Gouzamang, EM/ADCC in Excursion pai dingte khakhia
Lamka, May-8: Deptt. of Science & Technology, Manipur saina in May 8-12, 2016 sung Guwahati ah class IX student-te adia The 19th DST Science Excursion 2015-16’ om ding ah, huai atel ding a CCpur Dist. pan telkhiak-te tuzing dak 6:00 in M. Gouzamang Guite, EM/ADC in a tenna inn New Lamka ah khahkhia a, Pastor Dr. Gousuan, Local Pastor, EBCC/Khominthang in thumsak hi.
EM/ADC in agenna ah student te’n excursion hun ah athil muhsuahte ua apan atamthei pen zilkhia leh phattuam pih theihdia panla chiat ding in hanthawn a, Imphal ta’n apaiman uh sensak hi’n leng gen hi.
DST Science Excursion ah telte’n ahihleh Guwahati ah Regional Science Centre, Khanapara; Cane & Bamboo Factory, Jagi Road; Indian Institute of Technology (IIT), Guwahati; Assam State Museum leh Assam Zoological and Botanical Garden telin mun poimawh tuamtuam 16 pha in, thil tuamtuam en ding uhi. DST Science Excursion ah Manipur a Dist. 9 a school 65 apan student 2 chiat telkhiak hi uh a, Imphal East ah school 9, Imphal West ah 9,Thoubal ah 9, Bishnupur ah 8 banah CCpur, Chandel, Senapati, Tamenglong leh Ukhrul District apan school 6 chiat hi uhi. CCpur Dist apan telkhiak a om school 6-te Blue Star Academy, Sim Veng; St. Peter’s school, New Lamka; VK Tawna High, New Lamka; Ebenezer Academy, New Lamka; Manipur Boarding school, P. Gelmol leh Kangvai Sec. School, Phougakchao Ikhai hi uh a, student 2 chiat tel uhi.
HEADLINES:Congress leh BJP naktakin kikang tuahlel
Uttarakhand ah government thak dinkhiak ahiding: BJP
New Delhi, May-8: BJP thusuakin tuni a agendanin, May 10, 2016 nungin Uttarakhand state ah BJP in government thak abawlding chi uhi. Chief Minister hihna apan paihkhiaka om ding Harish Rawat in Congress MLA-te apan gupna bangmah angah nawnkei chi uh a, Sepnawnni chianga trust vote om dinga bangmahlou suah ahi ding chi uhi. Kua in Uttarakhand state ah vaihawmna lentheiding hiam chih tawh kisai in Congress leh BJP kal naktakin kikangtuah lel uh chihthu kiza hi.
BJP leader Bhagat Singh Koshyari in agenna ah, sum tungtawn a floor test ah Harish Rawat in lawhchin sawm ahihleh lawhsam dinga, thil hihkhial mahmah ding ahi chi hi. Government thak ahihleh BJP khut ah om dinga, BJP makaih government thak bawlkhiak ahiding chi hi. Bhagat Singh Koshyari in tunitaka thuthak saite kianga agenna ah, Uttarakhand a government thak dinna ding tawh kisai thubuai-labuai tampitak om mahleh, mipi deihmah government hong kitung dingkhe ding ahi chi hi.
Rawat in zahlakhuaitak in gamsung mipi ana pi a, phetlou in ama omna party mahmah dikloutakin ana pikawi in tua in amah su zahlak ding ahi chi’n Koshyari in gen hi. Koshyari bel Uttarakhand a Chief Minister-lui leng hi a, BJP Chief Amit Shah in deihsakna apiak leh Chief Minister lenthei ding dinmun ah om nawn hi. May 10, 2016 chiangin Uttarakhand state assembly ah kua party in government bawlkhethei ding uhiam chih etkhiakna neiding uh a, Congress in hatpen hihna alak ngeingei uleh Harish Rawat in Chief Minister hihna lennawn dinga, BJP in hatpen hihna alak ua leh Bhagat Singh Koshyari adingin ‘chance’ liantak om chih ahi.
LOCAL NEWS:
Nute’ Ni-cum-Dorcas Day kizang
Lamka, May-8: Lamka leh asehvel banah mun tuamtuam ah tuni’n Nute’ Ni-cum-Dorcas Day, 2016 kizang hi. Saptuam khenkhat ah BCD (Naupang pawlte’n) Nute’ kiang ah laikhak- ngaihdam ngetna, kipahthu genna leh nute’ pahtawina simkhia uh a, Naupang pawlte’n Nute’ pahtawina in biakinn kaitawp in sweet hawm uh a, Nute’ Ni-cum-Dorcas Day lopna in biakinn kaiteng in singpi/theitui dawnkhawm uhi.
