HEADLINES:
September in pawlnih te’n kihouna sunzom nawn ding
Mzr govt leh Manipur pansan HPC(D) in Peace Talk nei
September in pawlnih te’n kihouna sunzom nawn ding
Mzr govt leh Manipur pansan HPC(D) in Peace Talk nei
Aizawl, Aug-10: Manipur pansan HPC (D) tawh Mizoram govt in tuni’n Peace Talks pan nawn uh a, tuni a kihouna zawhsiang nung in, Sept 2016 a sutzop ding in lemsa uhi. Thusuakin agendan in Aizawl a Tourist Lodge ah HPC leh Mizoram govt palaite hun sawttak kihou uh a, Hmar mipi ngetna tuamtuamte leng genkhawm uhi. Mizoram govt lamte Additional Secretary for Home Lalbiakzama in makaih a, HPC (D) lamte Lalthaliana makaih in Dr John Pulamte, ex-President, Hmar Inpui, Francis Songate, General Secretary, Hmar Inpui, Lalthamuan Hmar, Assembly Speaker, Hmar Students’ Association (HSA), Rohringa leh Thanglianchhunga hi ua, amaute lakah HPC (D) helpawl member omlou uhi.
Mizoram govt palai Lalbiakzama in peace talks bei nunga agenna ah, pawl nihte’n kizahtak tuah in chihtakna tawh houlim uh hi’n gen a, HPC(D) leh Mizoram government in lemna aneih uh poimawh hi’n gen hi. Tuni a kihouna om hun in HPC(D) lam in kum 2013 a Peace Talk lai a ngetna abawlte uh pulak nawn uh a, govt palai te’n ADC demand tungtang ah technical thil a haksatna om ziakin lawhching thei nailou hi’n hilhchian uhi. September 2016 a kihouna sutzop hun chiang in, HPC(D) lam in proposal hoihtak bawl ding a nget hi uhi. Tunitak lam in Mizoram Hmar Welfare Committee (Hmar Inpui, Mizoram Region) makaih in HSA, Aizawl Joint Headquarters te’n HPC(D) palaite annekpih uhi. Zingchiang nitak dak 6:00 inleng Mizoram government leh HPC (D) palai te’n annkuang sawk khawm ding uhi.
Thusuakin agendan in, Mizoram leh HPC in 1994 a peace agreement abawl uh deihlouh ziakin HPC(D) piangkhia a, Constitution a Sixth Schedule nuaia Hmar mipi luahna teng ADC khat a koih ding ngetna nei in hiamgamna thiltung tamtak om hi.
Aug 12 in All Party Meeting hunah J&K buaina genkhawm ding
Kihouna tungtawn a Kashmir buaina hihveng di’n thupuk
New Delhi, Aug-10: Rajya Sabha ah tuni’n Jammu & Kashmir buaina tungtang dakkal 6 val genkhawmna om a, kihouna tungtawn in Kashmir mipite leh govt. kala kilemna omsak di’n thupuk uhi. Opposition party-te nget dungzui in Kashmir buaina genkhawm di’n August 12, 2016 (Ziltawpni) in All Political Party Meeting omding a, huai hunah maban panlak dingdan kikum khawm ding uhi. Tuni’n Rajya Sabha member-te lakah Congress telin Opposition party te’n Kashmir mipite haksatna pulak ua, kiphinna om hunah security force te’n Pellet Gun zang nawnlou dia thupiak bawl di’n central government ngen in, Kashmir mipite gupthu puang uhi.
Rajya Sabha a Opposition leader Ghulam Nabi Azad in a agendan J & K buaina pen thil neuchik hilou in thubuai sautak omna ahihman in akisaipih teng in kithutuak kawm a, buaina omte a gen veng uh ngai ding chi hi. Prime Minister’s Office a Minister of State Dr. Jitendra Singh in Ghulam Nabi Azad thugen kupbeh in, J & K buaina thuaktu taktak mizawng leh gentheite hi un gen a, buaina omsaktu, separatist leader te’n a tate uh muntuam ah lungmuangtak in omsak uh chi hi. Kashmir buaina a mi tamtak sihna leng Rajya Sabha in suunthu puang in, lemna-muanna omtheihna dia national security hihbuailou in akintheipen a panla ding in thupukna bawl uhi.
Union Home Minister Rajnath Singh in houlimna huna agenna ah buaina veng na ding ahih peuh leh, mainstream political party leh moderate khatpeuh tawh kihou dinga central government mansa a om hi’n gen a, huai tungtang genkhawm di’n New Delhi ah Aug. 12 in Political Party makai teng sapkhawm hiding chi hi. All Political Party meeting ah Prime Minister Narendra Modi leng kihel ding chihthu om hi. Aman agenzelna ah All Political Party leader-te’n J & K veh ding ua, huai ding tawh kisai panlakpih di’n Chief Minister Mehbooba Mufti houpih ding chi hi. Kashmir buaina a gamdangte kigolh ahihdan haih vuallouh hi’n Home Minister in gen a, Pakistan leh ISI te’n Kashmir tuailai tamtak thagum suah ding in khempuk uh chi hi.
Ni 19 sungin khawsik ziaka ki-ensak mi 5,246 om
JE positive 6 muhkhiak lak ah 1 si, unconfirm 3 om
Lamka, Aug-10: CCpur dist ah apaisa ni 19 sungin khawsik (viral fever) leh JE ziakin hospital OPD a ki-ensak tam mahmah a, tu’n kiam deuhta chi’n Med Supdt in gen hi. Huai hunsung in khawsik ziakin Children OPD ah mi 3,080; Medicine OPD ah 2,239 leh Casualty ah mi 929 ki-ensak om a, July 23, 2016 akipan fever clinic leh OPD ah ni 19 sungin mi 6,983 ki-ensak in, fever clinic ah 735 ki-ensak uh a, ni 19 sungin khawsik 5,246 om a, huailak ah JE hidia gintak 7 om hi’n gen hi. JE natna vei dia gintakte etna di’n CMO office campus a Monitoring Cell ah tunitan in blood sample 70 test din thon hi a, huailak ah positive 2 om in hi’n kigen hi. Aug 4 & 5, 2016 in damlou 16 sisan JNIMS a etchet (test) dingin thon uh a, Aug 6 in 24, Aug 8 in 8, Aug 9 in 12 leh tuni in mi 10 sisan test din thon uhi. Aug 4 & 5 a result dan in negative 10 leh equivocal 6 om a, amaute result ni 8-10 sung a suak di’n kigen a, kisaipih te’n Aug. 11 in monitoring cell ah result lak theih din kigen hi. Tutan in Dist. ah JE positive 6 om a, huailak ah 1 si a, asi unconfirmed 3 om hi’n kigen hi.
