Apaisa October 7, 2016 nitak in Donbosco Higher Secondary School, Lamka ah the 5th All Manipur Catholic Schools Games, Sports, Literary & Cultural Meet-2016 kipan in zan nitak in zousiang ta uhi. Zan nitak closing function hun ah meet hun sung a ki taitehna tuamtuam aneihte ua kipahman te hawmna leng nei ngal uhi. the 5th All Manipur Catholic Schools Games, Sports, Literary & Cultural Meet-2016 ah Manipur districtt tuamtuam apan catholic school 29 om a, huai te apan student 1245 tel in Gospel Choreography, Cultural Dance, ban ah, Volley Ball, Basket Ball leh Football te ah kidemna nei uhi.
Football ah De Paul, Malom ten Champion la in cup, certificate leh asum in 8000 sang ua, Donbosco, Ccpur te rumners up hi in cup, certificate leh Rs.5000 sang in Pangmuol ten 2nd runners up la in cup, certificate leh Rs. 3000 sang uhi. Basket ball pasal ah, Holy Spirit in 1st la ua DBS, Imphal leh Makhan ten 2nd leh 3rd la uhi. Basket ball numei ah St. Anthony, Machi in 1na la in Tadubi leh Kangpokpi ten 2na leh 3na la uhi. Volleyball pasal ah St. Xavier, Makhan ten 1na la ua, Machi leh Maram ten 2na leh 3na la in numei ah, St. Joseph, Sugnu in 1na la in Maram leh Pallel ten 2na leh 3na la uhi. Gospel Choreography ah Maram in 1na la in Loktak Project leh Chandel ten 2na leh 3na la uhi. Cultural dance ah Donbosco Higher Secondary School, Ccpur in 1na la in Yairipok leh Tuibuang ten 2na leh 3na la uhi. Kipahman te ahihleh, football a chihlouh a dang teng a cash prize kibang a, football a 1na/champion in Cup, Certificate leh Rs. 8000 sang ua 2nd in Cup, Certificate leh Rs. 5000 sang in 3rd in Cup, Certificate leh Rs.3000 sang uhi. Discipline dang teng a 1st in Cup, Certificate leh Rs. 7000 sang ua, 2nd in Cup, Certificate leh Rs. 4000 sang in 3rd in Cup, Certificate leh Rs. 3000 sang uhi. Huai lou in March Pass ah St. Xavier, Makhan ten 1na la ua, Donbosco, Maram leh St. Anthony, Machi ten 2na la in St. Vincent, Pangmuol ten 3na la uhi. Hiai teng ban ah St. Xavier, Makhan ten overall champion la in trophy sang ua, hiai pen ahih leh rolling trophy hidan in gen uhi. Programme hun ah Father Jacob Darsongam in kipahthu gen in Little Flower School, Imphal ten theme song sa in programme zousiang ua, tunin kikhen vek uhi.
Xxxxx
Tipaimukh Road Area Transport Development Association (TRATDA) in zingchiang October 12, 2016 zinglam dak 10:00 in KKL Complex, IB Road ah 28th Rising day celebration cum General Body Meeting-2016 nei ding uhi. Programme ahihleh hun nih in khen ding ua, hinmasa ah General Body meeting nei in hun nihna ah rising day lopna nei ding uhi. Huai hun ah, V. Hangkhanlian, Vice-President, BJP Manipur in chief guest hihna toh uap in Lalhmangpui Fimate, Pherzawl MDC leh Th. Jamchinthang Simte, Thanlon MDC ten Functional President leh Guest of Honour hihna toh uap ding uhi. Programme hun sung in Haukhansiam, General Secretary, TRATDA in secretary report pia in lasiam tuamtuam ten lasak na nei ding ua, Rev. Kamminthang, Divisional Superintendent, MELC in gari pu/ gari neitu te a ding a vualzawlna ngetsak in Thumsakna nei ding a, Lunkhothang, Finance secretary, TRATDA in kipahthu gen in Buonga Vaiphei, Local Upa in thumna a hun khaak in annkuang um khawm ding uhi.
