Manipur Express | December 22, 2016

Consumers’ Club in hun beisa haltum

Lamka, Dec-21: CCpur Consumers’ Club (CCC) in tuni sunnung in New bazar a Bus parking ah khawpi sung mun tuamtuam dawr bawlte’n azuak uh van hunbeisa amatsak uh press/media-te mai ah haltum uhi. 

Huai hun ah SN John, President in  economic blockade ziakin tutan deihbang in khawpi sung ah van puaklut hilou a,  dawr bawl khenkhat in van hun beisa aneihte pholhkhia in, mipi lei din zuak uh a, huaithu report zak ahih dungzui in Dec. 17, 2016 akipan khawpi drive bawlin dawr tuamtuam check uh a, huaihun ah amatkhiakte uh tuni a haltum uh hi’n gen hi. Maban ah leng drive sunzom ding uh a, kuapeuh in van lei chiang in pilvanga hun bei leh beilouh en-masa dingin leng district mipi ngen hi. Tuni a haltum a om van tuamtuamte ahihleh atangpi in theitui leh nektheih telin chi 50 vel hi a, sum ah tuat in Rs. 50,000/- vel man dingin leng kigen hi.

HEADLINES:

Manipur mipi haksatna tawh kisai in BJP makaite’n panla lou - Kh. Joykishan 

BJP MLA 1 leh NCP MLA 1 in tuni’n Congress zom

Imphal, Dec-21: BJP State Legislature Party Leader Kh. Joykishan Singh, MLA in tuni’n BJP party apan kitawp in Congress zom hi. Aman tuni’n BJP party apan akitawpna lehkha Manipur Pradesh BJP President kiangah va pia hi’n gen hi. Thudang kiza dan in NCP MLA L. Ibomcha leng NCP apan kitawp in tuni’n Congress Party zom hi. Kh. Joykishan in atelna BJP party in mipite haksatna beina ding a pan alak keileh amah a ding in huai party a tel bangmah phatuam lou hi’n gen a, huchi ahihman in amah a di’n party nutsiat mailouh lampi dang theilou hi’n gen hi. Aman a genzelna ah Centre a govt. bawl party a tel himahleh tulai a Manipur in haksatna a tuah tawh kisai Centre in a nget banga pan alak louh ziak in aman poi asak ziak a kitawp hi’n leng gen hi. 

Kh. Joykishan in tuni’n Thangmeiband a atenna inn ah News saite kimuhpih in a thugenna ah BJP in a paipih dan India gam 1na leh party pen 2na chi’n paipih mahleh muangtak azop party in UNC blockade ziak a Manipur mipi te’n haksatna gen vuallouh a tuah uh bangmah pan alak louh ziak in BJP tungah muanna aneih teng bei hi’n gen hi. Agenzelna ah Manipur a National Highway 2 ah UNC in economic blockade a puan un Manipur mipi adia haksatna a tutthu Prime Minister leh Union Home Minister kiangah ah theisak in thil asiat luat ma in panla ding in hahtak in genpih mahleh BJP leh Central Leader te’n tutan pha panla lou a, adaih dide ziak un buaina in siatlam nawt thei ding a patauh huai hi’n gen hi. BJP leader te’n mipite ngetna a ngaihkhiak louh ziak un amah a ding in mipite akhualna ziak in BJP apan kitawp louh ngal lampi dang omlou hi’n gen hi. 

Kh. Joykishan leh L. Ibomcha tuni nitaklam dak 6:00 in BT road a Congress Bhawan ah vaidawnna kikhoppihna om a, huai hun ah Chief Minister O. Ibobi, Dy. Chief Minister Gaikhangam, Manipur Pradesh Congress Committee (MPCC) President T.N. Haokip, Congress North East in-charge Dr. C.P. Joshi leh Ticket Screening Committee Chairman Ramesh, Minister tuamtuam leh MLA hunkhop tel uhi.

TUALSUNG:

DEO/CCpur SFJ saina in Jt consultative meeting

Lamka, Dec-21: District Election Officer/CCpur in Society of Fast Justice tawh kithauh in tuni’n Tuibuong a District Training Centre ah Ethnical Voting, Electoral Participation tawh kisai in Joint Consultative Meeting nei uh a, Advent Christmas zatna leng nei ngal uhi. Huai hun ah DC/CCpur Lunminthang Haokip, IAS banah election department staff-te ban ah NGO leh social organization tuamtuam apan makai hunkhop leng kihel uhi. 

Rev. Dr. Ginkhanmung Zou, Moderator-Vice President, SFJ in makaih a, Rev. T. Janglhun in hong a, Rev. Dr. Ruth Niengpi Singson-President SF I –CCpur in vaidawnna thugen in, Elder Thangkhomang Haokip, Gen. Secy-SFI  in keynote address gen hi. 

Ng.Haokip, Joint Secy. SFJ in Christmas/New Year kizatdan tawh kisai in thugen a, S. Thienlaljoy Gangte, MCS in ethical voting tawh kisai gen hi. Aman kuapeuh in vaihawmtu ding deihtel theihna ineih i vote manphatak azatdan siam poimawh a, vote zuak leh lei kichi a hoihlouh dan kibang ahihan ah maban election omding ah kuamah vote zuak leh lei om dingin ngen a, siangthou leh feltak a kuapeuh gam vaihawmtu ding itel theihna din mahni vote chiat kembit dingin leng ngen hi.

Lunminthang LAS, DC/CCpur in model code of conduct tawh kisai gen in, maban election om ding ah election commission of India in candidate leh mipi’n azuiding dan abawlte hoihtak a sepsuah hiding ahihdan gen in, huai dia election department in naktak in panla chi hi. James T. Singson, IRS, Joint Commissioner IT/New Delhi in candidate te’n election campaign hun ah sum tawmchik zatbei a poimawh dan leh bangchi zatding chihte sinsak hi.

CBA Lanva in kum 50 chinna lawm uh

Lamka, Dec-21: Chin Baptist Association (CBA), Lanva Local Church in saptuam kiphuhkhiak nung kum 50 chinna Golden Jubilee tuni’n CBA Lanva biakinn ah lawm uhi.  Huai hun ah saptuam mipi ban ah Chin Baptist Association a makai tuamtuam inleng uap uhi. 

