Manipur Express | June 15, 2016

District Council sitting om; khawthak 8 pom uh 

Lamka, June-14: ADC/CCpur a MDC te’n tuni’n Tuibuong a Council hall ah Langkhanpau Guite, Chairman, ADC/CCpur makaihna in  sitting 3-veina nei uh a, huai ah ADC constituency 24 akipan MDC-te tel uhi. Member paikhawmte’n April 2016 ni a accident ziaka si 9-Ngazam ADC akipan M. Ginzapau Guite, ex-MDC suunna hun zang uh a, Grace Zamnu, EM/ADC (Muallum)  in a tanchin simkhia a, Chairman in a innkuante adi’n thumsak hi.

Huaizawh in Chairman in sitting masa a thupuknate pulak in tutan a sepsuah leh maban a sepding omte pulak kawmin agenda luikhia hi. Huchi’n village recognition, khawpi sunga nin buakna tawh kisai, ak leh sa ch tuamtuam zuakte, dist library puahthak ding tawh kisai leh thu tuamtuam genkhawm uhi. Member paikhawmte’n khua 9 in theihpihna(village recognition)  pe dinga application a piaklut lak uah khua 8-te’ ngetna pom in khua 1 pen tununga genkhawmlai ding in koih uhi.

MDC pawlin khua 8 recognition piak dinga a pomte uh 1) T. Mimjang village (Thingkangphai machet), 2) Lhangkichoi village (DM veng machet), 3)TN Vaison village, 4)Laijang village, 5)P. Khomunnom village (Songpeh machet), 6)Tuipiphai village (Khoken machet), 7) K. Lonmol village (Kolhen machet) leh 8) G. Jangnom village(Khopisung mahet) hi a, D. Nabil village ahihleh sitting nawn adi’n koih uhi. Sa (meat) tawh kisai khawpi sunga vok goute’n amul bawhthoh ding, aksa zuakte’n leng van tuamtuam zuak tawh kop louh ding, huchibang a kop kha te’n atuam a trade license bawl in dawr tuam ah aksa a zuak uh ngaita ding hi’n gen uhi. Huai banah tehna/bukna dik a om theihna dingin dawr teng ah electronic weighting machine zat hiding a, huai din kha 1 sung hungaih hidin thupuk uhi.

Huaibanah District Library leng a kinlam a puahthak dingin thupuk uhi. Nin buakna tawh kisai Dist Council in Nin-Bua gari 4 nei in, semtu mi 20 gawih ahih ban ah nin buakna tawh kisai a senna teng council in sengvek chih ahi hi. Member paikhawmte deihna bangin outsourcing (kigawih) ding dan ngaihtuah dia lemsa in akisaipih M. Gouzamang Guite, EM(Town)  mawhpuakna pia uh a, sianthouna tawh kisai naktak a panlak thak dingin thukim uhi.

NSCU kibawl:varanda ah tamtak lum uh

Lamka, June-14: Vuahzu leh khawlum ziakin naupang sung hoihlou leh damlou tamtak Dist. Hospital a Children ward ah admit in om uhi. Kum 1 nuailam damloute omna Sick Newborn Care Unit (SNCU) kichi ICU ward tawh kibang koihna room ah nasepna pailel ziakin damloute Hospital veranda ah temporary in om phot uh hi’n Med. Suptd  apan kiza hi. Niteng in Hospital ah naupang damlou kipawlut leh admit om a, SNCU ding kibawl ziakin veranda ah damloute lum uh a, kuaman lamdang salou dingin MS in mipi theisak hi.

Dorcas Hall kong tan streetlight thuah

Lamka, June-14: Deptt. of Science & Technology nuaia Autonomous Govt. Agency, Manipur Renewable Energy Development Agency (MANIREDA) in khawpi sung ah solar street light athuah uh paizom zel in tuni’n Dorcas Hall kiang, New Lamka tan fitzou uhi. MANIREDA te’n Tipaimukh apan Tuibuong tan zouta uh a, Police station sak deuh,  Tedim road apan Hebron Veng, New Lamka tan zousiangta uh a, nitak chiang in solar street light-te vang phingpheng in nuamtuam mahmah hi’n kigen hi.

NEHU ah B. Sc topper in pang

Lamka, June-14: NEHU nuai a B Sc. (Environmental Science) Honour result 2016 suak ah Khaiminlun @ Kenny Kennz Minlun s/o Rev Hangpi Manlun of Bible Hills, Rengkai, topper in pang a, 75.75 % mu hi’n kigen hi.

Anti-Malaria Month tungtawn in thousilen hawm ding 

Lamka, June-14: Dist. Malaria Officer/CCpur saina in Parbung Community Health Centre leh Senvon Primary Health Centre nuai a khua tuamtuam ah Anti-Malaria Month zang kawm in thousilen Long Lasting Insecticide Net/Insecticide-Treated Net (LLIN/ITN) hawmkhe ding in June 15, 2016 in kuankhe ding uhi. Parbung CHC leh Senvon PHC nuai a khua tuamtuam ah Anti-Malaria Month zang kawmin Malaria natna apan kiven dingdan awareness nei ding uh a, thousilen leng hawmkhe ding uhi.

