EMCI Class Inauguration leh Orientation
Lamka, May-3: Class
XI leh Class XII sinlel leh zousa sinlai naupangte khualna a coaching
centre kipanthak Eimi Coaching Institute (EMCI) in tuni nitaklam dak
3:30 in Rayburn College ah first batch-te adi’n Class Inauguration leh
Orientation Programme zang uh a, huai hun ah Rev. Khen P. Tombing,
Principal Rayburn College & Advisory Board in coaching a telding
student-te thumsak hi.
T. Lianchinpau, Director, EMCI in competitive exam a lawhchin nang in kum 2 hoihtak kisakkhol masak ngai a, i gam ah coaching centre hoihtak a omlouh ziakin MBBS, Engineering leh NDA a lunglut sinlai naupangte’n kum a mangsak banuah sum-le-pai tamtak seng uh hi’n gen hi. Siamsin te’n kam (job) muhna dia kum a mangsaklouh ua, Class XI leh Class XII a zil sung mah ua competitive exam adia kisakkholh theihna ding uh tupna a kipankhia hi’n gen a, zingkal leh nitaklam a class neih hiding in gen hi. Huai institute ahihleh NDA,
Engineering leh MBBS lam lunglut-te a ding bik a kipankhia hi a, kha 6 course hiding in gen hi. Institute in student 100 lak a 1-te tuition fee missionary fund dia thohkhe ding uh hi’n leng gen hi. First batch adi’n MBBS ah student 24, Engineering 6 leh NDA ah 4, a vek un student 34 in enrolment bawl uh a, Doctor 1, Engineer 3 leh experience teacher 10 kigawm staff 16 in student-te subject tuamtuam ah sinsak ding uhi. H. Tuansonlian, BE (Electrical), Dy. Manager, RE/CCpur in “The secret of my success in Engineering Entrance Examination” thupi zangin thugen a, Thangchinkhup Guite, DDM/NABARD in competitive world adia ‘GK & Current Affairs’ theih lawhchinna bulpi ahihdan thupi zangin thugen hi. EMCI ahihleh March 29, 2016 ni a Prof. Dr. N. Mohendro Singh, Academic Adviser, Rayburn College in ana hong khia ahi.
April sunga naupiang 205 lakah IUD 2 om
Lamka, May-3: Lamka Damdawi inn ah April 2016 sung in naupiang 205 om in, OPD ah ki-ensak 6,063 om a, huai lakah naungek kum 1 nuailam 33 leh Anti-Natal Check-up bawl mi 247 om banah tulel in blood bank ah sisan unit 47 om hi. Report in a taklatdan in, Maternity Ward ah naungek 215 (pasal 113 leh numei 92) piang in, a phiik (twins) omlou a, Intra Uterine Death (IUD) 2 om in, nau piangtung leh nauneih ziaka si bel omlou hi. Children ward ah naupang 210 admit lakah kum 1 nuailam 50 om a, 194 in damdawi inn pawtsan mahle uh mi 5 damsuah lou uhi. Naupang admit-te ahih uh leh a tangpi in sungkhoh, awmna (pneumonia) leh sensi (measles) hi uhi. Surgical Ward ah damlou 108 (pasal 58 leh numei 50) admit lakah 94 te’n damdawi inn pawtsan uh a, Imphal ah 14 refer hi uh a, a si omlou hi. Ortho Ward ah mi 43 (pasal 29 leh numei 14) admit lakah 34 te’n damdawi inn pawtsan uh a, Imphal ah mi 2 refer hi uh a, a si omlou hi. ENT Ward ah damlou mi 10 admit hi uh a, damdawi inn pawtsanta uhi.
Medicine Ward ah mi 277 (pasal 125 leh numei 151) admit lakah khabei tan in mi 8 si uh a, 89 te’n damdawi inn pawtsan in, Imphal ah 19 refer in om uhi. Blood bank ah tulel in sisan A+ve unit 6, A-ve 1, B+ve unit 21, AB+ve unit 3 leh O+ve unit 10 om a, April khasung in mi tuamtuam akipat unit 97 mu in, Unit 97 mah pekhia uhi.
DC/CCpur office in hilhchian
Lamka, May-3: TS Haokip, PRO to DC/CCpur in Newspaper khenkhat ah ‘gial kia thuakte’ chih tawh kisai thusuah omte hilhchetna (clarification) a bawl dan in DC/CCpur office akipan thuchian kan masalou a thusuah poisakthu taklang hi. SDO/Henglep leh SDO/CCpur in April 23, 2016 a gial kia in a hihsiatte a suichet nung un DC/CCpur office ah theisak uh a, district admn inleng panla pah in SDO/Henglep tungtawn in vanzat poimawh (essential items) tuamtuam leina ding advance in sum pia a,aman hawmkhia hi’n taklang hi.
Huailou in district administration in khaw tuamtuam a haksatna thuakte govt akipan panpihna(relief assistance) piak dingin panla a,huchih dungzui in ni tamlou sunga huhna(relief materials) hawmkhiak hiding chi’n gen hi.Tunung in Newspaper te’n hibang thu suah ding hun ah akisaipih official-te kiangah thil omdan kanchian masa zel dingin PRO to DC/CCpur in ngetna bawl hi.
ZC post 6 ading election omding
Lamka, May-3: Chief Election Commissioner, Zomi Council makaih in May 4, 2016 zinglam dak 11:00 in Zomi Council Office, Khominthang, New Lamka ah cabinet post 6 ading election omding a, proposal system , secret ballot in vote khiat hiding hi. ZC cabinet post 6 te-General Secretary., Secy. Finance; Secy. Treasurer; Secy. Administrative Affairs, Speaker leh Dy speaker hiding a, ZCWC member te’n vote kheding uhi.
Mi 11 in NFSA ration card pekik
Lamka, May-3: Manipur CM in April 25, 2016 in National Food Security Act. (NFSA) official in hongkhia a, CCpur Dist. ah tunitan in mi 11 te’n DC office a Civil & Supply Deptt. ah NFSA ration card pekik (surrender) uhi. Amaute- Kaikhanlian Guite of Bungmual; V. Vungzapum of Zenhang Lamka; L. Luaizachin Ngaihte of Hebron Veng, New Lamka; Chinkhoson of Hebron Veng, New Lamka; L. Khamzachin of Hebron Veng, New Lamka; Sumzamang of Bungmual; T. Pumzahau of Hebron Veng, New Lamka; T. Chinzam of Bungmual; K. Pauzalian of Vengnuam, New Lamka; Kamzathang of Bungmual leh Khamvung of Bungmual hi uhi.