Police te’n mun tuamtuam dapkual
Lamka, May-8: Meltheihlouh galvantawi mi 7 vel te’n May 3, 2016 zan dak 11:30 velin Bongbol leh Takvom khua kikal ah T.Lala Vaiphei of Lingsiphai’ nasemtute lak a JCB driver Khumanthem Tondonba Singh (23) s/o Kh. Kwaklei Singh of Pukhao Nakarup Awang Leikai, Imphal East Dist. kidnap uh a, tunitan atanchin theih hilou hi. Police te’n Kh.Tondonba Singh hutkhiat sawm in Bongbal area a khua tuamtuam dapkual in suizui mahle uh kidnap tute’n koihlak a ompih uh hiam chih theih hinailou hi. Tondonba Singh’ kidnap thu ah Police te’n FIR No. 24 (5) 2016 CCP-PS U/S 400/365/34 IPC & 25(1-C) A. Act registered uhi.
Diamond Jubilee Campaign & Motivation
Lamka, May-8: Central Church, Zou Presbyterian Church Synod (ZPCS), Zomi Colony road ah tuni sunnung dak 1:00 in Zou Presbyterian Youth Fellowship (ZPYF) Diamond Jubilee Celebration Committee (DJCC) makaih in ZPYF Diamond Jubilee Campaign & Motivation patnang kick-off program om a, Rev Khamminlian, Leader ZPYF in hongkhia hi. Huai ah H. Kapneithang, Chairman, DJCC in competition booklet leh Action Plan hong khia a, Rev Stephen Chinzathang, Executive Secy, i/c Youth, ZPCS in DJCC & ZPYF makai-te thumsakna leh hanthawnna thu gen hi. Program ah PYF Central Church, PYF Zomi Colony, PYF Lailam Veng, PYF Hiangzou, PYF New Zoveng, PYF Tuibuong, Zopa Band, John Thangsianpiang leh Ms. Chiindeikim te'n Pathian phatna la sa uh a, program zawh in Diamond Jubilee campaign & motivation na in balloon khahkhiat in om hi.
DIO in damdawi tamtak zangin panla
Lamka, May-8: Dist.Immunisation Office (DIO) a Routine Immunisation staff te'n April 2016 in naupang leh nupi naupai (pregnant women) tamtak damdawi pia in kap uh a, damdawi tamtak zang in panla uhi. Tetanus (TT) damdawi in nupi naupai 341 kap uh a, BCG (TB dalna) in naupang 310 kap uhi. Penta (khuhhip dalna) in naupang 899 kap uh a, Hepatitis damdawi in naungek piang tung 240 kap uhi. Naupang 1348 zengdalna bOPV (polio) damdawi dawnsak uh a, measles (sensi dalna) damdawi in naupang 285 kap uhi. JE natna dalna in naupang 437 kap uh a, DPT (khuhhip dalna) in naupang 307 kap uh a, Inactivated Poliovirus Vaccine (IPV) kichi Polio kapthawh naupang kum 3 leh akim 243-te kap uhi. Tetanus damdawi in naupang kum 10 leh kum 16-te mi banah Dist. Hospital a casualty ah accident ziaka kikap teng 628 pha hi.
Kikhop kalin inn 1 kiluh
Lamka, May-8: Tuni zing biakna kikhop kal in IB road a Pauliankhup Guite @ Thangvung Photo Studio kiluh a, guta te’n almirah leh dawr sung a sum omteng, Airtel, Aircel recharge na a kizang banah camera Nikon 05100 gumang uhi.
World Red Cross Day kizang
Lamka, May-8: Tuni World Red Cross Day ahihtawh kiton in Indian Red Cross Society/CCpur Branch te’n a office uh Red Cross Road, near DC’s residence ah “Everywhere for everyone” chih thupi zang in tuni sunnung dak 2:00 in program zang uhi. Huai ah Dr.VC Pau Tonsing, Vice President, IRCS/CCpur in thugenna nei a, ST Lalson, Secy. IRCS/CCpur in activities report pia hi.
SUUNNA:
Thanglur Tusing f/o Lalramsang Tusing of Rengkai in tuni nitaklam dak 4:35 velin RIMS, Imphal ah damlouhna ziak in si a, May 9, 2016 in Rengkai hanmual ah kivui ding hi.
Nemzangai m/o Lunlam of Behiang village in hunsawttak damlou a omnung tuzing dak 5:30 velin si a, nitaklam in Behiang hanmual ah kivui hi.
IMPHAL NEWS:
Congress leh BJP office luhsawm uh
Tuni'n numei pawlin Torch Rally nei
Imphal, May-8: Manipur a JCILPS pawlin “3 Bills” tungtang tunitan President in lemsakna apiaklouh thangpai in, tua Bill te abaihtheilam a paisuak sakna ding in Imphal area ah kiphinna sunzom uh a, tunitakin numei tamtakin Imphal khawpi sungah Torch rally nei uhi. Huai hunah Numei pawlin ‘Pawlam mite’n Vote aneithei kei ding uh, Manipur a hong pemlut te electoral roll apan lakkhiak ding ahi’ chi in kikou uh a, Imphal East leh Imphal West bialsung muntuam tuam ah rally om hun in numei tamtak kihel uhi.
