah labour room leh children ward pehlel uhi. Huai tawh kisai Dr. J. Son Goukham Samte, Med Suptd.in agendan in Director Health Services in Hospital puahthak poimawh ngaih a, National Health Mission tungtawna fund hongpai zang in puahthak a om hi’n gen a, tulelin a tuangah tiles phah ahihbanah a sung white wash bawl hi a, damloute dailen buk ding leng bawlthak ahihban ah Labour Room ding leng khat bawlbeh a om hi’n gen hi.
Children Ward ah Sick New Born Care Unit (SNCU) koih dingin panla lel uh a, huai ding ziakin tu in children ward tawh kizom varandah peh in om a, tunung sawtlou a luah hiding gen hi. Ward kibawl thak ah Nurse duty-te room tawh kizom a damlou omteng omsak hidin leng gen hi. Nurse duty-te’ room tawh kizom teng SNCU ward a zat hiding a, tunung sawtlou in nasep kipan ding chi hi. Nasep zawhsiangna dingin kal 1/2 vel lutlai ding hi’n nasemte’n gen uhi.
(late) Jamnu’ Hotel keklian
Lamka, May-17: Vengnuam South, New Lamka a Lungtuak Road leh EBC Road junction a om ‘Jamnu Hotel’ tuzing dak 7:00 in phatuamngaite’n sum a thawhkhawm uh zangin keklian in social work nei uhi. Huai hotel ahihleh Lamka khawpi sung mun tuamtuam a gam-le-nam itna neite’n kum 2014 apan kimuhkhawmna dia azat uh hi a, permanent member mi 100 vel om uh a, hotel neitu (late)Mrs. Jamnu min tam in ‘Jamnu 5 Star Hotel/Parliament cum Aeropagus’ chi’n minvuah uhi.
Kum masa lam in Thanlon MLA Vungzagin Valte leh ADC Chairman Langkhanpau Guite telin mi poimawh tuamtuamte’n a vangkim in veh zel uh hi’n member te’n gen uhi. Huai kekletna dingin Chairman ADC in Rs.5000; G. Thangkhosuanmung, EM/ADC in Rs. 2000; T. Khaikhomang, Chairman, Finance Committee, ADC in Rs. 1500; G.Nengkhanpau, EE/PWD; V. Hangkhanlian, ex-Minister; V Siamnunlian; V.Khaikhanmung, MDC; Paukhanlian, MDC leh M. Gouzamang Guite, EM/ADC te’n Rs. 1000/- chiat banah G. Suanchinpau, MDC, Pumtulthang, MDC, Ms Biakii, Director Royal Academy leh Suanlian Bungmual in Rs. 500/- chiat thawh uhi. Jamnu 5 star hotel board member Thanga Tonsing, Chairman, K Lamthang, Secretary leh D. Lalminthang Finance Secretary te’n sum thawhkhawmte tungah kipahthu gen uhi.
KNF(MC) apan Letkam Kuki khawlsak
Lamka, May-17: Kuki National Front (Military Council)/KNO a Secy, IPR Th. Rio Kuki in thusuah abawl kimudan in, hunsawttak Orgn. adia asepkhawm pih uh Letkam Kuki @LK Kuki taksa upat ziak leh damlouhnate ziakin tuni akipan Orgn. ah khawlsak uh a, KNF(MC) adia asep sunga mimal leh society tunga genkhelh leh sepkhelh aneihte ngaidam ding in ngen a, tuni a khawlsak ahihdungzui in maban ah sepkhelh-bawlkhelh aneih leh Orgn in mawhpawlou ding hi’n thusuah bawl hi.
3rd (L) Helkhomang Gangte Mem Football Tour om ding
(L) Helkhomang Gangte Mem Football Tour Committee saina in Bijang Playground ah 3rd (L) Helkhomang Gangte Memorial Football Tournament (U-16), 2016 om ding hi. Huai ah Winner in Rs 15,000+ Trophy + Certificate, Runners Up in Rs 7000 + Certificate sang ding a, Individual Award ah Top Scorer, Best Midfielder, Best Defender, Best Keeper, Man Of The Tournament, Man Of The Match (from SF Match), Best Discipline Team chihte leng om ding hi. Lunglutna neite’n Meizapians Hotel, Bijang Gangte Veng ah May 29, 2016 tan in form laktheih ding hi’n kigen hi.
IMPHAL NEWS:
IMC adi’n Councilor ah 74, Ward Comm. ah 105 in nomination file
Imphal, May-17: Imphal Municipality election June 2 a omding ah tunitan in Councilor candidate 74 in nomination pia uh a, Ward Committee member candidate 105 te’n leng nomination file theih hunsung beitan in pia uhi. Zingchiang in amaute’n scrutiny nei ding uhi. Imphal West district ah councilor adia nomination pia INC leh BJP apan 20 tuak om uh a, CPI in candidate 2 nei in, JD (U) apan mi khat banah Independent candidate 18 in nomination file uhi. Imphal East akipan in BJP leh Congress in candidate 6 chiat nei uh a, CPI apan mi 2, LJP apan mi 1 banah Independent candidate 8 om uhi.
