YPA GHQ in thu suah abawl uh kimu dan in Central Executive Committee. Young Paite Association, General Headquarters Meeting thupukna dungzuiin leh YPA Ki-Ukna Danbupi Article No. 501') in thuneihna a piak bangin, tulel a YPA Lamka Block vaipawte’n YPA General Headquarters deihna leh thupiakte zui nuamlou leh zahtaklou-a, ka] a suan teitei ziakun tuni 12th November, 2016 akipan 1n TAWPSAK ahi uhi. Tawpsak ahih uh toh kiton in, YPA min zangin, nasep silbawl bangmah a semthei nawn kei ding ua. YPA Lamka Block huam sunga YPA Unit(s) te YPA/GHQS in a enkai ding hi. YPA Lamka Block property te tengteng 13th November, 2016 tan in Presrdent/General Secretary. YPA GHQs khut ah ana pe ding ua theihsak ahi uhi. Tawpsak a om YPA Lamka Block vaipawte hiai CEC. YPA/GHQs thupukna palsat teitei muh a om theih khiak aki neih leh YPA General Heaquarters in a tunga thutanna abawl bangbang ah. a khase thei' kei ding uh chiin taklang uhi.
xxx
Rayburn high school, new lamka a om in ahongtung ding nov 14 chiang in a school campus uah school exhibition a khatveina zangding uhi. hiai hun ah a theme ding un, discover, develop, decorate cih hiding a, naupang te talent leh hihtheihna te lah khiak sak nadin exhibition chi 4 sai ding ua, huaite ahihleh science, arts and crafts, photography leh flower exhibition hiding hi. hiai hun ah naupangten amau khutsuak mah a thilbol te uh toikhom in, chief guest leh invitees te mai ah show case na neiding uhi. exhibition prog nov 14, zing dak 10;30 geih in kipan ding a, elder langkhanpau guite, vice chairman, managing board,rayburn high school in exhibition honna leh ribbon cutting nei ding a, hiai zoh in chief guest leh inviteees ten stall tuam tuam te etkhiakna nei in, sunnung dak 12;30 in prog zou ding uhi.
XXXX
The Dawn School in tunin a school uh, higher section lamte kaina, BCM ah Children' Day 2016 zatna nei uhi. Hiai hun ahihleh kum dang banglou tak in a programme pi lua chih om lou in opening ceremony nei ua huai zoh in naupang te kipolhlimna ding in kimawlna chi tuamtuam a bawl ban uah food stall leng mun bangzah hiam ah bawl uhi. Childrens' Day programme patna ding in Rev. Khamkhosiam in Pathian kiang ah thumna nei in hong a, huai khit, Miss Ruati, Headmistress in welcome speech nei hi. Tutung Childrens Day zatna hun ah student te group tuamtuam a kikhen in gam dang te tawn dan, a gam ua thilpoimoh tuamtuam om te ban ah a traditional dance te uh lahna nei uhi. Hiai hun ah, China, Japan, South Korea leh Malaysia gam mi te tawn dan tuamtuam te lahna nei ua, hiai in student te lak ah thil theihtam sem na tun ding in lamet in om hi. School authority lam apan thu kiza dan in, gam tuamtuam te tawndan leh laam te lahna aneih pen uh a mawk mai hilou a, student te theihna/ knowledge a punsem na ding leh gam dang te huchi bang a om leh laam ban ah a gam te uh national birds/animals leh a tuamtuam, huchibamg ahi chih a theihtheih na ding uh deihna a ahih uh hi a, kum nawn a continent dang te a lak nawn ding uh hidan in gen uhi. Tuni a childrens day zatna hun ah, Dawn school a kai naupang te nu le pa tamtak in leng uap uhi.
