JAC against Anti Tribal Bills in 250 ni’n mipi theih di'n thusuah bawl
Lamka, May-7: Anti-Tribal
Bill 3 tawh kisai a Tribal Movement ni 250 chin hun ah JAC CCpur in
tuni’n mipi theih ding thusuah bawl uh a, Manipur Govt. in singtangmite
puakgikte saifel utlou a anawlkhin lai ziakun martyr 9te vuilouh
in omlai uh chi uhi. JCILPS pawlin Manipur pumpi a dakkal 42 Public Curfew apuan uah Manipur a 90% te Tribal area ahihman in buai phalou hi’n leng taklang uh a, Manipur govt. ah muanna nei nawnlou uh hi’n leng taklang uhi. Ni 250 tan a Bill 3te zukkik ahihlouh ziakin singtangmite lakah lungkimlouhna ziaka thiltung banghiam om leh Manipur Govt. leh Union Govt. in mawhpaw ding uh a, Manipur singtangmite nelhsiah tak a govt. panlaknate, international community inleng theihpih ahihdan puang kawm in, Tribal Movement leh JAC in mipi gupna tawh a thiltup uh leh anget-te uh lawhchin masiah khawllou a mailam nawt zel ding hi’n taklang uhi.
HEADLINES:
Parrikar in Agusta Westland enzui ahihdan gen
“PM Modi in Sonia Gandhi aman ngamkei”- Kejriwal
New Delhi, May-7: Lok Sabha session pailel ah zan Union Defence Minister Parrikar in AgustaWestland Chopper deal scam tawh kisai member-te’ mai ah genna nei in, amahmah in leng hiai suizuina etkaipih ahihdan gen a, member-te pataulou ding leh hiai nekgukna tawh kisai nikhat tei phoulak hi ngeingei ding ahi chi hi. Hibangkalah, Delhi Chief Minister in hiai thu tawh kisai Prime Minister Narendra Modi mawhsakthu gen in “Modi in Sonia Gandhi a man ngamkei” chi hi.
Italian Court of Appeals, Milan in Agusta Westland Helicopter deal tungtang sianglou mah ahihdan apuankhiak apan hiai thu sousang mahmah a, tuni in Lok Sabha ah dotna tam mahmah hi. Union Defence Minister Manohar Parrikar in agenna ah, investigation hoihtakin apailel a, Italian Court in min ataklat khenkhat-te telin suizuina hoihtakin om a, aneupen apan alianpen tan in akigolhkha peuhmah atung uah dan in vaihawm veve ding ahi chi hi. CBI leh Enforcement Directorate in suizuina aneih uh muanhuai huntawk a, amah mah in leng etkaipih ahihdan taklang hi. Member te’n ahihleh thil suizuina tawh kisai Supreme Court in etkaipih hen chi uh a, himahleh, Defence Minister in SC in a etkaipih poimawh tadihlou ahi chi hi. BJP makaih NDA in 2014 apan vaihawmna aletnung un hiai thubuai tawh kisai action bangtan kilata hiam chihtel in dotna tamtak lut a, opposition Congress member-te lungkimlou in innpi pawtkhiaksan uhi.
Delhi Chief Minister Arvind Kejriwal in ahihleh hiai ‘scam’ tawh kisai in Modi government leh Congress Party mawhpaih tuak mahmah ahihdan gen a, AgustaWestland chopper tawh kisai gamsung kimawlpih ahi uh chi hi. Bangziaka PM Modi in Congress Chief Sonia Gandhi hichi lauh lawmlawm ahia, man leng aman ngamkei chi hi. Tua ziakin nekguk-takgukna tawh kisai in party 2-te (BJP leh Congress) aki thutuak mahmah uh chih a chiang chi hi. BJP government in chopper scam thu ah Sonia Gandhi aman keiding uh chih chiang a, huai kawmkawm in Congress inleng Modi's educational qualification tungtang parliament ah dotna abawlkei ding uh chih chiangnawn a, tua ziakin akibang tuaktuak uh a, kihoulem uh ahihdan theihtheih ahi chi hi. Italian Court in Congress leader Sonia Gandhi, Ahmed Patel banah party leader tuamtuam banah officer hunkhop min loukhe mahle uh hiai thu ah BJP adaai chi’n leng Kejriwal in genbeh hi.
LOCAL NEWS:Missionary Day zat in om
Lamka, May-7: Manipur simlam (southern) bial a Christian missionary leh Christian sahkhua honglut kum 106 chin theihgigena in Lamka khawpi sung mun tuamtuam a saptuam te’n tuni’n Missionary Day zang uhi. Saptuam khenkhat ah Manipur simlam (southern) biala Christian missionary leh Christian sahkhua honglut dan, Christian sahkhua in khawtang, economics akhekdan thu gen uhi. Saptuam khenkhat te’n Missionary Day lopna in biakinn kaitawp in singpi (tea) dawnkhawm uhi.
BCD Heutu te’n Children Ward veh uh
Lamka, May-7: Vengnuam South, New Lamka a EBCC Pethuel Pastor K. Pumsuanthang makaih in Local Chairman, Secy. Saptuam upa bangzahhiam banah Baptist Children Deptt. (BCD) heutute’n tuzing dak 6:30 in Missionary Day theihgige nang in Dist. Hospital a Children Ward ah naupang damloute veh uhi. Huai ah Pastor, Local Chairman, Secy te’n room tuamtuam a naupang damlou omte Pathian kiangah thumsak uh a, damlou mi 20 valte kiang envelop in Rs.100 chiat pia uhi.
