Tuithaphai Presbytery Saptuam nuai a Sunday School sinsak tute ading in tuni sunma dak 11:00 apan in Presbyterian Kohran Biak Inn Lamka IB Road ah naupangte sinsak ding dan training neih uhi. Hiai training neih hunsung in Upa Lalchuanawma leh Tualsung Upa Lallhuna te resource person apang in sinsakna pia uhi. Hiai hun ah Lamka, Saikot, Kawnpui leh Phai Bial apan sinsak tu tamtak tel uhi.
---------------------------------------
Hong tung ding January 26, 2014 chiang in Lamka Public Ground ah
Republic Day lopna neih ding toh kisai in Parade Contingent a telding te'n tuni zingkal dak 8:00 in Lamka Public Ground ah rehearshal nei uhi. Parade commander in JK Suan Guite Asst. Commandant 1st IRB pang a, parade contingent 35 kihel uhi.
Reahearshal ahih leh zingchiang in leng sunzom nawn ding ua, zingchiang a rehearshal neih ding pe'n final rehearshal hiding hi. Republic Day neih hun ah Jacintha Lazarus IAS DC/CCpur khuallian apang in Rastrya Salute la dinga, tua ban ah India Flag kaih palhna leng nei ding hi.
Republic Day lopna neih ding toh kisai in Parade Contingent a telding te'n tuni zingkal dak 8:00 in Lamka Public Ground ah rehearshal nei uhi. Parade commander in JK Suan Guite Asst. Commandant 1st IRB pang a, parade contingent 35 kihel uhi.
Reahearshal ahih leh zingchiang in leng sunzom nawn ding ua, zingchiang a rehearshal neih ding pe'n final rehearshal hiding hi. Republic Day neih hun ah Jacintha Lazarus IAS DC/CCpur khuallian apang in Rastrya Salute la dinga, tua ban ah India Flag kaih palhna leng nei ding hi.
---------------------------------------
Rayburn College in tuni sunma dak 10:00 apan in Rayburn Chapel ah tukum a class XII exam ding te thumsakna leh Baccalaureate - 2014 zatna nei uhi. Tuni a thumsakna hun ah Khen P. Tombing in student te ding in hasotna thugenna aneih ban ah class XII student ading in vualzawlna thumsakna nei hi. Thumsakna hun zat zoh in a college huang sung mah ah student te'n a 18 veina Baccalaureate zatna nei ua, tua hun ah Best Student Award hawm khiakna leh Annual Prize Distribution zatna nei uhi.
---------------------------------------
People in Advance Social Service (PASS) saina leh DDRC/PASS/ALIMCO/ONGC te panpihna in tuni sunnung dak 1:00 in PK Mung tenna inn Church Road Vengnuam New Lamka ah disable person te kiang ah panpihna chi tuamtuam piak khiakna neih in om hi. Hiai hun ah Smt A. Umarani Devi, District Social Welfare Officer, CCpur leh Asim Qamar P&C Engeneer ALIMCO te'n uap in panpihna te piak khiakna nei uhi. Panpihna van piak khiaka omte ahih leh Hearing Aid - 56, Wheel Chair - 8, Tricycle - 3 Walking stick leh Crutch bang zah hiam tel hi.
---------------------------------------
Zan zingkal a electric in a matlup Khuptawnminlian @ Lianboi Khaute (47) s/o (L) Khaizasong of Red Cross Road sihna toh kisai in zan sunnung in electric department te toh ZSF leh Zillai te'n kihouna nei mah leh uh thutanna abawl theih lou ziak un siluang a sung kuan te'n la nuam louh ua, tuzan District Hospital Morgue ah siluang koih in omlai hi. Hiai thu toh kisai mah in Chief Minister O. Ibobi Singh in kihouna ding ZSF makai te leh Zillai makai te asap toh kiton tuni in ZSF leh Zillai makai te'n CM Chamber ah kihouna nei uhi. Hiai thu gelh ahih tan in bang tan a kihouna nei uh hiam chih bang mah theih hinai lou hi.
---------------------------------------
Horticulture Deparment apan lai hong kimu in a tak lat dan in haichi tui piakna ding drip irrigation 2013-14 beneficiaries apang nuam te''n ki getna lai January 30, 2014 tan in District Horticulture Officer CCpur kiang ah piak lut theih dinga, tua ban ah thuchiam kim zaw thei nuam te'n District Horticulture Office Tuibuang ah kan chet theih ding hi.
---------------------------------------
No comments:
Post a Comment