Global Zomi Alliance Khawmpi a 3 veina 24 apan 27 November tan daihdiing , Tedim Baptist Church - Yangon Biak inn ah kipanta a, Nitak mas zawh hita hi.Akhatveina 2012 Kum in Kalaymyo ah zat in om a, A nihveina 2014 kum in Tesim ah zat hinawn hi. Tukum aa pen Lamka diing cih himahleh I TRIBAL MOVEMENT leh Igam buaina ziak in hitheilo phot a, Mailam ah ettouh hidiing hi.
Tunitak kikbopna ah, B.Mua Ngaihte (Lamka), Zam Bawi (Kalaymyo), Sia Muan Pi (Kalaymyo), Thawn Tuang (Yangon)cihte in Laa sa ua, ZACC Choir, ten GZA Laa asak ban uah, TBC-Y Lpwl ten HALLELUJAH CHORUS sa ziahziah uhhi. Hiaihun ah TALENT SHOW , Bass Guiter Sia Paan Thang leh, Lead Guitar Sia Kim Pu apan siamtak a show nei uhhi. Tuabn ah Sparrow Dance te apan CHOREOGRAPHY siam mahmah lahna omhi.
Tuaban ah Thugenna REV. Dr. Do Suan Mung , president EBC, & Gen . Secy. GZA apan ngaihkhiak in omhi.
A thugen :
A (3) veina GZA khawmpi a nimasani Dr. Do Suan Mung thugenna
****************************
PATHIAN A KHATNA AH KOIHDIING
**************
Abraham Lincoln cihmah bangin hatlo taleh nungkik ngeilo ding hi. Hiai GZA pen Global I cihmah bangin I vek a I neih hi a a hioh leh eia a hoih kei leh zong eia hi ci hi.
Daw Auangsan SuuKyi gen mah bangin Khantoh na I gengen ciangin lungsim mahmah khantohding hi ci hi. Pasian a khatn ah koihni. Biakinn polam ah I nuntakzia cih tuni taak a dingin a kigen nuam hihang.
Pathian thugentu khat in "A kisap leh khatveivei nakamzangh in" ci hi. Eite in I kamtawh thugen hihang. I piangthak nuntakna I cihcih Biakinn sung bek ah Pasian it-te hilou in I nisim nuntakna ah Pasian minthanna dingin ki-ap thakni.
MINAM VEI DING, TAWISANG DING
**************
I minam veina khangsakni. Minam itna pen silehsa vai-in kituat hi. Jesu in a mipih Jews mite na it hi. Jews ten a na saang zawhloub ciang un ei Gentile mite in Pasian thu a kiza kha hi ci-in Laisiangtho in gen hi. I gam I it kei leh Pasian eitung lungkim louzaw dinghi. Minam it ding cihciang Minam tam mahamh Pasian in eiteng Zomi ding a hongbawl sese cihna hi. I Zomi hihna angtang pihni Immse keini! Nang kua minam hongkicih leh Zomi mah hing cilel in. Mimai ah maimial pian hihang Zomite Pasian mai ah namneu hilo hihang. Korea Japan te sangin I thupi maizaw tam ci-ing. Banghang hiam cihleh Zomi te-in Pasian thu tamsang pen hihang. Zomi te zanghin Paisan minthang hi. Kiphat saknang hilo angtang nang’ hi. zumpihlo in lungdam koko ni.
KIPUMKHATNA HANCHIAM DIING
***************
Khat leh khat zong milak ah ki en kikhual in kihuhding hihang.
Zomi leh Zogam aa ding nikhat in khatvei ta thumna neini. Vualzawlna itan diing In ahonngaklai tak hi ci hi. Mikhat veina leh hahpanna kia tawh minam vai kihawmzolo ding hi. Minam vai pen kipumkhatna diing in i kibatna te gentamni.
PILNA THUPI SAKDIING
********
Zomi te’n mailam ah pilna thupi sading hihang. Tulai dinmun ah sum thupi a sa zaw pawl hihang. Ei Zomi te’n pilna deihlo in Degree sangpipi deih hihang.
Law leh Political Science lam naakpi takin sinding hihang. Medical Doctor kicingta hihang. En I gamah bangmah pianglo ci in koukou hihang. A pauthei hileh I leitang te-in hailua uh teh nangnong bawlsiat hi hongci dinghi. \Singapore gam bang bangmah pianglo, himahleh mipilgam ahihman in leitung ah minthang hi.
CHITAK DIING
******
I Pu I Pate chitak uh hi. Missionary Carson in hiai Zomi te pen a kim a pam a mite tawh kibanglo in chitak mahmah uh hi, chihi. I chihtakna pen haina kisa hihang. Chitak lehang a vuallel dingtawh kibang hi, ahihhang a tawpna ah kivualzo veve hi. Jona bangin chitakni!
THANUAM DING
***********
Thanuam ding ipu ipa te thanuam hi. khangthak te thadah hihang. Sepmel neilo a vakvak tam hi tua-in siatna hongtun hi. Ni khat laikhat simding na hoihkhat sem hamtang ding hihang. Gualzawh nading hanciamna 98% pilna 2% hi ci hi.
THILPHAL DIING
************
Zomi te a thilphal, a piakkhiak haatte hongkicihna ding hanciamni. Mite muhna ah a ciilte hau dingtawh kibang hi. A hihhang in Laisiangthou in a thilphal te hauzaw semsem hi cihi.
TUP LEH NGIM NEIDING
**********
Leitungah a zawng pen te sumneilo te hilo in tupna neilo te hi. Tupna neiding hihang. Tulaitak aa mi minthang te tupna nei in t ua aa dingin hun kipia tinten te mithupi suak uhhi. Mimal in zong tupna neiding Zomi inzong tuna neini!
Zingciang apan Sunciang in Seminer leh Thukikupna omding a, Nitak ciang in Hunpi zat hizel diing hi...
* from B Muan Ngaihte
No comments:
Post a Comment