Mun 2 ah bomb puakzak
Imphal, May-17: Improvised Explosive Devise (IED) hiding a gintak bomb 2 Imphal leh Moreh ah puakzak a, himahleh aliam omlou hi. Thusuakin agendan in Thangal Bazar kiang Khuyathong ah tuzing in bomb hattak puakzak a, sunma dak 11:30 inleng Indo-Myanmar gamgi Moreh ah bomb khat puakzak nawn hi. Tuzing dak 4:10 in Imphal a bombpuak pen Reliable Cargo Movement (RCM) office kiang hi a, bomb hal in RCM Office vanzat khenkhat hihsia hi.
Transport tungtang thukhun bawl
Imphal, May-17: Bus leh gari a school kai dia kuante bitna ding in Manipur govt. nuaia Transport Department in zuih ding thukhun puang hi. School naupangte puakna dinga kizang Educational institution bus, private bus, school van (motorcabs/maxi cabs) leh private omnibus te’n District Transport Officer-te kiang ah Contract Carriage Permit (Regular/Temporary) la ding in theihsak hi uh a, CMV Rules 1989 nuaia rule 115 dungzui in Pollution Under Control Certificate (PUC) neih ngai hi’n leng taklang uhi. School naupangte puakna dinga kizang gari peuhmah theihchet baihlam na ding in inch 6 a sau ah rong (yellow) gial(strip/band) nuh ding inleng theihsak hi uh a, gari malam ah “School Bus/Van or On School Duty” chih gelh kawm in, School min leh Telephone No. koih ngai ding hi. School authority teng inleng Principal etkaina nuai ah School Transport Committee phutkhe ding in theihsak hi uh a, member ding in Parents/Guardian Forum/Assn., School Transport service providers Assn. leh Local Bodies te zang ding in Transport Department in theihsakna bawl hi.
Sugnu ah Class-XI zilnuam kibehlap
Sugnu, May-17: State govt. in St. Joseph’s School, Sugnu a Class-XI omsak ding phalna apiak nung in Council of Higher Secondary Education Manipur (COHSEM) ah leng phalna ngah uh a, 2016-17 session ah Sugnu Area a Class-XI zilnuam kibehlap hi’n gen uhi. Huai tawh kisai St. Joseph’ School Principal Fr. Stephen Touthang, Chairman, Higher Secondary School Development Committee in agendan in Thoubal, Chandel, Bishnupur leh Ccpur dist. tawh gamgi a om ahihman in Sugnu pen siamsinna ding a mun poimawhtak hi a, district 4 apan siamsin te’n Class-XI zil ding in vanaih uh chi hi. Sugnu AC MLA Ranjit panlakna tawh School Committee te’n State Government leh COHSEM apan Class XI (Arts) zilna hongthei uh hi’n Fr. Stephen in gen hi.
ST Demand Comt te’n Public Meeting
Imphal, May-17: Schedule Tribe Demand Committee (STDC) pawlin May 22 in Imphal ah Public Rally neih ding in thupuan bawm ngei mahle uh state sung a tulai dinmun ziakin Rally khawlsak uh a, May 22 sunma dak 11:00 in Sumang Leela Shunglen, Konung Mamang, Imphal Public Meeting nei ding uhi. STDC Co-ordinating committee Convenor Mutum Churamani in tuni a agendanin makai leh heutu tuamtuamte ngetna bang in ILPS tungtang a kiphinna hihbuailou ding in Public Rally khawlsak uh chi a, Rally neih hun ding ah Public Meeting om zaw ding chi hi. M. Churamani in agenzelna ah ST demand ahihleh singtangmi leh phaizangmite kigawmna ding leh kituahna ding hi’n gen a, Manipur ah khangsawnte adia maban limchitak amuh ziakun theihtawp suah a panla hi’n gen hi. Tua ding tawh kisai in May 22, 2016 in Bandh/Blockade bawllou ding in STDC makaite’n ngen uhi.
World Hypertension Day zat in om
Imphal, May-17: World Hypertension Day zatna tuni’n Shija Hospital ah om in, BP sang ziaka thiltung tuamtuamte leh kiven dingdan sinsakna om hi. Hiai awareness program ahihleh department of medicine, Shija Hospitals leh Lions Club Imphal Leimarol pangkhawm a sai hi a, Lion Ksh. Madhabi, President, Lions Club Imphal Leimarol leh Lion M. Swaroopini, Regional Head of Region 11 te’n awareness poimawhdan genkawm in Shija Hospital panlakna kipahpihthu puang uhi.
