LAMKA, April-19 (PhualvaTimes): Lamka leh Zomite lak adia tumging siam a minthang, Thang Za Khup Buansing @ Kway Khine pianchampha 40veina ah Zaideih Studio leh Western Music Learning Centre hongkhia uhi. Rev. Dr. Sut Khan Thang, Executive Secretary, CBA in ahonkhiak zawh in Pathian kiang ah latna nei a, mun tuamtuam akipan mi tamkhop in hiai hun uap uhi. April 19, 2016 ni'n Bijang Family Lane a Bethany Christian College huangsung ah Kyaw Khine in abawl Zaideih Studio leh Music zilna ding honkhiak hun ah Chief Guest in T. Thangthuam, President, Zogam Artistes Association (ZAA) pang a, muntuam tuam akipan lasiam tamtak kihel uhi.
Inntek lam apan Dr. B. Mung, Principal, Bethany Christian College banah Chief Guest T. Thangthuam, President, ZAA leh huai hun a kihel tuamtuam te'n thugenna nei in hanthawnna leh deihsakna thute gen uhi.
Hiai studio ading Instrument hoih theipen zat a om hi'n kigen a, studio neitu Kyaw Khine in Music tawh kisai a sum amuhkhiakte zang a alei hi a, studio mun ding asungh nu Mrs. Hathoih Buansing in apiak hi'n leng kigen hi.
Kyaw Khine ahihleh Lamka a dia Music tumsiam a minthang pen pawl hi a, tunitan in Album tuamtuam ah amah bawl Music tamtak zat in om ta hi.
Zaideih Studio a Recording bawl ut te'n bawltheihta hi'n leng kigen a, Western Music zil nuam te'n leng Bethany Christian College huansung a Zaideih mun ah va kanchet theih ding hi.
CLICK TO ENLARGE PHOTOS
No comments:
Post a Comment