LOCAL NEWS:
Mini-Sectt nunglam ah menchim om
Lamka, Aug-10: Tuibuong a Mini-Secretariat kibawl nunglam Tuibuong lui in khoubang tuahkhia in menchim om a, tuni’n KSO/CCpur makaite leh Avantica Company a Site Engineer in enkhia uhi. T.L. Haopu Haokip, President in a gendan in kumpaisa apan tuktui luan hun chiangin leitolh sek a, tukum in naktak in menchim a, retaining wall bawl ahihkeileh building tawh kikal feet 15 vel a kihal ahihman in kum 2/3 zawh chiangin building tanpha sukha thei dinmun hi’n gen
L. Lokendra, Site Engineer in agenna ah menchipna mun a retaining wall bawlna ding proposal tellou ahihman in amau company in bawl theilou ding uh chi hi. Mini-Secretariat kum 2011 akipan Hyderabad a Aventica Company 6te’ bawl hi a, KSO/CCpur in nasepna enkai uh a, Block 2 banah Auditorium leng Sept. 2016 tan a zawh sawm uh hi’n gen hi.
Tedim Road bandh call-off
Lamka, Aug-10: Siaklalzawm (40) s/o Thiankhogen of Kangvai village sihna tawh kisai a kibawl ‘JAC Against the killing of Siaklalzawm’ pawlin tuzing apan Tedim Road (Imphal-Lamka) kikal hunchiam omlou bandh a puan uh khauh mahmah a, bandh sopporter-te mun 5 ah duty uhi. JAC makaite, SDPO/CCpur leh Bishnupur Moirang OC tuni sunnung dak 2:00 in Kangvai Innpi ah kihou uh a, Aug 15 tan a hihfel dinga kilemna omtheih ziak n bandh call-off uhi. Sihna leh bandh tungtang a support bawlte tungah JAC in kipahthu gen uhi. Tuni’n Tedim Road a Bishnupur area leh Kangvai area ah bandh om ziak in Lamka-Imphal kikal passenger pua gari tai muh ding tamlou hi.
Bandh sungin lampi khaktan in lam lai ah tutna (bench) ah tu uhi. Bandh supporter te’n Airport a mi piding leh khading’ gari bangzahhiam leng paisaklou in hentang uh a, hun bangtan hiam nungin pai suaksak uhi. Imphal apan Electricity deptt. official gari 4 leng Kangvai khua lut theilou in Imphal ah kiknawn uhi. Bishnupur dist. a bandh tawh kisai Police duty a om ziakin azia omdeuh a, dawr/dukan kikhak vek hi.
Km 1 ½ radius ah fogging kap ding
Lamka, Aug-10: DMO & DSO/CCpur in a gendan in JE natna kimuhna inn apan akimkot (radius) km 1 ½ sung kia machine zang in meikhu (fogging) kap ding chih Central govt leh Manipur Health deptt thusuak om ziak in khua/veng tuamtuam ah fogging kap mawk hilou hi’n gen a, mipi’n theisiam dingin ngen hi.
Online tungtawn a Pre-paid top-up patpah hilou ding
Lamka, Aug-10: MSPDCL (electricity)/CCpur divn. te’n New Lamka (G) a Vending station ah niteng a duty in consumer-te’ electric pre-paid top-up bawl sak gige uh a, himahleh tu-le- tu in online tungtawn in mimal in top-up bawlsak hilou din gen uhi. Electric pre-paid area lak ah permit hih fellouh tamtak om a, permit 1 zang mi tuamtuam 3/4 in top-up bawl leng om ahihziak in huai teng hih felna din akum asim lutlai ding a, huai teng hihfel zawh in mimal in online tungtawn in top-up bawlthei dia khahkawl pan hiding in MSPDCL/CCpur divn. apan kiza hi.
DMO in JE positive 2te veh
Lamka, Aug-10: CMO office campus a IDS/ISDP centre ah JE & Viral fever tawh kisai Monitoring Cell ah Aug 6 & 8, 2016 a blood sample collection lak ah JE positive 2 om hi'n kigen hi.
Dr. Liankhojam Guite, MDO & Dist. Surveillance Officer in zan nitak in JE positive 2 te- Elim Veng, New Lamka leh Zion Veng, New Lamka (Nghathal hanmual kiang) a omte veh in houlimpih a, innkim hoihtaka hahsiang ding in theisak hi. DMO in mi 2 te tuni’n Malaria office pha dia a theihsak bang in mi 2 te’n malaria office ah DMO mu uh a, DMO in thil omdan hoihtakin genpih a, maban ah a om uh noplouh a leh theisak ding leh doctor te ki-ensak pah ding in genpih a, mi 2 te dinmun hoihzel ahihdan genpih hi.
Moirang PS apan mansawn uh
Lamka, Aug-10: Police apan kizadan in Konthoujam Joy Kumar Singh @ Athingba (26) s/o K. Ibopishak of Ithai Dam Makhong, Bishnupur Dist. ni bangzahhiam paisa in Moirang Police Station te’n man uh a, huai apan Parbung Police te’n FIR No.5 (1) 2006 PBG-PS U/S 302 IPC, 20 UA(P) A. Act & 3 of explosive Substances Act tungtawn in man sawn uhi. Zan in Parbung Police te'n JMIC/CCpur court ah ding sak uh a, court in Aug 12, 2016 tan Police custody a om ding in phalsak hi.
Pre-paid meter box 11700 activateLamka, Aug-10: MSPDCL/CCpur te'n tunitan in khawpi sung ah electric pre-paid meter box 14,000 thuah (installed) uh a, huai lakah meter box 11,700 activate uhi. Sielmat apan Tuibuong area ah pre-paid cable gui (AB cable) kikhun nailouh ziakin meter box kithuah mahleh pre-paid activate kipan thei nailou hi’n deptt. lam in gen uhi.
MSPDCL-te’ gari thak lan
Lamka, Aug-10: Rev Thangjakap Chongloi, ECA Youth Director in MSPDCL (electric deptt)/CCpur divn. te’ zat ding Xenon pick-up thak tuni in Pathian kiang ah thumna in lan hi. Xenon pick-up gari bel MSPDCL revenue divn. 14 ten 1 chiat a zatding in Imphal a MSPDCL/Imphal te' piak hi a, GPS leng a kithuah ban ah registration leng MSPDCL/Imphal te’n piaksak ding uhi.