CDPSA in mi 19 kiang ah toppers award pia

Lamka, June-14: CCpur Dist Private Schools Assn (CDPSA) in tuni sunnung  in Tuibuong a Salt Brook School Auditorium ah District Topper Award hawmkhia uhi.  Huai hun ah Chief Guest in Lunminthang Haokip, IAS, DC/CCpur pang a, Chief Host in T. Goukhomang Simte, ZEO/CCpur pang hi. Rev. HC Stephen, President, Baptist Partnership Ministry in topper-te thumsak hi.  

DC in a genna ah CCpur dist in infrastructure lam ah Dist dangte phazoukei mahleh CDPSA panlakna ziakin siamsinna lam bel Dist dang in nungdelh hi’n gen hi. India govt in New Education Policy a bawlthak pansan in private school-te’n naupangte sinsakna  kibanga paipih in a panlakna uh phat-huai chi a, siamsinna ah sum sangin kuhkalna mah poimawh zaw hi’n gen hi. Topper-te’n lungsim liantak tawh laisim a gam khantouhna ding mitsuan a panla dingin ngen hi.

Hoi Betty, Secy, CDPSA makaih in toppers award hawmkhiak hi a, class X (BoSEM) ah Chawnglemmawi Khaute (The Dawn School) d/o Kamlalmuan Khaute in 89% mu in topper hihna la a, Ruby Hatneihoi (Sielmat Christian Hr. Sec. School) d/o Ngamkholen Touthang in 88.16% mu in 2na, Chingmuanvung (Young Learners School ) d/o Nengdouthang Guite leh Thanggoulal Haokip (Salt Brook School) s/o Letlhun Haokip te’n 84.33 % tuak mu in 3na in pang uhi. 

Class XII (CoHSEM) a Arts stream ah Chinggoulun Buansing (Rayburn College) d/o B. Kh. Khankhup in 85.4 % mu in topper la a, H. Joshua Kamsuan (Rayburn College) s/o H. Thianzagin in 84.6% mu in 2na leh Lalmuankhup Zou (Ebenezer Academy) s/o Kapginthang in 82.4 % mu in 3na la hi. Science stream ah Judith Ramtharmawi (Sielmat Christian Hr. Sec. School) d/o Lalsiemlien in 84.4% mu in topper la a, Joy Vahsi (Sielmat Christian Hr. Sec. School) d/o Samuel Kipgen in 81% mu in 2na  leh Doudikthang (Rayburn College) s/o T. Zammang in 80.4 % mu in 3na la hi. 

Commerce stream ah Lalngailian (VK Tawna College) s/o Thiansawi in 77.4 percent mu in topper la a, Fimlunthang (VK Tawna College) s/o Laltuokrem in 73.4 percent mu in 2na leh Ginsuankap (Rayburn College) s/o Khamlianthang Tonsing in 66.8 percent mu in 3na in pang hi. Class X (CBSE) ah Joshua Khupmuanlian Tunglut  (St. Paul’s Institute) s/o Tunson Tunglut,  L. Lianmuansang (St. Paul’s Institute) s/o L. Velson leh Moirangthem Daniel Singh (Rayburn High) s/o Moirangthem Dinamani Singh te’n 9.8 CGPA chiat mu in  topper la uh a, class XII (CBSE) Science stream ah E. Tuanchinmang (Rayburn High) s/o E. Thiankholal in 89% mu in topper a, Arts stream ah Ngamminsat Haokip (St. Paul’s Institute) s/o Thangmang Haokip in 84.8 % mu in topper hi  a, Commerce stream ah Seiminlen Haokip (St. Paul’s Institute) s/o Lamlet Haokip in 94.4 percent mu in topper in pang hi. 

]Class X (BSEM) topper-te kiang ah Rs. 10,000/-, Rs. 8,000/-  leh Rs. 6,000 piak hi  uh a, class XII (CoHSEM)  Arts stream-te kiang ah Rs. 5,000/-, Rs. 3,000/- leh Rs. 2,000 pia uh a, CBSE nuai a topper-te kiang ah Rs. 3,000/- chiat pia uhi. Award ngahteng kiang ah trophy leh certificate leng piak hi  uhi. CDPSA in kum 2012 akipan Dist topper award pia uh a, tukum a 5 veina ahi hi.

Suangdoh ah Divn. BCD Khawmpi omding

Lamka, June-14: EBCC Suangdoh ah June 24-26, 2016 sung Singngat Divn. Baptist Children Deptt. Khawmpi omding a, Lianding Guite, Child Coordinator, EBC in Pathian thu gen ding hi. Khawmpi sung in item tuamtuam zang in indoor leh outdoor kidemna omding hi.

SUUNNA:

Chinngai (100) m/o Dr. N. Khaizalian of Lamphel, Imphal tuni nitak dak 10:00 in RIMS Hospital ah si a, zingchiang (June 15, 2016) in Chingmeirong Christian Cemetery ah kivui ding hi.