TUNI THUPI:
“Toupa muangte zaw Zion tang hihlin vuallouh tangtawn a om gige ding bang ahi uhi.” -Sam 125:1
EDITORIAL:
I kalsuandan kilual poimawh
Joint Committee on Inner Line Permit System(JCILPS) pawlin India gam state dang akipan phalna bei a Manipur honglut dingte dalna ding Inner Line Permit System(LPS) kichi phutna ziakin phaijang bial district 4 ah hun sawtkuamtak kiphinna khauhtak paipih uh a, huai vensak (solve) theihna ding in Manipur Assembly in ‘the Manipur Regulation of Visitors, Tenants and Migrant Workers Bill, 2015’ passed mahle uh JCILPS pawl a lungkimtuanlouh ziakun Assembly ah Aug 28, 2015 in huai Bill zukkik(withdrawn) ahihdan puan in om hi.
JCILPS pawlte deihdan tawh kituak a Bill kibawlthak Assembly ah Aug 28, 2016 ni mah in (1) ‘the Protection of Manipur People Bill, 2015’ (2) ‘the Manipur Land Revenue and Land Reforms (Seventh Amendment) Bill, 2015’ leh (3) ‘the Manipur Shops and Establishment (Second Amendment) Bill, 2015’ kichi puaklut (introduced) in om hi. Himahleh huai Bill 3te Inner Line Permit System zat ding tawh kisai kia hilouin tunung kum bangzahhiam in singtangmite dinmun dengdel dia akilat banah gam-le-leitang tawh kisai leng sautak poiban ding ahi chih thil omdan sui vengvengte leh constitutional expert-te’n chiantakin taklang uh a, huai in Manipur singtangmite’ lungsim ah patauhna leh giautauna thupitak tun hi.
Manipur Assembly in Aug 31, 2015 in huai bill 3te (tulai a Anti-Tribal Bills kichi) hong passed petmah uh a, huai tawh kiton in Manipur singtanggam pumpi ah lungkimlouhna ziaka kiphinna (agitation) sousangtak in zuipah hi. Huchih lai in Lamka khua a mipi kiphinte tungah security te’n thau a zatkhum ziakun mi 9 si a, 50 liam in a serious mahmah hunkhop Hospital ah etkol ngai uhi. JCILPS makaihna a kiphinna ah mi 1 si a, govt in ngai serious mahmah a, singtangmite kiphinna ah mi 9 hial in sihlawh mahleh state govt hi’n Centre hileleng tuni tan ginataka panla a omlouh ziakin Tribal martyr 9te leng aluang uh vuilouh in Hospital campus a morgue ah omlai uhi.
Huaiziakin singtangmite laka makai Innpi/apex bodies leh party tuamtuamte kithutuak in ‘Joint Action Committee against Anti-Tribal Bills’ bawlkhia uh a, himahleh Manipur Govt in singtangmite khenzak teitei sawm in singtangmite’ lungkimlouhna pen ‘law & order problem’ lel danin gen uh a, huaimai leng hilou in ‘CCpur district problem’ chi sek uhi. Huai in Manipur govt hihna kichiantak(colour) taklang a, singtangmite Manipur ah minority ahihziak mah in amaute’n majority-te deihdan a pom mai uh hilou in a zuih ding uh chih paipih kawma kitalkaihna chihlouh theihlouh suak hi.
May 9, 2016 in Chief Minister O. Ibobi makaihna in All Political Party meeting ah Bill 3te Centre in dan(act) a zat ahih theihna dingin vanawh ding in thupukna bawl uh a, tu’n PM, Home Minister leh Law Minister tawh kimuhna ding appointment ngak lai phot uh chih ahi hi. Delhi zinding tungtang leng JCILPS te’n khauhtaka a phut ziak uh ahi a, Delhi a zin hun uah khauhtaka panla ding leh lawhsam a hong kiklou himhim dingin thupiak khauhtak pe zawmah uhi. Phaijangmite’n thil a nget uhiam a phut uh a om chiangin ngaihdan kikalh chih omlou in khauhtakin pangkhawm uh a, a khauh paikhawm ziak mah un lawhching dinga gintak haksate tanpha atawp in lawhching uh a bat hun omsek hi.
Singtangmite lungkimlouhna ziaka kiphinna ‘tribal movement’ chih in leng a om a, nambing hiam community khat ading lela poimawh hilou in singtangmite adingin i hihna leh hamphatna kepbitna banah gam-le-leitang humbitna ding tawh kisai ahi hi. Hibang kalah ‘JAC against Anti-Tribal Bills’ kichi bang leng CCpur district hiam Lamka khawpi mipi kia’ ading hileh kilawma vek pawl leng om hi. Hiai Tribal movement kichi singtangmite pankhawm vek ngai issue ahi a, nambing khat hiam pawl khat lel kineisak tuam leh ki-innteksak tuam a om leh huaite ziakin lawhsapna om thei gige thil hizawmah hi.
