HEADLINES:
NDA solkal thiltup lianpen ‘nation building’ ahi : Modi
PM in BJP Headquarter building suangphum hong
New Delhi, Aug-18: Prime Minister Narendra Modi in New Delhi ah tuni’n BJP Headquarter Building suangphum hongkhia a, National Democratic Alliance (NDA) government thiltup lianpen ‘nation building’ ahi chi’n gen hi. BJP in vaihawmna khahsuah in opposition party ah om le uleng a thiltup uh pialsanlou ding uh chi a, India zalenna ni akipan BJP in haksatna tamtak tuak hi’n gen hi. Party thiltup lianpen gamsung bawlhoih ding ahihdungzui in, khentuam omlou in michih adi’n kalsuan ding uh hi’n leng Prime Minister in gen hi.
Tuni’n Prime Minister in BJP party makai tuamtuam leh student-te tawh Raksha Bandhan zangkhawm uh a, innkuan ki-itna leh khawtang kitunding tuah ding Raksha Bandhan in a thiltup hi’n gen PM in mipi paikhawmte kiangah gen hi. India mipi’n a sepna mun peuh ua kuhkalna tawh sem ding in PM in chial a, makai masate kuhkalna ziakin tuhun a khangsawn te’n kivaihawmna hoihtak neithei uh chi hi.
Tuni a BJP Headquarter building suangphum honkhiakna ah party President Amit Shah, Union Minister Rajnath Singh, Venkaiah Naidu, Nitin Gadkari, senior party leader L K Advani, Murli Manohar Joshi leh makai tuamtuam kihel uhi. Lok Sabha election 2019 ma ngei a zawhsiang hiding a, building sung ah wi-fi, underground parking, conference hall, media facility, eatery, studio, library, reading room leh thil poimawh tuamtuam om ding hi’n gen uhi.
LOCAL NEWS:
BOH te’n Cultural Day 2016 zang
Lamka, Aug-18: S. Kawtlian a Bridge of Hope (BOH) Centre ah tuni zinglam in Cultural Day Celebration 2016 zang uh a, Chief Guest in Langkhanpau Guite, Chairman, ADC/CCpur pang hi. Guest of Honour in Seilenmang Khongsai, MDC (Khousabung) leh Functional President in H. Doungel, Dist. Youth Co-ordinator, NYK/CCpur pang hi.
Chairman in naupang te’n Toupa ah nu-le-pate’ zahtak ding ahihdan gen in, huai mite leitung ah leng mi damsawtte leh vualzawlna ngahmi ahihdan gen hi. Student te’n kuhkal, chihtak leh tupguh hoihtak neikawm a, laisim ding in hanthawn hi. Program sung in BOH student te’n traditional couple parade, cultural dance tuamtuam lahna nei uhi.
ZC in OMTF khut ah pekhia
Lamka, Aug-18: Zomi Council Cabinet in Zomi Council nuai a tribe leh frontal orgn. tuamtuam makaite’n tuzing in Simveng a Simte Inn ah meeting neihpih in Manipur in bill thak abawl ‘Manipur Regulation of Non-Local People Act, 2016’ tawh kisai gelhthawh a ngaihdan piaklutte genkhawm uhi. Ngaihdan tuamtuam piaklutte ahibang in Outer Manipur Tribals’ Forum (OMTF) in Aug 24, 2016 tan in govt. ah a piaklut man ding a piakkhiak dingin thupuk uhi. Bill thak tawh stakeholder te’n Aug 24, 2016 tan a ngaihdan pelut di’n govt in ngen hi.
YMA Chiengkawn Branch in ngen
Lamka, Aug-18: YMA Chiengkawn Branch te’n khawsung mipi leh vengdangte zuih ding thupuan bawl uh a, kuapeuh in zuichiat ding in ngen uhi. Aug 17, 2016 apan Chiengkawnpang khawsung ah khamtheih zuak leh hih/bawl kham uh a, numei-naupang sulau thei ding kisual, kinak phallouh hi’n puang uh a, nitak dak 9:00 nung poimawh lua ahihkeileh Chiengkawnpang khawsung ah vengdangmi lut phallou uhi. YMA thupuan zuilou a, thil tung hoihlou om leh kuaman mawhsa theilou ding hi’n taklang uhi.
EBCC/Nghathal Biakinn kihong ding
Lamka, Aug-18: TBSUC, EBCC/Zion makaih in Aug. 20, 2016 zing dak 7:00 in Nghathal a Dinthar Veng ah EBCC/Nghathal biakinn honna leh latna om dinga, Rev. S. Vung Minthang, Gen. Secy, EBC in hong in Pathian kiangah lan ding hi. Local Secy, EBCC Zion in Nghathal EBCC a Tualsung Baptist Saptuam Upa Committee khut ah inntuan theihna pekhe dinga, makai dingte Rev. V. Nenglian, Divn Supdt. LSD in kichiamsak ding hi.
Guta te’n Bolero gari gumang
Lamka, Aug-18: Police apan kizadan in tuzing baihtak in gutate’n N.T. Kama s/o (late) Thangkhopau of D. Phailian, zatlai bolero gari (white colour) No. MN02A-3219, Chasis No. MAIPS2GHKB5A61239, Engine No. GHA4M80287 gumang uhi. Gari neite’n Police ah complain bawl uh a, Police te’n guta matkhiat sawm leh gari muhkik sawm in suizui uhi.
Freshers’ Meet-cum-Career Guidance
Lamka, Aug-18: Siamsinpawlpi (SSPP) Joint HQ, Delhi te’n Aug 20, 2016 zinglam dak 10:00 in Convention Centre, JNU ah Siamsin Freshers’ Meet-cum-Career Guidance Program, 2016 nei ding uhi. Huai ah Guest speaker in Hoihnu Hauzel, Biaklun Thawmte, G. Sanga, Grace Siamlianvung, Dorothy Niangkhannem Guite, Siamsang Vualnam, Dr. Rose Nembiakkim, Vumlunmang Vualnam, N. Chinsum, Khatchin Langel, Khamkhansuan leh Rev. Kamzamuan hiding uhi.
