[Breaking] YPA Khominthang in Khuptinpau mankhia

Young Paite Association (YPA) Khominthang unit in, tuzing kal dak 5 vel in Khominthang leh V Munhoih kikal a inn khat a meihol guk sawmlai pasal khat mankhia uhi. Matkhiak a om ahihleh, Mr Khuptinpau (21) s/o (L) Ginkhankhual of T Khajang, Singngat Sub Division hi a, ama kipuan dan in, tuzing sang dak 5 vel in a lawmte Thathang of Mualsan leh Rick of D Phailian toh kithuah in Rengkai apan Khominthang tawn a hongpai phei in, lampi a hongpaina uah inn khat a meihol kikoih a muh tak ua gukding a enlah in gu uh hin gen hi. Inn neinun leng a thawm uh theisim ahihman in kongpua a va etleh a Hol bag khat kim nawnlou ahihdan mu in a etzui leh a sakdeuh ah mu in kikou zak a,
mipi kipun khawm in Khuptinpau mankhe mahle uh, a lawm nihte bel taisuah man uh hi. YPA Khominthang in thuhhilhna hoihtak a neihkhit nung in, Bungmual a om hidan a a kigen ziak in YPA Bungmual Unit khut ah pekhe mahle uh, Bungmual a omlou himhim ahihdan theihsuah nung in, Bungmual YPA in gu nawnlou dia kichiam sak in khahkhia uhi. Khuptinpau ahihleh, khamtheih hih zongsang ahihban ah, zan zek in leng thingkangphai YMA in zongtah a guk ziak in ana man ngeita uhi.

Photo & Reported by YPA Khominthang Unit