Zinglam in Jubilee suang honna om a, Upa Do Khan Thang, Founder Member in jubilee suang hongin Rev. Dr. JM Ngul Khan Pau, Senior Consultant, DAI in Pathian kiang ah lan a, teltuam mi 50 te’n  jubilee dak khen/tum uhi.

Session 2na ah Rev. Dr. Sut Khan Thang, Exe. Secretary, CBA in jubilee souvenir hong in lan a, Pastor Palet Thuomngell, Lamka Khawk Sia makai in makai site’ sunna nei uhi. Rev. Dr. JM Ngul Khan Pau in jubilee message gen a, makai masate pahtawina om banah  Do Khan Thang CBA Lanva in tangthu pulakna nei in, LANVA CBWS te’n  jubilee drama lahna nei uhi. CBA Lanva saptuam ahihleh 1966 kum a dinkhiak hi a, tulelin inkuan 60 val Pastor Palet Thuomngell, Lamka Khawk Sia etkaina nuai ah om uh hi’n kigen hi.

‘Zingsol’ Music Video Album hong ding

Lamka, Dec-21: Mc Muan S. Ngaihte in lasiam minthang (late) Muana Ngaihte theihgigena dia abawl ‘Zingsol’ kichi music video album Dec. 23, 2016 nitak dak 5:30 in Mission Road a Hornbill Studio ah honkhiak hiding hi. 

Huai hun ah Chief Guest in Langkhanpau Guite, Chairman, ADC/CCpur pangin hong ding a, Functional President in Gouzamang Guite, EM/ADCC leh T. Goukhomang, ZEO/CCpur pang ding uh a, Chief  Host in Hiangtam Lamka hausa Thangkhosuanmung Guite, EM/ADCC pang ding hi. Programme sungin Mc Muan S. Ngaihte telin lasiam tuamtuam Zakim, S. Chingnu, Pauginmuan, RD-i te’n lasa ding uhi.

State govt. kiang ah MGNREGS sum hawm di’n nawh

Lamka, Dec-21: CCpur District Chiefs’ Association (CDCA) makaite’n tuni sunnung in  Tuibuong a KIC office ah press/media-te kimuhpih in MGNREGS tawh kisai a fund hongpaite state government in a hentang tawh kisai poisakthu gen uhi.

Th. Thangboi Baite, Secretary in agenna ah, centre government in Ministry of Rural Development nuai ah financial year 2016-17 sunga MGNREGS sepsuahna din Manipur  state kiang ah Rs. 66,47,00/-  crores  Nov. 17, 2016  in pia a, himahleh kha 1 valta mahleh state government in mipi kiang ah hawmkhelou in hentang hi’n ngawh hi.  Ministry of Rural Development guidelines dungzui in central government  akipan mipi ading sum hongpaite state government in atampen a 3 kan a koltheih hilou a, district chih ah hawmzak in job card beneficiary te’n amuh ding uh himahleh kha 1 val bang ahentang pen lamdangsa in mipi adia sum hongpaite koi ah om den hiam chi’n dotna bawl in, state government in akinlam a hawmkhe dia ngen kawm in, Christmas ma a ngei a mipi’n a tanding sum amuhtheihna dingin district administration inleng panlakpih din ngen hi. Financial year 2016-17 sung a job card holder te’n ni 100 nasep man  amuh ding uh chih himahleh tutan in first phase ah ni 18 lel ngahpan uh a, ni 82 bang in samlai hidan in gen hi.

CCpur District BJP makaite kimukhawm

Lamka, Dec-21: CCpur District BJP makaih tuni’n Light House Lane a District office ah mandal tuamtuam a makaite leh constituency tuamtuam a intending candidate te’n consultative meeting tawh kithuah in advent Christmas zang uh a, huaihun ah election tawh kisai a maban panlak dingdan genkhawm uhi.

Consultative meeting ah mandal tuamtuam a makate banah BJP intending candidate –te kihel uh a, huaihun Elder Kaineipau, District Executive Member in thumna hongkhia in Hauneilal, District General Secretary in hun zatna makaih a, Programme sungin District Morcha President te’n introduction leh thugenna aneih banuah K. Vungzalian, District President makaih in paikhawm te’n intending candidate-te kipumkhat a, party ngaihnatna ziaka ticket mulou te’n leng ticket mute nungthuap a, assembly constituency 6 om lak ah 5 bek ah vualzawhna ngah theihna dia panlak hiding in gen uhi. 

Huai hun ah CCpur A/C a intending candidate Paukhansuan Khuptong, Singngat A/C  apan Chinlunthang, Tipaimukh A/C akipan Ngursanglur leh Dr. Lallukhum Fimate, Henglep A/C  akipan Tinkhonei, Mangcha Thangzom leh Letzamang banah Saikot A/C apan Paokholal Haokip tel uh a, amaute Rev. Gintinthang, MPCS in thumsak hi.

Work Minister in lei 2 hong

Lamka, Dec-21: Ksh. Biren Singh, Minister (Works, CAF & PD) in tuni’n Khuga lui tung a kibawl Lajangphai-Thingchom leh Canan Veng-Tuithapi kal ah lei tuni’n hongkhia hi’n gen uhi. Huai hun ah Chief Guest Ksh. Biren in a thugenna ah Manipur a town lianpen 2na CCpur district hi a, lei 2-te zawhsiang ahih tawh kisai in Saikot A/C MLA tungah kipahthu gen a, huai bial a mipi a dia hinna lampi poimawh tak ahihziak in akinlam a huai lei 2 zawtna lampi-te 2-lane a bawl hiding in gen hi. Functional President T.N. Haokip, Saikot A/C MLA in kum 10 nungin CCpur district pen town akipan khawpi suak ding a, Khuga lui pang a ten khak hamphat huai chi a, Saikot a MDC 3-te kiangah  lei 2-te vengbitna dia DC kimuhpih ding leh Conservation Policy & Protection tawh kisai a Forest Department-te kimuhpih ding in ngetna bawl hi. Aman agen zelna ah SPA nuai a 34.40metre a sau Lajangphai-Thingchom lei bawlna ding in Rs. 368.882 lakh leh 45metre a sau Tuithapi-Canan veng lei bawlna ding in Rs. 354 lakh sanction hi’n gen hi. Huai hun ah Guest of Honour in Ngamhao Touthang, Tuibong MDC leh Hrila Hmar, Saikot MDC-te pang uhi. 