‘JAC against Anti-Tribal Bills’ malakna a Tribal movement ah Naga, Kuki, Zomi, Hmar, Mizo leh adangdang leng i kalsuandan kilual leh kibang poimawh a, huchi ahihkeileh kuamah a khawsuak(survive) tuam a om gintak haksa mahmah hi. Kum 50 val kivaihawmna tuam(sovereignty) movement paipih Naga-te bang leng India govt tawh tamveitak kihouna nei mahle uh a thiltup lianpen uh kivaipuakna tuam a ngah ding uh chih kichian tuanlou hi. Huchikal ah Naga hilou alompi a gen in Kuki/Zomi pawl khekhat suankhawm theilou a om touhtouh ahihleh a khawsuak tuam om dingin gintak haksa a, huai ngaihdan dik leng adik ding hi.
Manipur singtanggam pumpi ah dakkal 48 sung Total Shutdown
Lamka, May-17: Manipur Chief Minister O. Ibobi makaihna in May 9, 2016 a All Political Party meeting ah Anti-Tribal Bill 3-te India President in assent (lemsakpihna) a piak dinga bawhzui di’n New Delhi pha ding a thupukna bawl in Prime Minister, Home Minister leh Law Minister muh a sawm uh mawhpaihna in JAC against Anti-Tribal Bills in Manipur singtanggam teng ah May 18, 2016 zankim(midnight) tan dakkal 48 sung Total Shutdown a puan uh May 16, 2016 zankim lai in kipan a, tuni in buaina thiltung bangmah zak hilou hi. Anti-Tribal Bill 3 ziaka buai kipatna munpi(epicentre) Lamka khawpi tel in Singngat leh Senapati ah Total Shutdown khauh mahmah a, khawpi sungah dukan, hotel, bazar banah school/college leh bank teng leng kikhak a, khawpi sungah gari tai muh ding omlou phial hi.
Tuni’n singtanggam district tengah Total Shutdown khauh mahmah a, United Naga Council (UNC), All Tribal Chiefs Forum, Manipur leh Zeliangrong Youth Front (ZYF) inleng Total Shutdown lawhchinna ding in khauhtak in panla uh a, NH-2 a Mao Gate banah Ukhrul, Senapati, Chandel leh Tamenglong Dist HQ-te ah bandh khauh mahmah chihthu kiza hi. Sadar Hills ah Thadou Students' Association (TSA), Thadou Youth Association (TYA) leh Thadou Women Association (TWA) te’n NH- 2 (Imphal- Dimapur road) bandh uh a, volunteer te’n Gamgiphai leh Motbung village ah lampi khaktan uh a, dukan, hotel,bazar leh govt institution teng kikhak vek hi.
JAC against Anti-Tribal Bills in thupuan a bawl bangin CCpur dist pansan innpi leh nam tuamtuam makaite’n May 10, 2016 in Simveng a Simte Inn ah joint meeting nei uh a, huai hun ah CM makaihna All Political Party meeting thupukna mawhpaihna sangpen a mawhpaih in Total Shutdown leng support uh a, a lawhchinna di’n naktak a kithuahpih di’n thupukna la uhi. Tuaban ah, May 13, 2016 in Hmuia Veng a MPC Office ah United Naga Council leh Kuki Inpi Manipur telin CCpur pansan innpi leh nam tuamtuam apan makaite banah JAC against Anti-Tribal Bills makai te’n joint meeting nei uh a, huai hun ah leng Total Shutdown gupthu puang uhi.
JAC against Anti-Tribal Bills in Total Shutdown sungin medical check-up, water supply, media houses, postal service, telecom, electricity, airport akhak leh pi, exam pailel atel student leh invigilator-te, kitenna leh khawmpi omdia bikhiahsate khahkol uhi. Total Shutdown bel May 18, 2016 zankimlai in bei ding hi.
LOCAL NEWS:
ZBCA-America Khawmpi omding
Lamka, May 17: Zomi Community Church, Denver, CO, USA ah July 8-10, 2016 sung leitung pumpi a Zomite’ adingin ZBCA-America khawmpi 4veina om ding hi. Huai ah Rev. Dr. Ngul Khan Pau (India), Rev. Kham Sian Khup (Myanmar) leh USA akipan bangzahhiam te’n thugen ding uhi. Lasa ding in India akipan Moibiaklian; Jenny Zenthiansiang leh Niangbawi (Myanmar) hawhding uh a, visa leh thil tuamtuam hihfel a omta hi’n kigen hi. Khawmpi sungin Germany akipan Pastor Pau Pian Thang, USA akipan Pastor Pau Sian Lal leh Pastor Tual Cin Khup te’n ordination ngah ding uhi. Bible leh lasak kidemna om ding a, tuailaite’n Concert leng neiding uhi. Khawmpi ah pawlpi 28 val akipan mi 1000 vel teldia lam-et hi a, delegate 300 vel pha ding hi’n kigen hi. Khawmpi leh USA a Nashville mun a Zomi Innkuan Khawmpi tawh kizom ding hi’n kigen hi.