Xxxxx
Reserve bank of India in abawl thak sum sang nih note tuni Imphal apan lamka puaktung in om a, district sung a bank chih ah hawm kual in om hi. sum sang nih note ahihleh sunnung in lamka puak tung in om a, churcahndpur district a currency chest bank nih UBI leh SBI te’n district sung private leh cooperative bang teng ah hawm khual uhi. District sung a bank te ahihleh Reserve bank of India in theihsakna bawl dungzui in zingchiang pathian ni in leng ngeina bang in kai vek ding ua, bank teng ah sum deposit withdrawal abawl theih ding ban ah sum sang 4 tan khektheih ding hi. District sung a account omna bank chitchiat ngai lou in, bang khat peuh ah sum khekna ding form fill up in, ID proof original, Aadhaar card, driving license, Voter ID card, Pass Port, NREGA Card, PAN Card ban ah government in a issue ID card tawi in bank khat peuh ah sum sang 4 tan khek theih ding hi. tuni a sum sang nih note ahihleh district ading in Crore 8 hong tung a, bank chih ah hawmkhiak in om ngal a, zingchiang apan bank chih tuamtuam om lou in bank teng ah sum sang 4 tan a khektheih ding hi.
XXXXX
Robert Chinhaulian in abawl D Hangout in tuni in Nehru Marg leh Tedim Road Junction kiang ah Gym abawl thak uh hongkhiakna om hi. Hiai hun V. Chinkhenpau, President, ZLYC in makaih a, D hangout Gym in lohchingna ngahtou zel a, Special Gym honkhiak theihna dia aom na tung ah kipah thugen hi. Pastor MT Khanlal Local Pastor, EBCC Zenhang Lamka in mipin aphat tuampih theihna ding in pathian min a Gym Special Gym hongkhia in, a latna lengnei ngal hi. Hiai hun ah D hangout gym neitu Robert chinhaulian in agenna ah lunglutna te subuching thei dia kithuahpihna leh huhna pia sung kuan te tung ah kipah thu gen a, 2010 kum in hiai building sawngnihna ah amasa pen ding in D hangout gym ana hongkhia in, mipi te apan kituahpihna leh deihsakna ban ah pathian ompihna te ziak in D hangout Gym in lohchingna ngah touzel in 2014 in New lamka ah Extension khat behlap theih in om a, hiai mun nih te ah exercise la mi tuamtuam om a,mi khenkhat Officer deuh te ading in deih bat zohlouhna chiang om ahi cih akitheih ziak leh officer khenkhat ngetna bang in tuni a D hang out special gym hongkhiak aom ahi chi hi. aban agenna ah hongkhiak aom special gym ahihleh mi vantang hilou, Officer dueh te kimawlna ding a bawl hi a, hiai mun ah gym dang nih te sang mah a vanzat kining chingzaw leh hoihzaw in, UNC in national highway a bandh ziak in vanzat ding pua truck nih lampi ah tanglai a, bandh kihong hunhun a vanzat ding kiningching zaw hiai mun ah koih hi ding chi a, hiai mun ah exercise la vitamin leh diet nenuam ten hiai mun ah lei theih dia koih aom ahihdan gen hi. D hangout gym in mun thum ah exercise lakna ding nei ta a, gym dang nih te ah ahihleh Registration fee 500 leh monthly fee 500 hi a, hongkhiak aom Special gym ah ahihleh registration fee 1000 ban ah monthly fee 1000 hi ding hi.
