Press Statement | Zomi Re-Unification Organisation

ZOMI RE-UNIFICATION ORGANISATION

PRESS STATEMENT

10th November 2016

Dt. 8th Nov, 2016 nitaklam in, Simte Inn, New Lamka ah UPF makaihna in Political Awareness programme lawhchingtak in kizang hi. Hiai hun hong uap, Pu Biswarjit Daimary, MP leh BTC apan heutu tuamtuamte banah, amaute hong kithuahpih Romeo Hmar leh Dr. Lam Khan Piang, Innpis heutute, tribes leaders leh organisations tuamtuam apan heutu hongpaikhawmte tungah KIPAHTHU ko'n gen uhi.

.

I pankhawmnate leh thumna tampi kigawmkhawmte Pathian in hon dawnga, UPF & KNO makaite panlakna lamzangzel in, maban a lametna lianpi i neihziakin Pathian min i phat uhi. Maban a i lamzan sem theihna ding leh political status detdoutak i neihtheihna dia kuapeuh pankhawm dan siam semsem ding leh Government lam apan deihsaktu leh awlmohtu tamsem i neih theihna ding in Pathian kianga ngetna/thumna tamsem neilai ding in i ki chial uhi. 

UPF leh KNO toh Government kihouna leng hong omnawnpah dia lamet ahi. Heutute a pilpen leh teipen hituanlou ahihna uah, gal gen, gensiat, leh muhsit kampau te chilbawl a, khat leh khat ki hanthawn tuah dan kizilthak di'n i kingen uhi.

Singtangmiten political movement i na patna uh sawtta mahleh, tunitan kuitung thei nailou lai hi. Himahleh, tu hun banga hun lemtaang (opportunity) om mengmeng lou dia, hiai hun i bohsiam keileh, khang bangzah daih ding chih kigen theilou hi. Nikum 31st Aug, 2015 incident ziaka i thangpaih leh kitomnate uh thilsia ahipah kei, himahleh, political solution tatak pianna ding in, kilkhat, bawngkhat kia panlakna hitheilou a, i vekpi a pankhawmna mah poimoh pen ahi chih phawkthak leng deihhuai i sa uhi. Maban a i pankhawmnate Government adia zahtakhuai leh etlahhuai tham ahih theihna ding in kuapeuh hanchiam thak ni hang.

.

UPF heutute mun tuamtuam a Awareness programme nei in zinkhia uhi. Maban ah leng, a lemtaang bangzel in, level tuamtuam ah, heututen Awareness Programme hong kisaitou zel ding ahi chih i kizasak uhi.

.

Issued by,

Ministry of Information & Public Relations,

Zomi Re-Unification Organisation

Ciimnuai

----