Board of Gov. kipahpihna zatpih
Lamka, Aug-18: Manipur govt. nuai a self finance private university masapen ‘Sangai International University, Manipur (SIUM)’ a Board of Governor leh state nominee dingin state govt. in Pauchungnung Vaiphei, Associate Prof, Pol deptt., CCpur College guang a, tuni sunnung in Synod Super Market a Cozy World ah Pol. Sc. deptt-te’n kipahpihna nei uhi. SR Gangte, Associate Prof, Head of Deptt., Pol Sc in makaih a, SIUM ahihleh University Grant Commission (UGC) leh State Cabinet in a theihpih hi a, UGC Act, 1956 a Section 2 (f) ah register kibawl hidan in gen hi.
Management, Commerce, Education, Humanities, Language, Applied Science, Social Science, Journalism leh Diploma course tuamtuam a Bachelor leh Master Degree sin theih ding a, prospectus kihawm a, practical om subject chihlouh adangte pat theih hi’n kigen hi. Tulel in Rengkai Road a City Campus (Vanmawi Building) luah uh a, govt. in permanent campus bawlna ding S. Bualjang ah gam acre 43 lei a, kum 2017 in nasep pat hiding in kigen hi.
Huai hun ah Dr. Depeesh Kumar Mishra, Registrar, SIUM, Ricky Vanlallawm, Principal, CCpur College telin HOD member-te, SIUM a teaching leh non-teaching leh visiting faculty-te tel uhi. SIUM bel CCpur dist. a omtheihna din Paulunthang Vaiphei, IAS in Commissioner (Hr. & Tech. Edn/SCERT) alet lai in ama panlakna ziak hi’n SR Gangte in gen hi.
ATM koihna ding bawlzou
Lamka, Aug-18: Tuibuong/Tuibong a Post Office ah ATM koihna ding nasemte’n zousiang uh a, machine hongtun hun in fit leh zattheih dia man hi’n Manager H. Chinmuanthang apan kiza hi. Post Office ah customer te’n ATM zattheihna dingin document banah ATM card applyna ding form leng Post Office tung a, himahleh ATM tunlouh ziak a hawmkhe nailou hi’n gen hi. Manipur a Post Office-te lakah 1st phase in Imphal a Head Office, Thoubal leh Lamka ading ATM machine hongtung ding a, 2nd phase in Dist. tuamtuam ading hongtung ding hi’n gen hi. Tuibuong a Post Office ah core banking system kizangta a, niteng in Police leh VDF-te duty uh a, customer te’n core banking system tungtawn in mundang/state dang ah sum kithontuah zel uhi.
‘Ka Lunggulhpen’ Gospel Album
Lamka, Aug-18: Rev. S. Vung Minthang, General Secretary, EBC in Sept 10, 2016 zinglam dak 10:00 in EBC Dorcas Jubilee Guest House a Mini Auditorium ah “Ka Lunggulhpen” kichi Gospel Music Video Album hong in Pathian kiang ah landing hi. Huai album ahihleh Disc 2 hi a, la (song) 20 om in Ningmuanching, Mary Biakching, Hnunhoih, Ngaimuanching leh Ruth Chingmuankim ten lasa uhi.
SBI-RSETI in certificate pekhia
Lamka, Aug-18: Bijang a SBI-RSETI in kum 45 nuailam tuailai sepna neiloute Rural Entrepreneurship Dev Prog (REDP) tungtawn a ni 12 sung ’free short term course’ training a piakte’n zouta uhi. Tuni sunnung in certificate hawm hi a, K. Hirachandra Singh, Director in pekhia hi. Training ah mi 19 tel uh a, CT Lian Guite, MBA in sumsin dingdan tawh kisai sinsak hi. Aug. 22, 2016 in ni 6 sung daih ding Ak khoidan training om ding a, P. Khamsanglian, Progressive Farmer in sinsak ding hi.
State Epidemiologist in Lamka pha
Lamka, Aug-18: Dr. Sasheekumar Mangang, State Epidemiologist in tuni zinglam in Lamka hongpha a CMO office campus a Disease Surveillance Unit/Integrated Disease Surveillance Program Centre ah Japanese Encephalitis (JE) leh Viral Fever ziaka Monitoring Cell kihong ah staff-te houlimpih in panlak dingdan genpih hi. Huai zawh in Dist. Hospital ah Med. Supdt. houlimpih in Imphal ah kiknawn hi.
BJP Singngat in theihpihlou
Lamka, Aug-18: BJP Singngat Mandal a President Lamzagen in thusuah abawl kimudan in, Aug 19 in S. Thadou Veng, Singngat a T. Hangkhanpau (Ex-MLA), Executive Member, BJP Manipur State Unit pahtawina (felicitation) neih ding tungtang BJP Singngat Mandal in theihpihlou uh hi’n taklang hi. Dist. President leh Executive member tuamtuam thuzak mahle uh, amau leng theikhalou uh a, mimal khat in BJP makai khat hidan a amah-leh-amah a kigen pen in Dist. Evecutive leh Singngat mandalte zahtaklou in thusuah bawl a, huai hun ah Singngat Mandal BJP member kuamah kihellou ding in theisak hi.
IMPHAL NEWS:
BAC saina in meeting om ding
Imphal, Aug-18: Manipur Assembly term 10na a sitting 14veina Sept 2, 2016 ni akipan ding a State Cabinet in thupukna a bawl uh tawh kiton in K. Meghachandra, Secretary-in-Charge, Manipur Legislative Assembly in Aug 22, 2016 nitaklam dak 3:00 in Speaker officer chamber ah Business Advisory Committee meeting sam hi’n kigen hi.