Tunitaklam in numei tamtakin BJP Manipur Pradesh leh MPCC (Manipur Pradesh Congress Committee) office luhsawm uh a, huai hunsung in numei bangzah hiamte BJP Manipur office gate lutsuak thei uhi. Numei pawlin ahihleh JCILPS leh Bill 3 tawh kisai party nihte’n adinmun uh chiangtak puangkhe dia nawhna abawl uh ngaihsak ahihlouh ziaka lungkimlou uh hi’n kigen hi. Tuabang kalah JCILPS leh Manipur mipite thil-nget te BJP Manipur in gupna pe vek ahihdan BJP Manipur Pradesh Youth President in gen a, President in Bill 3 tawh kisai Assent(Approval) apiak theihna dia state govt. in anawh ding ahi chi in, BJP inleng support ding hi’n gen hi.
“Anti-Tribal Bills” omlou: Sr. Advocate
Imphal, May-8: Manipur Assembly in August 31, 2015 ni a, a passed uh Bill 3te “Anti-Tribal” lou hi’n Senior advocated Khaidem Mani in tunitaklam in atenna inn ah Press/Media te kimuhpih in gen a, seat 60 omna a kituaktak a passed khit ahihdungzui in singtangmite adia hoihlou thutun neilou hi’n gen hi. Hiai tawh kisai Anti-Tribal ahi chih suanlam a neite tawh Public Debate nei ut ahihdan leng gen a, mipite a kihel theihna ding uh munkhat ah Debate nei ding in akisaipihte chial hi. Bill khatpeuh community khat kalh in passed hitheilou a, Meitei, Kuki, Naga hileh khatpeuh hetkha in passed chih omlou ding chi hi.
May 20 tan a Scholarship pe di’n theisak
Imphal, May-8: Minority and Other Backward Classes (MOCB) in May 20, 2016 tan a beneficiary te Scholarship pe ngeingei ding in All Manipur Students’ Union (AMSU) pawlin tuni’n theisak uh a, kum 3 paisa a Scholarship piaklouh tungtang dept. mawhsa uhi. AMSU HQ Office, DM College Campus ah tuni’n AMSU Secretary General Manjit Sarangthem in Scholarship dinmun taklang a, 2014-15, 2015-16 leh 2013-14 a Scho khenkhat tunitan student te account a lutlou ahihdan gen a, May 20 tan a piak siang ahihkeileh kiphinna tuamtuam pan ding uh chi hi. Pre-Matric Scholarship, Post-Matric Scholarship leh Merit-cum means based Scholarship ah student pang-ngai te’n Rs. 20,000/yr vel amuhlai un OBC te’n 10,000-17,000 mu ding uh hi’n leng AMSU in taklang hi.
Agri. Dept in Scheme tuamtuam semsuah
Imphal, May-8:Manipur Govt. nuaia Agriculture Department in flagship programme leh scheme tuamtuam semsuah in state sunga agriculture sector lam ah kiningching sem a louma apan piangkhia omtheihna di’n panla ahihdan DIPR apan thusuakin gen hi. Dept. te panlakna ziakin Net Agricultural Area leng 222.51 lakh hectare apan 234.12 lakh hectare in kum 15 paisa akipan khangtou a, state sunga 10.48% te loubawlna in zat hita hi. Kum 15 paisa sungin state sunga anntang piangkhia naktakin khangtou a, 2001-02 sunga 121.61% pen 2015-16 in 151.90% in khangtou hi. Kum 15 paisa a 4,39,000 MT piangkhe sek pen tuhun in 5,97,670 MT in khangtou hi.
Assam in Karnataka zoukhia
Imphal, May-8: Bihar leh Assam in zan a kimawlna ah 2-2 a aki-draw nung uh tuni’n Assam Hockey team in 5-1 goal in Hockey Coorg (Karnataka) te zoukhia uhi. 6th Hockey India Sub- Junior Men’s National Championship 2016 Division B ahihleh Khuman Lampak hockey stadium ah tunitaklam in om nawn hi. Pool D match ah Assam apan Rahul Barma in minute 9 in goal masa khum a, amah zom in Manish Sahini leh Arun Sahini in goal 2 tuak khum nawn uhi. Hockey Coorg lam apan S Mondal in minute 27na ah goal khat khum hi. Match dang ah Madhya Pradesh in 5-3 in Gujarat zoukhia uh a, Bengal inleng 2-0 in Madhya Bharat zou uh a, Bihar in 15-0 in Citizen Hockey(Delhi) zou ua, Rajasthan inleng 4-2 in Mumbai schools sports association zou uhi. Hiai championship ah team22 kihel in May 16 tan daih ding hi.