HIV & TB veikawp 1 mukhia
Lamka, Aug-10: Dist. AIDS Prevention & Control Unit te’n July 2016 sung in HIV positive 18 mukhia uh a, General Client a mi 643 sisan test lakah positive 16 om a, tuate la ah 14 in CD4 Count nei in, mi 5 in ART damdawi ne uhi. Naupai (pregnant) nupi 570 test lak ah positive 1 om a, ART Centre ah registration bawl in damdawi leng pan sak uhi. Khamtheih hih 149 test lak ah positive 1 om a, aman leng ART damdawi nek pan hi’n taklang uhi. Female sex worker mi 147 test lak ah positive omlou a, tuaban ah HIV leh TB veikhawm atam ziakin govt. guideline dungzui in TB veite leng HIV leh HIV positive-te leng test hi uh a, July 2016 sungin HIV leh TB vei kawp mi 1 mukhia uh hi’n gen uhi.
Natl. Deworming Day hon hiding
Lamka, Aug-10: Dist. Health Society/CCpur saina in Aug 11, 2016 zinglam dak 11:00 in CMO Mini Conference Hall ah ‘Launching-cum-Orientation on Implementation of National Deworming Day, 2016’ om ding a, DC/CCpur in hong ding hi. National Deworming Day adin naupang kum 19 nuailamte lak ah nek ding Albendazole tablet IP 400 mg box 12, tang (tablet) 148800 hawmkhiak dingin mansa in om a, school teng ah leng hawmkhiak hiding hi.
SUUNNA:
K. Lalnuntluang @ K. Lalpi (46) s/o (late) K. Rallianthang of Mualveng, Hiangtam Lamka tuzing baihtak in Shija Hospital ah sinna in si a, tuni’n Lamka hanmual ah kivui hi.
Khamsianbiakdong @ Biakdong (29) s/o T. Kamzathang of Bungmual Hausa veng tunitak dak 5:30 vel in awklum a, Aug. 11, 2016 in Bungmual hanmual ah kivui ding hi.
IMPHAL NEWS:
Manipur govt. in Website ah khahkhia
Imphal, Aug-10: Manipur govt. in phalna bei a Manipur honglut-te leh Manipur mite humbitna ding a draft bill thak a bawlkhiak ‘Manipur Regulation of Non-Local People Bill 2016’ tuni akipan in mipite muhtheih ding in website: manipur.gov.in ah upload (khahkhia) a huai tawh kisai mipi leh pawl tuamtuam in ngaihdan leh thusun a neihte uh Aug 24, 2016 tan in Manipur Secretariat South Block a om Addl. Secretary (Home) ah piak theih ding a, huailou in email: home.undersecretary@gmail.com ah leng thon theih ding hi. Huai draft bill dungzui in Jan 21, 1972 nung a Manipur honglut-te Non-Local People chi a minvuah hi uh a, state govt. in registration of non-local people and tenants leng hongkhe ding hi’n kitaklang hi. Hiai bill tawh kisai detail in bek 2na leh 3na ah kisuah hi.
Mun 2 ah bomb puak: Naupang 1 liam
Imphal, Aug-10: Manipur ah Independence Day ding tawh kisai in mun tuamtuam ah security hihkhauh in om mahleh Imphal East a Lamlai Police Station in a huamkhak Maphou Barrage a BSF-te sentry post gei ah tuni zinglam dak 9:00 velin in IED bomb puak a, bomb puahna mun apan gamla lou Moirang Purel Village a naupang kimawl khat liam hi. Amah Tinoi (7) d/o Sagulang Singshit of Maphou village hi a, tulel in Dewlaland a Christian Hospital ah etkol a om hi’n gen uhi. Bomb puah nung in Police, Assam Rifle leh BSF personnel te’n search operation bawl mahle uh matkhiak neilou uhi.
Huailou in Manipur University eastern main gate apan meter 300 vel a gamla Leishang Hiden Canal gei ah tuni sun dak 12:45 velin IED bomb puakzak a, si leh liam omlou hi’n kigen uhi. Akigendan in Assam Rifles convoy gari 4 kizui in Manipur University main gate gei a tawt khak hun un NH-102 lampi bawl nang a lei kikoih lakah IED bomb puak hi’n gen uhi. Thiltung zak phet in Police te’n delh uh a, huai hun ah remote control device zang a bomb sukpuak a om hi’n gen uhi.
Magisterial enquiry bawl ding sep
Imphal, Aug-10: Khabesoi a 7th MR complex sung ah June 22, 2016 ni a PREPAK a Chairman lui Ningombam Nabachandra @ Nongdrenkhomba leh a driver Sanjit thahna thu Magisterial Enquiry bawl ding in Manipur govt. in M. Joy Singh, District Magistrate/Imphal East sep a, aman bangchi dan a kithahna piang hiam, Jail thuneite lam apan fel louhna om hiam, ahihkeileh tunung a hiaibang thil tun nawnlouhna ding a bangchi bang a panlak ding hiam chih ngaihdan neite’n Aug 16, 2016 tan in Magisterial Enquiry bawl ding Magistrate/Imphal East district ah gelh thawh in piak theih ding chi’n thusuak in gen hi.
Bomb puak mawhpaihna in protest rally
Imphal, Aug-10: Sadar Hills a Kangpokpi leh S. Changoubung kikal ah Aug 8, 2016 zinglam dak 10:45 vel a bomb puak ah BSF personnel 2 liam ua, kum 2010 apan bomb 4vei a puah mawhpaihna in Kuki Women Union Sadar Hills, KSO Sadar Hills, TSA Sadar Hills, Kangpokpi Town Committee, Kangpokpi Women Welfare Organization leh Kanggui Youth Union –te saina in Kangpokpi leh a kim apan mipi kipunkhawm tamtak te’n protest rally nei uh a, huai sung in sumsinna inn leh dukan-te sunung dak 1:30 tan kikhak hi. Akigendan in Brig. Thomas Ground ah rally kipan a, Kangpokpi bazar leh IT Road tawn in Kangpokpi traffic point tan rally pai uh hi’n kigen hi. Huailou in thiltung tawh kisai TSA Sadar Hills, All Manipur Gorkha Students’ Union, Zila Sainik Board, Senapati district Ex-Servicemenleh Tumuyon Khullen Village Authority te’n leng mawhpaih thupuang uhi.
MU campus ah BoB branch hong
Imphal, Aug-10: Manipur University Campus sung ah tuni’n Bank of Baroda (BoB) branch thak hongkhiatna om a, huai ah Chief Guest in MU a Vice Chancellor Hnk. Sharma pang hi. Functional President in Db. Mukhupatia, General Manager, BoB pang a, Guest of Honour in N. Haobijam, Senior Branch Manager BoB pang hi’n gen uhi. Bank of Baroda branch hongkhiat ah e-lobby facility banah 24 hour transaction om ding hi’n gen uhi. Vice Chancellor in BoB branch thak honkhiat in MU a student, staff leh teacher-te adia hamphatna tamtak tunding hi’n gen a, General Manager in RIMS Campus sung ah leng BoB branch hongkhiat hipah ding hi’n leng taklang hi.