NFSA tawh kisai AAY household te’n kha 1 in antang kg 1 ah Rs.3 pia in kg 35 ngah ding uh a, Priority House ah mi 1 in Rs.3 pia in kg 5 tan ngah ding a, inn kuan list ah mi tam leh tawm dungzui in antang ngah ding uhi.
Kha 4 sungin Malaria positive 2 mukhia
Lamka, May-3: Malaria Deptt. CCpur te’n April 2016 sung damlouh ziaka khawsik mi 642 sisan test na uah malaria positive mukhelou uhi. January apan damlou 5,055 sisan test uh a, huai lak ah malaria positive 2 mukhia in, PF bel omlou a, malaria natna ziaka si leh damdawi inn a etkol leng omlou hi’n kigen hi. January 2015 apan April 2016 tanin damlou mi 11,386 sisan test abawlna uah malaria PF 3 telin positive 17 mukhia uhi.
Khawpi sung ah flag zuak
Lamka, May-3: ATML in tribal movement tawh kisai a prog tuamtuam a zat ding sum laisuahna dingin tuzing in khawpi sunga gari taite kiangah flag zuak uhi. ATML in phatuamngai a leisakte tung ah kipahthu gen uhi.
Relief fund Rs. 1 crore lutta
Lamka, May-3: CCpur Dist. ah huihpi, vuahpi leh gialpi in inn-le-lou, thil tamtak ahihsiat panpih nang in Manipur govt in SBI/CCpur ah Chairman, Dist. Disaster Respond Team Fund account tungtawn in zan in Rs.1 crore hong thon uhi. Huai sumte zang in Imphal ah antang (rice) indent hi a, April 4, 2016 nitaklam in antang quintal 500 hongtung ding hi’n kigen hi. Huai antang-te tawh S. Thienlaljoy Gangte, MCS, SDO/CCpur makaih in Saichang area a disaster tawh kisai a Relief Committee member te’n May 5, 2016 in Saichang area zuan ding uh hi’n kigen hi.
Silver Jubilee-cum-PWF Day
Lamka, May-3: Lailam Veng a ZPCS ah May 5, 2016 zinglam dak 10:00 in PWF Silver Jubilee-cum- PWF Day lop hiding a, Rev. Hangpi Manlun, Bial Pastor, Lamka Dist. ZPCS in Jubilee suang honna leh Pathian kiang ah latna neiding hi. Huai zawh in teltuam mi 25 te’n dakpi khenging ding uhi.
Biakinn sung a biakna hun ah Pathian thu gen ding a, PYF LailamVeng leh PWF Lailam Veng te’n lapawl sa ding uhi. Sunnung dak 1:00 in Debate leh Bible quiz kidemna omding a, nitak kikhop hun ah Lalneihtluang, M.Th. in Pathian thu gen ding a, Upa Chiinsuanthang in thumna in hunkhak ding hi.
Fresh Arms License a zuih ding thusuah bawl
Lamka, May-3: Dist. Magistrate/CCpur in thau (gun) license thak (fresh Arms licese) apply-te zui ding thusuah bawl a, fresh application in Sub-Divisional Office/SDM-te tungtawn a paiding, incomplete application himhim pawmsak (entertain) hilou ding hi. “Self protection” ah application form tawh kuate hiam apat vaulauna (threat perception certificate) atelding, “Crop protection” ah concerned SDO/Sub-Registrar apat land ownership certificate tel ading ban ah documents- domicile, income, medical fitness, I-Card, 2-passport photo atel ngeingei ding, SDO/SDM-te verified hilou peuhmah application pawmsak hilou ding hi. SDO/SDM-te’n application dikna ahi chih verified a, a poimawh bangbang recommendation bawlthei ding uh a, hiai thusuah thuthak om masiah zat leh zuih hiding chi’n Dist. Magistrate in thusuah bawl hi.
Lingsiphai khua ah huihpi in inn 7 mutsia
Lamka, May-3: Lamka khawpi leh a kimvel ah zan (April 2) sunnung dak 2:30 velin vuahzu in, huihpi hattak nung a, huchih lai in Lingsiphai khua ah tenna inn 7 a mutsiat banah electric post (khuam) 1 mutpuk hi. Huihpi mutsiat inn neite bel, Paumuanlal, Pauzalal, Soilawmsang, Zamlallem, Chungthang, Henlemsang leh Thangboilal hi uh a, tuni’n khawsung mipi’n social work nei in luah theih di’n tung ding nawn uhi.
Free Anti-Rabies Vaccination omding
Lamka, May-3: Tuibuong a Vety. & A.H. Deptt. office ah May 5, 2016 zinglam dak 10:30 apat in ‘World Veterinary Day 2016’ observed na in “Free Anti-Rabies Vaccination” omding hi. Huai ah ui (dog) neite’n kapsak theih ding hi’n Rosangzuol Khawlum, Jt. Director, Dist. Veterinary Office/CCpur apan kiza hi.
SUUNNA:
L. Ginzahau Ngaihte (53) s/o (late) L. Goukam of Chimtung Veng, New Lamka tuni sun dak 12:30 velin Dist. Hospital ah sinna in si a, May 4, 2016 in YPA hanmual, New Lamka ah kivui ding hi. Amah L.Paupi Ngaihte’ upa (elder brother) ahi.
IMPHAL NEWS:
Manipur University ah Total Shutdown kipan
Imphal, May-3: Manipur University Tribal Students Union (MUTSU) a kikhaikhawm MU a singtangmite’n Campus sungah tuni akipan Total Shutdown apuan ziakun tuni’n MU ah class omlou in kikhak hi. UGC reservation ah ST te’n 7.5% a hamphatpih uh MU a zat sawm ziakin, tulel a 31% reservation hamphatpih ST-te lungkimlou uh a, MU a Master Degree leh sepna tuamtuam ah singtangmite maban bing mahmah ding chi in deihlou uhi. Tuni’n MU Vice Chanchellor Prof. H. Nandakumar Sarma telna in MUTSU leh MU makaite kihou uh a, kiphinna lakhe dingin ngen mahle uh, gelh thawh a thuchiam om masiah MUTSU in khawlsak lou ding uh hi’n theisak uhi. May 4, 2016 sunma dak 11:30 in kihouna om nawn ding a, huai hunah HRD leh UGC kiang a MU thuneite’n apiak ding uh lehkha MUTSU in ngen ding uh a, huai lehkha alungtunhuai keileh kiphinna sunzom ding uh hi’n MUTSU makaite apan kiza hi. MUTSU pawlin Manipur High Court ah huaithu hek in zou uh a, himahleh Supreme Court ah MU lamte’n ahek ziakun May 9 in hearing om ding hi.
