Lamka-Sugnu road black-topped hita ding

January 24, 2014 zinglam in Sangaikot TD Block nuaia Songpeh khua a SSA Hall ah ‘Songpeh Youth Club(SYC) 40th Anniversary & Anniversary Stone Inauguration’ programme om a,  Chief Guest in Ginsuanhau, MLA(Singngat), Functional president in Hauneihkam Gangte, Chief of G. Luihoimuolcham leh Guest of Honour in Tongngam Haokip, Chief of T. Bongpijang pang uh a, Tongkai Baite, MDC(Sangaikot) leh makai tuamtuam in uap uhi. Chief Guest in Anniversary suang hongkhia hi. Ginsuanhau, MLA in athugenna
ah, khawsung khat  a kituahna omsaktu pen biakna leh saptuam hi a, saptuam pawl tuamtuam a omna ah kituahna taktak omtheilou chi hi. Tua ziakin saptuam te’n kituak taka om dingin leh khawsung chidamna dinga  panla dingin leng ngen hi.

 
Khawsung mite’ ading Prayer hall  leh Waiting Shed bawlsak dingin chiam a, Sangaikot leh Sugnu road pen March-April vel a blacktopping kibawl ding ahihdan leng gen hi. Sangaikot bial a leivuk khu omte hihbei ut mahmah hi’n leng gen hi.Chief Guest in agenzelna ah Sangaikot a 11KV Power Station pen March 2014 tan a honkhiak teitei hiding chi a, Sangaikot BDO Office leng SDO office hipah ta ding chi a, tua ziakin Police station toh thil 3 honkhiak hiding chi hi.Mipi kipahna bel lampi , tuinek leh meivak ahihdan leng MLA in gen a, hausate ading Puansan leh SYC ading Football 10 tuak puak hi.