Liansangmuan Samte (25) s/o Upa S. Vungzathang of IB Veng, Headquarter apaisa June 12, 2016 nitak dak 10:40 vel a New Delhi a si, tuni'n aluang puaktung hi a, zingchiang (June 15, 2016) in HQ veng cemetery ah kivui ding hi.

JAC in phaizang bial gari enkai ding koih

Lamka, June-14: JAC Against Anti-Tribal Bills leh OMTF pawlin June 9-19 tan daih ding ni 10 sung Economic Blockade abawl uh pai zelin, CCpur Dist sunga singtangbial akipan phaizang bial a sing leh gua telin forest product puaklut khamna bawl uhi. JAC apan thutut kingahdan in, Tedim Road line a gari taituahte phaizang bial a lut ding forest product pua enkaitu dingin Mata Village Authority leh Tipaimukh line apan forest product puate enkai ding in YPA Pearsonmun mawhpuakna pia uhi. Phaizang bial a sing-le-gua puaklut ding enkai dia JAC in mawhpuakna apiak hiloute kigolh lou dingin ngen uh a, phaizang bial Economic Blockade abawl uh mipite’n kithuahpih ding inleng ngen uhi.  

CCpur Dist ah vote neithuah tam

Lamka, June-14:  Sub-Divn chih a Asst. Election Returning Officer (AERO)-te makaih in Booth Level Officer (BLO) te’n tuni’n  Tuibuong a DTC Hall ah electoral roll tawh kisai in training nei uhi. Training ah 55-Tipaimukh A/C, 56-Thanlon A/C, 57-Henglep A/C, 58-CCpur A/C, 59-Saikot A/C leh 60-Singngat A/C apan BLO-te tel uh a, constituency leh polling station tuamtuam a mikhat in vote mun 1 sanga tamzaw ah neite banah min khek ngai leh bawldik tuakte hihdik dingdan tawh kisai AERO/SDO te’n sinsak uhi. CCpur Dist a assembly constituency tuamtuam ah vote athuah anei tamtak om banah assembly constituency khat sunga polling station tuamtuam ah leng huchibang tamtak om hi’n kigen a, BLO ten numei kum 30 tunglamte pasal a neih uh leh a pasalte uh min gelh ding banah kum 60 tunglam limlak (photo) chiangloute lakthak dingin nasem ding uhi. 

AMTWU makaite hongtung  uh

Lamka, June-14: All Manipur Tribals Women Union (AMTWU) makaite’n June 11 in Thanlon area vapha uh a, khaw tuamtuam ah 6th schedule tawh kisai awareness campaign bawl in zan nitak in Lamka hongtung uhi. Amau  June 11, 2016 in Tipaimukh road tawn in Joutung khua ah 6th  Schedule tungtang awareness campaign nei uh a, June 12, 2016 in Bukpi Community Hall ah program nei uhi. June 12, 2016 in Sinzawl tung uh a, sunnung in Sinzawl Community Hall ah awareness program nei uhi. Sinzawl apan Phaitong khua zuan uh a, Phaitong a program zat zawh in Thanlon ah giak uhi. June 13, 2016 zingkal in Thanlon ah awareness program nei uh a, nitak dak 8:00 in Lamka hongtung kik uhi.

JAC  leh Victims family te’ meeting

Lamka, June-14: JAC against Anti-Tribal Bills makaite leh victims family te’n tuni zinglam dak 11:00 in IB Road a JAC Info Centre, KKL Complex ah meeting nei uhi. Tua hun in June 26, 2016 in tribal movement ni 300 hita ding a, huai tawh kiton in JAC, Victims family leh Chief Association-te New Delhi a MTFD makaih Jantar Mantar ah protest neihna ah telding tungtang genkhawm uh a, Delhi a hawh di’n lemsa uhi. Victim family akipan Nu/Pa khat chiat hawh ding uh a, khualzin nang tawh kisai sen leh pante JAC Fund-Raising Cell in mawhpaw di’n thukim uhi.

IMPHAL NEWS

Chief Minister in Peace Award pekhia

Imphal, June-14: Tribal Peace & Harmony Ward Committee, 2015-16 saina in tuni zinglam dak 9:00 in Chingmeirong a TRI Auditorium hall ah Peace Award hawmkhiakna om hi. Huai hun ah Chief Guest in Manipur Chief Minister O. Ibobi Singh pang in award pekhia hi. Functional President/Chief Host in Dy. CM Gaikhangam pang a, Tribal Dev., Govt. of Manipur in peace award ngah di’n Rev. S. Prim Vaiphei leh Pantiboliu Gonmei @ Panti (Social Activist) telkhia uh a, amaute kiangah award piak khiak in om hi. 

Hiai award ahihleh sum Rs. 50,000 leh citation in zui hi. Chief Minister in Manipur ah muang leh bittak a hinkhawm leh khantouhna om theihna dia nam om teng pankhawm ngai a, kihou khawmna in thubuai omte hihveng thei ding chi hi. Dr. Chaltonlien Amo, Chairman, HAC; Victor Keishing, Parliamentary Secy., Preshow Shimray, Parliamentary Secy., leh Yamthong Haokip, MLA te’n hiai hun uap uhi.