KZP Education Foundation Donors meet
Lamka, May-7: Simveng a Simte Inn ah tuni sunnung dak 12:30 in Khangthah Zuun Pawl (KZP) Education Foundation saina in Donors meet om a, Simte Tribe sung a makai tuamtuam te’n uap uhi. KZP Education Foundation te’n report apiakna uah kum 2013 in Award mi 13 kiangah kipia a, 2014 in mi 14 leh 2015 in mi 22 kiangah kipekhia hi. Award kia ah leng kum 1 sung in Rs.54,900 beizou hi’n gen uh a, program sung in ‘KZP Education Foundation hun paisa, tuhun leh maban ding’ chih pansan in houlimna nei uhi. Th Thangkhalal, Program co-ordinator, Tata Cornell Agriculture and Nutrition Initiative (TCi) inleng uap in thugenna nei hi. Kum 2016-2018 sung KZP GHQ makai thak-te leh alui te’n charge kipiakna nei uh a, President- H. Doumuanthang Simte, Vice President (Internal)- Th. Thonglunthang Simte, Vice President (External)-H. Hangminlun Simte; Secretary-S. Soimuansiam, Asst. Secretary- T. Pausianlal Simte; Finance-cum-Treasurer: H. Thangkhansuan Simte hi uhi.
HPC (D) in khamtheih laklut leh zuak kham
Lamka, May-7: JL Hmar, Town Commander, Hmar People’s Convention (D) thusuak dungzui in HPC(D) operation area ah May 7, 2016 apat khamtheih (drugs) laklut leh zuak kham hi’n puang a, HPC (D) thusuak zahtaklou a, khamtheih zuak teitei om leh action lak hiding a, kuamah khase theilou ding hi’n puang hi. Khamtheih zuak teitei om a, atung ah thil banghiam atun leh mimal in mawh kipuak ding hi’n leng taklang hi.
KZP CCpur College Unit election
Lamka, May-7: Khangthah Zuun Pawl (KZP) CCpur College Unit office ah tuni’n kum 2016-2017 sung makai ding election nei uh a, President in Th.Tunmuanlal Simte telching uhi. Vice President- Miss Chingneihoih, Secretary- H.Lamkhanlal, Finance-cum-Treasurer- Melody Kimsangnei leh Inf. Secy-Thangboi telching uhi. Makai telching thak leh aluite’n May 14, 2016 in charge kipiakna ban ah KZP member final year te khakna, ankuang umpihna neiding uh hi’n kigen hi.
Missionary Day (May 7, 2016)
MHJU in kum paisate ah Missionary Day (May 7) ni Holiday(suty) in zang gige mahleh tukum 2016 a Holiday List ah ‘Restricted Holiday’ a koih hi a, restricted holiday bel a utte adin suty hithei, huchiloute adi’n suty hilou ahih dungzui in Manipur Express staff te’n suty zat munluat sangin chih ziakin May 7(Missionary Day) a nasep khawl tuanlou in tuni issue hong kisuah hizaw hi.
IMPHAL NEWS:
Tripura HC CJ di’n Justice T Vaiphei
Imphal, May-7: Guwahati High Court a Chief Justice (CJ) len Justice Tinlianthang Vaiphei in Tripura High Court ah Chief Justice len ding a, tunung sawtlou in India President in appointment order suahkhe ding a, kichiamna ding tawh kisai leng taklat hiding hi. Justice T Vaiphei in Chief Justice Deepak Kumar Gupta khek khe ding hi. Tripura govt. apan thusuak gendanin Justice Gupta in Chhattisgarh High Court ah CJ len ding in tunung sawtlou in Tripura pawtsan ding a, ama mun ah Tinlianthang Vaiphei om ding hi. Tinlianthang Vaiphei ahihleh Guwahati High Court adia judge senior pen hi a, March 1956 a piang in Mizoram akipan judicial officer masapen ahi. Parliament in North East Areas (Re-organisation) Act 1971 pomkipna abawl zawh 2013 akipan Tripura, Manipur leh Meghalaya in High Court tuam nei uh a, huaima in Guwahati High Court etkaina nuai ah om uhi. Tripura Bar Council leh Tripura Bar Association pawlin tuni’n Justice Gupta khakna nei uh a, State government inleng zahna pekawm in khakhe ding uhi.
I/W CDO-te’n Thangsianbiak hunkhia
Imphal, May-7: Imphal West Police Commando pawlin tuzing dak 1:00 velin Thangsianbiak, Vice president, ZYO Imphal Block & PRO Singngat MLA hunkhia uh chihthu om hi. NH-39 in atotkhak Sekmai apan km 5 vel D. Leikot ah Police Commando te’n rescue operation abawl hun un Thangsianbiak banah amah kemtu TRA leader Douthanglen Kipgen zi leh Mangcha of Langol banah midang khat mankhawm uh hi’n kigen hi. Thangsianbiak ahihleh April 26, 2016 in Imphal ah pimang in om a, TRA ten amau pimang hidan un kipuang uh a, sum tamtak demand uhi. I/W commando pawlin amaute thudot ding in kemlel uh chih kiza hi. TRA leh KNF (N-Douthanglen) leader Douthanglen Kipgen omna hilhtheite kiang ah Manipur Police Dept. in Rs. 1 lakh piak ding in zan in thusuah bawl ngeita uhi.