UGC reservation pen NE a singtangmite tamna state – Tripura, Nagaland, Meghalaya, Mizoram leh Manipur leh mundang khenkhat ah State Norms zuih ding chih hi a, MU ah UGC norms zuih theih hilou ding chi’n MUTSU makaite’n nial uhi. Tuabang kalah tuni a MUTSU pawlte kiphinna ah student pawl khat valut in hihbuai uh a, pawlkhatte’n tem tawi uh hi’n leng thusuakin gen hi.
A/R te’n KYKL 6 telin galvan tamkhop mankhia
Imphal, May-3: Imphal West district sung Wangoi leh Samurau area ah helpawlte om uh chihthu a zak ziakun 9 Sector Assam Rifles nuaia 12 Bihar Regiment leh Wangoi Police Commandos te’n combined operation bawl uh a, zan leh zanhal in KYKL member hidia gintak mi 6 mankhia uh hi’n thusuakin taklang hi. Thusuakin agendanin mat a omte No 2034 (Batch No 32 Year 2006), Yumnam Sunil Singh @ Babusana (29) S/o Basanta of Oinam Swambung Awang Lekai leh Over Ground Worker - Firoz Khan (29) S/o Md Abdul Latif of Lilong Hairobi Makha Lekai leh Mongjam Rohit Singh (23) S/o M Ramu Singh of Mayang Imphal Lekhai, Ph Shirif (21) S/o F. Farid of Lilong Haoreibi Makha Leikai, Khetrimayum Doren Singh (49) S/o (Late) K Samu Singh of Thoubal Lesnkhong Manung leh Md Faruk Khan (19) S/o Md Nasir Khan of Lilong Turel Ahanbi hi uhi. Huai hunsung mah in gai taituahte akipan 9mm Pistol Berreta (made in Italy) 1 leh magazine banah thautang 7 mankhia uh a, Chinese Hand Grenade 1 leh detonator banah lehkha poimawh tuamtuam mankhawm in, huaite Wangoi Police Station ah pekhia uh hi’n PRO, Hqtrs, IGAR(South), Imphal apan thusuakin taklang hi.
Sadar Hills a CDO koih deihlou
Imphal, May-3: Sadar Hills huamsung Gamgiphai khua a Police Commando omte ziaka mipi lungkimloute gamtatna omthei dingte pumpelh ahihtheihna di’n kintak a Manipur Government in CDO omteng lakhe ding in KSO GHQ in ngetna bawl uh a, tuamun ah CDO te omsak hile uh Sadar Hills minautangte gimthuakna kibehlap ding hi’n Seiboi Haokip, Gen. Secy, KSO GHQ in tuni’n thusuah bawl hi. MLA Ginsuanhau PRO Biabiak pimangna tawh kisai KSO in mawhpaih uh a, kintak a khahkhe ding a ngen kawm in mi pimangte govt. in mankhe ding inleng ngen uhi.
Imphal East ah CrPC 144 behlap
Imphal, May-3: “Panthou” nungzuite leh local mite kala kitheihsiamlouhna sousang sem dinga akilat ziakin Imphal East district pumpi ah tuni akipan Section 144 Code of Criminal Procedure (CrPC) puan in om a, May 4 zinglam dak 6:00 akipan June 3 zinglam dak 6:00 tan daih ding hi. District Magistrate M Joy Singh in thusuah abawlna ah mi 5 sang a tamzaw kizuih phallou in, chiang, suang, leh galvan tawh pawtkhiak phallou hi.
Imp-Jiri passenger service khawlsak
Imphal, May-3: Imphal-Jiribam road a passenger service te’n driver 3 soisakna ziakin tuni akipan nasep khawl in gari tailou uhi. Thusuakin agendanin Wahenbam Leikai Jiri parking ah zan nitaklam dak 4.30 velin pawlkhat in driver 3 vua uh a, parking a omlai gari chabi leng laksak uhi. Soisak a om driver-te bel Sagomsumbi Angousana (35) of Lakhipur Saparmeina, Md Allauddin (25) of Jirighat Lalpani leh Chanambam Mohen (35) of Lakhipur hi un kigen hi.
Labour Corps kum 100 ching ding
Imphal, May-3: Kum 1917 a kiphutkhia Manipur Labour Corps (of First World War) pawlin April 2, 2017 a kum 100 chinna zatna ding tawh kisai in nasep pan uh a, May 15 in MSRTC complex, Imphal ah meeting nei ding uhi.
Bills 3 ziakin May 5 apan 48hrs Public Curfew
Imphal, May-3: State government in “ Bills 3” tawh kisai kumlui akipan a ngaihsaklouh ziakin JCIPS pawlin May 5, 2016 zankim akipan May 7 nitaklam dak 6:00 tan dakkal 48 sung Manipur pumpi ah 'Public Curfew' puang uhi. Huai tawh kisai JCILPS office ah tuni nitaklam in JCILPS Co-convenor Kh Ratan in Media te samkhawm in kimuhpih a, kha 8 paisa a state assembly in a passed nung in President of India dawhkan ah lui in om denlai a, state government in nawhna a piak louh ziak hi’n gen hi. India President kiang a nawhna khauhtak piak ding State govt. mawhpuak hi’n leng JCILPS makaite’n gen uh a, Manipur tualsuakmite humbitna ding a Act a suahtheihna dia state govt. in panla lou chi uhi. State govt. in a thilnget-te uh alimsak keileh student leh numeite tawh kiphinna tuamtuam pan nawn ding uh a, hiai issue a political party te’n a dinmun uh taklang ding inleng Kh Ratan in theisak hi.
Advocate S Shyamcharan in Chairman len
Imphal, May-3: Manipur Lawyers' Forum pawlin Chairman thak ding in Advocate S Shyamcharan guang uh a, general secretary thak ding in Advocate Kh Kanta Singh banah ex-member ding in Advocate L Indrakumar Singh, Advocate Th Jugindro Singh leh Advocate L Sheitendra guang uhi. Amaute’n 2016-18 sung in Manipur Lawyers’ Forum ah mawhpaw ding uhi.
Hockey team 8te Imphal hongtung
Imphal, May-3: Imphal Khuman Lampak stadium ah May 5-22, 2016 sung “6th Hockey India Sub-Junior Men’s National Championship A and B division 2016 ah kihel ding in tuni in team 8 Imphal hongtung uhi. Tuni a hongtung te bel Assam, Madhya Pradesh, Kerala, West Bengal, Dadar Nagar, Mumbai, Puducherry, Virdharva leh J & K akipan hi uh a, team dangte zingchiang in hongtung ding uh hi’n Organising Secretary (Manipur Hockey (MH) Gyanendro Ningombam in gen hi.