IMC Councilor te’n kichiamna nei

Imphal, June-14: Ningthoujam Geoffrey, DC/ Imphal West in Imphal Municipal Corporation (IMA) meeting hall ah tuni’n Imphal west a mi 20 leh Imphal East a mi 7-te Councilor din kichiamna nei sak hi. Hiai hun Ng Uttam Singh, Executive Officer, IMC, A. Nimai Sharma, Chairperson, IMC leh Bantee Singh Konthoujam, Returning Officer, Imphal West te’n uap uhi. Akigendan in tuni a kichiamna hun ma in IMC election ah telching a omte’n official-te tawh Corporator ahihlouh leh Councilor dia kichiam ding uh tungtang ah kisel uh a, Ng. Uttam in dan omsa dungzui a Councilor dia kichiam ding uh hi’n theisak hi. 

Khamtheih pua mi 2 mankhia

Imphal, June-14: Bishnupur district a Addl. SP Victoria Yengkhom makaihna nuai a police team te’n Kangla tumlam pang (western) ah tuni zingsang dak 8:30 vel a khamtheih pua mi 2 mankhia uh hi’n kigen hi. Akigendan in Victoria makaihna nuai a police team te’n Maruti Van (No. MN04A-8763) a khamtheih pua om chih thuguk a muh uh dungzui in Nityapat Chuthek a Thoubal parking gei ah Van tuak kha uhi. Huai ah Victoria in Van hektu kiangah gari khawlsak dingin theisak mahleh taisuak uh a, police team tawh nung delh in Kangla tumlam pang ah Van sung ah mi 2 mankhia uhi. Mat a om Md. Wahidur Rahaman (28) s/o Md. Amu of Waithou Sangomsang leh Md. Amir Khan (43) s/o Md. Abdul Garib of Lilong Chaobok Lamkhai hi uh a, amau apan Phynsidyl bottle 500 vel mukhia uh a, mi theihlouhna din Amir Khan in sam lem (wig) bulh hi’n kigen hi.  

UNC in dakkal 24 sung shutdown puang

Imphal, June-14: United Naga Council (UNC) in Manipur a Naga area teng ah June 17, 2016 zinkim apan dakkal 24 sung total shutdown puang uh hi’n kigen hi. UNC in tuni a meeting a neihna uah Manipur govt. in Naga-te tungah khentuam neitak leh a nuaisiah uh mawhpaihna a taklat nang banah GOI leh NSCN(IM)te ‘Framework Agreement’ tungtang ah stake holder te’n  kintheipen a thukhitna bawl ding phutna uh hi’n gen uhi. State govt. in tulel a NH-2 leh NH-37 ah economic blockade bawl tribal-te tungah thagum zat a sawm uh tawh kisai a pilvang ding in UNC te’n theisak uh a, huai ahih keileh buaina thupi zaw tun ding hi’n gen uhi.

Bus driver pimang in om 

Imphal, June-14: Meltheihlouh galvan tawite’n tuni zingsang dak 4:30 velin NH-2 in a tawtkhak Kalapahar leh Keithelmanbi kikal ah Guwahati apan Imphal zuan Network Travel (No. MNO5C-2558) a bus driver Sanatomba pimang uh a, huai nung a handyman in gari hek in passenger teng tawh Imphal tan taitung hi’n gen uhi. Thiltung zak phet in K. Lhouvum, Addl. SP/Sadar Hills makaihna nuai ah police team leh Assam rifles te’n Kalapahar leh Keithelmanbi kikal ah dakkal 4 sung search operation bawl uhi. Sanatomba ahihleh tuni zingsang dak 8:00 velin Keithelmanbi kiangah khahkhiak in om a, damtak in inn tung a, police-te gamtatna ziak a khahkhiak hidin gintakthu kigen hi.

State holiday a puang din ngetna bawl

Imphal, June-14: KIM leh KSO-GHQ te’n Chief Minister kiangah tuni’n memorandum pia uh a, huai ah Kuki Independence War Memorial Committee te’n Anglo-Kuki war (1917-19) hun ah pu-pa te’n suahtakna leh zalenna humbit nang a hinna ana piak uh phawk gige na dia kum teng a Dec 19 pen state holiday a puang dingin ngetna bawl uhi. Hiai kidouna in India leh Burma tanpha huamkha in Manipur gamgi humbitna dia kidouna hi a, Manipur humbitna dia British-te tungah kidouna 2 om ahihdan mipi’n thei uh a, phaizang bial ah Khongjom War (1891) leh singtang bial ah Anglo-Kuki war hi’n gen uhi. Khongjom Day pen kum teng  (April 23) in hun zatna banah state holiday dia puan hi a, Anglo-Kuki war ahihleh theihphak ahihlouh banah state holiday dia puan hilou a, Anglo-Kuki war kum 100 ching ding ahih tawh kiton a Kuki mipi ngaihtuahna a state govt. in state holiday a puang dingin ngetna bawl uh hi’n kigen hi.