JCILPS in kiphinna tuamtuam patsawm
Imphal, May-7: Joint committee of Inner-Line Permit System (JCILPS) pawlin May 5 zankim apan dakkal 42 sung Manipur pumpi a Public Curfew abawl uh tunitakin beisiang a, huai hunsung in Imphal khawpi leh Imphal kawmtuahna lampite buai hi. Numei pawl leh Student-te lemsakna bang in May 8, 2016 (Sunday) apan maban panlak dingdan puankhiak hiding a, kiphinna khauhsem neih tou zel hiding in JCILPS convenor Kh Ranta in tuni’n gen hi. JCILPS leh Manipur Govt. in kilemna abawl dungzui un State Assembly in August 31, 2016 a Emergency Sitting ah Bill poimawh mahmah 3 passed uh a, July 8, 2015 in ILP ngetna a Sapam Robinhood sih ziakin 144 CrPc puan in om a, student 20 val inleng huai hunah liamna tuak uhi. Bill 3 te Act asuahlouhna ding in CCpur ah JAC phuhkhiak a om in Minister leh MLA 5 te inn hal in om hi.
KNLF in hilhchetna bawl
Imphal, May-7: Kolphe Kuki, Secy, Info & Pub., KNLF/KNO apan thusuak kimu in ataklatdan in UKLF in Chandel dist. a nam tuamtuamte thangpaisak uh a, Chandel ADC tungtang Maring, Lamkang, Aimol, Zou leh INC member te’n development om theihna ding in panla mahle uh UKLF in aguktakin Kuki hausate theihpihlouh in development thu ah agreement khat bawl uh a, huaite leng KNLF in mipi theih dia phoukhe dingin ngen uhi. UKLF in Chandel dist. sunga MLA omlou achih uh tawh kisai bang genna hiam chi’n dotna bawl a, Chandel pen Kukite luahna gam ahihbanah Khurmi gam hilou ahihdan leng theihchet dia kilawm hi’n gen a, UKLF etdan bangloutakin Chandel a tribe tuamtuam – Chote, Komrem, Khoibu-Maring, Moyon, Monshang Khongjaite, Anal leh atuamtuamte akipan kuapeuh hileh MLA achin uh leh Kuki nam adia ching ahi chi’n Kolphe Kuki in taklang hi.
Kidnap a om khahkhe di’n ngen
Imphal, May-7: Apaisa May 3 a Bongbal Village, CCpur a meltheihlouh galvantawi pawlkhat in apimang uh Khumanthem Tondonba Singh s/o Kh. Kwaklei Singh of Pukhao Naharup Awang Leikai damtak a khahkhe ding in Zillai GHQ in ngetna bawl uhi. Manipur Govt. in thiltung tawh kisai pan alaklouh uh Zillai in lamdangsa hi’n leng taklang uh a, security force te’n thiltung nelhsiah uh hi’n leng ngawhna bawl uhi. SoO nuaia om helpawlte’n amau operation area a hiaibang thiltung a omsak uh leng Zillai GHQ in lamdangsa ahihdan taklang uh a, mi pimangtute’n damtak a khahkhe pah ding in ngen uhi.
Dist. leh State Level ah EOC dinkhia
Imphal, May-7: Manipur’ Department of Relief & Disaster Management in State level leh Dist. level ah Emergency Operation Centre (EOC) dinkhia uh a, state sunga thiltung banghiam omte Central Govt. kiang a tut theihna ding hi’n gen uhi. Dept. thusuak gendanin State Disaster Response Force (SDRF) 35 leh Police Department nuaia specialist response team te’n apoimawhna munte delh thei ding uhi. SDRF personnel te’n Disaster Management tawh kisai banah search and Rescue, First Aid leh atuamtuamte National Civil Defense College, Nagpur ah zil uh a, Manipur Fire & Emergency Service te leng Disaster thiltung delh dinga koih in om uhi. DC tuamtuam kiang ah Disaster tawh kisai a Ex-gratia leh relief operation adi’n Rs. 10.10 Crore pia uhi. January 4, 2016 zingsang dak 4:35 in 6.7 magnitude a hat zinling in Manipur nawk a, mi 10 si in midang 120 liam uh a, building 3218 hihsiat in om hi.
Bandh ziakin NH-37 ah gari tailou
Imphal, May-7: Drivers Association of Tamenglong (DAT) pawlin zan nitak zankim akipan dakkal 48 sung NH-37 a bandh abawl ziakun tuni’n Imphal-Jiri & Imphal-Tamenglong lampi ah gari tailou hi. Bandh ahihleh May 8 zankim in bei ding hi. April 28 akipan Joint Forum for Transports Welfare, Tamenglong te’n kiphinna tuamtuam nei in, Tamenglong dist. HQ a Govt. office te khaksak uh a, Jiri-Tupul Railway a National project te leng khawlsak in, MLA 3 te boycott puang ngeita uhi.
Dakkal 6 sung Curfew khahkol
Imphal, May-7: Wangkhei Hijam Leirak ah May 2, 2016 akipan Imphal East District Magistrate in Curfew a puan zan in zingsang dak 6.00 akipan sunma dak 11.00 tan dakkal 5 sung khahkol(relaxed) hi a,tuni in zingsang dak 6.00 akipan sun dak 12.00 tan dakkal 6 sung khahkol in om hi.Wangkhei Hijam Leirak ah May 2,2016 in Hijam Ratan(Panthou) leh Leikai mipite kala buaina thiltung ziakin District Magistrtate in Curfew a puan ahi hi.