Forest dept. a Official khat hunkhia
Imphal, Aug-10: Langol Reserve Forest area sung ah akisaipih thuneite’n eviction drive a bawl ding uh tawh kisai in zan a gam kek-te theisak dia kuan Forest dept. a top official khat hentang a om tuni’n Police leh Forest dept. official kithuahte’n hunkhia uh hi’n kigen hi. Huailou in Police te’n Langol Reserve Forest a Sadar West Range nuai a om Central Agriculture University (CAU) mai a phalna neilou a kibawl inn 5 leh shed 1 tuni’n suksiat sak uh hi’n kigen hi. Hiai thu tawh kisai P.N. Prasad, Principal, Chief Conservator of Forest in media-te tawh kimuhna hun ah kum 2011 apan gamkek te’n Langol Forest reserve sung nuse dia theihsak himahle uh theihsakna zui omlou uh a, reserve area sung ah gamkek teng hawlkhiak masiah eviction drive om ding hi’n gen a, Reserve area sung ah Aug 3, 2016 ni a eviction drive hun ah inn 45 suksiat hi’n leng taklang hi.
Economic blockade bawl ding
Imphal, Aug-10: All Manipur Written Test Successful Candidates of Police Constable Male 2013 te’n thusuah a bawlna uah state govt. in Aug 15, 2016 tan a result a puangkhiak kei uleh Aug 16, 2016 zankim apan NH-te ah economic blockade pang ding uh hi’n taklang uhi.
KISG office bearer ding telna om
Imphal, Aug-10: a Kuki Inpi Saikul Gamkai (KISG) office ah zan in Kuki Inpi Sadar Hills a term 2016-2019 sung a vaipaw ding telna om a, huai hun ah President ding in Seikhomang Lupho, V/President in Douthang Dimngel, Custom Secy. in K. Songmang, Gen. Secy. in Otkam Khongsai, Finance Secy. in Kamsei Kilong leh Secy. Info. ding in Ngamkhohao Khongsai-te telching hi uhi.
TUNI THUPI:
“Dahna leh haksatna in amah a lausak a; kumpipa galdou dia mansa bangin amah azou uhi.” – Job 15:24
EDITORIAL:
AFSPA tawh kisai…!!!
Manipur leitang apan Armed Forces (Special Powers) Act, 1958 lakkhiak ding deihna ziaka kum 16 sung vingveng ann ngawla nuakna nei Irom Chanu Sharmila in tuni apan ann ngawl tawpsanta a, pasal neih lunggulh ahihdan agenban ah, kumnawn February 2017 vel a state assembly election om dingah tuh ut ahihdan leh Manipur Chief Minister letsawm ahihdante taklang hi. AFSPA ahihleh ‘draconian law’ chih hialin leng ana om a, Armed Forces (Special Powers) Act, 1958 ziakin mihing aza sim si uh chih Sharmila pansan hi a, tua ziakin hiai Act pen Manipur state apan lakkhiak ding ahi chi’n ana phu tinten hi. Sharmila in ann ngolh a tawpsan phutna tawh kisai gen-le-sak tamtak om a, a kipahpih leh a gensia tamtak a omna lakah, Alliance for Social Unity (ASU), Kangleipak Yawol Kunna Lup (KYKL) leh Kangleipak Communist Party (KCP) te’n Sharmila kiangah thupukna alak enthak dingin ngen hial uh chih ahi.
Jammu and Kashmir banah Nagaland state ah leng hiai AFSPA 1958 pen kum 1 sung behlap in om nawn hi. Manipur chauh lou leng India malsuah bial (North Eastern States) te ah centre government in helpawlte betdaihsawm mah leh helpawlte gamtatna beithei tuan mahmah lou a, state government tuamtuam inleng naktak in panla a, centre in Police modernization tungtawn in sum a crore asim state-te pemah le uleng helpawlte’ gamtatna beinak sang in uang semsem in kilang a, hiai pen centre leh state govt in helpawlte beisak sawmlou a kimawlpih lel dia policy nei adiam chih bang hon ngaihtuahsak hi. Indian constitution pel leh international border issue sukha theite bel thutuam, huchi hilou a Indian constitution nuai a thil demand nei helpawlte bang kihoulim pih zungzung mai leh lemna leh muanna banah khantouhna omta dingin gintak huai hi.
Centre inleng double role hon play khum hia chih ut huai ton a tam mahmah. Nidanga Punjab a luhkhiak dan bang un ut le uh ahon bawl thei tham uh a, himahleh, India-te specialist na ahihleh, mi tahtuah a kinaksak ahi hi. NE ah lemna ngai poimawh taktak hile uh Centre in lemna tun law mahmah ta ding un kilang a, himahleh, tuni tan in lemna naksang in buaina om deuh deuh laiding bang hi. Tu August 2016 nipi kal masa sung chauhin leng Manipur ah helpawlte ziakin buaina tuamtuam gending tamtak om a, ni 7 lel paisa in mun bangzah ah bomb hihpuakin a om a, tuni August 10, 2016 in leng bomb hih puakin om nawn a, huchikawm kalah, AFSPA pen lakkhiak hilai leh bangzahta in helpawlte hiamgamtakin agamtang lai ding ua chih theih haksa mahmah hi.
Indian malsuah bial NE state-te ah helpawl omlouhna om mawngmawng lou in, Mizoram a dan omdeuh i chih leng tu in helpawlte ziak in buai mun mahmah uhi. Nidang hun in AFSPA pen Manipur pumpi ah zat himahleh, 2004 kum in 17 Assam Rifles personnel ten numei sual luih uh chih thuziak in kiphinna om a, Manipur government inleng Assembly segment 7-te apan AFSPA lakhe ngal uhi. AFSPA kichi ahihleh, Act sang mahmah hi a, military personnel te’n helpawl dia muanmawh huai asakpeuh uh that thei uh a, tuaban ah, Union Home Ministry phalna omlou in misi innkuante’n Court ah move theilou ding uh chih hizawmah hi.
