SSPP JHQ. Shillong te makaihna in, Tuni 31st August 2016 Tribal Unity Day cia minvuah a om, Salpha te'n gam leh Nam adia ahinna uh ana apiak uh kumkhat chinna leh salpha te suunna programme SSPP Office Pu.Luaikhanthang Inn Dongparmaw Lapalang ah zat in om a, SSPP Advisory Board a members te, YPA apan President, Secretary banah gam leh nam ngaina Nu leh Pa te banah Siamsin tuailai tamtak paikhawm uhi.
Hiai hun ah Pu.Suankhenmung Shoute President SSPP in programme makaih in, mipi paikhawm te vaidawnna thugenna leng nei ngal a, SSPP Shillong in Tribal movement toh kisai a, hun paisa a, apanlak leh Nasep te leng taklatna nei ngal hi.
Tua zoh in Pu.Mawi Hatlang Vice President SSPP makaih in Salpha te zahtak etsakna in candle lighting neih in om a, tua zoh in Pastor G.Khankham EBCC Shillong in Salpha te Suunna makaih a, minute khat dai dide in suunna neih zoh ahih in thumna in zohna bawl hi.
Suunna hun zoh in, mipi paikhawm te'n kikup khawmna, ngaihdan genkhawmna President SSPP makaih mah in kinei tou non a, hiai hun ah heutu paikhawm te apan in thugen ngaihnop huai taktak maban panlakna dia hoih asak dan khong uh, ngaih khiat in om a, apaikhawm mipi te'n navak huai kisa tuan mahmah hi.
Tua te zoh in, Pastor G.Khankham EBCC Shillong makaih in Gam leh Nam adia mipi thumkhawmna neih in om hi.
Thumkhawmna zoh in Pu.Ngulkhanzam Neihsial President YPA Shillong in hunkhakna nei in programme lohching tak in kizou hi.
Phamsa Salpha te, hong it lua ung e...
Na phamna hang uh lung in ngilh kei nung...
Information Dpt.
SSPP JHQ. SHILLONG
Report by- Arish Kham | photo by- Nes Mung Hauzel, Sanglun Tonsing
-----------------------
MTFD | TRIBAL UNITY DAY
No comments:
Post a Comment