TUNI THUPI:
“Huan lametna a om jiakin, na kipta ding hi; ahi, amah tanchin na zong dinga, muangin na khawlta ding hi.” – Job 11:18
EDITORIAL:
AIDS Orphans Day
Tuni in leitung pumpi ah World AIDS Orphans Day kichi zatin om hi. Hiai Ni ahihleh Manipur simlambial (South District) a teng Christiante adia Ni poimawh mahmah Missionary Day tawh leng kituakkha hi. 2001 kum apanin AIDS veikha naupangte khualna leh thuakpihna dingin hiai Ni poimawh zatin om gige a, tualou in a nu-le-pate un AIDS ana veikhak ziakua amaute’n adeihtelna uh tel hetlou a tagah ana hi maimah uh poisakpihna hun a leng zatin om hi. United Nations inleng hiai thu ngaikhawk mahmah in United Nations Declaration of Commitment on HIV/AIDS bawlin om hilhial hi.
Khawvel ahihkeileh leitung pumpi’n Ni poimawh zang i chih chiangin, eilawi atelkhalou dan a ikingaihsutkhak ding uh lauhuai mahmah a, sapgam lamhiam ahihkeileh mundang deuhte i piak bawlkhak uleh thil poi mahmah hikha ding hi. Tuni a hunbi poimawh kizang bang thil ngaihnep huai hi hetlou in eilak mahmah hon sukha ahi hi. Midangte ipiak bawlkhak ding lauhuai mahmah a, HIV/AIDS ziakin ilak bangchi zahta in hon sukha a chihte ngaihsuttham mahmah hi.
I sungthu ngaihtuah taktakin enkhawm leng i chi hi. Mi gam tawh teh in eigam ah Heroine No 4 honglutna sawtlou hi. 1980s vel hidingin igingta a, tua hunin a neizou leh mi hausa tate chauhin khoihzou ua theih ahi. Hun hong paitou zekin azawng hi’n ahausa hitaleh a tate un honban khoihta uh a, tua in guta-lata hon supung mahmah hi. Huchi’n CWA kichi bang hong kiphuan in khangthakte’ hoihna ding deihna ziakin hinna phalkhop in pan honla uh a, phatuam ban mahmah in, hun hon bangtanhiam betdaih himahleh, hiai khamtheih pen betdaih vuallouh ahihdan theihtheihin om hi. Nidang a hibang a khamtheih lauhuai No 4 hon pawlut-tu kua hi mahmah ding hiam chih tulai khangthak tamtakin thei nuam mahmah uhi.
AIDS leh No 4 overdose ziakin hinna bangzah i mansuahta uh a, No 4 ziakin guta-lata bangchizah in apung a, No 4 ziakin HIV/AIDS vei bangzahta in i punlawh uh a, tua tungtawn mah in naupang bangmah thei nailou tagah in i koihta uale? Nu-le-pa’n hibang natna lauhuai tak avei ziakun khawtheilou natna hik ipaisak ta ua? Poi petmah hi. 1980s hun apan 1990s hun tanin No 4 ziakin mi tamtak i si uh a, 2000s hun tanin leng it huai taktak mi hunkhop in honna sihsan uhi. Hibang khamtheih ihih ziaka ei chauh si hileng thutuam ihi a, i zi leh i tate tagah takin i nusia a, i nutsiat thutuam hilai leh natna lauhuai mahmah veisa in i nutsiat lai a, hibang tuk a thil mulkimhuai khawvel ah om laiding hiam chih ut huai zezen hi. Naupang bangmah theilou AIDS natna hik i nutsiat pen a nusetu in i sihnung tanpha inleng a pap i pawlai diam chih ut huai zezen hi.
Pasal chauh ahikei, numeite leng i uang law mahmah uhi. Numei no 4 kikap adim in om veve hi. Akhente’n agendanun, pasalte sangin numeite a dose uh sangzaw chih hilai tel hi. Nikhat a pasalte tun 4 akikap uleh numei khenkhat bangin tun nga leng deihkhop lou chi pawl om uhi. Tun khatin Rs 50 amat leh tun 4/5 ah sangpi tunga, nasepna hun man omlou ahihmanin, a loutheilou in a niteng dose ding uh amuhna dingun guktak kichi aloutheilou mah ahi hi. Lamka khawpi sung ah guta (van tawh kisai) tamtak om a, tualak ah numei guta leng hunkhop matkhiakin omta hi.
No 4 hihte i simmawhin i pampaih chihna ahikei. Amau utna ziak liauliau a hiai khamtheih sal a kibualkha leng om in teh, himahleh, mi tamtakte amau deihtelna hi hetlou a ut leh utlouh thu genlou a hiai sal a va tangkha leng om thamding un igingta hi. Numei tamtakte ahihleh a pasalte un AIDS anutsiat khitnung uh a, lametna neinawnlou a hiai sal a valut khaleng om ding uh a, naupang hunkhopte lah a nu-le-pa te un a sisan ua hiai natna hik mah anutsiat khak ziak ua va tawmlut khaleng om ding un ngaihsuttheih hi. Nidang hunin Lamka khawpi sung mun tuamtuam ah naungek kipai omsek a, tuate leng hibang natna neikhate’ tate ahikha diam chih ut huai hi. Bangteng hileh, a nu-le-pa te un AIDS vei a tate un veilou kichi leng theitham a, tuni chiangin ART damdawi hoihtak om a, cancer natna sangin lauhuai nawnlou zaw hi. Tua ziakin, tagah-meithai in om kha mahle hang leng lametna liantak ‘circles of hope’ om mahmah hi.
