LAMKA, April-2 (PhualvaTimes) : Tulai in Lamka khawpi sung ah lungphawng taktak thiltung, akizom in zak ding om tou zel a, tuni zinglam a Bomb tawh kisai mipi patau tak a, a omnung un, tunitakin New Lamka (G) a Hotel Venus sung ah Phaizangmi,numei khat sisa in kinusia hi. Thuthang kizadan in, Hotel Venus a om ding a room latute numei leh pasal kopkhat in hun bangtan hiam azat nung un, nitak khawmui kuan in, pasal pa pawtkhia a, a omna room uh chabi kalh hi. Huainung sawtlou in Police bangzah hiam Hotel ah valut uh a, tua room va naih in, misiluang va mukhia uhi.
Pasal pa'n Police a thil omdan zasak hiding inleng kigen hi. Mi 2 te Moirang lamte hi'n gen ua, Police te'n siluang vala uhi. Thiltung tawh kisai Venus Hotel leh Lamka a Hotel te a thiltung masa pawl hiding in gen uh a, mi tamtak lungsim ah Hotel a sisa a kinutsiat tungtang thangpaihna om hi'n Social Media houlimnate ah muhtheih a, thiltung deih huailou hi'n leng tamtak in ngaihdan gen uhi.