25 Assam Rifles-te’n sisan unit 4 pia

Lamka, Dec-21: HQ Veng a 25 Assam Rifles te’n District hospital, CCpur a damlou ki-enkol Ngulzathang (95) of Beulahlane sisan poimawh ziakin unit 4 blood bank ah pia uhi. 25 Assam Rifles akipan sisan pete ahihleh Rifleman P. Kendrajit, Rifleman SK Chandel, Rifleman Arjun Chhetri leh Rifleman Gabriel hi uh a, unit 1chiat pia uhi.

Ngulzathang ahihleh  lasa siam kumlui S. Chingnu pianna pa’ hi a, natna tuamtuam ziakin Dec. 18 in hospital puaklut in om a, sisan poimawh ahihdan theihsak ahih nung in CT Lian Guite, MDC/New Lamka (West) in  HQ Veng a 25 Assam Rifles-te’ kiang ah sisan piaksak dia anget dungzui a pia uh hi’n kigen hi. Damlou bel sisan unit 4 khai zawh chiangin kha 1 sunga  dinmun enkhia in, test tuamtuam pat hiding hi’n kigen hi.

Only Grace ading Donation box tutpih

Lamka, Dec-21: Zomi Mothers Association (ZMA) in Only Grace Home a om naupangte’ panpih ut khempeuh te’n panpihna apiak theihna ding un khawpi sung mun 2 -Lamka Police Station leh New Bazar ah donation box koih in makaite’n tutpih uh a, mi tuamtuam in kiphal dungzui in box ah sum khia uhi.

Only Grace Home ahihleh Zomi Mothers Association, GHQ in kemtu neilou naupang etolna dia 2006 kum  apatkhiak uh hi a, kipat tungin gamdangte tawh kizom mahleh 2010 kum apan in partnership hihbei uh a, tu’n phatuamngai mimal leh pawl tuamtuamte panpihna ban ah Buallian leh Pearsonmun khaw gei ah donation box akoih ua sum lutte zangin naupangte enkol uhi.  Tulelin home ah pasal 3 leh numei 10 om uh a, care manager 1, senior warden 1, junior warden 1 leh cook 1 om uhi.

SSPP JHQ Lamka saina in marathon

Lamka, Dec-21: Siamsinpawlpi JHQ, Lamka in Class X exam dingte khualna in Jan. 2017 sungin Siamsin Free Coaching sai ding uh a, huai dia fund drive-na danin tuzingkal in ‘Marathon for a cause’ thupi zangin mini-marathon nei uhi.  Marathon ah SSPP JHQ Lamka nuai a branch tuamtuam akipan in 20 kihel uh a, SSPP JHQ Lamka Office, SSPP Tower, Hiangtam Lamka ah Pastor D. Kamchinmang, Local Pastor, EBCC Hiangtam Lamka in thumsak a, Ricky Vanlallawm Guite, Chairman, Standing Committee, SSPP GHQ in flag-off hi. 

Huai hun ah Paukhansuan Khuptong, intending candidate 58-CCpur A/C leng kihel a,  Dec. 18, 2016 nitak a asi Khupzousuanlal, V/President, SSPP Ebenezer Branch sunna leng nei uhi.  Marathon a telte’n Tipaimukh Road-Police Station-Tedim Road-Dorcas Road-Marian Street-Tipaimukh Road zui in akipatna mah uah zou uh a, mi 20  lakah 12 kia taitung uhi. 

Lalsonlian of Rayburn College 1na in pang a, 2na in Ginsuanlian of  VK Tawna High leh  Khuplianding St. Paul’s Institute 3na in pang a, certificate leh kipahman ahihleh Siamsin Free Coaching honkhiak chianga piak hiding in kigen hi.

KTN saina in Praise & Worship om

Lamka, Dec-21: Khrist Thuzoh Ngaihtuahna (KTN) WhatsApp & Facebook group te’n CCpur district a worship team tuamtuam- ‘experience worship, Zoheisa, Hope Culture, For You & Dovian’  tawh kithuah in tuni sunnung dak 3:00 akipan nitak dak 8:00 kikal in EBCC Centenary hall ah ‘A Marathon of  Praise & Worship’ nei in Pathian thu leh la ah kipolhkhawmna nei uhi. Huai hun ah khawpi sunga gospel band tuamtuam kihel in lasa uhi. Organizing Committee-te apan kizadan in, tuailai mun tuamtuam a om Christmas leh Kumthak zang dia hongpaite’n koihiam a thil hoihlou hihna hun azatbei sang ua Pathian phatkhawm ding ban ah Lamka a Gospel band tuamtuam omte dopsang ding atuppen hi’n gen uhi. Programme kizatna mun ah donation box leng koih uh a, sum amuhte uh KNT in July, 2016 akipan Grace Bible College a student leh missionary a chawmte’(sponsored) uh panpihna ding banah orphanage home tuamtuam a naupangte’ kiang ah Christmas gift dan in peding uh hi’n kigen hi. KTN ahihleh WhatsApp leh Facebook group pansan in January 2, 2016 a kipankhia hi a, tu’n administrator 10 omlel uh a, group-te ah member tamtak nei uh hidan in kigen hi.

SUUNNA:

N. Thangkhanlian (50) s/o (L) Pu Laivung of LV Lane, Hebron veng, New Lamka tuzing dak 1:30 in Cancer natna ziakin si a, tuni mah in YPA hanmual, New Lamka ah kivui hi. N. Thangkhanlian ahihleh ADC/CCpur a Cashier semlel ahi.

Dalkhanlian @ Eli (37)  s/o (late) Chingngaihniang of Lower Chapellane tunitak lam dak 6:30 in Dist Hospital ah Diabetis ziakin si a, Dec 22, 2016 in Lamka hanmual ah kivui ding hi.