EDITORIAL

Bandh tungtawna kibeihtuahna!

All Manipur United Clubs Orgn (AMUCO) te’n  zanhal(June 12,2016)in  a office uah organization tuamtuam tawh meeting a neihna ua thupukna kizadan in  June 15, 2016 zankim akipan in dakkal 66 sung Manipur ah General Strike  puan hidin thukim uh a, i tenna Manipur state  maban ding lungzinhuai mahmah a, bandh tungtawn in bangtan ikibeituah (counter) ding uhiam chih ngaihsutna omthei hi.  Manipur Assembly in Aug 31, 2015 a Bill 3 a passed uh deihlouhna ziakin JAC against Anti-Tribal Bills pawl leh Hmar Inpui, Mizo People Convention, Thadou Inpi, UNC leh Zomi Council kigawm Outer Manipur Tribals Forum makaihna in June 9, 2016 akipan  ni 10 sung om ding  economic blockade pailel a, huchi kalah huai doudalna dingin Manipur phaizang bal mun tuamtuam ah counter  blockade kichi leng hong kipankhia hi. Huaidan in  Manipur phaizang bial mun tuamtuam akipan  singtanggam ah nek-le-tak tawh kisai economy thil a lut louh himhim ding ahi chi uhi. Tua ziakin economic blockade leh counter blockade  omtou zel dingin gintak huai hi. 
Theih tuak ahihleh  June 14, 2001  in Bangkok ah Indo-Naga ceasefire agreement ah gamgi bikhiah omlou chih min vuahkawm in kilemna suaikaih uh a, tuape’n AMUCO telin pawl tamtakin mawhpaih uh a, Protest Day chih minvuah  uhi. Hibang kalah Indo-Naga Peace talks tungtawnin Manipur phaizang bialah buaina omtou den a, zan  in UPF leh KNO makaite’n India govt tawh kihouna nei ding in New Delhi ah zin uhi. Huai in Manipur phaizang a meikuang omlel pe’n thautui behlap tuam mahmah dingin gintak huai hi.
Manipur  sungthu  sousang mahmah  a, ILP tawh kisai 3 Bill deihleh deihlou kalah ki bandh tuahna om  nengnung a, huai nawngkaina thubuai bangchi suk veng ding hiam chih thubuai huaitak ahi hi. Chief Judicial Magistrate (Imphal West) thupiak dungzui in Sajiwa Jail a KSA volunteer mi 5-te ni 18 sung jail atan nung un thunung-thuma omlou din khahkhiak hi uhi. JCIPLS makai khenkhat mat a omte khahkhiak pahpah hi uh a, a Convenor uh  leng phaijang helpawl a tel hi’n a lemlak tanpha social net working ah khahkhiak hi a, Manipur Police te’n leng matkhiak dinga a omna gentheite kipahman(reward) Rs, 5 lakh piak dingin puangkhia uhi. JCILPS pawlin phaizang bial amau hoihsak dandan in khauhtakin kai uh a, Manipur govt tanpha leng amau deihdan a nasem sak uh bangkhop in om hi. Tomkim taka gen in amau thuaptu leh tawsawn kuahiam pawlkhat om ahi chihlouh theihlouh bangin  thil paidan akipan gen  theih hi. Thil omdan etzui vengveng in  singtangmite’ adingin dipkuat huai khamawhlou maithei hi. 
Manipur Assembly in bill 3 a passed tawh kisai in singtanggam ah mihing 9 in singtangmite singtangmite khualna in sihlawh uhi. Tuni tan in siluang 9te’ kivui lou a poi mahmah hi. Bangziaka hiai tungthu a kilemna piching om theilou hiam, bangchidan a siluangte vui hithei nailou hiam chih lungdonhuai mahmah hi. Alehlam genin, centre government lunglut taktak hileh hiai thu state government tungtawnin a hihfel  khit uh gintakhuai mahmah hi.
3 Bills deihlou JAC pawlin tu in kiphinna paipih lel uh a, state govt hi’n Centre govt in a lmsak tuankei leh  tunung sawtlou in Delhi ah kiphinna thupi zawsem neih ding in kisakhol uhi.  Huchi  kalah Bill 3 deih a zat ahihna ding a India govt hahtaka phu  Manipur phaizang bial a mipi leh pawl tuamtuam in leng kiphinna neitou zelding uh chih hi a, bang ‘angle’ tuak a kiphinna om touzel ding hiam chih i theikei hi. India i chih democracy gam  ahi a, mipite’n zalenna liantak nei mah hihang , himahleh, i kiphinna in government lungtang aden poimawh  a, huhamtak a kiphinna in tuni chiangin mite’ lungtang zou nawn dingin kilanglou hi. 

