 |
| SSPP Gen Hqtrs te'n Cikha a vehlai uh (file photo) |
Lamka, Nov-23: (phualvatimes.com): Siamsinpawlpi in Zodawn leh phaijang ah siamsinna puahphat thakna ding leh tunding thakna ding a ana patkhiak “Siamsin Education Initiative- an initiative of Siamsinpawlpi” nuai a Singngat leh Suangdoh Sub-division huamsung ah Lungthul (D), Suangdai, Lungchin leh Suangdoh khuate ah Nov 28, 2016 to Dec 3, 2016 sungin School Farewell/Annual Day leh Prize hawmkhiakna prog uap ding leh kumnawn 13th January, 2017 a SSPP Platinum Jubilee zatna ding tawh kisai in Chialpi bawl dingin SSPP GHQ President Lianzapau Samte makaih in team khat zin ding uh hi’n thutut kingah hi.
Hiai hun sung in Manipur State Legal Services Authority & District Legal Services Authority-te huhna tawh Zodawn Legal Awareness leng sai ngal ding uh a, resource person in Advocate M. Vumlianmang Paite, LLB pang ding hi. Huaibanah, SSPP Suangdoh leh Singngat Block Presidential Election leng sai ding uh a, kumnawn 2017 ah SSPP Tuivai Block huamsung a om Mualnuam khua ah Class-X ziltheihna dinga pan ana lak dante uh khawsung heutu tuamtuam leh mipi tawh kimuhkhawmna leh kikupkhawmna leng nei ngal ding uhi.
Huailou in, December 6-10, 2016 sung in SSPP Thanlon leh Sinzawl Block ah Presidential Election banah Siamsin Education Initiative nuai a etkai ah omte vehna, maban panlak touh ding dan gel khawm ding leh Zodawn Legal Awareness sai ding in Team khat zinkhe nawn ding uhi.
No comments:
Post a Comment