Prashanta luang koihkhiak in om
Imphal, May-8: JNIMS Morgue a hun sawtkuamtak koih a om Sagolsem Prashanta luang tuni'n JAC lemsakna tawh koihkhiak in om a, asungkuante leh mi tuamtuam in tuzing in Prashanta luang pawkhia uhi. A tenna uh Kakwa Nameirakpam Keikai ah Prashanta haltum in om hi. JAC leh asungkuante'n post-mortem bawl dia lemsakna apiak nung un asihdan diktak suizuina paitou lai a, huai tawh kisai mah in Imphal-Moreh road in atotkhak Kakwa area ah ni 2 sung Total Blockade om in thudik zonkhiakma sunzom ding uh hi'n JAC pawlin gen uhi.
Pitaranjan sih tungtang ah kiphinna sunzom
Imphal, May-8: Bachaspatimayum Pitaranjan sihna ziaka kiphutkhia JAC pawlin Ananda Singh Higher Secondary School mai ah kiphinna sunzom in Sit-in-protest nei uhi. Pitaranjan ahihleh Kasom Khullen ah ginlelh huai dinmun in sisa a muhkhiak hi a, hiai sihna tawh kisai a muanmawh ziaka mi 2 mat a omte leng JAC theihpihlouh a khahkhiak ziakin lungkimlou uhi. JAC pawlin sihna tawh kisai suizuina zousiang kin ding inleng govt. theisak uhi.
TUNI THUPI:
“Bang chi in kei kia in na buainate uh, na puakgikte uh, na kihou theihlouhnate uh ka paw zou dia?” – Diuteronomi 1:12
EDITORIAL:
Bangtan buaitou ding ihia?
JCILPS te’n tu in kipatnawn hon sawmin zanhal masa apan dakkal 48 sung public curfew puang uh a, Manipur phaizangbial ah curfew khauh mahmah hi. Himahleh, aleitang luahtu singtangmi (tribal) te lakah hiai curfew theihkhak in omlouh ngut mah adiam? JAC against Anti Tribal Bills pawlin public curfew in singtanggam a nawkkhak kei a chi uh a, hindan pangngai (normal life) bel kizang mah hi. Himahleh, sukhalou va chihna ding san omlua in leng ithei tuankei. Kikawmtuahna beituk bangin om a, Ukhrul, Chandel, Senapati, Tamenglong leh CCpur apan state capital Imphal phaksawm peuhmah tangtakin apaisuak theikei uh a, aloutheilou medical vai leh Airport-te a paidekte chauh khahin om uh chih ahi. A kuakua party in government paw leleng mipi palaite hibang a ngapthawhna hong om touh zelleh kua mipi palai a ut dia chih theihkhop in om a, buaihuai hi.
Manipur ah Inner Line Permit Issue tawh kisai in buaina ituak tou ding ua chih itheikei hi. Valley versus Hills mipi inak kinan mahmah uh a, thuguk kiphumgu bangteng om hiam chih leng theihbut louh khop in om hi. Niteng in bandh leh strike om gige phial a, tualou in kiphinna (agitation) tuamtuam in hon zui gige mawk a, government adingin leng thutanna tuamtuam lakding thil haksa mahmah dingin gintakhuai hi. Tulai diakdiak bang i et chiangin kumnawn 2017 February velin state assembly election neihding chih hilai a, huai kawmkalah mipi pei lung-ap theihna dingin bang policy teng hong kigolh ding hiam chih igen ban kei hi. Bangtan Manipur state hong buaitou laiding ahia chih itheikei hi.
State neuchik a teng leh khawsa ihi uh a, himahleh, khuak(brain) a kibeihna i gamsung uah asang mahmah hi. Phaizangbial a teng leh singtangbial a tengte kalah bangchidan a ngaihdan kikalhna om touden ahia le? Pupa tawndan leh sahkhua banah biakna kibatlouhna ziak banah lungsim a kingeihlouhna himhim ziaka buaikha den idiam chih hon ngaihtuahsak hi. Hiaidan a paitou zelding ihihleh nikhat tei Manipur state puakzak mahmah dingin kilang a, sisan-naisan luang in, kuapeuh utlouh tan tuntheih in kilang hi. State Government inleng singtangmite’ lunggulh leh thilnget pekhe mai le uh singtangmite’n leng phaizangmite nawknawk nawn dingun gintakhuai lou hi.
Manipur gam leh leitang i et chiangin singtangmite’n 90% val aluah uh chih itheihsa ahi. Tua dingin tribal te’n Mizoram genlouhin Myanmar ah a chipih-sapihte utawh kizopna thuktak nei uhi. Kum bangzah hiam paisa apan Manipur phaizang helpawlte’n Myanmar gam pansanin nei uh a, Myanmarese Army-te tawh pangkhawm in nasem uh chih ahi. Tu in ahihleh, Myanmar gampen National League For Democracy (NLD) makai Aung Saan Suu Kyi makaihin mipi vaikhawmna nuai ah hong om theita a, Manipur phaizang helpawlte a ut bangbang un Myanmar gamsung ah agamtang theinawn keiding uh chih chiang mahmah hi.
