ZOLENGTHE NEWS | 29.10.2016
• Sadar Hills Dist. at last: Manipur government in Sadar Hills leh Jiribam te district piching a siem ding chi bawl uh ahi chitoh kisai in United Naga Council (UNC) Oct 30 jankim apat hunchiem bei Total shutdown leh Eco Blockade pan ding ua, Jiri leh Tupul kikal a Trans Asian Railways kibawl leh Naga gamsunga National Project teng khawlsah ding uh ahidan UNC thusuo in gen. Kut ni chienga puonkhiet hiding a gingtat ahita. NSCN(IM) leh India govt in framework agreement ana bawl bei uh hitaleh sawt a Sadar Hills gal matawng dia pieng tadi hiven maw?
• NPO Warns state Govt: Naga People’s Organisation (NPO), Senapati in Oct 27 ni'n Sadar Hills district siemkhiet ding toh kisai in state govt khattah in giihna ana nei. Naikal 24 sunga Govt dinmun puongkhe ding in giihna bawl uh. Bang chi bang kithukimna hinanleh NPO in Sadar Hills district kichi pom ngeingei lou ding uh ahidan uh tahlang.
• Sadar Hills Dist. at last: Lamka khopi a Kut kizang ding toh kisai zingun dingte: Oct 30 chiah Meghalaya MP Conrad K Sangma, Nov. 1 chiah Mizoram Chief Minister Lalthanhawla pang ding.
• DGP kung tung: Oct. 28 leh 29 ni'a hawm ding Zogam Today newspaper guhmang ahitoh kisai Editors’ Guild Manipur, President A Mobi kunga tut ahinuo in DGP theisah in um.
• Model village: Boxer turn politician Pi Mary Kom in MP ahina toh kisai SANSAAD ADARSH GRAM YOJANA tungtawn in Saidan khuo Model Village a siemkhiet dingin recommend ana bawl. Nov. 11 chiah honna nei hiding.
• Thadou Inpi Danbu: Thadou Inpi Constitution book, Thadou Cultural Festival 2016 Souvenir and Video honna tuni'n Leikot khuo, Sadar Hills ah um. ADC Sadar Hills Chairman Haokholal Hangshing in agenna ah, TI Danbu in ipien apat tawndan leh khandan toh kisai a kim sipsep a gel ahidan tahlang.
• MLA Election in Jan '17?: Feb 2017 sung a Budget Session um ding ziein 11th Manipur State Assembly Election pen Jan 25, 2017 masang a um ding a lamet ahi chi'n Th. Chaoba Singh, Convenor, State Election Management Committee, BJP in tuni'a BJP CCpur District Office vehna anei hun ah gen.
• Ads......: Lamka Post daily newspaper in Asst Editor ding sui, lutlutna neite'n thuchien office hour sungin kan thei.
ZOLENGTHE
Connecting the Zo people
No comments:
Post a Comment