STATE THUTHANG:

CM in bandh leh blockade bawl lou di’n ngen

Imphal, Dec-21: Chief Minister O. Ibobi in Thoubal district a Khangabok mun ah tuni’n multipurpose community hall hongkhia hi. Huai hun ah CM in Manipur a organisation teng in demand a bawl uh nawhna dia bandh leh blockade bawl lou ding in theisak a, bandh leh blockade in development leng nawngkaisak hi’n gen hi. Mipi vaihawmna ahih dungzui a miteng in candidate a deih pen uh vote theih nang tanvou nei uh a, kuaman political party khat gupna dia thagum a zat ding uh hilou a, Sangaiyumpham tawn in Khangabok leh Wangjing kikal a lampi bawl hoih hi a, overhead water tank koih in Kangabok Part I, II leh III banah Sangaiyumpham leh Tentha munte ah tuisiang dawn ding piak theihna dia panlak chi hi. Hiai hun Social Welfare Minister AK. Mirabai Devi, Kangabok A/C MLA O. Landhoni Devi leh official tuamtuam banah veng mipi te’n uap uhi. 

Huailou in Chief Minister Secretariat ah tuni nitaklam dak 4:00 velin Chief Minister O. Ibobi in DIPR te’n kum 15 paisa sung a Manipur Government sepkhiak-te taklatna booklet ‘Significant Development in Manipur’ leh Planning Department-te booklet ‘Achievements and Initiatives of Government in Last 15 year’ kichi hongkhia a, huai tawh kisai in Planning Department te’n kum 15 paisa sung a Government nasepkhiak tawh kisai in minute 40 sung video documentary suah uhi. Ex-Union Minister banah Gen. Secy. AICC, CP Joshi, Congress leader Ramesh Chennithala, Cabinet Ministers, MLAs. Planning Department a Official-te banah DIPR a Commissioner leh Director-te tel uhi. Huailou in K. Durga Prasad, IPS, DG (CRPF) in tuni’n Chief Minister office Chamber ah CM O. Ibobi va kimuhpih a, huai hun ah Manipur a security dinmun tawh kisai banah thu tuamtuam genkhawm uh a, CM in DG kiangah Souvenir pia hi.

Imphal East leh Imphal West ah Curfew omlai

Imphal, Dec-21: Imphal East district pumpi ah tuni’n leng curfew koih hilai hi. Tuni zingsang dak 4:30 akipan nitaklam dak 7:30 tan khahkol hi a, tuni nitaklam dak 7:30 akipan zingchiang zingsang dak 4:30 sung curfew om nawn ding hi. Himahleh Lamlong akipan Jainangpokpi leh Lamlong lei akipan Pangei tan lampi nawl tuak metre 300 huamsung teng bel Curfew khahkol hilou hi. Imphal West district ah tuni zingsang dak 6:00 akipan nitaklam dak 6:00 tan curfew khahkhol hi a, curfew khahkol sung in buaina bangmah omlou hi. Tuni nitaklam dak 6:00 akipan zingchiang zingsang dak 4:00 tan curfew om nawn ding hi. Thoubal district a Lilong sub-division sung a Nungei khua leh huai khua kimkot metre 200 ah curfew om a, mundangte ah bel 144 CrPC koih hi a, huaite ah mi 5 leh huai sang a tamzaw omkhawm banah galvan leh hiamhei bangmah tawi khiak phal hilou hi. Himahleh law & order enkol police-te leh security-te bel curfew in huamkha lou hi.

KPI CHC Ambulance leh MO i/c gari hihsia

Kangpokpi, Dec-21: Seikmai leh Koirengei a bandh supporter te’n Kangpokpi Coummunity Health Centre a Ambulance leh Medical Officer in-charge gari suksiat sak uh hi’n kigen hi. Kangpokpi CHC a Medical Officer in-charge Dr. Simte leh CHC Staff te’n nasep zou in Dec 19, 2016 nitaklam in Kangpokpi DHQ apan Imphal zuan uh a, huai hun ah Sekmai a bandh supporter te’n nitaklam dak 3:00 velin Medical Officer gari windshield suksiat sak mahle uh nitak nung in Imphal tung uhi. Huailou in Koirengei short cut gei ah zan zinglam dak 11:30 velin bandh supporter te’n Kangpokpi leh Imphal ah Doctor-te pick-up leh drop a kuan Kangpokpi CHC Ambulance hihsiat in om hi. Thiltung hun ah Ambulance in OPD a duty zou  Doctor khat kha ding in kuan a, huai hun ah bandh supporter te’n gari khawlsak in Doctor in ahihna akigen banah I-card tanpha lak mahleh bandh supporter te’n paisuak phallou in Ambulance windshield nunglam teng suksiat sak uhi. Kangpokpi thuneite’n CHC Ambulance leh Doctor-te gari suksiat tawh kisai in mawhpaih thu puang uh a, maban ah bandh supporter te’n Doctor-te subuai nawnlou ding in ngetna bawl uhi.

MPSC in merit list puang

Manipur Public Service Commission (MPSC) in MCS 13 (ST 4), MPS 16 (ST 6) , SDC 48 (ST 12), MSS 4 leh Asst. Election officer 1 lakna ding a Sept 4-23, 2016 a Manipur Civil Service Combine Competitive (Main) Exam 2016 a sai banah Oct 17-22, 2016 sung a Personality Test asai a tel 167-te combine merit list puangkhia hi.

MANIPUR PUBLIC SERVICE COMMISSION

North AOC, DM Road, Imphal- 795001

N O T I F I C A T I O N  

Imphal, the 21st December, 2016

No. 7/1/2016-MPSC(DR):  On the basis of the marks secured in the Manipur Civil Services Combined Competitive (Main) Exam, 2016 held from 04-23 September, 2016 and the Personality Test held from 17-22 October, 2016, the following is the Combined Merit list of 167 (one hundred and sixty seven) candidates who appeared in the Personality Test.