Lamdeng plant upgrade di’n MOA kai
Imphal, Aug-18: Chief Minister Secretariat ah tuni’n State govt. leh Ahmedabad pansan a private firm IEC-TSL INGENIOUS ENERGY LLP te’n PPP mode tungtawn in Imphal West a Lamdeng mun ah Solid Waste Treatment Plant pen ‘Waste to Energy Plant’ a upgrade ding in Memorandum of Agreement (MOA) suaikai uh hi’n kigen hi. Huai ah Chief Minister O. Ibobi leng telin state govt. lam apan N. Gitkumar Singh, Director, MAHUD, R. Sudhan, Addl. Secy. (Power) leh IEC-TSL lam apan Vice President Ravi Kalantri te’n suaikai uhi. Lamdeng a Solid Waste Treatment Plant upgrade zawh chiang in non-compostable waste-te apan electric energy suah hiding a, 60MT waste in 1 MW electric a piak khiak ding banah ni 1 sung in organic waste 100 MT -te compost suah hiding in gen uhi. Treatment Plant ah Oct 2016 apan nasep kipan ding a, govt. lam apan sumsenna omlou in Feb 2017 tan a plant upgrade nang a nasep zawhsiang hidin gen uhi. Manipur Govt. in project cost Rs. 41,75,00,000 bei a Municipal solid waste-te compost suahna dia Solid Waste Treatment Plant a bawlkhiak uh hi a, hiai hun Dy. CM Gaikhangam, Ministers, R.K. Dinesh, Secy, MHUD leh IEC-TSL apan mi tuamtuam te’n uap uhi. Huailou in Chief Minister office chamber ah tuni’n Brahmacharis member te’n Rakhi tawh ksiai in CM O. Ibobi kimuhpih uhi.
Dakkal 48 sung bandh puang
Police custody ah Ratan ni 9 om ding
Imphal, Aug-18: Imphal West Police Commando leh City Police kithuah te’n zan nitak dak 10:40 velin Keishampat a relay hunger strike omna mun ah JCILPS a Convener lui Kh. Ratan a matkhiak hun uah huhamtak a agamtatna uh mawhpaihna in JAC against the announcement of ‘Wanted Tag’ te’n tunitak zankim apan Manipur pumpi ah dakkal 48 sung general strike puang uh hi’n kigen hi. Commando leh Police team gari 15 vel a kizui te’n nupi leh student volunteer-te lam apan dalna om mahleh Kh. Ratan man uh a, Ratan puak khiak nung tanpha a kiphinna neite kham daihna ding in mock bomb leh tear gas zang uh hi’n kigen hi. Ratan mat ziak a mipi thangpaite’n Keishampat lakah mei hal kuang in gari tai ding dal uh a, police-te gamtatna mawhpaihna in general strike puang uh hi’n kigen hi.
Hiai thu tawh kisai in JAC thupuangtu banah Media Coordinator Ksh. Thoiba in media-te tawh kimuhna hun ah police-te gamtatdan naktak a mawhpaih hidan in gen a, Ratan tungah ‘Wanted tag’ puang pen thildang hilou in Manipur ah ILPS zat ding phutna a mipi kiphinna suk daih sawmna hi a, general strike lawhchinna dia mipite’n kiphinna tuamtuam bawl ding in ngetna bawl a, strike sung ah thil deih huailou a tung leh govt. mawhpuak hiding a, himahleh strike in a huamkhak louh ding-te bangmah taklang lou hi. Huailou in Imphal West a Chief Judicial Magistrate ah tunitaklam in Kh. Ratan dingsak h a, Court in ni 9 sung police custody ah om ding in thutan khum hi’n gen uhi.
Nupi te’n CM bungalow luhsawm
Imphal, Aug-18: JCILPS a women wing, JAC formed against the announcement of ‘Wanted Tag’, Ima Keithel Apunba Nupi Lup, Chingmee Tammi Apunba Lup leh CSO tuamtuam apan nupi pawl te’n tuni nitaklam dak 3:00 velin Chief Minister bungalow luh sawm uh a, himahleh Police te’n Nupilal memorial complex mai ah dal ziak un ma sawn theilou uh hi’n kigen hi. Huai nung nitaklam dak 5:30 velin Police te’n CM kimuhpih ding in mi 7 phal uh hi’n kigen hi. JCILPS Women Wing a Convenor lui L. Nganbi in zan a kiphinna hun a Kh. Ratan in dakkal 12 sung a uap nung a bang tupna a matkhiak hihiam chih CM kiangah dong nuam uh chi’n gen a, amah mat ziak a tualsuak mite humbitna dia mipi kiphinna dai tuanlou ding chi hi. CM tawh kimuhna hun ah Kh. Ratan tungtang Court thutanna ah kinga ahihziak in govt. lam apan thuchiam bangmah bawl lou a, Kh. Ratan khahkhiakna dia bail ngen ding leh hiai tungtang Ministers-te theisak ding chi hi.
Apply hun ding kisuan
Imphal, Aug-18: Secretariat South Block a Conference hall ah tuni’n press conference om a, huai ah M.H. Khan, IAS, Principal Secy. Minorities and Other Backward Classes in a thugenna ah India govt. in OBC leh Minority student-te adia Pre leh Post Metric scholarship apply theih ding hun (last date) pen Aug 31, 2016 tan adia a suan gamlat ziak in scholarship hamphatna muthei dia chitna nei student te’n online tungtawn a apply ding in theisak a, hiai tahw kisai in student, nu-leh-pa leh mimal te’n hunbikhiah bei ma ngei a online tungtawn a forms a submit uh ngai ding chi a, India govt. in kum 2015-16 in online process pankhia a, kum 2014-15 sung a dia pre leh post metric scholarship apply theih ding hun kikhakta mahleh student 8449-te a dia sanction amount bel Manipur govt. khut ah om lel a, student te’n document diktak tawi a laktheih ding hi’n leng gen hi.
Bobin’s 7th Solo Music Video hong
Imphal, Aug-18: Manipur Presss Club ah tuni’n Anti Corruption tawh kisai in Bobin’s 7th Solo Music Video hongkhiatna om a, huai ah Chief Guest in Dy. CM Gaikhangam pang hi. Functional President in W. Shyamjai, President, AMWJU leh Sanasam Bira Singh, MLA (Kumbi A/C) pang a, Guest of Honour in Kumari AK Mirabai Devi, Minister (Social Welfare) pang hi’n gen uhi. Huai ah Dy. CM in a thugenna ah bill thak bawlna ding tungtang ah mipi leh pawl tuamtuam apan ngaihdan ki sung khawm-te state govt. in la khawm vek ding a, nam teng in a pom theih ding ua dan bawl khiak hiding in gen hi. Aman a genzelna ah draft bill tawh kisai in stake holder-te ngaihdan lak khawm nung a state assembly ah luikhiak hipan ding a, Kh. Ratan mat tungtang dotna a dawnna ah dan (law) masawnna tungah kinga hi’n gen a, Central govt. kiangah SoO nuai a helpawl-te remuneration tulai hun tawh kituak nawn lou chih ziak a bawl dik thak dia ngetna bawl chi’n leng taklang hi.