Lamka, May-7: Anti-Tribal
Bill 3 tawh kisai a Tribal Movement ni 250 chin hun ah JAC CCpur in
tuni’n mipi theih ding thusuah bawl uh a, Manipur Govt. in singtangmite
puakgikte saifel utlou a anawlkhin lai ziakun martyr 9te vuilouhin omlai uh chi uhi. JCILPS pawlin Manipur pumpi a dakkal 42 Public Curfew apuan uah Manipur a 90% te Tribal area ahihman in buai phalou hi’n leng taklang uh a, Manipur govt. ah muanna nei nawnlou uh hi’n leng taklang uhi. Ni 250 tan a Bill 3te zukkik ahihlouh ziakin singtangmite lakah lungkimlouhna ziaka thiltung banghiam om leh Manipur Govt. leh Union Govt. in mawhpaw ding uh a, Manipur singtangmite nelhsiah tak a govt. panlaknate, international community inleng theihpih ahihdan puang kawm in, Tribal Movement leh JAC in mipi gupna tawh a thiltup uh leh anget-te uh lawhchin masiah khawllou a mailam nawt zel ding hi’n taklang uhi.
HEADLINES:
Parrikar in Agusta Westland enzui ahihdan gen
“PM Modi in Sonia Gandhi aman ngamkei”- Kejriwal
New Delhi, May-7: Lok Sabha session pailel ah zan Union Defence Minister Parrikar in AgustaWestland Chopper deal scam tawh kisai member-te’ mai ah genna nei in, amahmah in leng hiai suizuina etkaipih ahihdan gen a, member-te pataulou ding leh hiai nekgukna tawh kisai nikhat tei phoulak hi ngeingei ding ahi chi hi. Hibangkalah, Delhi Chief Minister in hiai thu tawh kisai Prime Minister Narendra Modi mawhsakthu gen in “Modi in Sonia Gandhi a man ngamkei” chi hi.
Italian Court of Appeals, Milan in Agusta Westland Helicopter deal tungtang sianglou mah ahihdan apuankhiak apan hiai thu sousang mahmah a, tuni in Lok Sabha ah dotna tam mahmah hi. Union Defence Minister Manohar Parrikar in agenna ah, investigation hoihtakin apailel a, Italian Court in min ataklat khenkhat-te telin suizuina hoihtakin om a, aneupen apan alianpen tan in akigolhkha peuhmah atung uah dan in vaihawm veve ding ahi chi hi. CBI leh Enforcement Directorate in suizuina aneih uh muanhuai huntawk a, amah mah in leng etkaipih ahihdan taklang hi. Member te’n ahihleh thil suizuina tawh kisai Supreme Court in etkaipih hen chi uh a, himahleh, Defence Minister in SC in a etkaipih poimawh tadihlou ahi chi hi. BJP makaih NDA in 2014 apan vaihawmna aletnung un hiai thubuai tawh kisai action bangtan kilata hiam chihtel in dotna tamtak lut a, opposition Congress member-te lungkimlou in innpi pawtkhiaksan uhi.
Delhi Chief Minister Arvind Kejriwal in ahihleh hiai ‘scam’ tawh kisai in Modi government leh Congress Party mawhpaih tuak mahmah ahihdan gen a, AgustaWestland chopper tawh kisai gamsung kimawlpih ahi uh chi hi. Bangziaka PM Modi in Congress Chief Sonia Gandhi hichi lauh lawmlawm ahia, man leng aman ngamkei chi hi. Tua ziakin nekguk-takgukna tawh kisai in party 2-te (BJP leh Congress) aki thutuak mahmah uh chih a chiang chi hi. BJP government in chopper scam thu ah Sonia Gandhi aman keiding uh chih chiang a, huai kawmkawm in Congress inleng Modi's educational qualification tungtang parliament ah dotna abawlkei ding uh chih chiangnawn a, tua ziakin akibang tuaktuak uh a, kihoulem uh ahihdan theihtheih ahi chi hi. Italian Court in Congress leader Sonia Gandhi, Ahmed Patel banah party leader tuamtuam banah officer hunkhop min loukhe mahle uh hiai thu ah BJP adaai chi’n leng Kejriwal in genbeh hi.