Manipur mipi sepaihte khut thak nulna dingin bangtan ikiphal ua chih ut huai mahmah hi. A diak in phaijang mite’n eisang in thuak zaw tham uh a, ahihziakin eileng i bit tuan kei uhi. Manipur cabinet in singtanggam ah Police commando leh IRB koih ding chi a thupukna alakna uh kum 5 vel paita a, ahihziakin mipi sousang sak mahmah a, Manipur singtang bial ah kiphinna nasatak ana om ngei in Lamka ah leng mipi 20,000 valte’n lampi zui nuanua mai uhi. Manipur ah tual that tu theihlouh bangzah a omta dia, case pending bangzah in a sahta dia chihte ngaih ngam huai hetlou a, hiai buaina pen Security force-te gamtatna ahi chih leh helpawlte gamtatna ahi chih khenkak zawhlouh khop in thubuai-labuai tamtak piangta hi. AFSPA in bangtan hon lawngkha toulai dia le?
Mizoram govt palai Lalbiakzama in peace talks bei nunga agenna ah, pawl nihte’n kizahtak tuah in chihtakna tawh houlim uh hi’n gen a, HPC(D) leh Mizoram government in lemna aneih uh poimawh hi’n gen hi. Tuni a kihouna om hun in HPC(D) lam in kum 2013 a Peace Talk lai a ngetna abawlte uh pulak nawn uh a, govt palai te’n ADC demand tungtang ah technical thil a haksatna om ziakin lawhching thei nailou hi’n hilhchian uhi. September 2016 a kihouna sutzop hun chiang in, HPC(D) lam in proposal hoihtak bawl ding a nget hi uhi. Tunitak lam in Mizoram Hmar Welfare Committee (Hmar Inpui, Mizoram Region) makaih in HSA, Aizawl Joint Headquarters te’n HPC(D) palaite annekpih uhi. Zingchiang nitak dak 6:00 inleng Mizoram government leh HPC (D) palai te’n annkuang sawk khawm ding uhi.
Thusuakin agendan in, Mizoram leh HPC in 1994 a peace agreement abawl uh deihlouh ziakin HPC(D) piangkhia a, Constitution a Sixth Schedule nuaia Hmar mipi luahna teng ADC khat a koih ding ngetna nei in hiamgamna thiltung tamtak om hi.
Aug 12 in All Party Meeting hunah J&K buaina genkhawm ding
Kihouna tungtawn a Kashmir buaina hihveng di’n thupuk
New Delhi, Aug-10: Rajya Sabha ah tuni’n Jammu & Kashmir buaina tungtang dakkal 6 val genkhawmna om a, kihouna tungtawn in Kashmir mipite leh govt. kala kilemna omsak di’n thupuk uhi. Opposition party-te nget dungzui in Kashmir buaina genkhawm di’n August 12, 2016 (Ziltawpni) in All Political Party Meeting omding a, huai hunah maban panlak dingdan kikum khawm ding uhi. Tuni’n Rajya Sabha member-te lakah Congress telin Opposition party te’n Kashmir mipite haksatna pulak ua, kiphinna om hunah security force te’n Pellet Gun zang nawnlou dia thupiak bawl di’n central government ngen in, Kashmir mipite gupthu puang uhi.
Rajya Sabha a Opposition leader Ghulam Nabi Azad in a agendan J & K buaina pen thil neuchik hilou in thubuai sautak omna ahihman in akisaipih teng in kithutuak kawm a, buaina omte a gen veng uh ngai ding chi hi. Prime Minister’s Office a Minister of State Dr. Jitendra Singh in Ghulam Nabi Azad thugen kupbeh in, J & K buaina thuaktu taktak mizawng leh gentheite hi un gen a, buaina omsaktu, separatist leader te’n a tate uh muntuam ah lungmuangtak in omsak uh chi hi. Kashmir buaina a mi tamtak sihna leng Rajya Sabha in suunthu puang in, lemna-muanna omtheihna dia national security hihbuailou in akintheipen a panla ding in thupukna bawl uhi.
Union Home Minister Rajnath Singh in houlimna huna agenna ah buaina veng na ding ahih peuh leh, mainstream political party leh moderate khatpeuh tawh kihou dinga central government mansa a om hi’n gen a, huai tungtang genkhawm di’n New Delhi ah Aug. 12 in Political Party makai teng sapkhawm hiding chi hi. All Political Party meeting ah Prime Minister Narendra Modi leng kihel ding chihthu om hi. Aman agenzelna ah All Political Party leader-te’n J & K veh ding ua, huai ding tawh kisai panlakpih di’n Chief Minister Mehbooba Mufti houpih ding chi hi. Kashmir buaina a gamdangte kigolh ahihdan haih vuallouh hi’n Home Minister in gen a, Pakistan leh ISI te’n Kashmir tuailai tamtak thagum suah ding in khempuk uh chi hi.
Ni 19 sungin khawsik ziaka ki-ensak mi 5,246 om
JE positive 6 muhkhiak lak ah 1 si, unconfirm 3 om
Lamka, Aug-10: CCpur dist ah apaisa ni 19 sungin khawsik (viral fever) leh JE ziakin hospital OPD a ki-ensak tam mahmah a, tu’n kiam deuhta chi’n Med Supdt in gen hi. Huai hunsung in khawsik ziakin Children OPD ah mi 3,080; Medicine OPD ah 2,239 leh Casualty ah mi 929 ki-ensak om a, July 23, 2016 akipan fever clinic leh OPD ah ni 19 sungin mi 6,983 ki-ensak in, fever clinic ah 735 ki-ensak uh a, ni 19 sungin khawsik 5,246 om a, huailak ah JE hidia gintak 7 om hi’n gen hi. JE natna vei dia gintakte etna di’n CMO office campus a Monitoring Cell ah tunitan in blood sample 70 test din thon hi a, huailak ah positive 2 om in hi’n kigen hi. Aug 4 & 5, 2016 in damlou 16 sisan JNIMS a etchet (test) dingin thon uh a, Aug 6 in 24, Aug 8 in 8, Aug 9 in 12 leh tuni in mi 10 sisan test din thon uhi. Aug 4 & 5 a result dan in negative 10 leh equivocal 6 om a, amaute result ni 8-10 sung a suak di’n kigen a, kisaipih te’n Aug. 11 in monitoring cell ah result lak theih din kigen hi. Tutan in Dist. ah JE positive 6 om a, huailak ah 1 si a, asi unconfirmed 3 om hi’n kigen hi.
