Manipur Police kiphuhkhiak nung a kum 125 chinna tuni, October 19, 2016 sunma dak 10:00 in SP Office, Tuibuang ah zat in om hi. Hiai hun ah David Piaklian, MPS, Additional SP (Law & Order), Churachandpur kiang a Guard of Honor piak hi a, ama’n Manipur Police puanlap khaihpalhna nei in, thugenna leng neingal a, hiai hun zatna ah Sub Inspector Rank leh a tunglam a Officer-te tel uhi.
David Piaklian in hiai hun ah 1892/93 kumlai a Police Officer khat in Rs. 10 loh uh ahi chi a, tulai dinmun toh the a hampha hihlam thei ding leh Officer masate’ panlakna ziak a tuni a Sevice lel te’n hamphatna tang ahih dan gen hi. Aban a genna ah, Descipline hoihtak nuai a Training zou a, gam adia sem dia kichiamna mangngil ding hilou ahi chi a, I kichiamna bang a I mohpuak theih a, hihdia kilawmloute a kihih niinlou ding in a seppih, officer leh naupangte hasuan hi. Manipur Police ahihleh Maharaja Kulachandra Singh hunlai a British kumpi’ vaihawmna nuai a 1891 kum a phuhkhiak aom ahi hi.
David Piaklian in hiai hun ah 1892/93 kumlai a Police Officer khat in Rs. 10 loh uh ahi chi a, tulai dinmun toh the a hampha hihlam thei ding leh Officer masate’ panlakna ziak a tuni a Sevice lel te’n hamphatna tang ahih dan gen hi. Aban a genna ah, Descipline hoihtak nuai a Training zou a, gam adia sem dia kichiamna mangngil ding hilou ahi chi a, I kichiamna bang a I mohpuak theih a, hihdia kilawmloute a kihih niinlou ding in a seppih, officer leh naupangte hasuan hi. Manipur Police ahihleh Maharaja Kulachandra Singh hunlai a British kumpi’ vaihawmna nuai a 1891 kum a phuhkhiak aom ahi hi.
xxxxxxxx
Khuga Dam zotna lampi kisetak tulai in Khuga Battalion in bawlna nei in tuni, October 19, 2016 in leng JCB khat zang in lampi bawlna nei uhi. Lamka adia mun poimoh leh mundang apan leng entu ding hongkuan omna Khuga Dam zotna lampi puahlouh in omden a, amun aom Khuga Battalion nuai a Assam Rifles leh Sixth Sikh Light Infantry te’n apuah uh ngai maimah hi. Lampi bawlna ahihleh hun bangtan hiam apan kipan hi a, zan in Diesel Auto leh Sehken khaw mipi’n bawlna nei in, Khuga Battalion in athoh JCB khat leh Autonomous District Council, Churachandpur apan Triper thum zang a bawl aom in, tuni tan in a kuakna tamzaw bawlzoh dinmun ah omta hi’n Haumang, Chief of Sehken in gen hi. Khuga Dam zotna lampi ahihleh Government in hoihtak a apuahlouh ziak un amun aomkha Sepaih te’n a puah uh ngaisek maimah hi.
xxxxxxxx
Life Café, Rengkai Road ah tuni, October 19, 2016 zingkal dak 8:00 vel in meltheihlouh khat Restaurant sung a khua phawklou aom, Lamka Police in vala in thudotna nei uhi. Police apan kiza dan in Kaiminlian (30) s/o Thangchinmang Restaurant a Blue Room sung ah ihmusa in nasem te’n mukhia ua, ama’n leng Washroom zangnuam ahih dan theisak a, himahleh Washroom apan hongpawt in ginatak a houpih theih hinawnlou hi. Huai apan Police sap hi ua, Police in District Hospital tun in, Observation Room ah koih ua, himahleh Kaiminlian in khua honphawk tak in Observation Room a Toilet ah lut in Ventilation apan kumkhiak sawm hi. Ventilation a kumlai Morgue a numei pawl lengkhawm te’n mu in kikou ua, Hospital a duty Police te’n delh mahle uh Chengkawnlui ah taikhe mahleh Zellang Veng ah mipi’n ana mankha in Police khut ah pekhia uhi. Thiltung toh kisai Life Cafe neutu te’n a genna uah, nidang in Restaurant ah giak mahle uh zannitak in giklou ua, Kaiminlian ahihleh Restaurant Kitchen apan lut hiding in muangmoh ua, muhkhiak ahih tung in Kaiminlian in Laptop 2, I-pad 2, TV inch 51 khat, temta, khekol, jeans leh van tuamtuam puakkhiak dia mansa in Bag nih a kithun toh mukhia uh hi’n gen ua, amau leng Life Cafe apan vanmang om ding lauthawng in Police ah FIR bawl ua, himahleh vanmang omlou ahih dan a theihchet un FIR pen zukkik uh hi’n gen uhi. Kaiminlian ahihleh Ventilation apan a kumna leh a taisiatna lam ah liamna tuakzek a, Police in Hospital a Dressing bawlsak in a sungkuante kiang ah sunnung dak 3:00 vel in pekhia uhi.