TUNI THUPI:
“Amau ziakin ka kihihsiangthou a, amau leng thutaka a sianthouna ding un.”- Johan 17: 19
EDITORIAL:
Wanted ‘Tag’ leh Manipur
Manipur govt in ‘Wanted Tag’ a apuan uh JCILPS convenor-lui Kh. Ratan tungtang thusautak om hi. Govt in dan pua a koihkawm in amah mankhia leh omna theite Rs. 5 lakh piak ding tanpha in puang a, mi poimawh mahmah ahihdan theih in om hi. Himahleh, Inner Line Permit issue ziakin zalentakin Keishampat a Dharna ah vatu hi. Bangchidan ale? Tamil Nadu state in Veerapan naktaka a zonlai utawh teh ni hang chi ihi kei a, thil paidan lamdang isak ziak hizaw hi.
India i chih mipi vaihawmna hi a, mipi zalentak a a om ding uh chih ahi hi Tua ziak mah leng ahi ding a, mipi tamtak amau’ mimal thuneihna (human rights) pansan in om uhi. Mimal in rights i nei a, i rights pen bangchidan a zang i hihiam chih ngaihsut poimawh hi. Sun leh zan in a utna munmun ah pawt leh nuamtalin om uh a, tuapen kuaman a sukbuai theih uh hi mawklou hi. JCILPS Chief Convenor-lui Ratan pen state govt in Wanted Tag ah koih uh a, amah zalentak a Keishampat a a tuttheih mawk in sautak hon ngaihtuahsak thei mawk hi. Manipur Express editorial ah ni tamlou paisa in ILP tawh kisai telin issue poimawh hunkhop kigelh a, tua ah, Kh Ratan pen mun gamla a kibulou ding ahihthu taklat in om a, police ahihkeileh security force personnel tuamtuam in man ut uh hileh zalen takin manthei ding uh a, mun gamla ah kibulou himhim ding ahi chih thu taklat hi a, huai dik toutou bangin kilang hi.
Thu diktak gen lehang Ratan tungah criminal case bulhtheih leng a hikha maithei a, helpawl khat a dinmun poimawhtak lenkawm a JCIPLS makai poimawh hilou himhim ahi chih genchet haksapi leng hithei mawk hi. Singjamei Police station, Imphal West district in Kh Ratan, Convenor JCILPS tungah case a file un bangtan malam nawt hiam chihtheih hi nailou a, Manipur politics paidan mipi nautang adingin thuchian theih haksa mahmah hi’n kilang hi. JCILPS makai poimawh mahmah Ratan bel phaijang helte pawl khat a makai muanhuai mahmah hidan in police te’n ngawh a ‘Wanted Tag’ a puankhum mah hi uh a, chetna omlou a Police-te tutan tolhlou a pang uh hingei dingin ginhuai hi. Manipur ah mipi lungsim paidan i et vengveng chiangin mipi kiphinna tungtawn a issue batdaih utte panlak ding, issue khenkhat thupitak suahsak utte’n leng mipi nasataka kiphinna tungtawn a suahsak ding chih paipih deuh a batna tan om mah ahi hi.
Kh. Ratan bel Kh Ibotombi of Singjamei Wangma Kshetri Leikai a om’ tapa hi a, Imphal West district police station nuai a om in sep theihtheih sem hi. Huchih lai in JCILPS issue ah kigolhkha a, himahleh helte pawlkhat puanlap lenkawm a kichiamna lemlak om chihthu hong omkhiak ziakin a tungthu hong puangzak(flare-up) tawh kibangin om hi. Manipur police a PRO thusuakin a gendan in a omna theite kipahman Rs 5 lakh piak ding chi mahleh amah zan(Aug 17) in zalentakin Keishampat a dharna/sit-in-protest ah mipi lakah vatel a, mipi tamlai a police in matkhiak sawm hileh mipi om maimai lou in Police-te tawh kinawktuah ding uh a, huchi kalah Ratan leng suakta maithei hi. Himahleh dhatna a tute nitak sawttak a tulai uleng hihtuak a, nitak sawtnung mipi tamlua om nawnlouh hun ah police-te gamtang uh hi maithei hi’n gintak-huai hi. Police te’n amah mankhia uh ahihtak ziakin Ratan tungthu a suizui ngei uleng gintak huai a, amah tunga ngawhna tungtang Court a case om leng thutanna puankhiak hun ngaklah-huai hial hi. Manipur Express in Kh. Ratan kichi a kibu kei ding chih gintak thu asuah adikna hi mailou ding hia chihtheih hi.
Ngaihtuahna khoikha mahmah ahihleh Ratan in JCILPS office, Keishampat, Sega Road ah media-te kimuhpih a, bangchidan security force te’n kei hon zong mawk uhiam chi a, a tungah siatna tawpkhawk om leleng ILPS issue ziakin siding a mansa in a om hi a gen ngei hihtuak hi.
Ratan thugen adik leh diklouh tungtang gen ihi kei a, ‘wanted tag’ taktak bang hihiam chih etzui ngai hi. Manipur a dan leh thupiak dinmun sui lehang, bangmah hilou banga ngaihna om khading a, ‘wanted list’ a koih a om zalentaka mipi lak a kilat theih pen govt chouna leng suakthei hi. Wanted Tag a omte’ lakah case hunkhop nei om a, tu a Ratan case leng serious case hi maithei hi. Wanted Tag nuai a case nei khatin zalentak a ‘dharna’ tut mawk bangteng kawkkha hiam chih ngaihtuahtham ching hi. Manipur ah ‘Wanted Tag’ bang ahi ding? Security point of view in bang huamkha hiam? Ratan pen official a mat in om maithei, mailou maithei, thil omdan pen hun in hong taklang ding hi.