Manipur phaizang helpawlte Myanmar leitang a a om theihnawn kei uleh koimun tak ah hong om theiding ua? Manipur a tribal district 5 om lakah a target masak dingpen uh CCpur district hong hikha diam chih bangleng lung himawhhuai mahmah hi. Military Junta tawh kikawi hi a ngawh a om Manipur phaizang helpawlte tu in awlawl in hong kikhin kheta uh hi’n leng genin om a, athuaktu ding pen gam leh leitang luah tampen Manipur singtangmite mah hong hi veve ding un gintakhuai mahmah hi. Manipur population ah phaizangmite a sah mahmah uh a, ahihziakin, gam leh leitang vai ah singtangmite’ opkhumna 90% bang pha ahih chiangin etlah tham ching hi. Phaizang bial mipi’n MLA 40 nei a, singtangmite’n 20 % nei uh a, gam leh leitang et in kikhai mahmah hi.
Khawvel paidan i et chiangin Manipur state hong buai deuhdeuh dinga, buai semsem laiding bang hi. President in 3 bills ah lemsakpihna apiak leh singtangmite a kiphin dinga, apiakkei leh phaizangmite kiphin ding uhi. A taktak a a thuaktu ding pen bel state govt hi a, BJP hi’n Congress Party hitaleh kuapeuh adingin hiai tungtang ah thupukna (decision) lak haksa mahmah dingin kilang hi. Bangtan buaitou ding ihia, theizouta khang!
Lamka, May-8: Deptt. of Science & Technology, Manipur saina in May 8-12, 2016 sung Guwahati ah class IX student-te adia The 19th DST Science Excursion 2015-16’ om ding ah, huai atel ding a CCpur Dist. pan telkhiak-te tuzing dak 6:00 in M. Gouzamang Guite, EM/ADC in a tenna inn New Lamka ah khahkhia a, Pastor Dr. Gousuan, Local Pastor, EBCC/Khominthang in thumsak hi.
EM/ADC in agenna ah student te’n excursion hun ah athil muhsuahte ua apan atamthei pen zilkhia leh phattuam pih theihdia panla chiat ding in hanthawn a, Imphal ta’n apaiman uh sensak hi’n leng gen hi.
DST Science Excursion ah telte’n ahihleh Guwahati ah Regional Science Centre, Khanapara; Cane & Bamboo Factory, Jagi Road; Indian Institute of Technology (IIT), Guwahati; Assam State Museum leh Assam Zoological and Botanical Garden telin mun poimawh tuamtuam 16 pha in, thil tuamtuam en ding uhi. DST Science Excursion ah Manipur a Dist. 9 a school 65 apan student 2 chiat telkhiak hi uh a, Imphal East ah school 9, Imphal West ah 9,Thoubal ah 9, Bishnupur ah 8 banah CCpur, Chandel, Senapati, Tamenglong leh Ukhrul District apan school 6 chiat hi uhi. CCpur Dist apan telkhiak a om school 6-te Blue Star Academy, Sim Veng; St. Peter’s school, New Lamka; VK Tawna High, New Lamka; Ebenezer Academy, New Lamka; Manipur Boarding school, P. Gelmol leh Kangvai Sec. School, Phougakchao Ikhai hi uh a, student 2 chiat tel uhi.
HEADLINES:Congress leh BJP naktakin kikang tuahlel
Uttarakhand ah government thak dinkhiak ahiding: BJP
New Delhi, May-8: BJP thusuakin tuni a agendanin, May 10, 2016 nungin Uttarakhand state ah BJP in government thak abawlding chi uhi. Chief Minister hihna apan paihkhiaka om ding Harish Rawat in Congress MLA-te apan gupna bangmah angah nawnkei chi uh a, Sepnawnni chianga trust vote om dinga bangmahlou suah ahi ding chi uhi. Kua in Uttarakhand state ah vaihawmna lentheiding hiam chih tawh kisai in Congress leh BJP kal naktakin kikangtuah lel uh chihthu kiza hi.
BJP leader Bhagat Singh Koshyari in agenna ah, sum tungtawn a floor test ah Harish Rawat in lawhchin sawm ahihleh lawhsam dinga, thil hihkhial mahmah ding ahi chi hi. Government thak ahihleh BJP khut ah om dinga, BJP makaih government thak bawlkhiak ahiding chi hi. Bhagat Singh Koshyari in tunitaka thuthak saite kianga agenna ah, Uttarakhand a government thak dinna ding tawh kisai thubuai-labuai tampitak om mahleh, mipi deihmah government hong kitung dingkhe ding ahi chi hi.
Rawat in zahlakhuaitak in gamsung mipi ana pi a, phetlou in ama omna party mahmah dikloutakin ana pikawi in tua in amah su zahlak ding ahi chi’n Koshyari in gen hi. Koshyari bel Uttarakhand a Chief Minister-lui leng hi a, BJP Chief Amit Shah in deihsakna apiak leh Chief Minister lenthei ding dinmun ah om nawn hi. May 10, 2016 chiangin Uttarakhand state assembly ah kua party in government bawlkhethei ding uhiam chih etkhiakna neiding uh a, Congress in hatpen hihna alak ngeingei uleh Harish Rawat in Chief Minister hihna lennawn dinga, BJP in hatpen hihna alak ua leh Bhagat Singh Koshyari adingin ‘chance’ liantak om chih ahi.