Kiten nung kum 47 chinna zang
Lamka, May-17: Manipur Express a Joint Editor Khamkhanthang Valte’ nu-leh-pa Rev V. Thangsuan leh Vialzaching kiten kum 47 a chinni tuni zinglam dak 11.00 akipan in Siloam Veng, Bungmual a Rev. V. Thangsuan’ inn ah Pathian kianga kipahthu genna hun zat hi a, huai ah saptuam heutute, tanau leh ngainate tamtak in uap uhi. Pastor V. Khamvum, Local Pastor EBCC Bungmual in Pathian kianga kipahthu genkawm in Rev. V.Thangsuan leh azi ading in vualzawlna ngen in thumsak hi. Program zat sung in mi 20 val in thugen uh a, Hoihching & Veven, Niangremvel, Chingsuankim & Chingsangvung te’n Special No. present uh a, program zawh in ankuang umkhawm uhi.
Dr. Alice in Asst. Professor muthak
Lamka, May-17: Dr Alice Khawlsawnkim in Tripura University nuai ah Asst. Professor muthak hi. Aman kum 2014 in NEHU nuaia Linguistics deptt ah Doctorate ngah a, Prof. SK Singh a guide apang in a thesis 'Vaiphei Phonetics, Phonology and Morphology: A descriptive Study' chih ana gelh hi.
Police custody ah ni 8 omding
Lamka, May-17: Ginsuanhau, MLA’ PRO T. Thangsianbiak @ Biabiak kidnap tungtung a Imphal West Commando-te’ mat Letkhomang Kipgen(20) s/o (late) Thangsei Kipgen of Bongbal village leh Henminthang Kipgen(30) s/o Paojang Kipgen of T.Lailoiphai village-te zan zekin CCpur police te’n T. Lala Vaiphei’ JCB Driver Khumanthem Tondonba Singh (23) s/o Kh.Kwaklei Singh of Pukhao Naharup Awang Leikai ,Imphal East kidnap case in man nawn uh a, zan in CJM court in May 23, 2016 tan(ni 8 sung) Police custody a omding in phalsak a, mi 2-te tungah CCpur Police te’n FIR No. 24 (5) 2016 CCP-PS U/S 400/365/34 IPC & 25 (1-C) A. Act registered uhi.
SP office ah form 344 kihawmkhia
Lamka, May-17: Tuibuong a SP office ah zan leh tuni’n Manipur Police deptt a Police Constable (male) post 2052, Follower (male) post 564 leh Manipur Rifle a Rifleman (male) post 441 lakna ding tawh kisai application form 344 hawmkhia uhi. Huaite Police constable adin form 195, MR adin 106 leh Follower adin form 43 ahi hi.
Mipi’ tuinek ding Bore Well pekhia
Lamka, May-17: 7-Assam Rifles te’n OP Sadbhavana Project 2015-16 tungtawn in Khengjang khua ah mipi’ tuinek ding Bore Well thuahsak (installed) uh a, tuni zinglam dak 11:30 in Jangkhogin Kipgen, Chief of Khengjang khut ah pekhia uhi. Feet 200 a thuk Bore Well ahihleh Rs 8.5 lakhs budget a kibawl hi a, Khengjang khaw mipi’ tui nekding litres 20,000 kholkhawm thei ding hi’n kigen hi.
Water Supply Zone-I (Koite Lui) nuai a Mongsang Water Tank ah tui kiningchin louhziakin Khenjang mipi’n 7-Assam Rifles-te’ kiang ah huhna ngen uh a, 7-Assam Rifles te’n mipi tuinek ding a bawlsak ban uah biakinn compound ah Solar Lamp, Syntex 2000 litre banah public toilet leng bawlsak uhi.
HSA Hmar Veng Unit makai tel uh
Lamka, May-17: Hmar Students’ Assn. CCpur Jt. HQ saina in kum 2016-2018 sung HSA Hmar Veng Unit makai ding tel uh a, President din Isak Lalremruot Puruolte telching uhi. Vice President- H.D Buonthasang; Secretary- H. Lalngailien Pulamte; Asst.Secy. Francis Hranglawmum; Treasurer- Angela Lamngaiting; Finance Secy.-Eunice Lallunghnem; Education Secy.- Zokhumi; Games & Sports.- Jacob Malsawmsang; Arts and Culture- Edwin L.Songate leh Inf. Secy. in James Khuolkung tel ching uhi.
Dist Hospital puahthakna paizel
Lamka, May-17: Lamka Dist Hospital puahna nasep paizel in, tu in nasemtute’n maternity ward sung ah tiles phah in, dailenbuk leh maternity ward ah rong(white wash) a nuhthak ban uah labour room leh children ward pehlel uhi. Huai tawh kisai Dr. J. Son Goukham Samte, Med Suptd.in agendan in Director Health Services in Hospital puahthak poimawh ngaih a, National Health Mission tungtawna fund hongpai zang in puahthak a om hi’n gen a, tulelin a tuangah tiles phah ahihbanah a sung white wash bawl hi a, damloute dailen buk ding leng bawlthak ahihban ah Labour Room ding leng khat bawlbeh a om hi’n gen hi.