LOCAL NEWS:Missionary Day zat in om
Lamka, May-7: Manipur simlam (southern) bial a Christian missionary leh Christian sahkhua honglut kum 106 chin theihgigena in Lamka khawpi sung mun tuamtuam a saptuam te’n tuni’n Missionary Day zang uhi. Saptuam khenkhat ah Manipur simlam (southern) biala Christian missionary leh Christian sahkhua honglut dan, Christian sahkhua in khawtang, economics akhekdan thu gen uhi. Saptuam khenkhat te’n Missionary Day lopna in biakinn kaitawp in singpi (tea) dawnkhawm uhi.BCD Heutu te’n Children Ward veh uh
Lamka, May-7: Vengnuam South, New Lamka a EBCC Pethuel Pastor K. Pumsuanthang makaih in Local Chairman, Secy. Saptuam upa bangzahhiam banah Baptist Children Deptt. (BCD) heutute’n tuzing dak 6:30 in Missionary Day theihgige nang in Dist. Hospital a Children Ward ah naupang damloute veh uhi. Huai ah Pastor, Local Chairman, Secy te’n room tuamtuam a naupang damlou omte Pathian kiangah thumsak uh a, damlou mi 20 valte kiang envelop in Rs.100 chiat pia uhi.KZP Education Foundation Donors meet
Lamka, May-7: Simveng a Simte Inn ah tuni sunnung dak 12:30 in Khangthah Zuun Pawl (KZP) Education Foundation saina in Donors meet om a, Simte Tribe sung a makai tuamtuam te’n uap uhi. KZP Education Foundation te’n report apiakna uah kum 2013 in Award mi 13 kiangah kipia a, 2014 in mi 14 leh 2015 in mi 22 kiangah kipekhia hi. Award kia ah leng kum 1 sung in Rs.54,900 beizou hi’n gen uh a, program sung in ‘KZP Education Foundation hun paisa, tuhun leh maban ding’ chih pansan in houlimna nei uhi. Th Thangkhalal, Program co-ordinator, Tata Cornell Agriculture and Nutrition Initiative (TCi) inleng uap in thugenna nei hi. Kum 2016-2018 sung KZP GHQ makai thak-te leh alui te’n charge kipiakna nei uh a, President- H. Doumuanthang Simte, Vice President (Internal)- Th. Thonglunthang Simte, Vice President (External)-H. Hangminlun Simte; Secretary-S. Soimuansiam, Asst. Secretary- T. Pausianlal Simte; Finance-cum-Treasurer: H. Thangkhansuan Simte hi uhi.
HPC (D) in khamtheih laklut leh zuak kham
Lamka, May-7: JL Hmar, Town Commander, Hmar People’s Convention (D) thusuak dungzui in HPC(D) operation area ah May 7, 2016 apat khamtheih (drugs) laklut leh zuak kham hi’n puang a, HPC (D) thusuak zahtaklou a, khamtheih zuak teitei om leh action lak hiding a, kuamah khase theilou ding hi’n puang hi. Khamtheih zuak teitei om a, atung ah thil banghiam atun leh mimal in mawh kipuak ding hi’n leng taklang hi.
KZP CCpur College Unit election
Lamka, May-7: Khangthah Zuun Pawl (KZP) CCpur College Unit office ah tuni’n kum 2016-2017 sung makai ding election nei uh a, President in Th.Tunmuanlal Simte telching uhi. Vice President- Miss Chingneihoih, Secretary- H.Lamkhanlal, Finance-cum-Treasurer- Melody Kimsangnei leh Inf. Secy-Thangboi telching uhi. Makai telching thak leh aluite’n May 14, 2016 in charge kipiakna ban ah KZP member final year te khakna, ankuang umpihna neiding uh hi’n kigen hi.
Missionary Day (May 7, 2016)
MHJU in kum paisate ah Missionary Day (May 7) ni Holiday(suty) in zang gige mahleh tukum 2016 a Holiday List ah ‘Restricted Holiday’ a koih hi a, restricted holiday bel a utte adin suty hithei, huchiloute adi’n suty hilou ahih dungzui in Manipur Express staff te’n suty zat munluat sangin chih ziakin May 7(Missionary Day) a nasep khawl tuanlou in tuni issue hong kisuah hizaw hi.
IMPHAL NEWS:
Tripura HC CJ di’n Justice T Vaiphei
Imphal, May-7: Guwahati High Court a Chief Justice (CJ) len Justice Tinlianthang Vaiphei in Tripura High Court ah Chief Justice len ding a, tunung sawtlou in India President in appointment order suahkhe ding a, kichiamna ding tawh kisai leng taklat hiding hi. Justice T Vaiphei in Chief Justice Deepak Kumar Gupta khek khe ding hi. Tripura govt. apan thusuak gendanin Justice Gupta in Chhattisgarh High Court ah CJ len ding in tunung sawtlou in Tripura pawtsan ding a, ama mun ah Tinlianthang Vaiphei om ding hi. Tinlianthang Vaiphei ahihleh Guwahati High Court adia judge senior pen hi a, March 1956 a piang in Mizoram akipan judicial officer masapen ahi. Parliament in North East Areas (Re-organisation) Act 1971 pomkipna abawl zawh 2013 akipan Tripura, Manipur leh Meghalaya in High Court tuam nei uh a, huaima in Guwahati High Court etkaina nuai ah om uhi. Tripura Bar Council leh Tripura Bar Association pawlin tuni’n Justice Gupta khakna nei uh a, State government inleng zahna pekawm in khakhe ding uhi.
I/W CDO-te’n Thangsianbiak hunkhia
Imphal, May-7: Imphal West Police Commando pawlin tuzing dak 1:00 velin Thangsianbiak, Vice president, ZYO Imphal Block & PRO Singngat MLA hunkhia uh chihthu om hi. NH-39 in atotkhak Sekmai apan km 5 vel D. Leikot ah Police Commando te’n rescue operation abawl hun un Thangsianbiak banah amah kemtu TRA leader Douthanglen Kipgen zi leh Mangcha of Langol banah midang khat mankhawm uh hi’n kigen hi. Thangsianbiak ahihleh April 26, 2016 in Imphal ah pimang in om a, TRA ten amau pimang hidan un kipuang uh a, sum tamtak demand uhi. I/W commando pawlin amaute thudot ding in kemlel uh chih kiza hi. TRA leh KNF (N-Douthanglen) leader Douthanglen Kipgen omna hilhtheite kiang ah Manipur Police Dept. in Rs. 1 lakh piak ding in zan in thusuah bawl ngeita uhi.JCILPS in kiphinna tuamtuam patsawm
Imphal, May-7: Joint committee of Inner-Line Permit System (JCILPS) pawlin May 5 zankim apan dakkal 42 sung Manipur pumpi a Public Curfew abawl uh tunitakin beisiang a, huai hunsung in Imphal khawpi leh Imphal kawmtuahna lampite buai hi. Numei pawl leh Student-te lemsakna bang in May 8, 2016 (Sunday) apan maban panlak dingdan puankhiak hiding a, kiphinna khauhsem neih tou zel hiding in JCILPS convenor Kh Ranta in tuni’n gen hi. JCILPS leh Manipur Govt. in kilemna abawl dungzui un State Assembly in August 31, 2016 a Emergency Sitting ah Bill poimawh mahmah 3 passed uh a, July 8, 2015 in ILP ngetna a Sapam Robinhood sih ziakin 144 CrPc puan in om a, student 20 val inleng huai hunah liamna tuak uhi. Bill 3 te Act asuahlouhna ding in CCpur ah JAC phuhkhiak a om in Minister leh MLA 5 te inn hal in om hi.