XXXX
Paite Cultural Society, PCS in paite nampuan pasal te silh ding abawl uh tuni sunma dak 11:00 in YPA Hall, Hiangtam Lamka honna, latna leh hawmkhiakna nei uhi. Huai hun Langkhanpau Guite, Chairman, ADCC in Khuallian hihna toh uap in, L. Pumlianpau, President, PTC/GHQ in Innpipa hihna toh a uap ban ah T. Singneng, Ex President, PTC GHQ, C hangshing, president PLS, T Khailianthang President, YPA GHQ leh Nangmuansang Lethil, General Secretary, SSPP GHQ ten intekpa, thallouh, thusapi leh tanupi hihna toh hiai hun uap uhi. Hiai hun zatna N. Ginzakham in makaih a, Rev. G. Haukhomang in patna thumna nei in, L. Nengkhopau Director PCS in vaidawmna thu genna nei hi. TP Sianzaneng, Treasurer PCS in nampuan pulakna nei in, Inpipa L Pumlianpau ngaihte, President, PTC GHQ in nampuan hong khia in, Rev. S. Vungminthang, General Secretary, EBC in nampuan latna nei hi. programme hun sung in Lapulian Tuanzakham leh a lawmten, Pupa lam leh lasakna nei in Pupa hun apan tualsuak kicheidan chih thupi pansan in Dr. Tualchin Neihsial in hunkhat zang in, T. Singneng, Ex-President, PTC/GHQ in inntekpa hun ah thugenna nei in BYF Kanan EBC, PCI(R) Hqtr. Centre Choir ban ah, Lianlunching ten lasa uhi. Programme hun sung mah in paite namsung a MDC ten ten khual zahtakhuai hihna toh uap in, Pupa Ngeina kepbit a poimawh nate chih thupi zang in Thallouh C. Hangshing, President, PLS in thugenna nei in, Pupa ngeina leh phatuam ngaihna chih leh Siamsinna toh kisai a I dinmun leh maban ding tungtang chih thupi te zang in Thusapi T. Khaikhanlian, President, YPA/GHQ leh Tanupi Nangmuansang letthil, General secretary, SSPP/GHQ ten thugenna nei uhi. TP Sianzaneng Treasurer PCS in nampuan pulakna nei a, Sianzaneng in nampuan bawl khiak aom toh kisai agenna ah namdang te’n amau nampuan numei leh pasal silh ding kineih mahle uh, paite ten numei kisilh ding puan chi tuamtuam nei ua, paite pasal ten hun tuamtuam a silh ding aneih louh uh mi tuamtuam ban ah paite namsung a pawl tuamtuam in awlmohna lian tak aneih uh dungzui a PCS panlak theihna teng a panla in, Delhi ah nampuan ding order in om a, hiai naa sepsuahna dia panla tute tung ah kipah thugen in, paite nampuan numei leh pasal a chi tuamtuam te lahna aneih ban ah nampuan abawl thak aom te hilhchetna nei in, nupa kineihna ah nampuan toh kilawm tak a kizep a, kiteng ahi chi a, nampuan toh kiteng pen atam theih lam in ching thei le chih adeih thu gen hi. Inpipa L. Pumlianpau Ngaihte, President PTC GHQ in nam khat adia nampuan poimoh mahmah a, I hihna chiamtehna hoihtak ahihban ah nampuan a kizep in gen tampi nei ahi chi a, I nam puan te zum pih lou in, hun tuamtuam a silh in, kikhopna tan pha ah leng silh thei le chih adeih thu gen in, PCS in pasal silh dia nampuan abawl thak hongkhia in, Rev. S Vungminthang, General Secretary, EBC in hongkhiak aom nampuan pathian kiang ah latna nei hi. Tuni a hongkhiak aom pasal silh ding nuampuan ahihleh mipi lei theih ding in zuakkhiak in om ngal hi.