Xxxxx
Tuni zingkal dak 9:30 in 14th Hill District Badmintion Championship a tel ding, Churachandpur District Badminton Association, CDBA member-te Community Hall, Hiangtam Lamka ah kipan khia uhi. Amau te ahihleh Rev. F. laldongliana, Senior Executiive Secretary, Presbyterian, Manipur Synod in thumsakna nei a, Hiangtam Lamka Hausapu G. Thangkhosuanmung, EM/ADCC in flag-off hi. 14th Hill District Badmintion Championship ahihleh All Chandel District Badminton Association in a zin tun hi a, kimawl ding, category tuamtuam a ding, ChuraChandPur ai-oh in CDBA member 43 leh official 3 ten Bus 1, Car 6 leh Scorpio 1 zang in Lamka nusia uhi. 14th Hill District Badmintion Championship ahileh tuni sunnung dak 3:30 in Bobby Waikhom, IAS, DC Chandel in hong a, October 15, 2016 in zou siang ding uhi. Hiai championship a kimawl ding, district ai oh a kuan te, lamzang tak a akimawl ua, lohching tak a ahongtung kiik uh a deihsak thu. G. Thangkhosuanmung in gen in vaikhak hi. 14th Hill District Badmintion Championship a category tuamtuam,, Mini Boys and Girls, Sub-Junior Numei leh Pasal, Junior Numei leh pasal, Open Pasal leh numei, Kum 35 apan kum 60 kikal-Veteran leh Mixed double om a, hiai te ah CDBA te kimawl ding uhi.
Xxxxx
District Youth Affairs & Sports Officer, DYASO, CCpur-te saina in tunin Peace Ground a Multipurpose hall ah, Inter-school District Level Trial cum selection (Boxing) neih in om hi. Selection ahihleh category nih, Under 14 leh Under 17 hi a, Under 14 ah Pasal 19 in min pe lut ua, amau teng lak ah mi 10 teel khia uhi. Under 17 numei ah mi 11 in min pe lut ua, huai ah mi 8 select in Under 17 Pasal a ding a min pe lut mi 12 lak ah mi 7 te teel khia uhi. Teel khiak a om te zingchiang October 12 apan 14, 2016 kikal sung Khuman Lampak Indoor Stadium a State Level Inter-School Trial cum selection a telding in District ai-oh in kuan ngal ding uhi.
Xxxxx
Haokip Students Organisation(HSO) in a kiphuhkhiak nung uh kum 60 chinna, Diamond Jubilee lopna programme, zan nitak in Kholmun Playground ah neipan uhi. Jubilee programme ahleh Lunminthang Haokip, IAS, Deputy Commissioner, Churachandpur in Chief Guest hihna toh uap in hong a, mangkhogin Haokip, IPS, CO, 8th IRB leh James Doujapao Haokip, MCS, SDO Tuibuang ten Guest of Honour leh Functional President hihna toh uap uhi. Tuni hun zatna Seiminthang leh Neikhokim ten makaih ua, Pastor Thangsuanmang in thumna a hun hong in Robert Seilam, MFS, Adviser, HSO in vaidawn thu gen inTongmang Haokip, Retd. IRS & Former HSO leader in Jubilee puanlap kaipalh hi. Tuni a hunzatna ahihleh Achin Haokip, IPS, Former HSO Leader, Lalboi Haokip, Addl. SP Traffic Imphal leh Joel Haokip, MCS, SDO Lhungtin ten Chief Guest, Guest of Honour leh Functional President hihna toh uap uhi. Programme hun sung in HSO GHQ, HSO Chandel, leh HSO Moreh Cultural Troupe ten nam laam lahna nei in khualzahtak huai ten thugenna nei uhi. Diamond Jubilee Celebration Committee apan thutut kingah dan in, Jubilee Main programme, tuni ding chih himahleh, Chief Guest ding a chial a om Okram.Ibobi Singh, Manipur Chief Minister, a lemtan louh ziak in zingchiang a ding in suan hi a, zingchiang programme ding pen tuni a zat aom hidan in gen uhi. Zingchiang programme hun ah, Okram Ibobi Singh, Manipur Chief Minister in Chief Guest hihna toh uap in, Thangjahao Haokip, Chassadpa (Haokip Bulpipa) in Functional President hihna toh uap ding a, Ngamthang Haokip, Minister, IFCD, Printing & Stationary, GoM, TN Haokip, MLA, President, MPCC leh Yamthong Haokip, MLA leh Chairman, Jubilee Celebratioon Committee ten leng hiai hun zat na uap ding uhi.