LOCAL NEWS:
Mini-Sectt nunglam ah menchim om
Lamka, Aug-10: Tuibuong a Mini-Secretariat kibawl nunglam Tuibuong lui in khoubang tuahkhia in menchim om a, tuni’n KSO/CCpur makaite leh Avantica Company a Site Engineer in enkhia uhi. T.L. Haopu Haokip, President in a gendan in kumpaisa apan tuktui luan hun chiangin leitolh sek a, tukum in naktak in menchim a, retaining wall bawl ahihkeileh building tawh kikal feet 15 vel a kihal ahihman in kum 2/3 zawh chiangin building tanpha sukha thei dinmun hi’n gen
L. Lokendra, Site Engineer in agenna ah menchipna mun a retaining wall bawlna ding proposal tellou ahihman in amau company in bawl theilou ding uh chi hi. Mini-Secretariat kum 2011 akipan Hyderabad a Aventica Company 6te’ bawl hi a, KSO/CCpur in nasepna enkai uh a, Block 2 banah Auditorium leng Sept. 2016 tan a zawh sawm uh hi’n gen hi.
Tedim Road bandh call-off
Lamka, Aug-10: Siaklalzawm (40) s/o Thiankhogen of Kangvai village sihna tawh kisai a kibawl ‘JAC Against the killing of Siaklalzawm’ pawlin tuzing apan Tedim Road (Imphal-Lamka) kikal hunchiam omlou bandh a puan uh khauh mahmah a, bandh sopporter-te mun 5 ah duty uhi. JAC makaite, SDPO/CCpur leh Bishnupur Moirang OC tuni sunnung dak 2:00 in Kangvai Innpi ah kihou uh a, Aug 15 tan a hihfel dinga kilemna omtheih ziak n bandh call-off uhi. Sihna leh bandh tungtang a support bawlte tungah JAC in kipahthu gen uhi. Tuni’n Tedim Road a Bishnupur area leh Kangvai area ah bandh om ziak in Lamka-Imphal kikal passenger pua gari tai muh ding tamlou hi.
Bandh sungin lampi khaktan in lam lai ah tutna (bench) ah tu uhi. Bandh supporter te’n Airport a mi piding leh khading’ gari bangzahhiam leng paisaklou in hentang uh a, hun bangtan hiam nungin pai suaksak uhi. Imphal apan Electricity deptt. official gari 4 leng Kangvai khua lut theilou in Imphal ah kiknawn uhi. Bishnupur dist. a bandh tawh kisai Police duty a om ziakin azia omdeuh a, dawr/dukan kikhak vek hi.
Km 1 ½ radius ah fogging kap ding
Lamka, Aug-10: DMO & DSO/CCpur in a gendan in JE natna kimuhna inn apan akimkot (radius) km 1 ½ sung kia machine zang in meikhu (fogging) kap ding chih Central govt leh Manipur Health deptt thusuak om ziak in khua/veng tuamtuam ah fogging kap mawk hilou hi’n gen a, mipi’n theisiam dingin ngen hi.
Online tungtawn a Pre-paid top-up patpah hilou ding
Lamka, Aug-10: MSPDCL (electricity)/CCpur divn. te’n New Lamka (G) a Vending station ah niteng a duty in consumer-te’ electric pre-paid top-up bawl sak gige uh a, himahleh tu-le- tu in online tungtawn in mimal in top-up bawlsak hilou din gen uhi. Electric pre-paid area lak ah permit hih fellouh tamtak om a, permit 1 zang mi tuamtuam 3/4 in top-up bawl leng om ahihziak in huai teng hih felna din akum asim lutlai ding a, huai teng hihfel zawh in mimal in online tungtawn in top-up bawlthei dia khahkawl pan hiding in MSPDCL/CCpur divn. apan kiza hi.
DMO in JE positive 2te veh
Lamka, Aug-10: CMO office campus a IDS/ISDP centre ah JE & Viral fever tawh kisai Monitoring Cell ah Aug 6 & 8, 2016 a blood sample collection lak ah JE positive 2 om hi'n kigen hi.
Dr. Liankhojam Guite, MDO & Dist. Surveillance Officer in zan nitak in JE positive 2 te- Elim Veng, New Lamka leh Zion Veng, New Lamka (Nghathal hanmual kiang) a omte veh in houlimpih a, innkim hoihtaka hahsiang ding in theisak hi. DMO in mi 2 te tuni’n Malaria office pha dia a theihsak bang in mi 2 te’n malaria office ah DMO mu uh a, DMO in thil omdan hoihtakin genpih a, maban ah a om uh noplouh a leh theisak ding leh doctor te ki-ensak pah ding in genpih a, mi 2 te dinmun hoihzel ahihdan genpih hi.
Moirang PS apan mansawn uh
Lamka, Aug-10: Police apan kizadan in Konthoujam Joy Kumar Singh @ Athingba (26) s/o K. Ibopishak of Ithai Dam Makhong, Bishnupur Dist. ni bangzahhiam paisa in Moirang Police Station te’n man uh a, huai apan Parbung Police te’n FIR No.5 (1) 2006 PBG-PS U/S 302 IPC, 20 UA(P) A. Act & 3 of explosive Substances Act tungtawn in man sawn uhi. Zan in Parbung Police te'n JMIC/CCpur court ah ding sak uh a, court in Aug 12, 2016 tan Police custody a om ding in phalsak hi.
Pre-paid meter box 11700 activateLamka, Aug-10: MSPDCL/CCpur te'n tunitan in khawpi sung ah electric pre-paid meter box 14,000 thuah (installed) uh a, huai lakah meter box 11,700 activate uhi. Sielmat apan Tuibuong area ah pre-paid cable gui (AB cable) kikhun nailouh ziakin meter box kithuah mahleh pre-paid activate kipan thei nailou hi’n deptt. lam in gen uhi.
MSPDCL-te’ gari thak lan
Lamka, Aug-10: Rev Thangjakap Chongloi, ECA Youth Director in MSPDCL (electric deptt)/CCpur divn. te’ zat ding Xenon pick-up thak tuni in Pathian kiang ah thumna in lan hi. Xenon pick-up gari bel MSPDCL revenue divn. 14 ten 1 chiat a zatding in Imphal a MSPDCL/Imphal te' piak hi a, GPS leng a kithuah ban ah registration leng MSPDCL/Imphal te’n piaksak ding uhi.
HIV & TB veikawp 1 mukhia
Lamka, Aug-10: Dist. AIDS Prevention & Control Unit te’n July 2016 sung in HIV positive 18 mukhia uh a, General Client a mi 643 sisan test lakah positive 16 om a, tuate la ah 14 in CD4 Count nei in, mi 5 in ART damdawi ne uhi. Naupai (pregnant) nupi 570 test lak ah positive 1 om a, ART Centre ah registration bawl in damdawi leng pan sak uhi. Khamtheih hih 149 test lak ah positive 1 om a, aman leng ART damdawi nek pan hi’n taklang uhi. Female sex worker mi 147 test lak ah positive omlou a, tuaban ah HIV leh TB veikhawm atam ziakin govt. guideline dungzui in TB veite leng HIV leh HIV positive-te leng test hi uh a, July 2016 sungin HIV leh TB vei kawp mi 1 mukhia uh hi’n gen uhi.