Children Ward ah Sick New Born Care Unit (SNCU) koih dingin panla lel uh a, huai ding ziakin tu in children ward tawh kizom varandah peh in om a, tunung sawtlou a luah hiding gen hi. Ward kibawl thak ah Nurse duty-te room tawh kizom a damlou omteng omsak hidin leng gen hi. Nurse duty-te’ room tawh kizom teng SNCU ward a zat hiding a, tunung sawtlou in nasep kipan ding chi hi. Nasep zawhsiangna dingin kal 1/2 vel lutlai ding hi’n nasemte’n gen uhi.
(late) Jamnu’ Hotel keklian
Lamka, May-17: Vengnuam South, New Lamka a Lungtuak Road leh EBC Road junction a om ‘Jamnu Hotel’ tuzing dak 7:00 in phatuamngaite’n sum a thawhkhawm uh zangin keklian in social work nei uhi. Huai hotel ahihleh Lamka khawpi sung mun tuamtuam a gam-le-nam itna neite’n kum 2014 apan kimuhkhawmna dia azat uh hi a, permanent member mi 100 vel om uh a, hotel neitu (late)Mrs. Jamnu min tam in ‘Jamnu 5 Star Hotel/Parliament cum Aeropagus’ chi’n minvuah uhi.
Kum masa lam in Thanlon MLA Vungzagin Valte leh ADC Chairman Langkhanpau Guite telin mi poimawh tuamtuamte’n a vangkim in veh zel uh hi’n member te’n gen uhi. Huai kekletna dingin Chairman ADC in Rs.5000; G. Thangkhosuanmung, EM/ADC in Rs. 2000; T. Khaikhomang, Chairman, Finance Committee, ADC in Rs. 1500; G.Nengkhanpau, EE/PWD; V. Hangkhanlian, ex-Minister; V Siamnunlian; V.Khaikhanmung, MDC; Paukhanlian, MDC leh M. Gouzamang Guite, EM/ADC te’n Rs. 1000/- chiat banah G. Suanchinpau, MDC, Pumtulthang, MDC, Ms Biakii, Director Royal Academy leh Suanlian Bungmual in Rs. 500/- chiat thawh uhi. Jamnu 5 star hotel board member Thanga Tonsing, Chairman, K Lamthang, Secretary leh D. Lalminthang Finance Secretary te’n sum thawhkhawmte tungah kipahthu gen uhi.
KNF(MC) apan Letkam Kuki khawlsak
Lamka, May-17: Kuki National Front (Military Council)/KNO a Secy, IPR Th. Rio Kuki in thusuah abawl kimudan in, hunsawttak Orgn. adia asepkhawm pih uh Letkam Kuki @LK Kuki taksa upat ziak leh damlouhnate ziakin tuni akipan Orgn. ah khawlsak uh a, KNF(MC) adia asep sunga mimal leh society tunga genkhelh leh sepkhelh aneihte ngaidam ding in ngen a, tuni a khawlsak ahihdungzui in maban ah sepkhelh-bawlkhelh aneih leh Orgn in mawhpawlou ding hi’n thusuah bawl hi.
3rd (L) Helkhomang Gangte Mem Football Tour om ding
(L) Helkhomang Gangte Mem Football Tour Committee saina in Bijang Playground ah 3rd (L) Helkhomang Gangte Memorial Football Tournament (U-16), 2016 om ding hi. Huai ah Winner in Rs 15,000+ Trophy + Certificate, Runners Up in Rs 7000 + Certificate sang ding a, Individual Award ah Top Scorer, Best Midfielder, Best Defender, Best Keeper, Man Of The Tournament, Man Of The Match (from SF Match), Best Discipline Team chihte leng om ding hi. Lunglutna neite’n Meizapians Hotel, Bijang Gangte Veng ah May 29, 2016 tan in form laktheih ding hi’n kigen hi.
IMPHAL NEWS:
IMC adi’n Councilor ah 74, Ward Comm. ah 105 in nomination file
Imphal, May-17: Imphal Municipality election June 2 a omding ah tunitan in Councilor candidate 74 in nomination pia uh a, Ward Committee member candidate 105 te’n leng nomination file theih hunsung beitan in pia uhi. Zingchiang in amaute’n scrutiny nei ding uhi. Imphal West district ah councilor adia nomination pia INC leh BJP apan 20 tuak om uh a, CPI in candidate 2 nei in, JD (U) apan mi khat banah Independent candidate 18 in nomination file uhi. Imphal East akipan in BJP leh Congress in candidate 6 chiat nei uh a, CPI apan mi 2, LJP apan mi 1 banah Independent candidate 8 om uhi.
Mun 2 ah bomb puakzak
Imphal, May-17: Improvised Explosive Devise (IED) hiding a gintak bomb 2 Imphal leh Moreh ah puakzak a, himahleh aliam omlou hi. Thusuakin agendan in Thangal Bazar kiang Khuyathong ah tuzing in bomb hattak puakzak a, sunma dak 11:30 inleng Indo-Myanmar gamgi Moreh ah bomb khat puakzak nawn hi. Tuzing dak 4:10 in Imphal a bombpuak pen Reliable Cargo Movement (RCM) office kiang hi a, bomb hal in RCM Office vanzat khenkhat hihsia hi.