UNC in mawhpaihthu puang
Senapati, May-3: United Naga Council (UNC) pawlin PA. Chinaoshang (38) son of (L) PA Mangaleng of Pharung Village PS. Ukhrul pimang nunga thahna banah Mr. A. Ngairaisung (33) s/o LT. A. Yangmaso of Phalee Village, PS. Somdal leh Mr. MK. Lungrei (40) s/o MK. Tion of Hungpung Village, PS. Ukhrul thahna mawhpaih uhi. Government in kintak a hiai kithahna tawh kisai a gamtangte suikhe ding inleng UNC in theisak uhi.
Manipur numei khat pimang in om
Bengaluru, May-3: Nasepna akipan innlam zuan Manipur numei, kum 22 mi khat Bengaluru ah pimang in om a, kum 22 mi pasal khat in hun sawtkuamtak munkhat ah koih chihthu om hi. Hiai thiltung tawh kisai CCTV camera ah chiantak in kila hi. Manipur numei in agendanin nitak dak 9:30 vel a nasem khin innlam azotlai in pasal khat in anunglam ah mantang a, a innluahna kiang akipan pikhia hi’n gen a, pasal pa’n akam ahumsak ziakin pautheilou chi hi. Home Minister Dr Parameshwar in thiltung ngaikhawk mahmah kawm in, police official-te kiang ah thil omdan kankhe ding chi a, action la ding inleng theisak ding chi hi.
TUNI THUPI:
“Ka gen ding bang hangsan taka ka gen theihna dingin. Huai tanchin hoih palai khainiang bun ka hi.”
- Ephesate 6:20
EDITORIAL:
MLA hih ut mawk!
MLA ah kipang leh sum tam ding, mipi lak ah vaihawm ding, na kisemthei ding chih mi tamtak ngaihtuahna ahi a, atamzawte adingin lungluthuai mahmah hi. Ahi a, MLA i chih a taktakin dan bawltu (legislator) ahi uh a, pawng ngapthawh theihleng hilou a, thamlou in state govt ah thawl (thulut) poimawh mahmah hi. MLA hih ut mawk ziaka ut leh dah a kivei in leng nek piangsak khollou maithei hi. Gam-leh-Nam ading, mipi khantouhna ding bangbang poimawh hiam chih a semkhete mipi palai tak hizaw uh chih theihin om a, pawng kam siamsiamte leh thutuam-latuam vekvek theite gam-le-nam in poimawh law khollou maithei hi. Mi nam suahtakna dingin Original Idea tungtawna hong piangkhete mipi’n kipoimawh a, mi hangsan, a poimawh leh assembly (innpi) a kitomngamte mipi’n kipoimawh mahmah ahihdan theihtheihin om hi. Huai kawmkawm in mite’ hon nawmvalh louhlouhna dingin i pilvanna ding uh tam mahmah dingin kilang hi.
MLA i chih chiangin Member of Legislative Assembly chih hi a, Legislature kichi dan leh dun bawltu hi uhi. India a state om teng in munpi neichiat uh a, amaute munpi’ zahhuaina hih siat ahih chiangin assembly ah kitomna omsek chih ding ahi. MLA hinapi a bang a MLA-te’ mawhpuakna chih theilou zen a mihaite buaihuai sek uh chih ahi. Adiakin Bihar state ah MP leh MLA tampitak mi buaihuai mahmah om chih hi a, khawlak ah pil mahle uh ataktakin bazar ah zuaktak louh thugen ngen ahi chi uhi. Tua ziakin mipi palai dia kisate’ lak a gam it taktakte adingin theihtuak leh pilvanna ding (precaution) om hi’n theihtheih hi.
3 bills thubuai pen i awlmawh mahmah a, himahleh, CCpur district-te awlmawh tuk a i tribal dang te’n hon awlmawhpih nawnlou uh adiam chih theihin om hi. Manipur a tribal district omte’ lakah Chandel zalen mahmah a, Ukhrul, Senapati, Tamenglong leh Ukhrul ah hiai ‘3 bills’ ziaka kiphinna thawm zak ahinawn kei a, CCpur ah leng dau hiaihiai in, CCpur Police station mai ah a tu leng om nawnlou hilou hiam chih theihkhop in om hi.
Singtangmite douna dinga bill kipassed tuamtuamte mawhpaih huaitham himahleh, a tawp chiangin bial ‘ZERO’ suahtheihna hong om khongdiam chih bang ngaihtuah theihin om a, a nawhna (pressure) pen niam kiakkiak hiaihiai hi’n kilang hi. I gam ah thil ngaihsut ding tamtak om a, Cor-Comte lauh ziak a gamtatna bang, ahihkeileh, kipimangna case leh adangdang a gilpipi om hi. Huchih lai in i lungsim guk a tupgukna tuamtuam nei ihih le bel huai in hon haizan dingin gintakhuai hi. Heutu tuamtuamte panlakna ikipahpih mahmah a, huai kawmkawmin lungsim tuamneite ikipahpih tuankei hi. Mi tamtakin agendanun, sitting MLA te’n a constituencyte uh hong sik theikei uh a, huai pen hamphatna (advantage) dan a ngai a vote campaign neite leng kipahpih huai ahituan kei uh chi uhi.
MLA utte adia tup pipen dia deihhuai bel thildang hilou in, i lampite mahmah uh puahpha ni chih ut huai hi. Hawktui leh mipi lampi kituh kihi den mai. Hiai paidan kumbangzah zuitou lai ding ihi ua le? Tui (Water Supply) leh Electricity) tawh kisai bel a ziazia omta a, himahleh, lampi kikawmtuahna teng bek black topping hithei ta leh chih huai mahmah hi. I gam ah Border Roads Organisation (BRO) te hong lut uh a, a ziazia om chih ding ahi. MLA hilel leh ut te adingin tele-communication tawh kisai pibawl a poimawh a, tualou in vote bank tuamtuam a ‘hall’ tuamtuam bawlin om zia neinawn dingin gintak huailou hi. Tua ziakin, original idea nei, gam le nam it mah i mi Nam in poimawh hilou hiam chih theihin om hi. MLA kichi mipi adia palai ahih dungzui un mawhpuakna liantak nei uh a, tua MLA te’n bangchibang in a constituency sung uah development scheme a bangchi sepsuah ua chihte sui vengveng hun hi. Ut thu a MLA hihphut theih himawk lou a, ngaihtuahna tawpkhawk seng a hunpia mihingte adingin hibang ‘mawhpuakna’ aliangkou uah bat theihin om hi. Mi tamtak MLA a ut maithei, himahleh, gam le nam adia kipumpiak ding taktakte mah Pathian in lawhchinna pedingin gintakhuai hi. Sum ka nei, mipi ka thuzawh ahihkeileh adangdang thu ivek ziaka MLA hih ut mawk ihih khak leh hihkhial mahmah ding hi.