Natl. Deworming Day hon hiding
Lamka, Aug-10: Dist. Health Society/CCpur saina in Aug 11, 2016 zinglam dak 11:00 in CMO Mini Conference Hall ah ‘Launching-cum-Orientation on Implementation of National Deworming Day, 2016’ om ding a, DC/CCpur in hong ding hi. National Deworming Day adin naupang kum 19 nuailamte lak ah nek ding Albendazole tablet IP 400 mg box 12, tang (tablet) 148800 hawmkhiak dingin mansa in om a, school teng ah leng hawmkhiak hiding hi.
SUUNNA:
K. Lalnuntluang @ K. Lalpi (46) s/o (late) K. Rallianthang of Mualveng, Hiangtam Lamka tuzing baihtak in Shija Hospital ah sinna in si a, tuni’n Lamka hanmual ah kivui hi.
Khamsianbiakdong @ Biakdong (29) s/o T. Kamzathang of Bungmual Hausa veng tunitak dak 5:30 vel in awklum a, Aug. 11, 2016 in Bungmual hanmual ah kivui ding hi.
IMPHAL NEWS:
Manipur govt. in Website ah khahkhia
Imphal, Aug-10: Manipur govt. in phalna bei a Manipur honglut-te leh Manipur mite humbitna ding a draft bill thak a bawlkhiak ‘Manipur Regulation of Non-Local People Bill 2016’ tuni akipan in mipite muhtheih ding in website: manipur.gov.in ah upload (khahkhia) a huai tawh kisai mipi leh pawl tuamtuam in ngaihdan leh thusun a neihte uh Aug 24, 2016 tan in Manipur Secretariat South Block a om Addl. Secretary (Home) ah piak theih ding a, huailou in email: home.undersecretary@gmail.com ah leng thon theih ding hi. Huai draft bill dungzui in Jan 21, 1972 nung a Manipur honglut-te Non-Local People chi a minvuah hi uh a, state govt. in registration of non-local people and tenants leng hongkhe ding hi’n kitaklang hi. Hiai bill tawh kisai detail in bek 2na leh 3na ah kisuah hi.
Mun 2 ah bomb puak: Naupang 1 liam
Imphal, Aug-10: Manipur ah Independence Day ding tawh kisai in mun tuamtuam ah security hihkhauh in om mahleh Imphal East a Lamlai Police Station in a huamkhak Maphou Barrage a BSF-te sentry post gei ah tuni zinglam dak 9:00 velin in IED bomb puak a, bomb puahna mun apan gamla lou Moirang Purel Village a naupang kimawl khat liam hi. Amah Tinoi (7) d/o Sagulang Singshit of Maphou village hi a, tulel in Dewlaland a Christian Hospital ah etkol a om hi’n gen uhi. Bomb puah nung in Police, Assam Rifle leh BSF personnel te’n search operation bawl mahle uh matkhiak neilou uhi.
Huailou in Manipur University eastern main gate apan meter 300 vel a gamla Leishang Hiden Canal gei ah tuni sun dak 12:45 velin IED bomb puakzak a, si leh liam omlou hi’n kigen uhi. Akigendan in Assam Rifles convoy gari 4 kizui in Manipur University main gate gei a tawt khak hun un NH-102 lampi bawl nang a lei kikoih lakah IED bomb puak hi’n gen uhi. Thiltung zak phet in Police te’n delh uh a, huai hun ah remote control device zang a bomb sukpuak a om hi’n gen uhi.
Magisterial enquiry bawl ding sep
Imphal, Aug-10: Khabesoi a 7th MR complex sung ah June 22, 2016 ni a PREPAK a Chairman lui Ningombam Nabachandra @ Nongdrenkhomba leh a driver Sanjit thahna thu Magisterial Enquiry bawl ding in Manipur govt. in M. Joy Singh, District Magistrate/Imphal East sep a, aman bangchi dan a kithahna piang hiam, Jail thuneite lam apan fel louhna om hiam, ahihkeileh tunung a hiaibang thil tun nawnlouhna ding a bangchi bang a panlak ding hiam chih ngaihdan neite’n Aug 16, 2016 tan in Magisterial Enquiry bawl ding Magistrate/Imphal East district ah gelh thawh in piak theih ding chi’n thusuak in gen hi.
Bomb puak mawhpaihna in protest rally
Imphal, Aug-10: Sadar Hills a Kangpokpi leh S. Changoubung kikal ah Aug 8, 2016 zinglam dak 10:45 vel a bomb puak ah BSF personnel 2 liam ua, kum 2010 apan bomb 4vei a puah mawhpaihna in Kuki Women Union Sadar Hills, KSO Sadar Hills, TSA Sadar Hills, Kangpokpi Town Committee, Kangpokpi Women Welfare Organization leh Kanggui Youth Union –te saina in Kangpokpi leh a kim apan mipi kipunkhawm tamtak te’n protest rally nei uh a, huai sung in sumsinna inn leh dukan-te sunung dak 1:30 tan kikhak hi. Akigendan in Brig. Thomas Ground ah rally kipan a, Kangpokpi bazar leh IT Road tawn in Kangpokpi traffic point tan rally pai uh hi’n kigen hi. Huailou in thiltung tawh kisai TSA Sadar Hills, All Manipur Gorkha Students’ Union, Zila Sainik Board, Senapati district Ex-Servicemenleh Tumuyon Khullen Village Authority te’n leng mawhpaih thupuang uhi.
MU campus ah BoB branch hong
Imphal, Aug-10: Manipur University Campus sung ah tuni’n Bank of Baroda (BoB) branch thak hongkhiatna om a, huai ah Chief Guest in MU a Vice Chancellor Hnk. Sharma pang hi. Functional President in Db. Mukhupatia, General Manager, BoB pang a, Guest of Honour in N. Haobijam, Senior Branch Manager BoB pang hi’n gen uhi. Bank of Baroda branch hongkhiat ah e-lobby facility banah 24 hour transaction om ding hi’n gen uhi. Vice Chancellor in BoB branch thak honkhiat in MU a student, staff leh teacher-te adia hamphatna tamtak tunding hi’n gen a, General Manager in RIMS Campus sung ah leng BoB branch hongkhiat hipah ding hi’n leng taklang hi.