Manipur singtangmite leh phaizangmite bandh tungtawnin kibei tuahtuah lehang leng i lawhtak ding bang a om tuandia? Government poimawh thou mahleh tua sangin civil society (JAC) te poimawhzaw a, amau a kihou tuak ua, banghiam kihoulemna a om kei leh a genthei leh a thuaktupente zaw  mipite mah hiding hi. Bandh leh blockade kibawl tuahtuah in gah kipahhuai suangding in lamet huailou hi. Bandh tungtawn a kibeihtuahnate khawlsan hunta a, lemna thugen a, dawhkan khat umkhawm kawma  genkhawm ahih deihhuai hi. Phaizangmite’n alungkimlouhna teng uh a puankhiak ua, singtangmite’n adeihteng uh a genkhiak ua, mipi nautang adiakin niteng nektawm zongte hihbuailouh theihna dinga lampi gel hun mahmah  hi. Bandh leh blockade a om chiangin a gentheipen leh athuaktu niteng nektawm zongte hisek uhi.

LIST OF CANDIDATES QUALIFIED IN PHYSICAL EFFICIENCY TEST (PET) OF CHURACHANDPUR DISTRICT FOR DIRECT RECRUITMENT OF RIFLE MAN (MR) IN MANIPUR POLICE DEPARTMENT CONDUCTED AT MPTC, PANGEI