LOCAL NEWS:
Nute’ Ni-cum-Dorcas Day kizang
Lamka, May-8: Lamka leh asehvel banah mun tuamtuam ah tuni’n Nute’ Ni-cum-Dorcas Day, 2016 kizang hi. Saptuam khenkhat ah BCD (Naupang pawlte’n) Nute’ kiang ah laikhak- ngaihdam ngetna, kipahthu genna leh nute’ pahtawina simkhia uh a, Naupang pawlte’n Nute’ pahtawina in biakinn kaitawp in sweet hawm uh a, Nute’ Ni-cum-Dorcas Day lopna in biakinn kaiteng in singpi/theitui dawnkhawm uhi.
Police te’n mun tuamtuam dapkual
Lamka, May-8: Meltheihlouh galvantawi mi 7 vel te’n May 3, 2016 zan dak 11:30 velin Bongbol leh Takvom khua kikal ah T.Lala Vaiphei of Lingsiphai’ nasemtute lak a JCB driver Khumanthem Tondonba Singh (23) s/o Kh. Kwaklei Singh of Pukhao Nakarup Awang Leikai, Imphal East Dist. kidnap uh a, tunitan atanchin theih hilou hi. Police te’n Kh.Tondonba Singh hutkhiat sawm in Bongbal area a khua tuamtuam dapkual in suizui mahle uh kidnap tute’n koihlak a ompih uh hiam chih theih hinailou hi. Tondonba Singh’ kidnap thu ah Police te’n FIR No. 24 (5) 2016 CCP-PS U/S 400/365/34 IPC & 25(1-C) A. Act registered uhi.
Diamond Jubilee Campaign & Motivation
Lamka, May-8: Central Church, Zou Presbyterian Church Synod (ZPCS), Zomi Colony road ah tuni sunnung dak 1:00 in Zou Presbyterian Youth Fellowship (ZPYF) Diamond Jubilee Celebration Committee (DJCC) makaih in ZPYF Diamond Jubilee Campaign & Motivation patnang kick-off program om a, Rev Khamminlian, Leader ZPYF in hongkhia hi. Huai ah H. Kapneithang, Chairman, DJCC in competition booklet leh Action Plan hong khia a, Rev Stephen Chinzathang, Executive Secy, i/c Youth, ZPCS in DJCC & ZPYF makai-te thumsakna leh hanthawnna thu gen hi. Program ah PYF Central Church, PYF Zomi Colony, PYF Lailam Veng, PYF Hiangzou, PYF New Zoveng, PYF Tuibuong, Zopa Band, John Thangsianpiang leh Ms. Chiindeikim te'n Pathian phatna la sa uh a, program zawh in Diamond Jubilee campaign & motivation na in balloon khahkhiat in om hi.
DIO in damdawi tamtak zangin panla
Lamka, May-8: Dist.Immunisation Office (DIO) a Routine Immunisation staff te'n April 2016 in naupang leh nupi naupai (pregnant women) tamtak damdawi pia in kap uh a, damdawi tamtak zang in panla uhi. Tetanus (TT) damdawi in nupi naupai 341 kap uh a, BCG (TB dalna) in naupang 310 kap uhi. Penta (khuhhip dalna) in naupang 899 kap uh a, Hepatitis damdawi in naungek piang tung 240 kap uhi. Naupang 1348 zengdalna bOPV (polio) damdawi dawnsak uh a, measles (sensi dalna) damdawi in naupang 285 kap uhi. JE natna dalna in naupang 437 kap uh a, DPT (khuhhip dalna) in naupang 307 kap uh a, Inactivated Poliovirus Vaccine (IPV) kichi Polio kapthawh naupang kum 3 leh akim 243-te kap uhi. Tetanus damdawi in naupang kum 10 leh kum 16-te mi banah Dist. Hospital a casualty ah accident ziaka kikap teng 628 pha hi.
Kikhop kalin inn 1 kiluh
Lamka, May-8: Tuni zing biakna kikhop kal in IB road a Pauliankhup Guite @ Thangvung Photo Studio kiluh a, guta te’n almirah leh dawr sung a sum omteng, Airtel, Aircel recharge na a kizang banah camera Nikon 05100 gumang uhi.
World Red Cross Day kizang
Lamka, May-8: Tuni World Red Cross Day ahihtawh kiton in Indian Red Cross Society/CCpur Branch te’n a office uh Red Cross Road, near DC’s residence ah “Everywhere for everyone” chih thupi zang in tuni sunnung dak 2:00 in program zang uhi. Huai ah Dr.VC Pau Tonsing, Vice President, IRCS/CCpur in thugenna nei a, ST Lalson, Secy. IRCS/CCpur in activities report pia hi.