Sl. No. Name Category

1. Loktongbam Leander General

2. Shenyai Leima Angom General

3. Khwairakpam Tompok Singh OBC (M)

4. Robert Longjam General

5. Binita Ngangbam OBC (M)

6. Teresa Tangpua ST

7. Tongbram Bimolchand Singh SC

8. Paotinsei Kipgen ST

9. Linda Ningombam OBC (M)

10. Lianminthang Samte ST

11. James Konsam General

12. Rajkumar Roshan Singh General

13. Sorokhaibam Sitaranjit Singh OBC (M)

14. Thokchom Heeraj Anand OBC (M)

15. Premanandi Okram OBC (M)

16. Yengkhom Jivan Singh SC

17. Poojn Elangbam General

18. Arambam Geetanjali General

19. Dayachand Sorokhaibam OBC (M)

20. Mohammed Gayasuddin khan OBC (MP)

21. Kayenpaibam Sunderbala OBC (M)

22. Shiekh Aasif Shah OBC (MP)

23. Thingbaijam Kamaljit Singh OBC (M)

24. Ningthoujam Lamjingbi General

25. T. Khaiminlal Haokip ST

26. Laishram Bhagat Singh OBC (M)

27. Leema Leishangthem General

28. Kongkham Biplob Singha OBC (M)

29. Samukcham Jemmy OBC (M)

30. Robert Meinam OBC (M)

31. Soraisam Anuka OBC (M)

32. Atom Limananda Singh OBC (M)

33. Laiphrakpam Thomson General

34. Ngangbam Sanatombi General

35. Reema Haobam OBC (M)

36. Sapam Nirva Devi OBC (M)

37. Julia Khuraijam OBC (M)

38. Susma Sharma Gurumayum OBC (M)

39. Heisnam Romio Singh SC

40. Charan Kumar Ashem General

41. Ngangbam Romia General

42. Tanika Naorem General

43. Sanjay Sinam General

44. Rajshree Yambem General

45. Rajkumari Sanjukta General

46. Victoria Huidrom OBC (M)

47. Thokchom Sundaraj Singh OBC (M)

48. O. Poireingamba Khumancha OBC

49. Moirangthem Gautam OBC (M)

50. Irungbam Julius Singh OBC (M)

51. Sonia Haobijam SC

52. T. Joseph Lhungdim ST

53. Satkhogin Kilong ST

54. Ningombam Rabichandra Meitei OBC (M)

55. Thoudam Rabindra Singh General

56. Ningthoujam Nishikanta Singh OBC (M)

57. Yumlembam Paramveer Singh OBC (M)

58. Hungyo Yurreikan ST

59. Laikangbam Kherju General

60. Yumkhaibam Jayalakshmi Devi OBC (M)

61. L. Thanggoulien Khongsai ST

62. Tayenbam Clinton Singh OBC (M)

63. Maibam Gautam Singh General

64. Pukhrambam Sonika OBC (M)

65. S L Kamkhohao ST

66. Laishram Tarajeet Singh OBC (M)

67. Purbashree Sanglakpam General

68. Dinesh Thingom OBC (M)

69. Oinam Joychandra Singh OBC (M)

70. Khoirom Santosh Singh OBC (M)

71. Akoijam Punshiba Meitei OBC (M)

72. Rajkumari Subhana OBC (M)

73. Chanamthabam Monica Roy OBC (M)

74. Sonia Waikhom OBC (M)

75. Yumnam Lawrence GEN

76. Dhiraj Karan Khumanthem GEN

77. Rajkumar Nordan Singh OBC (M)

78. Mayanglambam Hemlata Singh OBC (M)

79. Heisnam Rameshchandra Singh SC

80. Nelojit Mayengbam OBC (M)

81. K. Lunlenmoi Vaiphei ST

82. Sujata Thokchom OBC (M)

83. Shonjakhup Haokip ST

84. Scindia Laipubam GEN

85. Md. Hefajuddin OBC (M)

86. Rishikanta Loitongbam OBC (M)

87. Pebam Sonia OBC (M)

88. Ranjan Wahengbam OBC (M)

89. S. Tryphena Reikhenamai ST

90. Mohammed Nazmul Huda Khan OBC (MP)

91. Moirangthem Anju Devi SC

92. Ningthoujam Shantakumari Devi OBC (M)

93. Sujata Leisangthem OBC (M)

94. Rajkumar Indrakumar Singh OBC

95. Michael Fimliensang Fimate ST

96. Sarangthem Bikramjit Meitei OBC (M)

97. Kh. Robindro Singh OBC (M)

98. Newkanta Moirangthem OBC (M)

99. Gaitri Thangjam OBC (M)

100. Ningthoujam Shamarjit Singh SC

101. Yumnam Zail Singh OBC (M)

102. PF Lophro ST

103. Laishram Harimohon Singh OBC (M)

104. Yumlembam Sanathoi OBC (M)

105. Konsam Sanjitkumar OBC (M)

106. Chandam Geetanjali Devi OBC (M)

107. Maibam Achou Singh OBC

108. Kshetrimayum Prakash Singh OBC (M)

109. Langoklakpam Budhachandra OBC (M)

110. Md. Farijuddin Khan OBC (MP)

111. Kishan Khumukcham OBC (M)

112. Asem Manikanta Meitei OBC (M)

113. Aruw Kayina ST

114. Ravisekhar Singh Moirangthem SC

115. Kaongamliang Riamei ST

116. Ramrumpam R. Shimray ST

117. Ringthing Hongchui ST

118. Kasar Chonchui ST

119. Naorem Tejkumar Singh OBC

120. Arshad Shah OBC (MP)

121. Pusam Salma OBC (MP)

122. Robert  Lhungdim ST

123. Khwairakpam Lenin Singh SC

124. Khumanthem Chaibi Devi OBC (M)

125. T. Chinkhansiam ST

126. Md. Tajuddin OBC (MP)

127. Moirangthem Priyaroshni Devi SC

128. Gaishinthui Gangmei ST

129. Onminlal Haokip ST

130. Bikramjit Maibam OBC (M)

131. Glory Chinthiankim SP ST

132. Namthango Kahmei ST

133. Salvador T. Baite ST

134. Yumnam Dhanendra Singh OBC (M)

135. Sadique Siddiki OBC (MP)

136. Sheikh Aslam Khan OBC (MP)

137. Panii Ngaonii ST

138. Chongloi Lhunkhohao ST

139. Thangminlun Sitlhou ST

140. Dinringam Kamei ST

141. Bogimayum Umarjan OBC (MP)

142. M. Manglenlal Haokip ST

143. MK. Celestina ST

144. Kaikhoseh Kipgen ST

145. Ngamhou Baite ST

146. Jangkholien Haokip ST

147. Benjamin Vaiphei ST

148. Mangte Lalrenga Kom ST

149. Leivon Jimmy Kom ST

150. Samuel Misao ST

151. Kamei Kabita ST

152. Z. Ngaoveio Lovejoy Pou ST

153. Garnish Kashung ST

154. L. Lhunminlal Khongsai ST

155. Jangminlien Lupho ST

156. Douthang Manchong ST

157. Daihrii David Hrailu ST

158. Thongkhohao Haokip ST

159. Pauminlian Guite ST

160. Sarah Lhingboi ST

161. Panmei Silas ST

162. Vahneilam Vaiphei ST

163. Sheveine ST

164. Shirin Z Ruivanao ST

165. Samson Aimol ST

166. Michael Thangminlien Mate ST

167. Thounaojam Ramakant Singh General/Loco

2. Recommendation for appointment to the Government of Manipur to various services against the notified vacancies shall be made on the basis of this merit list and the previous of Manipur Civil Services Combined Competitive Examination Rules, 2010.