XXXXX
Hmuia Veng kiphut khiak nung a kum 60 chinna diamond jubilee lopna tuni sunma dak 11 in YMA Hall hmuai veng ah vengsung mipi nei uhi. Hiai hun ah vengsung ban ah kho chih a hausa te tel ua, hunzatna Thangluaia fanai leh esther lalruatfeli ten makaih ua, Lungmuana IAS, Principal secretary, Government of Manipur in chief guest hihna toh a uap ban ah A Thanpui-a Chief of Hmuia Veng in Jubilee pa ahihna toh uap uhi. Hiai hun ah Chief guest Lungmuana IAS, Principal secretary, Government of Manipur in Hmuia veng kum 60 chinna jubilee suang honkhia in, jubilee dak satna in zui ngal hi. Hunpi zatna Upa Ngulthang in thumna a hong in, S Haulal Vice chairman, hmuia veng in welcome address gen in, Paul lalchhanhima, secretary in secretary report a, Upa PC thangchhuanna in member sihna tuakte sunna hun la hi. F. Sumkunga in thugenna nei in, Chief guest Lungmuana IAS, Principal secretary, Government of Manipur in hmuia veng sung a kum 80 tunglam te kiang ah thilpiak piakna nei in, thu agen ban ah Jubilee pa A Thangpuia, chief of hmuia veng in member te pahtawina nei in, thugen hi. Thanglemla, assistant secretary, hmuia veng in vote of thanks gen in, Rev. LC kima in thumna in hunkhakna nei hi. Jubilee lop hun sung in Brenda laltanpuii, Joycee chinlemsiam, Vanlalzawmi, Ruth Lalrinkimi ban ah Hmuai veng women wing ten lasa in, lam lahna nei ua, program zoh in vengsung mipi jubilee lopna in ankuang sawkkhawm uhi. Hmuia veng ahihleh 1956 kum in kisat a, tulel in inn 252 ah milop 1,500 vel om hi.
XXXX
Ngaihte Inpi saina in tuni sunnung dak 1 in St. Peter School Auditorium, vengnuam new lamka ah Dr. S. Lianzathang Ngaihte in agelh The Ngaihtes’ Ngaihte Geneology Book hongkhiakna leh latna om hi. Hiai hun ah Ngaihte sung a mi poimoh tuamtuam tamtak tel ua, Th. Jamchinthang MDC Thanlon in chief guest hihna toh uap a, B. dongzalian Simte, Chairman Zomi Council in functional president hihna ban ah Professor M. Jitendra Singh, Manipur University leh Professor Laldena Manipur University ten special guest hihna toh hiai hun uap uhi. Hun zatna ahihleh S Nengsuanmang in makaih a, Rev. K Hangnung Executive secretary NTBC in thumna a hong in, S Dongthong Formal chairman NIC in welcome leh keynote address gen hi. Chief Guest Th. Jamchinthang MDC Thanlon in Dr. S. Lianzathang Ngaihte in agelh The Ngaihtes’ Ngaihte Geneology Book hongkhiakna hongkhia in, Rev. L. Khamkholun, in pathian kiang ah latna nei hi. Laibu Gelh tu Dr. S. Lianzathang Ngaihte in laibu toh kisai genna nei a, khuallian te pan thugenna om in, S Ginchinthang Chairman Ngaihte inpi in kipahthu gen in, Rev. Dr. LH Jacky Simte, Superintendent Assemblies of God Manipur in thumna in hun khakna nei hi. Tuni a laibu hongkhiak aom ahihleh Rs. 350 a zuak in om hi.
XXXXXXX
Zomi Mother Association ZMA GHQ in tunai zek a CCpur SP dia hon join thak Rakesh balwar IPS kimuh pih in, amah office chamber ah kipahpihna leh vaidawmna nei uhi. Zomi Mother Association ZMA GHQ in SP thak kipahpihna ensakna in Zomi puan silh sak uhi. hiai hun ah ZMA GHQ in hun bangtan hiai paisa a Tamil nadu state government in Micheal centre licence a cancel sak uh toh kisai ban ah thu poimoh tuamtuam gen khawmna nei ua, hiai hun ah SP in agenna ah Micheal Job centre toh kisai a, amah hihtheihna tan a panla ding leh theih tawp suah a kalsung ding ahihdan ZMA GHQ te theisak hi. Micheal Job Centre ah ahihleh ZMA GHQ sporsorna in tulel in numei naupang mi 20 om ua, Tamil nadu state government in licence a cancel sak ziak in hiai orphan home in buaina nasatak a atuah uh awlmohna lian tak nei a ZMA GHQ in hiai thu SP pa kiang ah thu a tut uh hidan in ZMA ten gen uhi.