xxxxx
Tuni sunma dak 11:00 in CYA Hall, Gouchinkhup Veng ah State Bank of India, Lead Bank Office, Churachandpur te saina leh NABARD te sponsored na in Financial Literacy Awareness Camp neih in om hi. Programme ahihleh Pastor K. Vumzathang, EBCC Bethlehem in thumna a hong in Thangkhankham, Chairman, Gouchinkhup Veng Village Authority in welcome address gen in CT Lian Guite, MDC, New Lamka West in Chief Guest hihna toh uap hi. Financial Literacy Awareness Camp hun ah, Financial Managementn & Planning, Stand Up India 32 chih thupi zang in Nengkhanpau Hauzael, Chief Manager & Lead District Manager, CCpur in thugenna nei a, Thangchinkhup Guite, AGM & DDM, NABARD, CCpur in Self Help Group, SHG, JLG leh PMJDY toh kisai sinsak hi. Huai ban ah, Bank related cyber crimes, Aadhar and mobile seeding, Digital Life Certificates for pensioners leh Basic Banking Facilities chih thupi te pansan in Pauchinthang Valte, Chief Manager, SBI/CCpur branch leh Mangtinlal haokip Branch Manager, UCO Bank, CCpur ten sinsak na nei uhi. Chief Guest, CT Lian Guite in a thugenna ah, i buaina pi pen uh bangdang hilou a, I sum muh uh sang a I zat uh tamzaw ahihna ah, budget hoih tak bawl a I sum zat dan te uh et thak poimoh chi a gen in, hiai bang a sum zat dan toh kisai hoih tak a I et theihlouh ziak ua, I gam ua neekguk takguk na tam ahi chi in gen hi. Huai ban ah, I gam economy lam utoh kisai , hoih tak a ahong paitheih na ding leh I khosak na uh a hong hoih theih na ding a sum sindan, sum zatsiam poimoh a, huai ding a tuni a camp neih aom, Financial Literacy camp kichi poimoh mahmah ahi chi a gen in, programme a tel kuapeuh mah in a phattuam pih ua, midang te leng a hilhsawntheih uh a deih thu gen hi.
Xxxxx
India government in siangthouna ngaipoimoh a Swatch Bharat a pat khiak toh kiton in Mata khua a om,pianken a vualphalou te kaina, Bliss Island in tuni sunnung dak 1:00 in Cleanliness Week programme honna nei ua, huai hun ah, Thangkhanlian Dousel, AE/PHED, CCpur in Chief Guest hihna toh uap in week programme hong hi. Tuni a programme ahihelh hiai Bliss Island a kai naupang te ban ah, a nule pa te uh tamkhhop tak in uap in amau school kiim le kiang te hahsiang uhi. Chief Guest Thangkhanlian Dousel, in a thugenna ah, hiai bang a pianken a vualphalou te pampaih mai lou a amau te' kai na ding mun hoih tak bawl sak a aomna tung uah kipah thu gen in, maban ah amah mimal in hih theih nei kei mahleh, siangthouna pibawl ding chih ahih dungzui a amau department lam apan hih thieh bangbang, Toilet/Latrine leh water connection te om theihna dia panpih ding ahihdan gen hi. Thutut kingah dassn in, tukum Cleanliness Day, Pathian ni ahihkhak ziak in huai ni a zanglou a, a week dan a zang uh hidan in gen uhi. Bliss Island ah tukum in mi 164 in minkhum ua, mi 40-50 te regular a kai in technical staff 5, special educator 9 leh local staff/voluntary a sem mi 6 om lel in Manhoihthiem in amau teng en kai hi.
Xxxxx
WATCH VIDEO
No comments:
Post a Comment