Lamka, May-3: Class
XI leh Class XII sinlel leh zousa sinlai naupangte khualna a coaching
centre kipanthak Eimi Coaching Institute (EMCI) in tuni nitaklam dak
3:30 in Rayburn College ah first batch-te adi’n Class Inauguration leh
Orientation Programme zang uh a, huai hun ah Rev. Khen P. Tombing,
Principal Rayburn College & Advisory Board in coaching a telding
student-te thumsak hi. T. Lianchinpau, Director, EMCI in competitive exam a lawhchin nang in kum 2 hoihtak kisakkhol masak ngai a, i gam ah coaching centre hoihtak a omlouh ziakin MBBS, Engineering leh NDA a lunglut sinlai naupangte’n kum a mangsak banuah sum-le-pai tamtak seng uh hi’n gen hi. Siamsin te’n kam (job) muhna dia kum a mangsaklouh ua, Class XI leh Class XII a zil sung mah ua competitive exam adia kisakkholh theihna ding uh tupna a kipankhia hi’n gen a, zingkal leh nitaklam a class neih hiding in gen hi. Huai institute ahihleh NDA,
Engineering leh MBBS lam lunglut-te a ding bik a kipankhia hi a, kha 6 course hiding in gen hi. Institute in student 100 lak a 1-te tuition fee missionary fund dia thohkhe ding uh hi’n leng gen hi. First batch adi’n MBBS ah student 24, Engineering 6 leh NDA ah 4, a vek un student 34 in enrolment bawl uh a, Doctor 1, Engineer 3 leh experience teacher 10 kigawm staff 16 in student-te subject tuamtuam ah sinsak ding uhi. H. Tuansonlian, BE (Electrical), Dy. Manager, RE/CCpur in “The secret of my success in Engineering Entrance Examination” thupi zangin thugen a, Thangchinkhup Guite, DDM/NABARD in competitive world adia ‘GK & Current Affairs’ theih lawhchinna bulpi ahihdan thupi zangin thugen hi. EMCI ahihleh March 29, 2016 ni a Prof. Dr. N. Mohendro Singh, Academic Adviser, Rayburn College in ana hong khia ahi.
April sunga naupiang 205 lakah IUD 2 om
Lamka, May-3: Lamka Damdawi inn ah April 2016 sung in naupiang 205 om in, OPD ah ki-ensak 6,063 om a, huai lakah naungek kum 1 nuailam 33 leh Anti-Natal Check-up bawl mi 247 om banah tulel in blood bank ah sisan unit 47 om hi. Report in a taklatdan in, Maternity Ward ah naungek 215 (pasal 113 leh numei 92) piang in, a phiik (twins) omlou a, Intra Uterine Death (IUD) 2 om in, nau piangtung leh nauneih ziaka si bel omlou hi. Children ward ah naupang 210 admit lakah kum 1 nuailam 50 om a, 194 in damdawi inn pawtsan mahle uh mi 5 damsuah lou uhi. Naupang admit-te ahih uh leh a tangpi in sungkhoh, awmna (pneumonia) leh sensi (measles) hi uhi. Surgical Ward ah damlou 108 (pasal 58 leh numei 50) admit lakah 94 te’n damdawi inn pawtsan uh a, Imphal ah 14 refer hi uh a, a si omlou hi. Ortho Ward ah mi 43 (pasal 29 leh numei 14) admit lakah 34 te’n damdawi inn pawtsan uh a, Imphal ah mi 2 refer hi uh a, a si omlou hi. ENT Ward ah damlou mi 10 admit hi uh a, damdawi inn pawtsanta uhi.
Medicine Ward ah mi 277 (pasal 125 leh numei 151) admit lakah khabei tan in mi 8 si uh a, 89 te’n damdawi inn pawtsan in, Imphal ah 19 refer in om uhi. Blood bank ah tulel in sisan A+ve unit 6, A-ve 1, B+ve unit 21, AB+ve unit 3 leh O+ve unit 10 om a, April khasung in mi tuamtuam akipat unit 97 mu in, Unit 97 mah pekhia uhi.
DC/CCpur office in hilhchian
Lamka, May-3: TS Haokip, PRO to DC/CCpur in Newspaper khenkhat ah ‘gial kia thuakte’ chih tawh kisai thusuah omte hilhchetna (clarification) a bawl dan in DC/CCpur office akipan thuchian kan masalou a thusuah poisakthu taklang hi. SDO/Henglep leh SDO/CCpur in April 23, 2016 a gial kia in a hihsiatte a suichet nung un DC/CCpur office ah theisak uh a, district admn inleng panla pah in SDO/Henglep tungtawn in vanzat poimawh (essential items) tuamtuam leina ding advance in sum pia a,aman hawmkhia hi’n taklang hi.
Huailou in district administration in khaw tuamtuam a haksatna thuakte govt akipan panpihna(relief assistance) piak dingin panla a,huchih dungzui in ni tamlou sunga huhna(relief materials) hawmkhiak hiding chi’n gen hi.Tunung in Newspaper te’n hibang thu suah ding hun ah akisaipih official-te kiangah thil omdan kanchian masa zel dingin PRO to DC/CCpur in ngetna bawl hi.
ZC post 6 ading election omding
Lamka, May-3: Chief Election Commissioner, Zomi Council makaih in May 4, 2016 zinglam dak 11:00 in Zomi Council Office, Khominthang, New Lamka ah cabinet post 6 ading election omding a, proposal system , secret ballot in vote khiat hiding hi. ZC cabinet post 6 te-General Secretary., Secy. Finance; Secy. Treasurer; Secy. Administrative Affairs, Speaker leh Dy speaker hiding a, ZCWC member te’n vote kheding uhi.
Mi 11 in NFSA ration card pekik
Lamka, May-3: Manipur CM in April 25, 2016 in National Food Security Act. (NFSA) official in hongkhia a, CCpur Dist. ah tunitan in mi 11 te’n DC office a Civil & Supply Deptt. ah NFSA ration card pekik (surrender) uhi. Amaute- Kaikhanlian Guite of Bungmual; V. Vungzapum of Zenhang Lamka; L. Luaizachin Ngaihte of Hebron Veng, New Lamka; Chinkhoson of Hebron Veng, New Lamka; L. Khamzachin of Hebron Veng, New Lamka; Sumzamang of Bungmual; T. Pumzahau of Hebron Veng, New Lamka; T. Chinzam of Bungmual; K. Pauzalian of Vengnuam, New Lamka; Kamzathang of Bungmual leh Khamvung of Bungmual hi uhi.