Note: In case of two or more candidates securing the same total marks, the marks obtained in the written Examination has decided their relative merit. If the marks in the Written Examination are also the same, candidates older in age have been put higher in merit.

Sd/-(SHYAM LAL POONIA)

Secretary

Manipur Public Service Commission

Kangpokpi district lawpna om 

Kangpokpi, Dec-21: Kangpokpi a Brig. Thomas Ground ah zan in Kangpokpi district lawpna om a, evening session hun ah Haokholal Hangshing, Chairman, ADC Sadar Hills, H. Balram Singh, MPS, SP/Kangpokpi, Major Prakul Peter, Post Commander, 38-A/R Kangpokpi Post, MDCs, Social Worker, CSOs leader tuamtuam banah mi tamtak in uap uhi. District thak lawpna in zan sawtnung tanpha in rock and roll concert om a, huai hun ah pumpelh theihlouh buaina khenkhat ziak in MANIWOOD apan actor leh singer-te tel thei keimahle uh Mizoram leh local artist te’n concert nei uhi. Mizoram apan Ms. Lalnunmawii leh Michael Vanlal Sailova banah local artist Lovejoy leh Marinda-te lasak in mi tamtak-te thathou sak a, H. Balram Singh, SP/Kangpokpi in Thadou-Kuki la “Chungto Nisa sa henlang’ lasa hi’n leng gen uhi.

Ema Keithel ah tuni’n public meeting om 

Imphal, Dec-21: Ema Keithel ah tuni zingsang in singtang leh phaizang bial a Civil Society Organisation tuamtuam 17 kipawl khawmna ‘Goodwill Mission for Peaceful Co-existence’ –te saina in public meeting om a, huai hun ah speaker tuamtuam te’n kizopna sukkhauhna ding leh nam tuamtuam kalah kituah louhna bawlhoihna dia ngaihdan a neihte uh tawh kisai in thugenna nei uhi. Huai ah Meiraba Angom, Gen. Secy, Universal Friendship orgn. in gamgi thu tawh kisai in gamgi sausak leh sungthu ah kituah lou ziak banah mi khenkhat-te bangmah lou suah ziak in kinakna bei theilou a, kitheihsiam tuahna leh neitu hihna kiphawk poimawh chi hi. S. Barani, United Christian Mission Manipur in Manipur ah mimal angsung kia thei tamtak om a, huaite ziak in muanna leh bitna banah nam kituahna sukha a, UNC economic blockade leh counter blockade hun ah thil tungte mahni angsuang khualna ngen hi’n taklang a, nam tuamtuam kalah kituahna leh khawtang buaina a beina dia Manipur mipi lakah itna diktak om sak ding in ngetna bawl hi. 

Rome, All Tribal Community Assn. in tulel a economic blockade pen UNC leh State govt. kal himahleh mipite a thuaktu in pang a, Goodwill Mission team te’n blockade leh thubuai tuamtuam-te beisakna dia akisaipih stakeholder teng muding a ngetna bawl hi’n gen hi. Keirudin Shah, ex-President, All Manipur Muslim Coordinating Body in a genna ah tulel a buaina tawh kisai pen phaizang a CSO khenkhatte’n hunlem a la in nam thu tawh kisai a buaina bawl sawm uh a, hiai tungtang ah politics tawh kisai a kimawlna tawpsan in Manipur ah muanna leh bitna om nawnna dia panla khawm ding in ngetna bawl hi. S. Sadumani, President, IPAK in Naga armed group te’n Manipur tungtang ah kigolh nawnlou  ding in ngetna bawl a, huai hun ah  nam tuamtuam apan palai paikhawm te’n state govt. leh UNC te’n mipi’n haksatna a tuah uh ngai poimawh in akinlam a kilemna bawl ding in ngetna bawl uh a, nam tuamtuam kalah kituahna banah muanna leh bitna omna dia Manipur pumpi ah panla ding in gen uhi. Meeting zawh in Goodwill Mission thupuangtu N. Lancha in makai tuamtuam te’n a thugen-te uh lakhawm in panlak hiding a, thubuai sukvengna dia State govt. leh India government nawh ding in thupukna bawl uhi.

Aug 2016 tan in sepna zong mi 7,90,999 om

Imphal, Dec-21: Directorate of Employment, Manipur in thusuak in August 2016 tan in Employment Exchange tuamtuam ah sepna zong a register bawl numei leh pasal akigawm in mi 7,90,999 om a, huai ah pasal 5,56,725 leh numei 2,34,274 om hi. Monthly Progress report dungzuin Imphal West ah sepna zong 2,05,667 lakah pasal 1,32,667 leh numei 73,000 hi a, Imphal East ah mi 1,24,973 lakah pasal 87,218 leh numei 37,755 om hi. Thoubal ah mi 1,35,419 lakah pasal 1,05,042 leh numei 30,377, Bishnupur ah mi 74,018 lakah pasal 54,486 leh numei 19,532, Ccpur ah mi 80,080 lakah pasal 58,337 leh numei 21,743 om hi. Ukhrul a mi 33,292 lakah pasal 22,990 leh numei 10,302, Senapati ah 65,305 lakah pasal 46,870 leh numei 18,435 hi a, Tamenglong ah mi 26,827 lakah pasal 20,080 leh numei 6,747 om a, Chandel ah sepna zong mi 35,305 lakah pasal 23,816 leh numei 11,480 om hi. Physical/handicapped ah mi 2846 lakah pasal 1,911 leh numei 935 om a, U.E.I. & G.B nuai ah mi 7267 lakah pasal 3,308 leh numei 3,959 om a, Aug 2016 sung in Employment Exchange tuamtuam a sepna zong register bawl mi 6,766 lakah pasal 4248 leh numei 2,528 om a, August kha ma in register bawl mi 3,390 pha hi’n gen uhi.