KNLF in hilhchetna bawl
Imphal, May-7: Kolphe Kuki, Secy, Info & Pub., KNLF/KNO apan thusuak kimu in ataklatdan in UKLF in Chandel dist. a nam tuamtuamte thangpaisak uh a, Chandel ADC tungtang Maring, Lamkang, Aimol, Zou leh INC member te’n development om theihna ding in panla mahle uh UKLF in aguktakin Kuki hausate theihpihlouh in development thu ah agreement khat bawl uh a, huaite leng KNLF in mipi theih dia phoukhe dingin ngen uhi. UKLF in Chandel dist. sunga MLA omlou achih uh tawh kisai bang genna hiam chi’n dotna bawl a, Chandel pen Kukite luahna gam ahihbanah Khurmi gam hilou ahihdan leng theihchet dia kilawm hi’n gen a, UKLF etdan bangloutakin Chandel a tribe tuamtuam – Chote, Komrem, Khoibu-Maring, Moyon, Monshang Khongjaite, Anal leh atuamtuamte akipan kuapeuh hileh MLA achin uh leh Kuki nam adia ching ahi chi’n Kolphe Kuki in taklang hi.
Kidnap a om khahkhe di’n ngen
Imphal, May-7: Apaisa May 3 a Bongbal Village, CCpur a meltheihlouh galvantawi pawlkhat in apimang uh Khumanthem Tondonba Singh s/o Kh. Kwaklei Singh of Pukhao Naharup Awang Leikai damtak a khahkhe ding in Zillai GHQ in ngetna bawl uhi. Manipur Govt. in thiltung tawh kisai pan alaklouh uh Zillai in lamdangsa hi’n leng taklang uh a, security force te’n thiltung nelhsiah uh hi’n leng ngawhna bawl uhi. SoO nuaia om helpawlte’n amau operation area a hiaibang thiltung a omsak uh leng Zillai GHQ in lamdangsa ahihdan taklang uh a, mi pimangtute’n damtak a khahkhe pah ding in ngen uhi.
Dist. leh State Level ah EOC dinkhia
Imphal, May-7: Manipur’ Department of Relief & Disaster Management in State level leh Dist. level ah Emergency Operation Centre (EOC) dinkhia uh a, state sunga thiltung banghiam omte Central Govt. kiang a tut theihna ding hi’n gen uhi. Dept. thusuak gendanin State Disaster Response Force (SDRF) 35 leh Police Department nuaia specialist response team te’n apoimawhna munte delh thei ding uhi. SDRF personnel te’n Disaster Management tawh kisai banah search and Rescue, First Aid leh atuamtuamte National Civil Defense College, Nagpur ah zil uh a, Manipur Fire & Emergency Service te leng Disaster thiltung delh dinga koih in om uhi. DC tuamtuam kiang ah Disaster tawh kisai a Ex-gratia leh relief operation adi’n Rs. 10.10 Crore pia uhi. January 4, 2016 zingsang dak 4:35 in 6.7 magnitude a hat zinling in Manipur nawk a, mi 10 si in midang 120 liam uh a, building 3218 hihsiat in om hi.
Bandh ziakin NH-37 ah gari tailou
Imphal, May-7: Drivers Association of Tamenglong (DAT) pawlin zan nitak zankim akipan dakkal 48 sung NH-37 a bandh abawl ziakun tuni’n Imphal-Jiri & Imphal-Tamenglong lampi ah gari tailou hi. Bandh ahihleh May 8 zankim in bei ding hi. April 28 akipan Joint Forum for Transports Welfare, Tamenglong te’n kiphinna tuamtuam nei in, Tamenglong dist. HQ a Govt. office te khaksak uh a, Jiri-Tupul Railway a National project te leng khawlsak in, MLA 3 te boycott puang ngeita uhi.
Dakkal 6 sung Curfew khahkol
Imphal, May-7: Wangkhei Hijam Leirak ah May 2, 2016 akipan Imphal East District Magistrate in Curfew a puan zan in zingsang dak 6.00 akipan sunma dak 11.00 tan dakkal 5 sung khahkol(relaxed) hi a,tuni in zingsang dak 6.00 akipan sun dak 12.00 tan dakkal 6 sung khahkol in om hi.Wangkhei Hijam Leirak ah May 2,2016 in Hijam Ratan(Panthou) leh Leikai mipite kala buaina thiltung ziakin District Magistrtate in Curfew a puan ahi hi.
