Thuthang laktomte
**Manipur tribals forum UK ten tunin morgue vehna nei.
** Irom Sharmila in Manipur Chief Minister lunggulh ziakin anngawl tawpsan ding
** Middle-east gam te'n Pokemon Go kimawl ding phallou
Tuni sunma dak 11:00 in Dorcas Mini-auditorium, New Lamka ah Magnessa Wellness Industry pawl in seminar nei uhi. Seminar hun ah Santosh Joseph, top learner, Magnessa Wellness Industry, Emirald Executive leh Willson, Gold Executive, ten thupi tuamtuak zang in sinsakna nei uhi. Tuni a seminar neih na hun ah, school/college tuamtuam apan student tamtak ban ah, sepna nei khinsa leh sepna neinai lou mi tamkhoptak tel uhi. Magnessa, Wellness Industry ahihleh Nikum, 2015 November kha in Lamka ah hon khiak in om hi.
Xxxxxx
Manipur Tribals Forum UK ten tunin Gam leitang humbitna ding a hinna pia Salpha 9te luang kikoihna District Hospital Morgue hongpha uhi. MTF UK te ahihleh Kailienkhup Khongsai, Khaisuanthang, Thanggoumang Guite, S. Lal Guite leh Chiinngaihlun te hi ua, amau ten Salpha 9 te sunna a Nupi pawl te programme zatna mun ah thugenna hong nei uhi. MTF UK ten Morgue ahong veh hun uah, salpha 9 te’ sungkuan te kiang ah Puandum 1 chiat ban ah, Sum Rs. 4000/- chiat piak na nei ua, ban ah, Morgue a niteng a suunna programme makaih tu All Tribal women Union te kithuahpih na ding in Rs. 2000/- piakna nei uhi.
Xxxxxx
Tulai in District Hospital campus ah mi a tamtheih mahmah ziak in khamtheih hih ten hunlemtang a la in district hospital ah a khamtheih te uh hihsek uhi. Dr. J.Songoukham, Medical Superintendent apan thu kiza danin, zan nitak dak 10 vel in District Hospital sung ah khamtheih WY teepna leh SP tang 7 mukhia hi. Hiai te ahihleh Damdawi inn a sem tu hichiah kei mahleh chiklai peuh a ut na munmun a sawl theih leh sawl tangzang, Thangkholien leh Hospital a Security ten a amuh khiak uh hi a, hiai bang a khamtheih hihna leh khamtheih tang muh khiak a om pen a district mipi te a ding a zum huai ahihna ah, tunung a kuaman huchibang a khamthieh te, Damdawiinn sung a hihnawn lou ding in theisak hi.
Xxxxxxxxxxxxxx
SHARE India te saina in tuni apan August 12, 2016 tan daih ding, Classis Hotel, Imphal ah 2-days Implementing Laboratory Quality Management System kipan hi. Hiai training ahihleh batch 2 in kikhen a, batch khat in ni 2 zel nei ding uhi. Tunin, DACO, ICTC a MO leh COuncelor ten nei ua, amauni 2 a zoh chiang un Batch 2na ding in DIS leh LabTechnician ten neinawn ding uhi.
Xxxxx
Nikum 2015 August 31 ni a Manipur Cabinet in singtang mite’ tenna gam laksuh na ding ngimna a bill 3 apass te uh ziak a buaina kipan in tuni tan veng lou in om hi. Hiai buaina ziak in Churachandpur Distirct Sports Association, CDSA in salpha 9 te sunna leh zahna in tunitan tournament bangmah sai lou uhi. Tunitan in gam leitang humbitna dia hinna pia Salpha 9 te luang vui hinaikei mahleh, hongtung ding August 25 apan district division league tuamtuam sai pan nawn ding uhi. Ch Lhunchon, General Secretaryt, CDSA apan laikimu dan in, hongtung ding August 25, apan Peace Ground Tuibuang ah, (L) T. Lianboi Simte Memorial District Super Division League 2016 leh (L) Khaikhanlian Memorial Distirict 1st Division League 2016 te saipan nawn ding uhi. Hiai ding toh kisai CDSA nuai a affiliated club, Super Division leh 1st Division a omkha ten entry form leh thuchian kimzaw te August 14, tan a CDSA office a la ding in theisakna bawlhi.
Xxxxx
MHRD, GoI in August 9-23, 2016 kikal sung, Azadi 70-Yaad Karo Kurbani”(Freedom Fortnight) chi a apuan dungzui in gamsung pumpi aom school ten a hihding uh tuamtuam pia hi. Huai dungzui in T. Goukhomang, ZEO/CCPur in leng tuni a thusuah bawl in, hiai order pen school chih in a sai tei tei uh ngai ding a, strict tak a et kai hi ding in taklang hi. Huai ban ah, hiai sep ding leh hih ding tuamtuam te toh kisai, ei district a a concern DI of School ten amau nuai a school te a et kai ding uh chi in leng taklang ngalhi.
Xxxxx
Zogam Hoihnu FC te saina in apaisa July 25, in PT Sports Complex, New Lamka ah the 3rd Zogam Hoihnu FC Open Tournament 2016 kipan in tunin zou siang ta uhi. Tuni a closing function hun ah K. Paukhansuan, Social Worker leh Upa Dr. DK Mang, Social worker ten Chief Guest hihna toh uap in Dr. M. Gousuan, Local Pastor EBCC Khominthang in hun honna nei a, Zogam Hoihnu FC official ten welcome address genna leh report piakna nei uhi. Huai ban ah, P. Khamsanglian, Social Worker leh H. TOnglian, Special Contractor ten Guest of Honour leh Functional President hihna toh uap ding kichi himahleh lemtanlouhna a neih ziak un tel lou uhi. Tuni a The 3rd Zogam Hoihnu FC Open Tournament 2016 closing function hun ah final match kimawl na om a, huai ah Pumfuh FC (Hiangtam Lamka) leh Zoukhankhual United (Kamdou Veng) te kimawl in pumfuh ten goal 1 a zou in Champion la uhi. Champion pumfuh FC in a sum in Rs. 10000/- sang ua, Runners Up zoukhankhual FC in Rs. 6000 sang uhi. Huaiban ah, tournament hun sung in etdan tuamtuam in etna nei ua, huai te lak ah best team of the tournament ngah pumfuh-FC leh breakbulls te kiang ah Rs. 2000/- tuak piakna leng neingal uhi. Top Scorer, Best Defender, Best Mid-fielder leh Hero of the tournament leng teel khiakna nei ua, amau te kiang ah Zogam Hoihnu FC in abawl Jersey 1 chiat piakna nei uhi.
Xxxxx
District sung a Viral Fever leh JE Outbreak om apan District a a concern department lam in pan nasatak a a laak dungzui in tu in bel damdoi inn a kien sakleng tawm hiai hiai hi. District hospital lam apan thukimu dan in, July 23, 2016 apan August 8, 2016 kikal sung in OPD ah damlou kiensak 6623 om hidan in taklang hi. Damlou kiensak 6623 lak ah Fever case 5065 om a, ban ah, JE dia muanmoh mi 7 om in huai te sisan te test ding in imphal a thon uhi. July kha sung in kien sak tam thei mahmah a, himahleh a department te hahpanna ziak in tukha August apan bel a ni ni in ki en sak kiam hiai hiai hi.
Xxxxxxx
No comments:
Post a Comment