on June 12, 2016

Chest No. Name

1 Seiminlal Haokip

2 Paotincha Kipgen

3 L. Thangtinlen

4 Seigoulal Misao

12 Kaplalgou Vaiphei

13 Kh. Khaithiangen

16 John G. Changsan

18 Thianlalmuan

19 V. Lampiakliam

21 Jamminlal Vaiphei

22 Haoboi Khongsai

23 Thangtinlun Singson

24 Seitinmang Khongsai

27 T. Langkhanson

28 V. Khaikhanmuan

30 Kevin Lalrintluanga

31 Rs. Khobung

32 Lamthianmuan

33 P. Minlian Zo

34 Lemguat Singphun

37 Mangminlun

38 Khaithuamlal

40 Paulianmung Singson

41 Paoginmang

43 Paothianlal Kipgen

44 Lamzakap

45 Lunminlen

46 Letkhongam Kipgen

47 David Khamlunthang Zou

48 Kapminlun

49 Khaizakon Neihsiel

51 L. Thangminlun Haorip

52 Lianginsang Vaiphei

54 Thangsang Gangte

55 Kambensam

56 Thangginlian

58 Mark Lunminhao 

     Thouthang

60 Lunminlen Haokip

67 S. Senpu Lupheng

68 Jangkholien

69 LS Lunminlal Baite

70 Jamvum Touthang

71 Thangzalet Guite

73 Thangtinsat Lhungdim

74 Seikhohao Haokip

75 Tete Vaiphei

76 Kamlalguat Vaiphei

77 S. Kamdoisak Vaiphei

84 M. Jawxeph Mangzahau

86 Alex Nehtinthang Kipgen

90 Ngamkhohao Lhungdim

91 John Jamkholal

93 Ngamkholal Khongsai

94 Thangkholun Haokip

97 Sehkhojang Doungel

98 Liangoulal

99 Thanginkap Haokip

102 Chontou Satkholal Gangte

104 L V Lalchungreng Kom

105 Lunminthang Haokip

106 Thangboi

107 TS Thangjamang

111 Thangminlun

113 S. Mangkhotuan

114 M. Hauminthang

116 Thangzahau

119 T. Sumsonding

120 Pauthansang Tunglut

125 Jangminlal Haokip

127 Letminlun Kipgen

131 ThangchungnungSingson

134 D. Taizamuan Vaiphei

138 GJ Lalthuoitlung

140 Samuel Dangmei

141 Eric Lienthangsang

144 Lallunmon Haokip

145 Tongminlun Touthang

146 Satkholun Kipgen

147 Thanglenmang

152 T. Dougin Haokip

159 S. Liansuanmuan

160 Jamkhongam Guite

162 Ricky Letminnoi Haokip

163 Ginlunkap Samte

167 L. Khammuanlal

169 Thanglalsiem Baite

172 Th. Ginmuanthang Simte

173 Vunghbiakmuan

175 Dario Simte

177 M. Lianminthang

178 Demzalam Kipgen

181 S. Jammuanlal Vaiphei

185 S. Kamlumthang

188 Jangkholal Haokip

189 Letzasei

193 Lalboi Sitlhou

195 Thangpao Haokip

196 Mangmuanlal

197 Nehlunlal Haokip

204 Konthoujam 

      Opendro Meitei

205 Tongkholun Touthang

209 S. Chinginmuang

210 B. Khualsianmuan

213 Sianmuanthang

214 Michael Thangsienmuon

215 Khaithang Lhungdim

216 Mangminlen Lhungdim

217 L. Songlerlin Kom

222 Ginmuanthang

223 Paumuanthang

224 T. H. Jangneithang

225 Enoch Rongmie

229 Jangngam S. Gangte

234 Khuptong

      Thanguhanmuan

235 Tongjamang Baite

236 Lunminhao Chongloi

238 Seitinthang Kipgen

239 Semgousat

241 LS Lamminlien Mate

346 Jangmingou

249 Shongam Haokip

253 Lamsuanlal

255 Jacob Vaiphei

256 Suongoumang

257 Heikrujam

       Premkumar Singh

259 Henkithang Haokip

261 Henry Lalliensang

262 John Vaiphei

263 Gensiamlian

265 Ebenezer

268 S. Thanglalmuan

269 Letzahao Haokip

271 Ngulkholun Kipgen

273 T. Dadam Singson

277 P. Thangliansang

278 Kamlienzawm S. Gangte

281 Sikneikham

285 Kamkholun Haokip

286 Haulallian Vaiphei

289 M. Chungneilien Koren

290 Lalmuan Haokip

291 Lhungganglen Mate

292 Sei David Haokip

294 Paominthang Chongloi

295 Thangginlien Kipgen

297 Kapminthang Khongsai

298 Sesiem Lhungdim

300 Ginlalthuom

301 Seiminlun Haokip

308  Jamminthang

313 Seitinpao

314 Gogou

316 Seitinsat Lhungdim

319 Emanuel Lalruotfel

320 Ngamminthang Lhungdim

321 Lunkhohao Haokip

324 Seiminlun Haokip

326 M. Kapminlun Zou.

328 Lalminlun

331 Lienthangpui

334 Seiboi Kuki

338 Lunminlian Guite

343 Ginzalal

344 Samuel Khaikhanthang

346 P. Kapmuanlal

347 Thangkholun Baite.

348 Houkhomang Haokip

349 M. Benjamin Kapzadou.

355 P. David Khupsianthang

357 Mangtinsei

360 L. V. Thangkhupsong Kom

364 Harnandez Lunzahao

365 Nehkhomang Khongsai

370 Kamminlianlal

376 T. Obedient Kom

382 S. Abung Kom

385 L. Samson Kom

387 T. Mangcha Haokip

389 Sandham Johnson

392 Thangkhansuan

396 M. Hauchinpau

398 Pauneitung

399 Thangtinlien Haokip

400  Gogou Baite

401 K. Khaitinthang

404 Lunkhoson

405 ST Candid Kom

406 Thangjamang Kipgen

407 Lhimkhopau Lhungdim

408 H. Minthang Touthang

409 Th. Nengkhansiam

411 K. Nengkhansuan

416 Seiminthang Touthang

418 Hosea Lalsandam

422 L. Seipu

427 Kaikhohao Singson

428 Kamlunmang

431 Thomas

        Khamminlal Touthang

434 Nehmang Haokip

437 T. Thangminlen Haokip

438 Doukhanlal Baite

441 Irom Arun Singh.

442 Lunkhosei Kipgen

444 Sonkhokai Haokip.

447 K. Sushikanta Singh

448 Lamminthang Singson

449 Lhunminthang Baite

451 D. Thangmuanlal

452 K. Muansang

456 Shominthang Haokip

457 G. Thangmuanlian

462 Hengoulal

470 Seikholun Baite

471 Thangtinsei Baite.

472 Lalal Kipgen

475 Lalminlian

478 S. Mangminlien

480 Thiekhomang Haokip

481 Sheigousang David Haokip

485 Blesson

486 George D. Hrangchal

487 Michael Lalnunenga

488 K. Lalchandama

491 Lunkhogin Haokip

496 K. Khamlianthang

500 Ngamminlien

502 L. Khailun Haokip

505 Paogoulen Lhungdim