TUNI THUPI:
“Huan lametna a om jiakin, na kipta ding hi; ahi, amah tanchin na zong dinga, muangin na khawlta ding hi.” – Job 11:18
EDITORIAL:
AIDS Orphans Day
Tuni in leitung pumpi ah World AIDS Orphans Day kichi zatin om hi. Hiai Ni ahihleh Manipur simlambial (South District) a teng Christiante adia Ni poimawh mahmah Missionary Day tawh leng kituakkha hi. 2001 kum apanin AIDS veikha naupangte khualna leh thuakpihna dingin hiai Ni poimawh zatin om gige a, tualou in a nu-le-pate un AIDS ana veikhak ziakua amaute’n adeihtelna uh tel hetlou a tagah ana hi maimah uh poisakpihna hun a leng zatin om hi. United Nations inleng hiai thu ngaikhawk mahmah in United Nations Declaration of Commitment on HIV/AIDS bawlin om hilhial hi.
Khawvel ahihkeileh leitung pumpi’n Ni poimawh zang i chih chiangin, eilawi atelkhalou dan a ikingaihsutkhak ding uh lauhuai mahmah a, sapgam lamhiam ahihkeileh mundang deuhte i piak bawlkhak uleh thil poi mahmah hikha ding hi. Tuni a hunbi poimawh kizang bang thil ngaihnep huai hi hetlou in eilak mahmah hon sukha ahi hi. Midangte ipiak bawlkhak ding lauhuai mahmah a, HIV/AIDS ziakin ilak bangchi zahta in hon sukha a chihte ngaihsuttham mahmah hi.
I sungthu ngaihtuah taktakin enkhawm leng i chi hi. Mi gam tawh teh in eigam ah Heroine No 4 honglutna sawtlou hi. 1980s vel hidingin igingta a, tua hunin a neizou leh mi hausa tate chauhin khoihzou ua theih ahi. Hun hong paitou zekin azawng hi’n ahausa hitaleh a tate un honban khoihta uh a, tua in guta-lata hon supung mahmah hi. Huchi’n CWA kichi bang hong kiphuan in khangthakte’ hoihna ding deihna ziakin hinna phalkhop in pan honla uh a, phatuam ban mahmah in, hun hon bangtanhiam betdaih himahleh, hiai khamtheih pen betdaih vuallouh ahihdan theihtheihin om hi. Nidang a hibang a khamtheih lauhuai No 4 hon pawlut-tu kua hi mahmah ding hiam chih tulai khangthak tamtakin thei nuam mahmah uhi.
AIDS leh No 4 overdose ziakin hinna bangzah i mansuahta uh a, No 4 ziakin guta-lata bangchizah in apung a, No 4 ziakin HIV/AIDS vei bangzahta in i punlawh uh a, tua tungtawn mah in naupang bangmah thei nailou tagah in i koihta uale? Nu-le-pa’n hibang natna lauhuai tak avei ziakun khawtheilou natna hik ipaisak ta ua? Poi petmah hi. 1980s hun apan 1990s hun tanin No 4 ziakin mi tamtak i si uh a, 2000s hun tanin leng it huai taktak mi hunkhop in honna sihsan uhi. Hibang khamtheih ihih ziaka ei chauh si hileng thutuam ihi a, i zi leh i tate tagah takin i nusia a, i nutsiat thutuam hilai leh natna lauhuai mahmah veisa in i nutsiat lai a, hibang tuk a thil mulkimhuai khawvel ah om laiding hiam chih ut huai zezen hi. Naupang bangmah theilou AIDS natna hik i nutsiat pen a nusetu in i sihnung tanpha inleng a pap i pawlai diam chih ut huai zezen hi.
Pasal chauh ahikei, numeite leng i uang law mahmah uhi. Numei no 4 kikap adim in om veve hi. Akhente’n agendanun, pasalte sangin numeite a dose uh sangzaw chih hilai tel hi. Nikhat a pasalte tun 4 akikap uleh numei khenkhat bangin tun nga leng deihkhop lou chi pawl om uhi. Tun khatin Rs 50 amat leh tun 4/5 ah sangpi tunga, nasepna hun man omlou ahihmanin, a loutheilou in a niteng dose ding uh amuhna dingun guktak kichi aloutheilou mah ahi hi. Lamka khawpi sung ah guta (van tawh kisai) tamtak om a, tualak ah numei guta leng hunkhop matkhiakin omta hi.
No 4 hihte i simmawhin i pampaih chihna ahikei. Amau utna ziak liauliau a hiai khamtheih sal a kibualkha leng om in teh, himahleh, mi tamtakte amau deihtelna hi hetlou a ut leh utlouh thu genlou a hiai sal a va tangkha leng om thamding un igingta hi. Numei tamtakte ahihleh a pasalte un AIDS anutsiat khitnung uh a, lametna neinawnlou a hiai sal a valut khaleng om ding uh a, naupang hunkhopte lah a nu-le-pa te un a sisan ua hiai natna hik mah anutsiat khak ziak ua va tawmlut khaleng om ding un ngaihsuttheih hi. Nidang hunin Lamka khawpi sung mun tuamtuam ah naungek kipai omsek a, tuate leng hibang natna neikhate’ tate ahikha diam chih ut huai hi. Bangteng hileh, a nu-le-pa te un AIDS vei a tate un veilou kichi leng theitham a, tuni chiangin ART damdawi hoihtak om a, cancer natna sangin lauhuai nawnlou zaw hi. Tua ziakin, tagah-meithai in om kha mahle hang leng lametna liantak ‘circles of hope’ om mahmah hi.
No comments:
Post a Comment