xxxxxxxx
A 2-veina Upa (L) Vumzakhup Vualnuam Memorial Football Tournament 2016 Semi Final kimawlna Sintawpni, October 21, 2016 sunnung dak 1:00 in Zenhang Lamka Playground ah Semi-Final Match kimawlna om ding.
xxxxxxxx
Damlouhna ziak a sisan poimoh khat tuni, October 19, 2016 sun dak 12:00 vel in Khuga Battalion a Sixth Light Infantry apan Sepaih nih in Sisan Unit 2 pia uhi. Zomi Colony aom, Lianminthang (51) h/o Chingngaihchiin in sinna aneih ziak in zanhal, Seppatni, October 17, 2016 nitak in District Hospital ah puaklut in om a, Doctor in a sisan chauh ziak in admit hi. Lianminthang’ sisan B-Positive ahihziak in a pethei ding omlou ua, WhatsApp tungtawn a sisan pethei ding zon himahleh a sisan kituahpih omlou hi. Huai apan CT Lian theihsak hi a, ama’n Khuga Battalion-te ngetna abawl dungzui a Lianminthang’ sisan kibatpih sepaih nih in pia uhi. Sisan pete ahih uleh; Havildar Balwinder Singh s/o Harpal Singh leh Rifleman Kiran Singh (36) s/o Purna Singh-te hi ua, amau sisan unit khat tuak pia uhi.
xxxxxxxx
District Hospital, Churachandpur a zat ding x-ray machine khat tuni, October 19, 2016 sunnung dak 1:00 vel in Hospital puaktung in om hi. X-Ray Machine thak ahihleh 300 MA hi a, a kizanglui ahihleh 100 MA lel ahih ziak in deihbang a guhkawm alak theihlouh ziak a Patient tamtak in mundang anaih uh ngai hi’n kigen hi. 300 mA X-Ray vanzat ding puaktung a omte ahihleh X-Ray Table, X-Ray Tube Controller, X-Ray Column, X-Ray Auto Film Processor chihte hi a, vanzat teng zattheih dia lepfel ahihna dia nikhat-ninih lut ding hi’n kigen hi. Zattheih ahih hunchiang in Laboratory Technician, Th. Bira Singh leh Kungrokim te’n enkai ding uhi. Tulel a kizang 100 mA in khut leh khe chihte maimai lazou in, pumpi sung luhsuak zoulou a, tua 300 mA x-ray machine zat ahih hunhun a Lamka adia a hoihpen hiding ahih dan Dr. J. Son Goukham Samte, Medical Superintendent, District Hospital, Churachandpur in ana gen ngeita hi. District Hospital a zatdia hongpai, 300 mA X-Ray Machine ahihleh athak siang (first hand) hilou hi’n kigen hi.
xxxxxxxx
Young Paite Association, YPA GHQ in tulai khawtang siatna tawh kisai banah kumchinglou naupang sualluihna tungtang mawhpaih thu puang ua, migiloute matkhiakna dia panla, mimal leh pawlpi tuamtuamte tung ah leng kipahthu puang uhi. YPA GHQ a President T. Khailianthang leh General Secretary Lianmuanthang Valte apan thusuak kimu in ataklatdan in, tulai in gamsung ah numei kumchinglou tunga huhamna thiltung kibehlap a, rape leh kidnap tawh kisai pung hulhul te YPA in ngaikhawk mahmah in, hiaibang gamtatna omsakte tungah mawhpaihna sangpen puankhum uh ahihdan taklang uhi. Thusuak kimu in ataklat zelna ah amaute gawtna piak ahihtheihna dia panla, mimal, organization leh district administration te nasepna phat huai sa u, hichibang thilte a om nawnlouhna dia kuapeuh pangkhawm a, sual gamtatna doudal ding in ngen uhi.
xx
WATCH VIDEO
No comments:
Post a Comment