NDA solkal thiltup lianpen ‘nation building’ ahi : Modi
PM in BJP Headquarter building suangphum hong
New Delhi, Aug-18: Prime Minister Narendra Modi in New Delhi ah tuni’n BJP Headquarter Building suangphum hongkhia a, National Democratic Alliance (NDA) government thiltup lianpen ‘nation building’ ahi chi’n gen hi. BJP in vaihawmna khahsuah in opposition party ah om le uleng a thiltup uh pialsanlou ding uh chi a, India zalenna ni akipan BJP in haksatna tamtak tuak hi’n gen hi. Party thiltup lianpen gamsung bawlhoih ding ahihdungzui in, khentuam omlou in michih adi’n kalsuan ding uh hi’n leng Prime Minister in gen hi.
Tuni’n Prime Minister in BJP party makai tuamtuam leh student-te tawh Raksha Bandhan zangkhawm uh a, innkuan ki-itna leh khawtang kitunding tuah ding Raksha Bandhan in a thiltup hi’n gen PM in mipi paikhawmte kiangah gen hi. India mipi’n a sepna mun peuh ua kuhkalna tawh sem ding in PM in chial a, makai masate kuhkalna ziakin tuhun a khangsawn te’n kivaihawmna hoihtak neithei uh chi hi.
Tuni a BJP Headquarter building suangphum honkhiakna ah party President Amit Shah, Union Minister Rajnath Singh, Venkaiah Naidu, Nitin Gadkari, senior party leader L K Advani, Murli Manohar Joshi leh makai tuamtuam kihel uhi. Lok Sabha election 2019 ma ngei a zawhsiang hiding a, building sung ah wi-fi, underground parking, conference hall, media facility, eatery, studio, library, reading room leh thil poimawh tuamtuam om ding hi’n gen uhi.
LOCAL NEWS:
BOH te’n Cultural Day 2016 zang
Lamka, Aug-18: S. Kawtlian a Bridge of Hope (BOH) Centre ah tuni zinglam in Cultural Day Celebration 2016 zang uh a, Chief Guest in Langkhanpau Guite, Chairman, ADC/CCpur pang hi. Guest of Honour in Seilenmang Khongsai, MDC (Khousabung) leh Functional President in H. Doungel, Dist. Youth Co-ordinator, NYK/CCpur pang hi.
Chairman in naupang te’n Toupa ah nu-le-pate’ zahtak ding ahihdan gen in, huai mite leitung ah leng mi damsawtte leh vualzawlna ngahmi ahihdan gen hi. Student te’n kuhkal, chihtak leh tupguh hoihtak neikawm a, laisim ding in hanthawn hi. Program sung in BOH student te’n traditional couple parade, cultural dance tuamtuam lahna nei uhi.
ZC in OMTF khut ah pekhia
Lamka, Aug-18: Zomi Council Cabinet in Zomi Council nuai a tribe leh frontal orgn. tuamtuam makaite’n tuzing in Simveng a Simte Inn ah meeting neihpih in Manipur in bill thak abawl ‘Manipur Regulation of Non-Local People Act, 2016’ tawh kisai gelhthawh a ngaihdan piaklutte genkhawm uhi. Ngaihdan tuamtuam piaklutte ahibang in Outer Manipur Tribals’ Forum (OMTF) in Aug 24, 2016 tan in govt. ah a piaklut man ding a piakkhiak dingin thupuk uhi. Bill thak tawh stakeholder te’n Aug 24, 2016 tan a ngaihdan pelut di’n govt in ngen hi.
YMA Chiengkawn Branch in ngen
Lamka, Aug-18: YMA Chiengkawn Branch te’n khawsung mipi leh vengdangte zuih ding thupuan bawl uh a, kuapeuh in zuichiat ding in ngen uhi. Aug 17, 2016 apan Chiengkawnpang khawsung ah khamtheih zuak leh hih/bawl kham uh a, numei-naupang sulau thei ding kisual, kinak phallouh hi’n puang uh a, nitak dak 9:00 nung poimawh lua ahihkeileh Chiengkawnpang khawsung ah vengdangmi lut phallou uhi. YMA thupuan zuilou a, thil tung hoihlou om leh kuaman mawhsa theilou ding hi’n taklang uhi.
EBCC/Nghathal Biakinn kihong ding
Lamka, Aug-18: TBSUC, EBCC/Zion makaih in Aug. 20, 2016 zing dak 7:00 in Nghathal a Dinthar Veng ah EBCC/Nghathal biakinn honna leh latna om dinga, Rev. S. Vung Minthang, Gen. Secy, EBC in hong in Pathian kiangah lan ding hi. Local Secy, EBCC Zion in Nghathal EBCC a Tualsung Baptist Saptuam Upa Committee khut ah inntuan theihna pekhe dinga, makai dingte Rev. V. Nenglian, Divn Supdt. LSD in kichiamsak ding hi.
Guta te’n Bolero gari gumang
Lamka, Aug-18: Police apan kizadan in tuzing baihtak in gutate’n N.T. Kama s/o (late) Thangkhopau of D. Phailian, zatlai bolero gari (white colour) No. MN02A-3219, Chasis No. MAIPS2GHKB5A61239, Engine No. GHA4M80287 gumang uhi. Gari neite’n Police ah complain bawl uh a, Police te’n guta matkhiat sawm leh gari muhkik sawm in suizui uhi.
Freshers’ Meet-cum-Career Guidance
Lamka, Aug-18: Siamsinpawlpi (SSPP) Joint HQ, Delhi te’n Aug 20, 2016 zinglam dak 10:00 in Convention Centre, JNU ah Siamsin Freshers’ Meet-cum-Career Guidance Program, 2016 nei ding uhi. Huai ah Guest speaker in Hoihnu Hauzel, Biaklun Thawmte, G. Sanga, Grace Siamlianvung, Dorothy Niangkhannem Guite, Siamsang Vualnam, Dr. Rose Nembiakkim, Vumlunmang Vualnam, N. Chinsum, Khatchin Langel, Khamkhansuan leh Rev. Kamzamuan hiding uhi.
