CT Lian Guite In MLA Dinsawm Ahihdan Pulakna leh Manifesto Honna Nei

Lamka, Oct-24 (PhualvaTimes.com): Zan nitaklam dak 2pm in Hengkot khua ah CT Lian Guite in 58A/c Ccpur a MLA dinsawm ahih dan pulak na leh Manifesto honna nei hi.

Hiai hun ah Sangluai Ngaihte in welcome address bawlna nei hi. Hausa te, leh khomipi te phalna leh hoihtaka welcome na uh tungah kipah thu gen hi. Aman agenna ah heutu mipi nasem taktak i tel theih na ding un, i lungsim chiimtak a ngaihtuah na nei kawm in siangthou thei bang pen a 2017 i bawl theih na ding un kuapeuh in i mohpuak haih keile chi hi. Huai banah,  hiai manifesto kihon toh ki tonton in I zattheih ding mah makai telkhiak theih na dinga kalbi masa pen ahih thu gen hi. Hun paisa a pu CT lian kalsuanna te et apan amah MLA dia phutawk, sithuai hetlou leh tua sang a zauzaw sem a kuapeuh mah adia ahon septheih nading leh mipi'n ihamphat pih ding cih itheih ziak in i MLA ding a hong ding ahihdan dan thu gen hi. Aman a gen zelna ah ki khen tuamna neia election ipai pih zelpen uh sukbei a utthu gen hi. Huai banah agenzelna ah, Lamka khangthu a electoral politics a siangthou theipen a lohching som te ihi uh chi hi. Kua te hiam demna dia MLA dinsawm aki hi kei a, ahoih na leh policy hoihtak nei leh practical theipen a sepsuah theih na dia vualzoh somte ihi uh chi hi.

T.Lawmpi in tutung thupi din 'Back to the basic' chih thupi dia zat poimoh asak dan gen. Politics ah i danbupi in tanvou hon piak na ngawn sualkhe zou nailou, neek leh tak zonna ah iniam mahmah a ni 1/2 bandh aleng nek ngawl thei tamtak ki om,society a lah kibatna sang in kibatlouhna tangkou in, i ki-keelki gawp ihihdan gen hi.A genzelna a saupi ngaihtuah in thei mahleng ihihna tak a basic a buailai ihi,tuaziak in a bulpat ngai hi. Hiaite a bulpat nadin heutu hoih leh mi khentuam loute chance ipiak hunta, mipi' heutu taktak ding tel hunta ahihdan gen a eigam chihman a hamsia thuak hilou, eilawi pil in khanglou leng igam khanglou ding hilou ahi chi hi. Hiaibang thiltung sak na din mimal chiat poimoh ahihdan gen a, kuapeuh in i Vote 'value' thei in gam bawlna din zangni chin mipite chialna nei hi. 

CT lian intending candidate pu in Manifesto honna nei in, a pianna pan Pathian kiangah latna nei hi.

Aman a genna ah lamka khopi a dia mun sang na pen pen a ki hong khia ahihmanin , hiai apan pan khe peuh mahle..nuailam a nahoih sep na kalsuan na hong na vang mahmah ding aihdan thugen hi. Ki bawltawm maia mipi palai dia sawm ahih louhdan thu gen hi. Aman a genna a manifesto nelnou takin gen khiak na nei hi. Aman agenna ah telching a  omleh..i gam economy grass root level a ahi theitana dopkang nadia panla ding ahih dan gen a, huai ban ah, political demand ah mipi hoihsak leh suahtak na ding ahihphot leh maphu dia mansa ahihdan gen. I gam a Bank 13 omte hoihtak a monitor a huai tungtawn a nekzonna tamtak bawlkhiak theih a gingtak thu leng gen hi. 

Tuabanah Hengkot Hausapu in agena ah, apaisa a MLA ten campaign lai in sum bang hawm uncin, ahong cin ciang a panpihna iva ngetleh, "bang a non gengen uh kon lei sa hilou maw, nou adi bangmah om non kei ana ci mai mah uh" huci bang MLA te kideih nonlou a, huai ziak in akuakua in candidate sum hawmte akipan kiveng ding in kuapeuh mah leng chial hi. 

Mipi akipan gennop genhun kihonglai mah in, mipi paikhawm te lak apan mikhat in agenna ah, CT Lian team te tuailai thahatlai lel asak dan leh na lungsim uh nekgukna leh thilhoih lou dangdang a na naupang bang un lungsim uh leng siangthou lai a diktatna gen ngam nahi uh ci hi. aman agenzel na ah candidate khenkhat in campaign lai in mipi lak ah sum hawm a huai te mipi'n ina la ua, tua ahong chin ciang un tua asen te uh muhkik(recover) nading in development fund leh mipi sumding te mah hon negu in nasep na ding sum omlou ding mah ahi ci a, huai ziak mah in kuapeuh mah in huci bang christian hihna maiphaw a zang te akipan kiveng ding in mipite ngetna bawl hi. 

Tua programme zoh ahih in, mipi paikhawm ten singpi leh biscuit ne in nitaklam dak 4pm vel in programme lohchingtak in zousiang uhi.

Download Full Manifesto (pdf) @ CLICKHERE