NFSA tawh kisai AAY household te’n kha 1 in antang kg 1 ah Rs.3 pia in kg 35 ngah ding uh a, Priority House ah mi 1 in Rs.3 pia in kg 5 tan ngah ding a, inn kuan list ah mi tam leh tawm dungzui in antang ngah ding uhi.
Kha 4 sungin Malaria positive 2 mukhia
Lamka, May-3: Malaria Deptt. CCpur te’n April 2016 sung damlouh ziaka khawsik mi 642 sisan test na uah malaria positive mukhelou uhi. January apan damlou 5,055 sisan test uh a, huai lak ah malaria positive 2 mukhia in, PF bel omlou a, malaria natna ziaka si leh damdawi inn a etkol leng omlou hi’n kigen hi. January 2015 apan April 2016 tanin damlou mi 11,386 sisan test abawlna uah malaria PF 3 telin positive 17 mukhia uhi.
Khawpi sung ah flag zuak
Lamka, May-3: ATML in tribal movement tawh kisai a prog tuamtuam a zat ding sum laisuahna dingin tuzing in khawpi sunga gari taite kiangah flag zuak uhi. ATML in phatuamngai a leisakte tung ah kipahthu gen uhi.Relief fund Rs. 1 crore lutta
Lamka, May-3: CCpur Dist. ah huihpi, vuahpi leh gialpi in inn-le-lou, thil tamtak ahihsiat panpih nang in Manipur govt in SBI/CCpur ah Chairman, Dist. Disaster Respond Team Fund account tungtawn in zan in Rs.1 crore hong thon uhi. Huai sumte zang in Imphal ah antang (rice) indent hi a, April 4, 2016 nitaklam in antang quintal 500 hongtung ding hi’n kigen hi. Huai antang-te tawh S. Thienlaljoy Gangte, MCS, SDO/CCpur makaih in Saichang area a disaster tawh kisai a Relief Committee member te’n May 5, 2016 in Saichang area zuan ding uh hi’n kigen hi.
Silver Jubilee-cum-PWF Day
Lamka, May-3: Lailam Veng a ZPCS ah May 5, 2016 zinglam dak 10:00 in PWF Silver Jubilee-cum- PWF Day lop hiding a, Rev. Hangpi Manlun, Bial Pastor, Lamka Dist. ZPCS in Jubilee suang honna leh Pathian kiang ah latna neiding hi. Huai zawh in teltuam mi 25 te’n dakpi khenging ding uhi.
Biakinn sung a biakna hun ah Pathian thu gen ding a, PYF LailamVeng leh PWF Lailam Veng te’n lapawl sa ding uhi. Sunnung dak 1:00 in Debate leh Bible quiz kidemna omding a, nitak kikhop hun ah Lalneihtluang, M.Th. in Pathian thu gen ding a, Upa Chiinsuanthang in thumna in hunkhak ding hi.
Fresh Arms License a zuih ding thusuah bawl
Lamka, May-3: Dist. Magistrate/CCpur in thau (gun) license thak (fresh Arms licese) apply-te zui ding thusuah bawl a, fresh application in Sub-Divisional Office/SDM-te tungtawn a paiding, incomplete application himhim pawmsak (entertain) hilou ding hi. “Self protection” ah application form tawh kuate hiam apat vaulauna (threat perception certificate) atelding, “Crop protection” ah concerned SDO/Sub-Registrar apat land ownership certificate tel ading ban ah documents- domicile, income, medical fitness, I-Card, 2-passport photo atel ngeingei ding, SDO/SDM-te verified hilou peuhmah application pawmsak hilou ding hi. SDO/SDM-te’n application dikna ahi chih verified a, a poimawh bangbang recommendation bawlthei ding uh a, hiai thusuah thuthak om masiah zat leh zuih hiding chi’n Dist. Magistrate in thusuah bawl hi.
Lingsiphai khua ah huihpi in inn 7 mutsia
Lamka, May-3: Lamka khawpi leh a kimvel ah zan (April 2) sunnung dak 2:30 velin vuahzu in, huihpi hattak nung a, huchih lai in Lingsiphai khua ah tenna inn 7 a mutsiat banah electric post (khuam) 1 mutpuk hi. Huihpi mutsiat inn neite bel, Paumuanlal, Pauzalal, Soilawmsang, Zamlallem, Chungthang, Henlemsang leh Thangboilal hi uh a, tuni’n khawsung mipi’n social work nei in luah theih di’n tung ding nawn uhi.Free Anti-Rabies Vaccination omding
Lamka, May-3: Tuibuong a Vety. & A.H. Deptt. office ah May 5, 2016 zinglam dak 10:30 apat in ‘World Veterinary Day 2016’ observed na in “Free Anti-Rabies Vaccination” omding hi. Huai ah ui (dog) neite’n kapsak theih ding hi’n Rosangzuol Khawlum, Jt. Director, Dist. Veterinary Office/CCpur apan kiza hi.
SUUNNA:
L. Ginzahau Ngaihte (53) s/o (late) L. Goukam of Chimtung Veng, New Lamka tuni sun dak 12:30 velin Dist. Hospital ah sinna in si a, May 4, 2016 in YPA hanmual, New Lamka ah kivui ding hi. Amah L.Paupi Ngaihte’ upa (elder brother) ahi.
IMPHAL NEWS:
Manipur University ah Total Shutdown kipan
Imphal, May-3: Manipur University Tribal Students Union (MUTSU) a kikhaikhawm MU a singtangmite’n Campus sungah tuni akipan Total Shutdown apuan ziakun tuni’n MU ah class omlou in kikhak hi. UGC reservation ah ST te’n 7.5% a hamphatpih uh MU a zat sawm ziakin, tulel a 31% reservation hamphatpih ST-te lungkimlou uh a, MU a Master Degree leh sepna tuamtuam ah singtangmite maban bing mahmah ding chi in deihlou uhi. Tuni’n MU Vice Chanchellor Prof. H. Nandakumar Sarma telna in MUTSU leh MU makaite kihou uh a, kiphinna lakhe dingin ngen mahle uh, gelh thawh a thuchiam om masiah MUTSU in khawlsak lou ding uh hi’n theisak uhi. May 4, 2016 sunma dak 11:30 in kihouna om nawn ding a, huai hunah HRD leh UGC kiang a MU thuneite’n apiak ding uh lehkha MUTSU in ngen ding uh a, huai lehkha alungtunhuai keileh kiphinna sunzom ding uh hi’n MUTSU makaite apan kiza hi. MUTSU pawlin Manipur High Court ah huaithu hek in zou uh a, himahleh Supreme Court ah MU lamte’n ahek ziakun May 9 in hearing om ding hi. UGC reservation pen NE a singtangmite tamna state – Tripura, Nagaland, Meghalaya, Mizoram leh Manipur leh mundang khenkhat ah State Norms zuih ding chih hi a, MU ah UGC norms zuih theih hilou ding chi’n MUTSU makaite’n nial uhi. Tuabang kalah tuni a MUTSU pawlte kiphinna ah student pawl khat valut in hihbuai uh a, pawlkhatte’n tem tawi uh hi’n leng thusuakin gen hi.
