Itanagar, Oct 23 (PhualvaTimes) : Tuni sunhun dak 1 in The 7th Dr.T AO Memorial Football Championship 2016, Final kimawl na Rajiv Gandhi Stadium, Arunachal Pradesh mun ah neih in om a hiai hun ah Manipur in Sikkim te thaneh tak in Goal 4 in zoukhia uhi. Tuni a Football Final Match kimawl nahun ah Arunachal Pradesh CM lui Nabam Tuki in Chief Guest hihna toh a uap ban ah mi poimawh leh MLA bangzah hiam in uap uhi.
Dr.T AO Memorial Football Championship ahihleh Dr.Talemeren Ao theihgige na ding a North Eastern Council (NEC) leh Ministry of Development of North Eastern Region (DoNER) te kithuahkhawm a NorthEast states teng kimawl khawm zel a Football lam ah khantouhna a omding ngimna kawm a asai uh leng ahi. Dr.T AO ahihleh Nagaland mi Football kimawlsiam mahmah hi a 1948 Summer Olympics omhun in Indian Football team te Captain in ana pang a huai hun in khevuak in Football va pek uhi.
Tuni a Football Match kimawl nahun ah Manipur team ten thazoh mahmah ua minutes 15 hun vel in Goal 1 khum ua half time tan in 1-0 in makai uhi. Second Half kipattung 46minutes in Goal 1 khumbeh nawn ua 2-0 in makai nawn uhi. 59minutes leh 63minutes hun in leng goal khumbeh nawn ua tawphun tan in 4-0 in vualzohna tang uhi. Tuni a kimawl hun ah Sikkim team ten time beikuan lam in Penalty mu mahle uh khumlut zoulou uhi.
Tutung Tournament hun a a Prize sangte uh hiai bang ahi :
1) 1st ah Manipur in Rs. 7,00,000 +
Rolling Trophy + Medals & Certificates
2) 2nd ah Sikkim in Rs. 4,00,000
Rolling Trophy + Medals & Certificates
3) 3rd ah Arunachal Pradesh in Rs. 2,00,000 + Medals & certificates
Hiai teng ban ah Individual Prize tuamtuam leng hawmkhiat in om hi.
-----------
Reporting & Photo by Benmyns Phiamphu / PhualvaTimes
----
click to enlarge photos
No comments:
Post a Comment