509 Lammuanthang

514 Kamsanglun

515 Dallunmang Neitham

517 K. Lalboi Khongsai

520 M. Ramfanglien Keivom

524 Chungmang Doungel

230 Thangminlun Haokip

533 H. Chinmuanlal

536 P. Thanglemson Vaiphei

540 Lallien Gangte

543 Thangzahao Lupheng

552 Thongminlal Baite

557 Michael Joute

561 Zomlienkhum

566 Letminlal Haokip

568 Kaibiaksang

571 Joseph

572 Js Lienrosang

582 Robert 

       Gingoumang Touthang

583 Thongkhanpao Baite

587 Paominlen Haokip

590 M. Benjamin Khupzavel

596 Ramneisang

601 Lamkhogin Haokip

602 Hensanglen

604 Lamginlian

610 Thangzalal

611 N. Munmuanlian

612 K. Kalvin Kom

618 Lanchinthang Paite

619 Lun Jacob Guite

620 Lalsanglien Vaiphei

626 Jangkhohau

631 Ginliansang

633 Chinthianlal

637 Khupmuanhau Samte

645 Joseph Zosanglien Zote

654 Kaisang

656 Th. Jonathan Vaiphei

657 Jamkhothang Singson

670 Ringpangai Kamei

687 Joshua Lalruatliana Kungate

698 Pamie Denis

701 Paukhankhual

719 Lungoulen Hlungdim

722 Irom Rishikanta Singh

733 Manglallien

on June 13, 2016

Chest No. Name

14 Clement Lalthuoisang

53 Joseph Lamsianmang

57 Letminlal Samte

61 Khailiansang

66 D. Lalruotlien

79 Khamminlun Thangeo

82 Pauminthang 

101 M. Kennyer Vaiphei

156 Leivon Rengsuthang Kom

164 Henry Lalringum

190 Seithensem Singson

208 Jimmy Gangte

233 S. Amit

274 T. Kamzalian

280 Khamlianpau Khongsai

293 Ginminlien Gangte

296 Siejahao Kipgen

310 Kh Thangmuanlal

315 Thangtinlen Baite

329 Thangkhanlam Milun

350 Th Thangliansiam

356 Thanglemjoy

359 Mimin Baite

361 T. Chinsuan

366 Thanglenmang Guite

367 Roland Pakhuong

368 Revaisang

372 Ngamkhomang Lhungdim

375 T.Athang Kom

378 P. Jackson

383 MK Henry

394 Jimmy Dousuankhai

412 Ralkapkung Khawbung

414 Letminlun Touthang

430 Khaithienlun Khongsai

439 JL Chunga Sungte

446 Abraham

       Mangkhotinthang

460 Robin S. Paukhanhau

463 Seiminlal Haokip

465 Japan Tonlien Khawbung

490 Thangsonlal Guite

492 L. Lianzahau

494 Paominlal Gangte

507 Zamtinkhup Vaiphei

510 T. Khaimuanpau

516 Roshan Kumar Yadav

521 K. Lalrintluanga

531 Lalthanpuia

544 Seikholet Baite

555 Demmang Haokip

556 T. Tuanmunmuang

558 Lalminlun Vaiphei

562 William Darhmingthang

576 Lalremruata

577 L. Khamsonlian

580 Songjoymuan

588 Lalhminglien

589 Ajay Kumar Sharma

599 Lunminthang

623 K. Lalpaul Gangte

625 John Ruolngul

634 L. Zamkhenthang

643 Pauthamuan Vaiphei

648 Gaikhuanlung Golmei

649 K. Thaihianlung

651 Ningthoujam Sunil

659 Mangliangen

665 Mangminthang Haokip

675 Seikhohao Haokip

677 Thongkhothang Mate

678 T. Thangzalal Haokip

679 Thangjohnson

682 Mang Haokip

685 L. Thangmuanlian Ngaihte

690 Thonglenmang

696 Sonminlun Haokip

707 Lalzarzou Vaiphei

708 Thangminlal Doungel

711 Ngamkholun Haokip

714 M. Alex Gangte

720 L. Goulalbiak

724 Kai-Emuon Gangte

727 Jampao Khongsai

730 Lalthamuan

734 Khupmuanlian

735 Martin Thangminlal

736 Robert Chinminlun

Sd/-(Themthing Ngashangva)

Superintendent of Police,

Bishnupur District,

Chariman,

DPC for Direct recruitment of Rifleman (Manipur Rifles)

Numei tamsem in Armed Forces zom ding: Manohar Parrikar

MLA 21 mawhpuakna piak 'dan' tawh kituaklou: BJP 

New Delhi, June-14: Delhi Chief Minister Arvind Kejriwal in Delhi govt Bill tawh kisai President in lemsakna piak louh ziaka Prime Minister a mawhsak tawh kisai in BJP in Delhi govt in Parliamentary Secretary dia MLA 21 mawhpuakna piak a om pen dan tawh kituaklou (illegal) hi’n gen uhi. Huaibang kalah, Defence Minister Manohar Parrkar in tuni’n NCC nuai a All girls team te’n Mount Everest akal uh kipahpihna hunzatna ah, maban ah numei tamsem in armed forces zomthei ding uh hi’n gen hi. 

BJP spokesperson Meenakshi Lekhi in reporterte kiangah Delhi govt rule dungzui in govt in Parliamentary Secretary khat kia mawhpuakna pethei uh a, himahleh MLA 21 tak mawhpukna piak pen dan tawh kituaklou hi’n gen hi. Aman agenzelna ah, RTI tungtawn  dawnna kimu in Delhi Assembly Speaker in Parliamentary Secretary dia mawhpuakna piak a omte room ding bawlsak hi’n gen hi. Huaibanah, AAP govt in Election Commission kiangah MLA 21 te’n hamphatna bangmah tanglou uh hidan in zuau gen uh chi a, AAP govt in tui, power leh nekguk-takguk omlouhna khawpi chihte a a thuchiamte uh khat leng taksuahlou uh hi’n ngohna bawl hi. Huaima in BJP BJP spokesperson mah Sambit Patra in Delhi Chief Minister kiangah President thupukna pen political issue suaksak lou dingin gen hi. Zan in President in Parliamentary Secretary-te office of profit a telsak lou ding chih suanlam in Delhi govt Bill nawlkhinsak hi. 

Tuni in Defence Minister Manohar Parrikar in NCC nuai a All girls team te’n Mount Everest akalzawh uh kipahpihna hun zatna uap a, aman agenna ah maban ah numei tamsem armed forces zom theih ding uhi chi hi. Tu’n a bul kipanpan a, awlawl in numei tamsem laklut hiding hi’n leng gen hi. The NCC Girls Mount Everest Expedition Team te’n khawvel  a tangsang pen Mount Everest May 21-22, 2016 in va pha uhi.