Meltheihlouh te’n lei (suspension Bridge) halsawm

Imphal, Dec-21: Meltheihlouh pawl khat in zan nitak a Imphal lui tung a Erong Khuman leh Mutum Phibou kizopna lei (suspension bridge) sing a kibawl halsiat sawm uh a, huai thu tawh kisai in tuni’n Erong Khuman Community Hall ah meeting om hi’n gen uhi. Huai ah Md. Rahimuddin, Ex- Secy., Social Welfare of Erong Khunou Youth Development Union in Erong Khuman khaw mipi adia hinna lampi omsun lei hi a, market banah khaw nai pente leh Imphal khawpi tawh kizopna lampi omsun ahi. Nungei Meitei leh Nungei Pangal-te buaina hunlem chang a la pawlkhat te’n nam thu tawh kisai a buaina om ding deihna a lei a halsiat sawm uh vangsiat huai a, 18th century apan Muslim community leh nam tuamtuam kituak tak in tengkhawm mahle uh nam tawh kisai a kituah louhna khang tou zel in, thubuai om teng a lei halsiat sawm in khaw 2 kalah kituah louhna lianpi tung ding dinmun a om gige in om sek hi. Hiai tawh kisai in thuneite’n akinlam in Thoubal Nungai thubuai beisak ding in ngetna bawl  uhi.

Haochong ah Public meeting

Imphal, Dec-21: IGAR(S) thusuak in Loktak Brigade nuai a Noney Bn-te saina in Haochong Village Community Hall ah ‘Public Meeting’ om a, huai hun ah security tawh kisai a thu tuamtuam banah khaw bitna ding tawh kisai ngenteltak a genkhawmna om hi’n gen uhi. Huai hun ah Village Chairman, Secretary, Authority Member leh khaw mipi banah Youth Club leh Student Union a President leh Secretary te’n uap uh a,  Noney Bn a Post Commander thugen tawh kisai in Village Chairman leh khaw mite’n kipahthu gen uhi.

CC Meet :

FC Zalen in NEROCA FC zoulou

AMFA saina a Imphal Khuman Lampak Main Stadium a 60th Sir Churachand Singh, KCSI, CBE Memorial Football Tournament, 2016 2nd semi-final match kimawlna tuni a om ah Sadar Hills club FC Zalen leh 2016 Durand Cup finalist NEROCA FC kimawl ua, tua ah NEROCA FC in 2-0 a zou in final lut uhi. Hiai match ah NEROCA FC apan Ajiogu Chenedu Emmanuel in goal nih khum in FC Zalen ten goal khum zoulou in NEROCA te 2-0 a vualzou in final lut uhi. Emmanuel in half ma minute 31 in goal masa khum a, tua zawh half nung minute 71 in khat khum nawn hi. Hun beikuan minute 87 in FC Zalen striker Seikhohao Tuboi in yellow card mu hi. Quarter-final a Tuboi in hat-trick mu in FC Zalen semi-final lutpih mahleh semi-final ah NEROCA zou in puaknathuaitak in vuallel uhi. Tua tawh kiton in CC Meet final ah NEROCA leh ARC, Shillong te hongtung ding Dec. 23, 2016 in kimawl ding uhi. 

Sector Officer-te adi’n training om ding

Imphal, Dec-21: 11th State Assembly Election 2017 adia Imphal West District a Sector Officer guang a omte a ding in tuni zinglam dak 11:30 in Imphal West Office a DC Court room ah ‘Hands on EVMs & VVPAT’ tawh kisai in training programme om hi.

Mary Kom in AIBA legends award sang

Indian boxer MC Mary Kom kiangah AIBA in legends award pia uhi. AIBA in tuni in Mntreux a Swiss City mun ah 70th Anniversary hun zatna nei ua, tua hun in AIBA Legends award kichi a bawlkhiak uh MC Mary Kom kiangah pia uhi. Hiai bang award AIBA in kum thak maituah ding tawh kiton a piak ziakun Mary Kom kipak petmah a, nuamtak a kum thak maituah thei ding hidan in gen hi. Mary Kom in boxing khawlsan nuam nailou a, maban a 2018 Commonwealth Games, 2020 Tokyo Oympic games te mitsuan lai hi. Mary Kom in AIBA legends award sang ding a kuan dek lai in boxing ka khawlsan naikei ding a, Delhi a IG Stadium a National Camp om ah ka kihel ding, chi hi. Kum 3/4  bang hattak a  kihel thei lai ka hi, chi kawm in 2020 Tokyo Olympic a 48kg category aom a leh medal lak teitei ka sawm ahi, chi’n gen hi. Kum 33 mi MAary Kom in boxing ka khawlsan ma a, India ading a medal bangzahhiam bek lak ka utlai a, huaiziakin Delhi a National camp ah ka lut ding, chi hi. Parliament session ziakin National Camp ah ka kihel theikei a, Tokyo Olympic ah numei boxing ah 48kg omsakna ding a panlak hi a, huai dingin AIBA inleng naktak in panla hi. Numei boxing minthang deuhdeuh din kilang a, tua banah Boxing Academy tungtawn a champion tamsem omsak ka tup ahi, chi hi. Academy a honglutte mizawng leh genthei sungkuan a kipan ngen hi ua,  huaiziakin amauten medal  alak ua leh India tel a  mi tamtak adia phatuam ding hidan in gen hi. AIBA 70 anniversay hun in Vikas Krishan in Best Boxer trophy sang hi.

TUNI THUPI:

 “Huai lai biala saltanna akipan omlaite gimthuakna thupi thuak leh simmawh in a om uh: Jerusalem kulhbangte leng a chim a, huai a kongpite leng meiin a kang, a chi ua.”

 – Nehemia 1:3

EDITORIAL:

Manipur…Oh Manipur!

Manipur ah tulai in communal tension sang mahmah a, tua ziakin mobile internet line teng suktan in om a, ahoihna tan om mahleh a thuaktu mipi ki hi veve zel hi. Sum thu ah haksatna gen vuallouh i tuahlai un leng a thuaktu migenthei leh zawngte ahi hi. Tu in facebook leh internet tungtawna kizang mah Whatsapp, Hike, Viber, Imo leh a dangdang block ahihziakin Manipur state buai mahmah a, bank–te tanpha ah transaction paitheilou in om a, internet banking/core banking a sukbuai chiangin Christmas kuan a neih sunsun sum tamlou lakhe ut mizawngte’ adingin gen vuallouh haksatna tung hi.