A/R te’n KYKL 6 telin galvan tamkhop mankhia
Imphal, May-3: Imphal West district sung Wangoi leh Samurau area ah helpawlte om uh chihthu a zak ziakun 9 Sector Assam Rifles nuaia 12 Bihar Regiment leh Wangoi Police Commandos te’n combined operation bawl uh a, zan leh zanhal in KYKL member hidia gintak mi 6 mankhia uh hi’n thusuakin taklang hi. Thusuakin agendanin mat a omte No 2034 (Batch No 32 Year 2006), Yumnam Sunil Singh @ Babusana (29) S/o Basanta of Oinam Swambung Awang Lekai leh Over Ground Worker - Firoz Khan (29) S/o Md Abdul Latif of Lilong Hairobi Makha Lekai leh Mongjam Rohit Singh (23) S/o M Ramu Singh of Mayang Imphal Lekhai, Ph Shirif (21) S/o F. Farid of Lilong Haoreibi Makha Leikai, Khetrimayum Doren Singh (49) S/o (Late) K Samu Singh of Thoubal Lesnkhong Manung leh Md Faruk Khan (19) S/o Md Nasir Khan of Lilong Turel Ahanbi hi uhi. Huai hunsung mah in gai taituahte akipan 9mm Pistol Berreta (made in Italy) 1 leh magazine banah thautang 7 mankhia uh a, Chinese Hand Grenade 1 leh detonator banah lehkha poimawh tuamtuam mankhawm in, huaite Wangoi Police Station ah pekhia uh hi’n PRO, Hqtrs, IGAR(South), Imphal apan thusuakin taklang hi.
Sadar Hills a CDO koih deihlou
Imphal, May-3: Sadar Hills huamsung Gamgiphai khua a Police Commando omte ziaka mipi lungkimloute gamtatna omthei dingte pumpelh ahihtheihna di’n kintak a Manipur Government in CDO omteng lakhe ding in KSO GHQ in ngetna bawl uh a, tuamun ah CDO te omsak hile uh Sadar Hills minautangte gimthuakna kibehlap ding hi’n Seiboi Haokip, Gen. Secy, KSO GHQ in tuni’n thusuah bawl hi. MLA Ginsuanhau PRO Biabiak pimangna tawh kisai KSO in mawhpaih uh a, kintak a khahkhe ding a ngen kawm in mi pimangte govt. in mankhe ding inleng ngen uhi.
Imphal East ah CrPC 144 behlap
Imphal, May-3: “Panthou” nungzuite leh local mite kala kitheihsiamlouhna sousang sem dinga akilat ziakin Imphal East district pumpi ah tuni akipan Section 144 Code of Criminal Procedure (CrPC) puan in om a, May 4 zinglam dak 6:00 akipan June 3 zinglam dak 6:00 tan daih ding hi. District Magistrate M Joy Singh in thusuah abawlna ah mi 5 sang a tamzaw kizuih phallou in, chiang, suang, leh galvan tawh pawtkhiak phallou hi.
Imp-Jiri passenger service khawlsak
Imphal, May-3: Imphal-Jiribam road a passenger service te’n driver 3 soisakna ziakin tuni akipan nasep khawl in gari tailou uhi. Thusuakin agendanin Wahenbam Leikai Jiri parking ah zan nitaklam dak 4.30 velin pawlkhat in driver 3 vua uh a, parking a omlai gari chabi leng laksak uhi. Soisak a om driver-te bel Sagomsumbi Angousana (35) of Lakhipur Saparmeina, Md Allauddin (25) of Jirighat Lalpani leh Chanambam Mohen (35) of Lakhipur hi un kigen hi.
Labour Corps kum 100 ching ding
Imphal, May-3: Kum 1917 a kiphutkhia Manipur Labour Corps (of First World War) pawlin April 2, 2017 a kum 100 chinna zatna ding tawh kisai in nasep pan uh a, May 15 in MSRTC complex, Imphal ah meeting nei ding uhi.
Bills 3 ziakin May 5 apan 48hrs Public Curfew
Imphal, May-3: State government in “ Bills 3” tawh kisai kumlui akipan a ngaihsaklouh ziakin JCIPS pawlin May 5, 2016 zankim akipan May 7 nitaklam dak 6:00 tan dakkal 48 sung Manipur pumpi ah 'Public Curfew' puang uhi. Huai tawh kisai JCILPS office ah tuni nitaklam in JCILPS Co-convenor Kh Ratan in Media te samkhawm in kimuhpih a, kha 8 paisa a state assembly in a passed nung in President of India dawhkan ah lui in om denlai a, state government in nawhna a piak louh ziak hi’n gen hi. India President kiang a nawhna khauhtak piak ding State govt. mawhpuak hi’n leng JCILPS makaite’n gen uh a, Manipur tualsuakmite humbitna ding a Act a suahtheihna dia state govt. in panla lou chi uhi. State govt. in a thilnget-te uh alimsak keileh student leh numeite tawh kiphinna tuamtuam pan nawn ding uh a, hiai issue a political party te’n a dinmun uh taklang ding inleng Kh Ratan in theisak hi.
Advocate S Shyamcharan in Chairman len
Imphal, May-3: Manipur Lawyers' Forum pawlin Chairman thak ding in Advocate S Shyamcharan guang uh a, general secretary thak ding in Advocate Kh Kanta Singh banah ex-member ding in Advocate L Indrakumar Singh, Advocate Th Jugindro Singh leh Advocate L Sheitendra guang uhi. Amaute’n 2016-18 sung in Manipur Lawyers’ Forum ah mawhpaw ding uhi.
Hockey team 8te Imphal hongtung
Imphal, May-3: Imphal Khuman Lampak stadium ah May 5-22, 2016 sung “6th Hockey India Sub-Junior Men’s National Championship A and B division 2016 ah kihel ding in tuni in team 8 Imphal hongtung uhi. Tuni a hongtung te bel Assam, Madhya Pradesh, Kerala, West Bengal, Dadar Nagar, Mumbai, Puducherry, Virdharva leh J & K akipan hi uh a, team dangte zingchiang in hongtung ding uh hi’n Organising Secretary (Manipur Hockey (MH) Gyanendro Ningombam in gen hi.