SUUNNA:
Thanglur Tusing f/o Lalramsang Tusing of Rengkai in tuni nitaklam dak 4:35 velin RIMS, Imphal ah damlouhna ziak in si a, May 9, 2016 in Rengkai hanmual ah kivui ding hi.
Nemzangai m/o Lunlam of Behiang village in hunsawttak damlou a omnung tuzing dak 5:30 velin si a, nitaklam in Behiang hanmual ah kivui hi.
IMPHAL NEWS:
Congress leh BJP office luhsawm uh
Tuni'n numei pawlin Torch Rally nei
Imphal, May-8: Manipur a JCILPS pawlin “3 Bills” tungtang tunitan President in lemsakna apiaklouh thangpai in, tua Bill te abaihtheilam a paisuak sakna ding in Imphal area ah kiphinna sunzom uh a, tunitakin numei tamtakin Imphal khawpi sungah Torch rally nei uhi. Huai hunah Numei pawlin ‘Pawlam mite’n Vote aneithei kei ding uh, Manipur a hong pemlut te electoral roll apan lakkhiak ding ahi’ chi in kikou uh a, Imphal East leh Imphal West bialsung muntuam tuam ah rally om hun in numei tamtak kihel uhi.
Tunitaklam in numei tamtakin BJP Manipur Pradesh leh MPCC (Manipur Pradesh Congress Committee) office luhsawm uh a, huai hunsung in numei bangzah hiamte BJP Manipur office gate lutsuak thei uhi. Numei pawlin ahihleh JCILPS leh Bill 3 tawh kisai party nihte’n adinmun uh chiangtak puangkhe dia nawhna abawl uh ngaihsak ahihlouh ziaka lungkimlou uh hi’n kigen hi. Tuabang kalah JCILPS leh Manipur mipite thil-nget te BJP Manipur in gupna pe vek ahihdan BJP Manipur Pradesh Youth President in gen a, President in Bill 3 tawh kisai Assent(Approval) apiak theihna dia state govt. in anawh ding ahi chi in, BJP inleng support ding hi’n gen hi.
“Anti-Tribal Bills” omlou: Sr. Advocate
Imphal, May-8: Manipur Assembly in August 31, 2015 ni a, a passed uh Bill 3te “Anti-Tribal” lou hi’n Senior advocated Khaidem Mani in tunitaklam in atenna inn ah Press/Media te kimuhpih in gen a, seat 60 omna a kituaktak a passed khit ahihdungzui in singtangmite adia hoihlou thutun neilou hi’n gen hi. Hiai tawh kisai Anti-Tribal ahi chih suanlam a neite tawh Public Debate nei ut ahihdan leng gen a, mipite a kihel theihna ding uh munkhat ah Debate nei ding in akisaipihte chial hi. Bill khatpeuh community khat kalh in passed hitheilou a, Meitei, Kuki, Naga hileh khatpeuh hetkha in passed chih omlou ding chi hi.
May 20 tan a Scholarship pe di’n theisak
Imphal, May-8: Minority and Other Backward Classes (MOCB) in May 20, 2016 tan a beneficiary te Scholarship pe ngeingei ding in All Manipur Students’ Union (AMSU) pawlin tuni’n theisak uh a, kum 3 paisa a Scholarship piaklouh tungtang dept. mawhsa uhi. AMSU HQ Office, DM College Campus ah tuni’n AMSU Secretary General Manjit Sarangthem in Scholarship dinmun taklang a, 2014-15, 2015-16 leh 2013-14 a Scho khenkhat tunitan student te account a lutlou ahihdan gen a, May 20 tan a piak siang ahihkeileh kiphinna tuamtuam pan ding uh chi hi. Pre-Matric Scholarship, Post-Matric Scholarship leh Merit-cum means based Scholarship ah student pang-ngai te’n Rs. 20,000/yr vel amuhlai un OBC te’n 10,000-17,000 mu ding uh hi’n leng AMSU in taklang hi.
Agri. Dept in Scheme tuamtuam semsuah
Imphal, May-8:Manipur Govt. nuaia Agriculture Department in flagship programme leh scheme tuamtuam semsuah in state sunga agriculture sector lam ah kiningching sem a louma apan piangkhia omtheihna di’n panla ahihdan DIPR apan thusuakin gen hi. Dept. te panlakna ziakin Net Agricultural Area leng 222.51 lakh hectare apan 234.12 lakh hectare in kum 15 paisa akipan khangtou a, state sunga 10.48% te loubawlna in zat hita hi. Kum 15 paisa sungin state sunga anntang piangkhia naktakin khangtou a, 2001-02 sunga 121.61% pen 2015-16 in 151.90% in khangtou hi. Kum 15 paisa a 4,39,000 MT piangkhe sek pen tuhun in 5,97,670 MT in khangtou hi.
