Lamka, July 1, 2016 (Phualvatimes.com): Tuni sunnung in Lamka khawpi sungah dakkal 3 vel vuah tampi a zu a, lui (river) leh luineu(stream) teng lian vek a, nulla guamte ah leng akuang dim in tui luang hi.
Vuah zuk lai in Miss Tingpaklien(5) d/o Khakham of Hanmual veng, Gangpimual a inn gei ua tui luang en a om nullah ah kia in si chihthu kiza hi. A lamdang mahmah bel, Lamka khawpi ah vuahpi zu mahleh khawpi kim a om Buallian, Mata Mualtam banah suahlam (east) ah vuah tamzu lou hi’n kigen hi. Vuah tamluat in luikhang in mun khenkhat ah retaining wall phuchim hi.
Huai banah, Bungmual, Hausa veng a om Pa Kamgouthang tenna in memchim in hihse nak mahmah hi’n kigen hi.
Vuah atam mahmah ziakin Tuitha lui, Lanva lui, Lailam lui, Chiengkawnlui chihte lian vekin lui naih a tengte inn tum in, huai kim a omte buai mahmah uh chih ahi. Huaibanah luita leh nulla guamte ah leng tui tam mahmah a, mun niam khenkhat ah leng innsung ah tui lut hi.
Bazar leh khawlai a lampite ah tuiluang khia tampetmah a, nullah a ninte kipaite ziakin namse mahmah hi’n leng kigen hi.
Huai tawh kisai in CT Lian Guite, MDC, 16- New Lamka West in inn kisia, menchim delhkhak omkha te’n mahni VA kianga a siatna limlak (photo) leh value submit dingin zasak hi. Imphal a zin ziak a huchite amun a delhtheih louh poisakthu gen hi.
Dak 6pm apan news gelh ahihlel lai inle vuah tam mahmah.
Inputs from Phualvatimes whatsapp groups
 |
| Miss Tingpaklien(5) nullah ah kia in si |
 |
| Bungmual, Hausa veng a om Pa Kamgouthang tenna in memchim in hihse nak mahmah |
 |
| Bungmual, Hausa veng a om Pa Kamgouthang tenna in memchim in hihse nak mahmah |
No comments:
Post a Comment