UNC in mawhpaihthu puang
Senapati, May-3: United Naga Council (UNC) pawlin PA. Chinaoshang (38) son of (L) PA Mangaleng of Pharung Village PS. Ukhrul pimang nunga thahna banah Mr. A. Ngairaisung (33) s/o LT. A. Yangmaso of Phalee Village, PS. Somdal leh Mr. MK. Lungrei (40) s/o MK. Tion of Hungpung Village, PS. Ukhrul thahna mawhpaih uhi. Government in kintak a hiai kithahna tawh kisai a gamtangte suikhe ding inleng UNC in theisak uhi.
Manipur numei khat pimang in om
Bengaluru, May-3: Nasepna akipan innlam zuan Manipur numei, kum 22 mi khat Bengaluru ah pimang in om a, kum 22 mi pasal khat in hun sawtkuamtak munkhat ah koih chihthu om hi. Hiai thiltung tawh kisai CCTV camera ah chiantak in kila hi. Manipur numei in agendanin nitak dak 9:30 vel a nasem khin innlam azotlai in pasal khat in anunglam ah mantang a, a innluahna kiang akipan pikhia hi’n gen a, pasal pa’n akam ahumsak ziakin pautheilou chi hi. Home Minister Dr Parameshwar in thiltung ngaikhawk mahmah kawm in, police official-te kiang ah thil omdan kankhe ding chi a, action la ding inleng theisak ding chi hi.
TUNI THUPI:
“Ka gen ding bang hangsan taka ka gen theihna dingin. Huai tanchin hoih palai khainiang bun ka hi.”
- Ephesate 6:20
EDITORIAL:
MLA hih ut mawk!
MLA ah kipang leh sum tam ding, mipi lak ah vaihawm ding, na kisemthei ding chih mi tamtak ngaihtuahna ahi a, atamzawte adingin lungluthuai mahmah hi. Ahi a, MLA i chih a taktakin dan bawltu (legislator) ahi uh a, pawng ngapthawh theihleng hilou a, thamlou in state govt ah thawl (thulut) poimawh mahmah hi. MLA hih ut mawk ziaka ut leh dah a kivei in leng nek piangsak khollou maithei hi. Gam-leh-Nam ading, mipi khantouhna ding bangbang poimawh hiam chih a semkhete mipi palai tak hizaw uh chih theihin om a, pawng kam siamsiamte leh thutuam-latuam vekvek theite gam-le-nam in poimawh law khollou maithei hi. Mi nam suahtakna dingin Original Idea tungtawna hong piangkhete mipi’n kipoimawh a, mi hangsan, a poimawh leh assembly (innpi) a kitomngamte mipi’n kipoimawh mahmah ahihdan theihtheihin om hi. Huai kawmkawm in mite’ hon nawmvalh louhlouhna dingin i pilvanna ding uh tam mahmah dingin kilang hi.
MLA i chih chiangin Member of Legislative Assembly chih hi a, Legislature kichi dan leh dun bawltu hi uhi. India a state om teng in munpi neichiat uh a, amaute munpi’ zahhuaina hih siat ahih chiangin assembly ah kitomna omsek chih ding ahi. MLA hinapi a bang a MLA-te’ mawhpuakna chih theilou zen a mihaite buaihuai sek uh chih ahi. Adiakin Bihar state ah MP leh MLA tampitak mi buaihuai mahmah om chih hi a, khawlak ah pil mahle uh ataktakin bazar ah zuaktak louh thugen ngen ahi chi uhi. Tua ziakin mipi palai dia kisate’ lak a gam it taktakte adingin theihtuak leh pilvanna ding (precaution) om hi’n theihtheih hi.
3 bills thubuai pen i awlmawh mahmah a, himahleh, CCpur district-te awlmawh tuk a i tribal dang te’n hon awlmawhpih nawnlou uh adiam chih theihin om hi. Manipur a tribal district omte’ lakah Chandel zalen mahmah a, Ukhrul, Senapati, Tamenglong leh Ukhrul ah hiai ‘3 bills’ ziaka kiphinna thawm zak ahinawn kei a, CCpur ah leng dau hiaihiai in, CCpur Police station mai ah a tu leng om nawnlou hilou hiam chih theihkhop in om hi.
Singtangmite douna dinga bill kipassed tuamtuamte mawhpaih huaitham himahleh, a tawp chiangin bial ‘ZERO’ suahtheihna hong om khongdiam chih bang ngaihtuah theihin om a, a nawhna (pressure) pen niam kiakkiak hiaihiai hi’n kilang hi. I gam ah thil ngaihsut ding tamtak om a, Cor-Comte lauh ziak a gamtatna bang, ahihkeileh, kipimangna case leh adangdang a gilpipi om hi. Huchih lai in i lungsim guk a tupgukna tuamtuam nei ihih le bel huai in hon haizan dingin gintakhuai hi. Heutu tuamtuamte panlakna ikipahpih mahmah a, huai kawmkawmin lungsim tuamneite ikipahpih tuankei hi. Mi tamtakin agendanun, sitting MLA te’n a constituencyte uh hong sik theikei uh a, huai pen hamphatna (advantage) dan a ngai a vote campaign neite leng kipahpih huai ahituan kei uh chi uhi.
MLA utte adia tup pipen dia deihhuai bel thildang hilou in, i lampite mahmah uh puahpha ni chih ut huai hi. Hawktui leh mipi lampi kituh kihi den mai. Hiai paidan kumbangzah zuitou lai ding ihi ua le? Tui (Water Supply) leh Electricity) tawh kisai bel a ziazia omta a, himahleh, lampi kikawmtuahna teng bek black topping hithei ta leh chih huai mahmah hi. I gam ah Border Roads Organisation (BRO) te hong lut uh a, a ziazia om chih ding ahi. MLA hilel leh ut te adingin tele-communication tawh kisai pibawl a poimawh a, tualou in vote bank tuamtuam a ‘hall’ tuamtuam bawlin om zia neinawn dingin gintak huailou hi. Tua ziakin, original idea nei, gam le nam it mah i mi Nam in poimawh hilou hiam chih theihin om hi. MLA kichi mipi adia palai ahih dungzui un mawhpuakna liantak nei uh a, tua MLA te’n bangchibang in a constituency sung uah development scheme a bangchi sepsuah ua chihte sui vengveng hun hi. Ut thu a MLA hihphut theih himawk lou a, ngaihtuahna tawpkhawk seng a hunpia mihingte adingin hibang ‘mawhpuakna’ aliangkou uah bat theihin om hi. Mi tamtak MLA a ut maithei, himahleh, gam le nam adia kipumpiak ding taktakte mah Pathian in lawhchinna pedingin gintakhuai hi. Sum ka nei, mipi ka thuzawh ahihkeileh adangdang thu ivek ziaka MLA hih ut mawk ihih khak leh hihkhial mahmah ding hi.
No comments:
Post a Comment