Transport tungtang thukhun bawl
Imphal, May-17: Bus leh gari a school kai dia kuante bitna ding in Manipur govt. nuaia Transport Department in zuih ding thukhun puang hi. School naupangte puakna dinga kizang Educational institution bus, private bus, school van (motorcabs/maxi cabs) leh private omnibus te’n District Transport Officer-te kiang ah Contract Carriage Permit (Regular/Temporary) la ding in theihsak hi uh a, CMV Rules 1989 nuaia rule 115 dungzui in Pollution Under Control Certificate (PUC) neih ngai hi’n leng taklang uhi. School naupangte puakna dinga kizang gari peuhmah theihchet baihlam na ding in inch 6 a sau ah rong (yellow) gial(strip/band) nuh ding inleng theihsak hi uh a, gari malam ah “School Bus/Van or On School Duty” chih gelh kawm in, School min leh Telephone No. koih ngai ding hi. School authority teng inleng Principal etkaina nuai ah School Transport Committee phutkhe ding in theihsak hi uh a, member ding in Parents/Guardian Forum/Assn., School Transport service providers Assn. leh Local Bodies te zang ding in Transport Department in theihsakna bawl hi.
Sugnu ah Class-XI zilnuam kibehlap
Sugnu, May-17: State govt. in St. Joseph’s School, Sugnu a Class-XI omsak ding phalna apiak nung in Council of Higher Secondary Education Manipur (COHSEM) ah leng phalna ngah uh a, 2016-17 session ah Sugnu Area a Class-XI zilnuam kibehlap hi’n gen uhi. Huai tawh kisai St. Joseph’ School Principal Fr. Stephen Touthang, Chairman, Higher Secondary School Development Committee in agendan in Thoubal, Chandel, Bishnupur leh Ccpur dist. tawh gamgi a om ahihman in Sugnu pen siamsinna ding a mun poimawhtak hi a, district 4 apan siamsin te’n Class-XI zil ding in vanaih uh chi hi. Sugnu AC MLA Ranjit panlakna tawh School Committee te’n State Government leh COHSEM apan Class XI (Arts) zilna hongthei uh hi’n Fr. Stephen in gen hi.
ST Demand Comt te’n Public Meeting
Imphal, May-17: Schedule Tribe Demand Committee (STDC) pawlin May 22 in Imphal ah Public Rally neih ding in thupuan bawm ngei mahle uh state sung a tulai dinmun ziakin Rally khawlsak uh a, May 22 sunma dak 11:00 in Sumang Leela Shunglen, Konung Mamang, Imphal Public Meeting nei ding uhi. STDC Co-ordinating committee Convenor Mutum Churamani in tuni a agendanin makai leh heutu tuamtuamte ngetna bang in ILPS tungtang a kiphinna hihbuailou ding in Public Rally khawlsak uh chi a, Rally neih hun ding ah Public Meeting om zaw ding chi hi. M. Churamani in agenzelna ah ST demand ahihleh singtangmi leh phaizangmite kigawmna ding leh kituahna ding hi’n gen a, Manipur ah khangsawnte adia maban limchitak amuh ziakun theihtawp suah a panla hi’n gen hi. Tua ding tawh kisai in May 22, 2016 in Bandh/Blockade bawllou ding in STDC makaite’n ngen uhi.
World Hypertension Day zat in om
Imphal, May-17: World Hypertension Day zatna tuni’n Shija Hospital ah om in, BP sang ziaka thiltung tuamtuamte leh kiven dingdan sinsakna om hi. Hiai awareness program ahihleh department of medicine, Shija Hospitals leh Lions Club Imphal Leimarol pangkhawm a sai hi a, Lion Ksh. Madhabi, President, Lions Club Imphal Leimarol leh Lion M. Swaroopini, Regional Head of Region 11 te’n awareness poimawhdan genkawm in Shija Hospital panlakna kipahpihthu puang uhi.
TUNI THUPI:
“Toupa muangte zaw Zion tang hihlin vuallouh tangtawn a om gige ding bang ahi uhi.” -Sam 125:1
EDITORIAL:
I kalsuandan kilual poimawh
Joint Committee on Inner Line Permit System(JCILPS) pawlin India gam state dang akipan phalna bei a Manipur honglut dingte dalna ding Inner Line Permit System(LPS) kichi phutna ziakin phaijang bial district 4 ah hun sawtkuamtak kiphinna khauhtak paipih uh a, huai vensak (solve) theihna ding in Manipur Assembly in ‘the Manipur Regulation of Visitors, Tenants and Migrant Workers Bill, 2015’ passed mahle uh JCILPS pawl a lungkimtuanlouh ziakun Assembly ah Aug 28, 2015 in huai Bill zukkik(withdrawn) ahihdan puan in om hi.