XXXX
Siamsinpawlpi general Headquarter in hongtung ding November 14 zingkal dak 6:45 in SSPP Complex Siloam Veng, bungmual ah a 10 veina North East Tamchon memorial football tournament 2016 a tel ding Siamsinpawlpi Football club SSPP FC te Thumsakna leh khaakkhiakna nei ding uhi. Hiai hun Pausuanlian, Joint Secretary, Human Relations, SSPP GHQ in makaih ding a, Lainzapau samte, president, SSPP GHQ in vaidawnna leh pulaakna nei in, Rev. S Vungminthang, General Secretary, EBC in SSPP FC te ading in thumsakna nei ding hi. Liansang Munsong, Evergreen SSPP FC Cheerleader in slogan saam in Langkhanpau guite, Chairman, ADC CCpur in SSPP FC te khakhia ding hi. SSPP FC te ahihleh Delhi a November 19 apan December 2 sung Dr. Ambedkar Stadium, new delhi a, a 10 veina North East Tamchon memorial football tournament 2016 neih hun ah va tel ding uhi.
XXXXX
All tribal women union ATWU GHQ leh all tribal movement of lamka ATML in khopi sung leh a sehvel ah sixth schedule awareness aneih uh apai touzel in hongtung ding November 14, 2016 nitak dak 5:30 in Beulalnance Upa Vungsing te innkong ah Mourning Protest cum sixth schedule awareness program nei nawn ding ua, hiai hun nu kingkhanvung in makaih ding a, Nu Gouzavung in thumkhawmna pi ding hi. Awareness neih hun ah Thangbiaklian MA international development, Australia leh Songzamang advocate, ten thugenna nei ding ua, nu Manngaihkim in slogan makaih in, Upa Vungsing in hunkhakna leh thawlawm latna nei ding hi. All tribal women union ATWU GHQ leh all tribal movement of lamka ATML makaih mah in hongtung ding November 15, 2016 seppatni nitak dak 5:30 in V. Munhoih ah Mourning Protest cum sixth schedule awareness program nei nawn ding ua, hiai hun nu ningsial in makaih ding a, Miss Debora Zou in thumkhawmna pi ding hi. Awareness neih hun ah Thangbiaklian MA international development, Australia leh Dr. Tualchin neihsial ten thugenna nei ding ua, nu Liannem in slogan makaih in, Pastor M. Ginzatun, in hunkhakna leh thawlawm latna nei ding hi. hiai hun kuapeuh in uap chiat ding in news tungtawn in chialna bawl uhi.
XXX
Tuni sunnung in Churachandpur District BJP Office ah Lalrothang infimate , Spoke Person BJP CCpur Mandal leh chief convenor hmar community in press leh media te kimuh pih in, maban assembly election ding toh kisai genna nei hi. Hiai hun ah Lalrothang in MP election hun lai apan Hmar community sung a chief convenor in ka pang a, MP election apan in BJP kalsuan nate hoihtak in ka mu a, BJP makai lian leh India prime minster pu Narendra modi in india gamsung a singtang mite adiak a North east singtang mite khotuahdan leh ngaksak tan thupi in, singtang mite khangtouhna ding in Donor ministry tungtawn in crore 1000 pia a, hiai te ziak in Modi in singtang mite awlmoh leh itdan theih in om a, chi, zat, leh nam chih omlou in singtang mite te khangtouhna hichi tuk a awlmohna tung ah singtang mite hampha I hi chi hi. aban agenna ah Modi in india gamsung hilou gamdang China, Euro, Japan leh mun dang tuamtuam a BJP nasep khiak te thupi thei mahamah a, I gamsung tungding thak nawnna dia mimal leh pawl tuamtuam in panla ding ahi chi in, khangtouhna ding in indai gamsung ah Village authority te tungtawn in nasep khiak in om a himahleh I gam ah village authority in thuneihna aneih lou ziak in deihbang in khua leh veng khangtou lou ahihna ah khau veng khantouhna dia fund te direct a village authority khut ah lutsakna dia BJP government lou party dang om lou chi a, hiai bang hamphatna te tang thei dia mipi ten pan I lak ding uh ahi chi hi.
XXXXX
No comments:
Post a Comment