Board of Gov. kipahpihna zatpih
Lamka, Aug-18: Manipur govt. nuai a self finance private university masapen ‘Sangai International University, Manipur (SIUM)’ a Board of Governor leh state nominee dingin state govt. in Pauchungnung Vaiphei, Associate Prof, Pol deptt., CCpur College guang a, tuni sunnung in Synod Super Market a Cozy World ah Pol. Sc. deptt-te’n kipahpihna nei uhi. SR Gangte, Associate Prof, Head of Deptt., Pol Sc in makaih a, SIUM ahihleh University Grant Commission (UGC) leh State Cabinet in a theihpih hi a, UGC Act, 1956 a Section 2 (f) ah register kibawl hidan in gen hi.
Management, Commerce, Education, Humanities, Language, Applied Science, Social Science, Journalism leh Diploma course tuamtuam a Bachelor leh Master Degree sin theih ding a, prospectus kihawm a, practical om subject chihlouh adangte pat theih hi’n kigen hi. Tulel in Rengkai Road a City Campus (Vanmawi Building) luah uh a, govt. in permanent campus bawlna ding S. Bualjang ah gam acre 43 lei a, kum 2017 in nasep pat hiding in kigen hi.
Huai hun ah Dr. Depeesh Kumar Mishra, Registrar, SIUM, Ricky Vanlallawm, Principal, CCpur College telin HOD member-te, SIUM a teaching leh non-teaching leh visiting faculty-te tel uhi. SIUM bel CCpur dist. a omtheihna din Paulunthang Vaiphei, IAS in Commissioner (Hr. & Tech. Edn/SCERT) alet lai in ama panlakna ziak hi’n SR Gangte in gen hi.
ATM koihna ding bawlzou
Lamka, Aug-18: Tuibuong/Tuibong a Post Office ah ATM koihna ding nasemte’n zousiang uh a, machine hongtun hun in fit leh zattheih dia man hi’n Manager H. Chinmuanthang apan kiza hi. Post Office ah customer te’n ATM zattheihna dingin document banah ATM card applyna ding form leng Post Office tung a, himahleh ATM tunlouh ziak a hawmkhe nailou hi’n gen hi. Manipur a Post Office-te lakah 1st phase in Imphal a Head Office, Thoubal leh Lamka ading ATM machine hongtung ding a, 2nd phase in Dist. tuamtuam ading hongtung ding hi’n gen hi. Tuibuong a Post Office ah core banking system kizangta a, niteng in Police leh VDF-te duty uh a, customer te’n core banking system tungtawn in mundang/state dang ah sum kithontuah zel uhi.
‘Ka Lunggulhpen’ Gospel Album
Lamka, Aug-18: Rev. S. Vung Minthang, General Secretary, EBC in Sept 10, 2016 zinglam dak 10:00 in EBC Dorcas Jubilee Guest House a Mini Auditorium ah “Ka Lunggulhpen” kichi Gospel Music Video Album hong in Pathian kiang ah landing hi. Huai album ahihleh Disc 2 hi a, la (song) 20 om in Ningmuanching, Mary Biakching, Hnunhoih, Ngaimuanching leh Ruth Chingmuankim ten lasa uhi.
SBI-RSETI in certificate pekhia
Lamka, Aug-18: Bijang a SBI-RSETI in kum 45 nuailam tuailai sepna neiloute Rural Entrepreneurship Dev Prog (REDP) tungtawn a ni 12 sung ’free short term course’ training a piakte’n zouta uhi. Tuni sunnung in certificate hawm hi a, K. Hirachandra Singh, Director in pekhia hi. Training ah mi 19 tel uh a, CT Lian Guite, MBA in sumsin dingdan tawh kisai sinsak hi. Aug. 22, 2016 in ni 6 sung daih ding Ak khoidan training om ding a, P. Khamsanglian, Progressive Farmer in sinsak ding hi.
State Epidemiologist in Lamka pha
Lamka, Aug-18: Dr. Sasheekumar Mangang, State Epidemiologist in tuni zinglam in Lamka hongpha a CMO office campus a Disease Surveillance Unit/Integrated Disease Surveillance Program Centre ah Japanese Encephalitis (JE) leh Viral Fever ziaka Monitoring Cell kihong ah staff-te houlimpih in panlak dingdan genpih hi. Huai zawh in Dist. Hospital ah Med. Supdt. houlimpih in Imphal ah kiknawn hi.
BJP Singngat in theihpihlou
Lamka, Aug-18: BJP Singngat Mandal a President Lamzagen in thusuah abawl kimudan in, Aug 19 in S. Thadou Veng, Singngat a T. Hangkhanpau (Ex-MLA), Executive Member, BJP Manipur State Unit pahtawina (felicitation) neih ding tungtang BJP Singngat Mandal in theihpihlou uh hi’n taklang hi. Dist. President leh Executive member tuamtuam thuzak mahle uh, amau leng theikhalou uh a, mimal khat in BJP makai khat hidan a amah-leh-amah a kigen pen in Dist. Evecutive leh Singngat mandalte zahtaklou in thusuah bawl a, huai hun ah Singngat Mandal BJP member kuamah kihellou ding in theisak hi.
IMPHAL NEWS:
BAC saina in meeting om ding
Imphal, Aug-18: Manipur Assembly term 10na a sitting 14veina Sept 2, 2016 ni akipan ding a State Cabinet in thupukna a bawl uh tawh kiton in K. Meghachandra, Secretary-in-Charge, Manipur Legislative Assembly in Aug 22, 2016 nitaklam dak 3:00 in Speaker officer chamber ah Business Advisory Committee meeting sam hi’n kigen hi.