Hibang thubuai-labuai a tam vengvung lai in Chief Minister Ibobi Singh in inauguration program hahbawl mahmah a, mun tuamtuam a project kibawlthak ban hon hi. Amah mawsa ihikei a, ahihziakin, inn gua hahlou-gamgua hah a suahkhak ding thil lauhuai mahmah ahi hi. State a dan leh thupiak dinmun banah economic blockade lakkhiak ahihtheihna dingin pan honla masa henla, huai kawm in state sungah issue gol taktak omte hon suveng phot leh chih ngaihdan nei mi tamtak om hi. District tuamtuam a bawlthak tawh kisai in demna nasatak om mahleh developmental aspect ahihziakin kipahpih huai chi photni, himahleh, mipi ann ngawl a om theilou ahihziakin niteng poimawh tuamtuam hongtun theihna ding lampi asial kisam hi.

Gentam a phading hileh a zia om ding a, nawhna (pressure) tawh kisai in Civil society organisation (CSO) tuamtuam apan nawhna husa bel zatam mahmah dingin gintakhuai a, himahleh, maban a akalsuan dingdan thei bunlou leng zaw hikha maithei hi. Ahihziakin, cabinet in sautak muban ngaihtuahna tuamtuam petheite apan ‘idea leh comment’ alak uh poimawh mahmah hi. Government abuaisiat ziak hia chih theikhang, tu in Goodwill mission tanpha kiphuanta in hiai ah singtangmi leh phaijangmi kila khawm ua, kalsuan sawm hita uhi. Goodwill Mission-te’n poimawhna liantak nei ding uh a, tulel dinmun in UCM/AMUCO/UNC ahihkeileh state government apan palaite table khat ah tuthei ding dinmun ah omlou himhim uh bang hi.

State Assembly Election a ni ani in hong nai hiaihiai a, huai kawmin anti-corruption movement leng hong hat semsem ding chihna ahi hi. Manipur kia hilou in Indian sub-continent telin leitung pumpi ah nekguk-takguk doudalna hong thupi semsem dinga, hinna phala nekguk-takgukna sualngam ding mihing kibehlap ahihdan politician leh politician hong hidingte’ adin theih poimawh hi. Sum note sihsakna vai ah mi nautang adingin Modi in gentheihna hon bawl abatna ton om mahleh, ataktak in apaukhelou a daidide mi hausa hunkhop leng buai mahmah ding un gintakhuai a, huaikalah, Manipur state ah sum note sihsak ahihnung a bank tungtawn a sum ki-deposit lut crore a sim senglouh phialin tam a, Lamka a bank tuamtuam a sum ki-deposit lut leng duaisan lou hial hi. Eilawi zawng mahle hangleng, midangte ana hausa mahmah uh ahi chih tutung in theihtheihin om a, Oh Lamka, Oh Manipur chih ut huai a, hon lungphawngsak mahmah hi.

Huchi bang kalah, upa lamte’n agen uh ‘Numeite’n pak (flower) abuaipih luat chiangun galpi om nuam’ chi uhi. Kum paisa bangloutakin tukum in numeite’n pak hon buaipih law ngut uh a, pak man dingin a sang asang a sim sum hon seng uh a, inn chih phial ah pak tun zehzuah in om hi. Kumteng in a pak buaipih khat le nih ki-om mahleh tukum a numeite a hichi lunglut mawk un gen nei ding in gintakhuai mahmah a, upa lamte’ thugen pen pawng nelhsiah theih hilou a, gal leh haksatna hongtung ding tawh kisai a hilhlawkna chikhat a chih uh hong dik ding a de aw chih theihin om hi. Tulel a ithil tuah tuamtuamte uh gengen ngailou in kuapeuhin i thei uh a, nam khat leh namkhat kalah kisattuahna leh tualgal thupitak piangtheilel dinmun ah omlel hi.

Eisung a kineksiatna ‘corruption, impunity, despotism, nepotism, factionalism, tribalism, individualism ahihkeileh adangdang’ tampitak om hi. Khat leh khat kimawhsa tuah, pangpalek banga tungnung kituhna in i gam ah vaihawm lel hi. A pau zouzou vualzou, a dai didet-e vuallel chih khawng i khawvel paidan uh hita a, lungdonhuai mahmah hi. Government lah khauhpai deuhdeuh, dottuak (stake holders) te thuzak chih lah om nawnlou, ut ledah a vaihawm ngen hita, mipi’n lah government thulak nawnlou, government in lah tuabang in mipi thulak nawn tuanlou chih theih hita hi. Thu poimawh mahmah tungtawna thutanna lak ding ahihleh mipi lam apan ngaihdan (consensus) genkhawm hinawnlou a, kol (loose) tak a kipua ihita uh a, democratic country diktak a kipua le ihi kha maithei, ahihziakin huai in hoihna sangin siatna tunzaw sek hi.

Mipi’ thangpaihna (public anger ahihkeileh outrage) kichi bel om phutphut thei hi. Himahleh, Manipur a tuhun Christmas kuan banah election kuan chitchiat a hong om pen state government ading inleng vangtahhuai mahmah a, a sungthu ah banghiam a kiphumgu gil mahmah khat om ngei dingin gintak huai hi. BJP in lah term thak ah thuneihna lak teitei sawm, Congress in lah a thuneihna uh khahsuah sawm tuanlou, lah, dan leh thupiak kembit zoutuan lou uh hi’n muhtheih a, centre government khut ah kinga mahmah uhi. UNC telin phaijangmi hitaleh pawl tamtakin centre government kiangah President Rule koihdingin phu uh a, centre government in bang vai honsat ding ua; Centre a vaihawmna len BJP makaih NDA solkar in bel PR a om ding poisalou ding uh a, ‘Gawt kawma hawidan’ i chih pian deuhin Manipur mipi uinou tahtuah a hon tattuah phot maimai uh adiam chihtheih in om hi. Centre govt in a ut leh dan leh thupiak enkol zoulou chi’n PR hon koihthei uh a, himahleh, akoih ua leleng Congress in majority command mahmah uh ahihman in Arunachal Pradesh state hong bang maimah diam chih kal leng om zel hi.