Forest dept. a Official khat hunkhia
Imphal, Aug-10: Langol Reserve Forest area sung ah akisaipih thuneite’n eviction drive a bawl ding uh tawh kisai in zan a gam kek-te theisak dia kuan Forest dept. a top official khat hentang a om tuni’n Police leh Forest dept. official kithuahte’n hunkhia uh hi’n kigen hi. Huailou in Police te’n Langol Reserve Forest a Sadar West Range nuai a om Central Agriculture University (CAU) mai a phalna neilou a kibawl inn 5 leh shed 1 tuni’n suksiat sak uh hi’n kigen hi. Hiai thu tawh kisai P.N. Prasad, Principal, Chief Conservator of Forest in media-te tawh kimuhna hun ah kum 2011 apan gamkek te’n Langol Forest reserve sung nuse dia theihsak himahle uh theihsakna zui omlou uh a, reserve area sung ah gamkek teng hawlkhiak masiah eviction drive om ding hi’n gen a, Reserve area sung ah Aug 3, 2016 ni a eviction drive hun ah inn 45 suksiat hi’n leng taklang hi.
Economic blockade bawl ding
Imphal, Aug-10: All Manipur Written Test Successful Candidates of Police Constable Male 2013 te’n thusuah a bawlna uah state govt. in Aug 15, 2016 tan a result a puangkhiak kei uleh Aug 16, 2016 zankim apan NH-te ah economic blockade pang ding uh hi’n taklang uhi.
KISG office bearer ding telna om
Imphal, Aug-10: a Kuki Inpi Saikul Gamkai (KISG) office ah zan in Kuki Inpi Sadar Hills a term 2016-2019 sung a vaipaw ding telna om a, huai hun ah President ding in Seikhomang Lupho, V/President in Douthang Dimngel, Custom Secy. in K. Songmang, Gen. Secy. in Otkam Khongsai, Finance Secy. in Kamsei Kilong leh Secy. Info. ding in Ngamkhohao Khongsai-te telching hi uhi.
TUNI THUPI:
“Dahna leh haksatna in amah a lausak a; kumpipa galdou dia mansa bangin amah azou uhi.” – Job 15:24
EDITORIAL:
AFSPA tawh kisai…!!!
Manipur leitang apan Armed Forces (Special Powers) Act, 1958 lakkhiak ding deihna ziaka kum 16 sung vingveng ann ngawla nuakna nei Irom Chanu Sharmila in tuni apan ann ngawl tawpsanta a, pasal neih lunggulh ahihdan agenban ah, kumnawn February 2017 vel a state assembly election om dingah tuh ut ahihdan leh Manipur Chief Minister letsawm ahihdante taklang hi. AFSPA ahihleh ‘draconian law’ chih hialin leng ana om a, Armed Forces (Special Powers) Act, 1958 ziakin mihing aza sim si uh chih Sharmila pansan hi a, tua ziakin hiai Act pen Manipur state apan lakkhiak ding ahi chi’n ana phu tinten hi. Sharmila in ann ngolh a tawpsan phutna tawh kisai gen-le-sak tamtak om a, a kipahpih leh a gensia tamtak a omna lakah, Alliance for Social Unity (ASU), Kangleipak Yawol Kunna Lup (KYKL) leh Kangleipak Communist Party (KCP) te’n Sharmila kiangah thupukna alak enthak dingin ngen hial uh chih ahi.
Jammu and Kashmir banah Nagaland state ah leng hiai AFSPA 1958 pen kum 1 sung behlap in om nawn hi. Manipur chauh lou leng India malsuah bial (North Eastern States) te ah centre government in helpawlte betdaihsawm mah leh helpawlte gamtatna beithei tuan mahmah lou a, state government tuamtuam inleng naktak in panla a, centre in Police modernization tungtawn in sum a crore asim state-te pemah le uleng helpawlte’ gamtatna beinak sang in uang semsem in kilang a, hiai pen centre leh state govt in helpawlte beisak sawmlou a kimawlpih lel dia policy nei adiam chih bang hon ngaihtuahsak hi. Indian constitution pel leh international border issue sukha theite bel thutuam, huchi hilou a Indian constitution nuai a thil demand nei helpawlte bang kihoulim pih zungzung mai leh lemna leh muanna banah khantouhna omta dingin gintak huai hi.
Centre inleng double role hon play khum hia chih ut huai ton a tam mahmah. Nidanga Punjab a luhkhiak dan bang un ut le uh ahon bawl thei tham uh a, himahleh, India-te specialist na ahihleh, mi tahtuah a kinaksak ahi hi. NE ah lemna ngai poimawh taktak hile uh Centre in lemna tun law mahmah ta ding un kilang a, himahleh, tuni tan in lemna naksang in buaina om deuh deuh laiding bang hi. Tu August 2016 nipi kal masa sung chauhin leng Manipur ah helpawlte ziakin buaina tuamtuam gending tamtak om a, ni 7 lel paisa in mun bangzah ah bomb hihpuakin a om a, tuni August 10, 2016 in leng bomb hih puakin om nawn a, huchikawm kalah, AFSPA pen lakkhiak hilai leh bangzahta in helpawlte hiamgamtakin agamtang lai ding ua chih theih haksa mahmah hi.
Indian malsuah bial NE state-te ah helpawl omlouhna om mawngmawng lou in, Mizoram a dan omdeuh i chih leng tu in helpawlte ziak in buai mun mahmah uhi. Nidang hun in AFSPA pen Manipur pumpi ah zat himahleh, 2004 kum in 17 Assam Rifles personnel ten numei sual luih uh chih thuziak in kiphinna om a, Manipur government inleng Assembly segment 7-te apan AFSPA lakhe ngal uhi. AFSPA kichi ahihleh, Act sang mahmah hi a, military personnel te’n helpawl dia muanmawh huai asakpeuh uh that thei uh a, tuaban ah, Union Home Ministry phalna omlou in misi innkuante’n Court ah move theilou ding uh chih hizawmah hi.
Manipur mipi sepaihte khut thak nulna dingin bangtan ikiphal ua chih ut huai mahmah hi. A diak in phaijang mite’n eisang in thuak zaw tham uh a, ahihziakin eileng i bit tuan kei uhi. Manipur cabinet in singtanggam ah Police commando leh IRB koih ding chi a thupukna alakna uh kum 5 vel paita a, ahihziakin mipi sousang sak mahmah a, Manipur singtang bial ah kiphinna nasatak ana om ngei in Lamka ah leng mipi 20,000 valte’n lampi zui nuanua mai uhi. Manipur ah tual that tu theihlouh bangzah a omta dia, case pending bangzah in a sahta dia chihte ngaih ngam huai hetlou a, hiai buaina pen Security force-te gamtatna ahi chih leh helpawlte gamtatna ahi chih khenkak zawhlouh khop in thubuai-labuai tamtak piangta hi. AFSPA in bangtan hon lawngkha toulai dia le?
No comments:
Post a Comment