Lamdeng plant upgrade di’n MOA kai
Imphal, Aug-18: Chief Minister Secretariat ah tuni’n State govt. leh Ahmedabad pansan a private firm IEC-TSL INGENIOUS ENERGY LLP te’n PPP mode tungtawn in Imphal West a Lamdeng mun ah Solid Waste Treatment Plant pen ‘Waste to Energy Plant’ a upgrade ding in Memorandum of Agreement (MOA) suaikai uh hi’n kigen hi. Huai ah Chief Minister O. Ibobi leng telin state govt. lam apan N. Gitkumar Singh, Director, MAHUD, R. Sudhan, Addl. Secy. (Power) leh IEC-TSL lam apan Vice President Ravi Kalantri te’n suaikai uhi. Lamdeng a Solid Waste Treatment Plant upgrade zawh chiang in non-compostable waste-te apan electric energy suah hiding a, 60MT waste in 1 MW electric a piak khiak ding banah ni 1 sung in organic waste 100 MT -te compost suah hiding in gen uhi. Treatment Plant ah Oct 2016 apan nasep kipan ding a, govt. lam apan sumsenna omlou in Feb 2017 tan a plant upgrade nang a nasep zawhsiang hidin gen uhi. Manipur Govt. in project cost Rs. 41,75,00,000 bei a Municipal solid waste-te compost suahna dia Solid Waste Treatment Plant a bawlkhiak uh hi a, hiai hun Dy. CM Gaikhangam, Ministers, R.K. Dinesh, Secy, MHUD leh IEC-TSL apan mi tuamtuam te’n uap uhi. Huailou in Chief Minister office chamber ah tuni’n Brahmacharis member te’n Rakhi tawh ksiai in CM O. Ibobi kimuhpih uhi.
Dakkal 48 sung bandh puang
Police custody ah Ratan ni 9 om ding
Imphal, Aug-18: Imphal West Police Commando leh City Police kithuah te’n zan nitak dak 10:40 velin Keishampat a relay hunger strike omna mun ah JCILPS a Convener lui Kh. Ratan a matkhiak hun uah huhamtak a agamtatna uh mawhpaihna in JAC against the announcement of ‘Wanted Tag’ te’n tunitak zankim apan Manipur pumpi ah dakkal 48 sung general strike puang uh hi’n kigen hi. Commando leh Police team gari 15 vel a kizui te’n nupi leh student volunteer-te lam apan dalna om mahleh Kh. Ratan man uh a, Ratan puak khiak nung tanpha a kiphinna neite kham daihna ding in mock bomb leh tear gas zang uh hi’n kigen hi. Ratan mat ziak a mipi thangpaite’n Keishampat lakah mei hal kuang in gari tai ding dal uh a, police-te gamtatna mawhpaihna in general strike puang uh hi’n kigen hi.
Hiai thu tawh kisai in JAC thupuangtu banah Media Coordinator Ksh. Thoiba in media-te tawh kimuhna hun ah police-te gamtatdan naktak a mawhpaih hidan in gen a, Ratan tungah ‘Wanted tag’ puang pen thildang hilou in Manipur ah ILPS zat ding phutna a mipi kiphinna suk daih sawmna hi a, general strike lawhchinna dia mipite’n kiphinna tuamtuam bawl ding in ngetna bawl a, strike sung ah thil deih huailou a tung leh govt. mawhpuak hiding a, himahleh strike in a huamkhak louh ding-te bangmah taklang lou hi. Huailou in Imphal West a Chief Judicial Magistrate ah tunitaklam in Kh. Ratan dingsak h a, Court in ni 9 sung police custody ah om ding in thutan khum hi’n gen uhi.
Nupi te’n CM bungalow luhsawm
Imphal, Aug-18: JCILPS a women wing, JAC formed against the announcement of ‘Wanted Tag’, Ima Keithel Apunba Nupi Lup, Chingmee Tammi Apunba Lup leh CSO tuamtuam apan nupi pawl te’n tuni nitaklam dak 3:00 velin Chief Minister bungalow luh sawm uh a, himahleh Police te’n Nupilal memorial complex mai ah dal ziak un ma sawn theilou uh hi’n kigen hi. Huai nung nitaklam dak 5:30 velin Police te’n CM kimuhpih ding in mi 7 phal uh hi’n kigen hi. JCILPS Women Wing a Convenor lui L. Nganbi in zan a kiphinna hun a Kh. Ratan in dakkal 12 sung a uap nung a bang tupna a matkhiak hihiam chih CM kiangah dong nuam uh chi’n gen a, amah mat ziak a tualsuak mite humbitna dia mipi kiphinna dai tuanlou ding chi hi. CM tawh kimuhna hun ah Kh. Ratan tungtang Court thutanna ah kinga ahihziak in govt. lam apan thuchiam bangmah bawl lou a, Kh. Ratan khahkhiakna dia bail ngen ding leh hiai tungtang Ministers-te theisak ding chi hi.
Apply hun ding kisuan
Imphal, Aug-18: Secretariat South Block a Conference hall ah tuni’n press conference om a, huai ah M.H. Khan, IAS, Principal Secy. Minorities and Other Backward Classes in a thugenna ah India govt. in OBC leh Minority student-te adia Pre leh Post Metric scholarship apply theih ding hun (last date) pen Aug 31, 2016 tan adia a suan gamlat ziak in scholarship hamphatna muthei dia chitna nei student te’n online tungtawn a apply ding in theisak a, hiai tahw kisai in student, nu-leh-pa leh mimal te’n hunbikhiah bei ma ngei a online tungtawn a forms a submit uh ngai ding chi a, India govt. in kum 2015-16 in online process pankhia a, kum 2014-15 sung a dia pre leh post metric scholarship apply theih ding hun kikhakta mahleh student 8449-te a dia sanction amount bel Manipur govt. khut ah om lel a, student te’n document diktak tawi a laktheih ding hi’n leng gen hi.
Bobin’s 7th Solo Music Video hong
Imphal, Aug-18: Manipur Presss Club ah tuni’n Anti Corruption tawh kisai in Bobin’s 7th Solo Music Video hongkhiatna om a, huai ah Chief Guest in Dy. CM Gaikhangam pang hi. Functional President in W. Shyamjai, President, AMWJU leh Sanasam Bira Singh, MLA (Kumbi A/C) pang a, Guest of Honour in Kumari AK Mirabai Devi, Minister (Social Welfare) pang hi’n gen uhi. Huai ah Dy. CM in a thugenna ah bill thak bawlna ding tungtang ah mipi leh pawl tuamtuam apan ngaihdan ki sung khawm-te state govt. in la khawm vek ding a, nam teng in a pom theih ding ua dan bawl khiak hiding in gen hi. Aman a genzelna ah draft bill tawh kisai in stake holder-te ngaihdan lak khawm nung a state assembly ah luikhiak hipan ding a, Kh. Ratan mat tungtang dotna a dawnna ah dan (law) masawnna tungah kinga hi’n gen a, Central govt. kiangah SoO nuai a helpawl-te remuneration tulai hun tawh kituak nawn lou chih ziak a bawl dik thak dia ngetna bawl chi’n leng taklang hi.