JCILPS pawlte deihdan tawh kituak a Bill kibawlthak Assembly ah Aug 28, 2016 ni mah in (1) ‘the Protection of Manipur People Bill, 2015’ (2) ‘the Manipur Land Revenue and Land Reforms (Seventh Amendment) Bill, 2015’ leh (3) ‘the Manipur Shops and Establishment (Second Amendment) Bill, 2015’ kichi puaklut (introduced) in om hi. Himahleh huai Bill 3te Inner Line Permit System zat ding tawh kisai kia hilouin tunung kum bangzahhiam in singtangmite dinmun dengdel dia akilat banah gam-le-leitang tawh kisai leng sautak poiban ding ahi chih thil omdan sui vengvengte leh constitutional expert-te’n chiantakin taklang uh a, huai in Manipur singtangmite’ lungsim ah patauhna leh giautauna thupitak tun hi.
Manipur Assembly in Aug 31, 2015 in huai bill 3te (tulai a Anti-Tribal Bills kichi) hong passed petmah uh a, huai tawh kiton in Manipur singtanggam pumpi ah lungkimlouhna ziaka kiphinna (agitation) sousangtak in zuipah hi. Huchih lai in Lamka khua a mipi kiphinte tungah security te’n thau a zatkhum ziakun mi 9 si a, 50 liam in a serious mahmah hunkhop Hospital ah etkol ngai uhi. JCILPS makaihna a kiphinna ah mi 1 si a, govt in ngai serious mahmah a, singtangmite kiphinna ah mi 9 hial in sihlawh mahleh state govt hi’n Centre hileleng tuni tan ginataka panla a omlouh ziakin Tribal martyr 9te leng aluang uh vuilouh in Hospital campus a morgue ah omlai uhi.
Huaiziakin singtangmite laka makai Innpi/apex bodies leh party tuamtuamte kithutuak in ‘Joint Action Committee against Anti-Tribal Bills’ bawlkhia uh a, himahleh Manipur Govt in singtangmite khenzak teitei sawm in singtangmite’ lungkimlouhna pen ‘law & order problem’ lel danin gen uh a, huaimai leng hilou in ‘CCpur district problem’ chi sek uhi. Huai in Manipur govt hihna kichiantak(colour) taklang a, singtangmite Manipur ah minority ahihziak mah in amaute’n majority-te deihdan a pom mai uh hilou in a zuih ding uh chih paipih kawma kitalkaihna chihlouh theihlouh suak hi.
May 9, 2016 in Chief Minister O. Ibobi makaihna in All Political Party meeting ah Bill 3te Centre in dan(act) a zat ahih theihna dingin vanawh ding in thupukna bawl uh a, tu’n PM, Home Minister leh Law Minister tawh kimuhna ding appointment ngak lai phot uh chih ahi hi. Delhi zinding tungtang leng JCILPS te’n khauhtaka a phut ziak uh ahi a, Delhi a zin hun uah khauhtaka panla ding leh lawhsam a hong kiklou himhim dingin thupiak khauhtak pe zawmah uhi. Phaijangmite’n thil a nget uhiam a phut uh a om chiangin ngaihdan kikalh chih omlou in khauhtakin pangkhawm uh a, a khauh paikhawm ziak mah un lawhching dinga gintak haksate tanpha atawp in lawhching uh a bat hun omsek hi.
Singtangmite lungkimlouhna ziaka kiphinna ‘tribal movement’ chih in leng a om a, nambing hiam community khat ading lela poimawh hilou in singtangmite adingin i hihna leh hamphatna kepbitna banah gam-le-leitang humbitna ding tawh kisai ahi hi. Hibang kalah ‘JAC against Anti-Tribal Bills’ kichi bang leng CCpur district hiam Lamka khawpi mipi kia’ ading hileh kilawma vek pawl leng om hi. Hiai Tribal movement kichi singtangmite pankhawm vek ngai issue ahi a, nambing khat hiam pawl khat lel kineisak tuam leh ki-innteksak tuam a om leh huaite ziakin lawhsapna om thei gige thil hizawmah hi.
‘JAC against Anti-Tribal Bills’ malakna a Tribal movement ah Naga, Kuki, Zomi, Hmar, Mizo leh adangdang leng i kalsuandan kilual leh kibang poimawh a, huchi ahihkeileh kuamah a khawsuak(survive) tuam a om gintak haksa mahmah hi. Kum 50 val kivaihawmna tuam(sovereignty) movement paipih Naga-te bang leng India govt tawh tamveitak kihouna nei mahle uh a thiltup lianpen uh kivaipuakna tuam a ngah ding uh chih kichian tuanlou hi. Huchikal ah Naga hilou alompi a gen in Kuki/Zomi pawl khekhat suankhawm theilou a om touhtouh ahihleh a khawsuak tuam om dingin gintak haksa a, huai ngaihdan dik leng adik ding hi.
No comments:
Post a Comment