Bungmual mipi'n tuinek laklutna Lanva a Intake Point hahsiang

LAMKA, April-2 (PhualvaTimes) : Lamka mipite kingakna bulpi Lanva lui a Intake point ah tuni'n Bungmual khawsung a mi phatuamngai tamkhop te paikhawm in Social Work nei uhi. Hiai hunah mipi paikhawm te'n tui kholkhawmna Tanky hahsiang uh a, tui hoihtak a
aluanlut theihna ding in akim-le-kiang hahsiang uhi. Lamka khawpi sung ah tui haksat hun hong tung nawn pah ding in kilang a, vuahzuk louh sung, khaal lai in Bungmual tanky apan tui supply te'n khawpi sung a zuakkhiak ding vala zel in, tui haksa tamtak adi'n kingakna pipen suak hi.