TUNI THUPI:
“Amau ziakin ka kihihsiangthou a, amau leng thutaka a sianthouna ding un.”- Johan 17: 19
EDITORIAL:
Wanted ‘Tag’ leh Manipur
Manipur govt in ‘Wanted Tag’ a apuan uh JCILPS convenor-lui Kh. Ratan tungtang thusautak om hi. Govt in dan pua a koihkawm in amah mankhia leh omna theite Rs. 5 lakh piak ding tanpha in puang a, mi poimawh mahmah ahihdan theih in om hi. Himahleh, Inner Line Permit issue ziakin zalentakin Keishampat a Dharna ah vatu hi. Bangchidan ale? Tamil Nadu state in Veerapan naktaka a zonlai utawh teh ni hang chi ihi kei a, thil paidan lamdang isak ziak hizaw hi.
India i chih mipi vaihawmna hi a, mipi zalentak a a om ding uh chih ahi hi Tua ziak mah leng ahi ding a, mipi tamtak amau’ mimal thuneihna (human rights) pansan in om uhi. Mimal in rights i nei a, i rights pen bangchidan a zang i hihiam chih ngaihsut poimawh hi. Sun leh zan in a utna munmun ah pawt leh nuamtalin om uh a, tuapen kuaman a sukbuai theih uh hi mawklou hi. JCILPS Chief Convenor-lui Ratan pen state govt in Wanted Tag ah koih uh a, amah zalentak a Keishampat a a tuttheih mawk in sautak hon ngaihtuahsak thei mawk hi. Manipur Express editorial ah ni tamlou paisa in ILP tawh kisai telin issue poimawh hunkhop kigelh a, tua ah, Kh Ratan pen mun gamla a kibulou ding ahihthu taklat in om a, police ahihkeileh security force personnel tuamtuam in man ut uh hileh zalen takin manthei ding uh a, mun gamla ah kibulou himhim ding ahi chih thu taklat hi a, huai dik toutou bangin kilang hi.
Thu diktak gen lehang Ratan tungah criminal case bulhtheih leng a hikha maithei a, helpawl khat a dinmun poimawhtak lenkawm a JCIPLS makai poimawh hilou himhim ahi chih genchet haksapi leng hithei mawk hi. Singjamei Police station, Imphal West district in Kh Ratan, Convenor JCILPS tungah case a file un bangtan malam nawt hiam chihtheih hi nailou a, Manipur politics paidan mipi nautang adingin thuchian theih haksa mahmah hi’n kilang hi. JCILPS makai poimawh mahmah Ratan bel phaijang helte pawl khat a makai muanhuai mahmah hidan in police te’n ngawh a ‘Wanted Tag’ a puankhum mah hi uh a, chetna omlou a Police-te tutan tolhlou a pang uh hingei dingin ginhuai hi. Manipur ah mipi lungsim paidan i et vengveng chiangin mipi kiphinna tungtawn a issue batdaih utte panlak ding, issue khenkhat thupitak suahsak utte’n leng mipi nasataka kiphinna tungtawn a suahsak ding chih paipih deuh a batna tan om mah ahi hi.
Kh. Ratan bel Kh Ibotombi of Singjamei Wangma Kshetri Leikai a om’ tapa hi a, Imphal West district police station nuai a om in sep theihtheih sem hi. Huchih lai in JCILPS issue ah kigolhkha a, himahleh helte pawlkhat puanlap lenkawm a kichiamna lemlak om chihthu hong omkhiak ziakin a tungthu hong puangzak(flare-up) tawh kibangin om hi. Manipur police a PRO thusuakin a gendan in a omna theite kipahman Rs 5 lakh piak ding chi mahleh amah zan(Aug 17) in zalentakin Keishampat a dharna/sit-in-protest ah mipi lakah vatel a, mipi tamlai a police in matkhiak sawm hileh mipi om maimai lou in Police-te tawh kinawktuah ding uh a, huchi kalah Ratan leng suakta maithei hi. Himahleh dhatna a tute nitak sawttak a tulai uleng hihtuak a, nitak sawtnung mipi tamlua om nawnlouh hun ah police-te gamtang uh hi maithei hi’n gintak-huai hi. Police te’n amah mankhia uh ahihtak ziakin Ratan tungthu a suizui ngei uleng gintak huai a, amah tunga ngawhna tungtang Court a case om leng thutanna puankhiak hun ngaklah-huai hial hi. Manipur Express in Kh. Ratan kichi a kibu kei ding chih gintak thu asuah adikna hi mailou ding hia chihtheih hi.
Ngaihtuahna khoikha mahmah ahihleh Ratan in JCILPS office, Keishampat, Sega Road ah media-te kimuhpih a, bangchidan security force te’n kei hon zong mawk uhiam chi a, a tungah siatna tawpkhawk om leleng ILPS issue ziakin siding a mansa in a om hi a gen ngei hihtuak hi.
Ratan thugen adik leh diklouh tungtang gen ihi kei a, ‘wanted tag’ taktak bang hihiam chih etzui ngai hi. Manipur a dan leh thupiak dinmun sui lehang, bangmah hilou banga ngaihna om khading a, ‘wanted list’ a koih a om zalentaka mipi lak a kilat theih pen govt chouna leng suakthei hi. Wanted Tag a omte’ lakah case hunkhop nei om a, tu a Ratan case leng serious case hi maithei hi. Wanted Tag nuai a case nei khatin zalentak a ‘dharna’ tut mawk bangteng kawkkha hiam chih ngaihtuahtham ching hi. Manipur ah ‘Wanted Tag’ bang ahi ding? Security point of view in bang huamkha hiam? Ratan pen official a mat in om maithei, mailou maithei, thil omdan pen hun in hong taklang ding hi.
No comments:
Post a Comment