Assam in Karnataka zoukhia
Imphal, May-8: Bihar leh Assam in zan a kimawlna ah 2-2 a aki-draw nung uh tuni’n Assam Hockey team in 5-1 goal in Hockey Coorg (Karnataka) te zoukhia uhi. 6th Hockey India Sub- Junior Men’s National Championship 2016 Division B ahihleh Khuman Lampak hockey stadium ah tunitaklam in om nawn hi. Pool D match ah Assam apan Rahul Barma in minute 9 in goal masa khum a, amah zom in Manish Sahini leh Arun Sahini in goal 2 tuak khum nawn uhi. Hockey Coorg lam apan S Mondal in minute 27na ah goal khat khum hi. Match dang ah Madhya Pradesh in 5-3 in Gujarat zoukhia uh a, Bengal inleng 2-0 in Madhya Bharat zou uh a, Bihar in 15-0 in Citizen Hockey(Delhi) zou ua, Rajasthan inleng 4-2 in Mumbai schools sports association zou uhi. Hiai championship ah team22 kihel in May 16 tan daih ding hi.
Prashanta luang koihkhiak in om
Imphal, May-8: JNIMS Morgue a hun sawtkuamtak koih a om Sagolsem Prashanta luang tuni'n JAC lemsakna tawh koihkhiak in om a, asungkuante leh mi tuamtuam in tuzing in Prashanta luang pawkhia uhi. A tenna uh Kakwa Nameirakpam Keikai ah Prashanta haltum in om hi. JAC leh asungkuante'n post-mortem bawl dia lemsakna apiak nung un asihdan diktak suizuina paitou lai a, huai tawh kisai mah in Imphal-Moreh road in atotkhak Kakwa area ah ni 2 sung Total Blockade om in thudik zonkhiakma sunzom ding uh hi'n JAC pawlin gen uhi.
Pitaranjan sih tungtang ah kiphinna sunzom
Imphal, May-8: Bachaspatimayum Pitaranjan sihna ziaka kiphutkhia JAC pawlin Ananda Singh Higher Secondary School mai ah kiphinna sunzom in Sit-in-protest nei uhi. Pitaranjan ahihleh Kasom Khullen ah ginlelh huai dinmun in sisa a muhkhiak hi a, hiai sihna tawh kisai a muanmawh ziaka mi 2 mat a omte leng JAC theihpihlouh a khahkhiak ziakin lungkimlou uhi. JAC pawlin sihna tawh kisai suizuina zousiang kin ding inleng govt. theisak uhi.
TUNI THUPI:
“Bang chi in kei kia in na buainate uh, na puakgikte uh, na kihou theihlouhnate uh ka paw zou dia?” – Diuteronomi 1:12
EDITORIAL:
Bangtan buaitou ding ihia?
JCILPS te’n tu in kipatnawn hon sawmin zanhal masa apan dakkal 48 sung public curfew puang uh a, Manipur phaizangbial ah curfew khauh mahmah hi. Himahleh, aleitang luahtu singtangmi (tribal) te lakah hiai curfew theihkhak in omlouh ngut mah adiam? JAC against Anti Tribal Bills pawlin public curfew in singtanggam a nawkkhak kei a chi uh a, hindan pangngai (normal life) bel kizang mah hi. Himahleh, sukhalou va chihna ding san omlua in leng ithei tuankei. Kikawmtuahna beituk bangin om a, Ukhrul, Chandel, Senapati, Tamenglong leh CCpur apan state capital Imphal phaksawm peuhmah tangtakin apaisuak theikei uh a, aloutheilou medical vai leh Airport-te a paidekte chauh khahin om uh chih ahi. A kuakua party in government paw leleng mipi palaite hibang a ngapthawhna hong om touh zelleh kua mipi palai a ut dia chih theihkhop in om a, buaihuai hi.
Manipur ah Inner Line Permit Issue tawh kisai in buaina ituak tou ding ua chih itheikei hi. Valley versus Hills mipi inak kinan mahmah uh a, thuguk kiphumgu bangteng om hiam chih leng theihbut louh khop in om hi. Niteng in bandh leh strike om gige phial a, tualou in kiphinna (agitation) tuamtuam in hon zui gige mawk a, government adingin leng thutanna tuamtuam lakding thil haksa mahmah dingin gintakhuai hi. Tulai diakdiak bang i et chiangin kumnawn 2017 February velin state assembly election neihding chih hilai a, huai kawmkalah mipi pei lung-ap theihna dingin bang policy teng hong kigolh ding hiam chih igen ban kei hi. Bangtan Manipur state hong buaitou laiding ahia chih itheikei hi.
State neuchik a teng leh khawsa ihi uh a, himahleh, khuak(brain) a kibeihna i gamsung uah asang mahmah hi. Phaizangbial a teng leh singtangbial a tengte kalah bangchidan a ngaihdan kikalhna om touden ahia le? Pupa tawndan leh sahkhua banah biakna kibatlouhna ziak banah lungsim a kingeihlouhna himhim ziaka buaikha den idiam chih hon ngaihtuahsak hi. Hiaidan a paitou zelding ihihleh nikhat tei Manipur state puakzak mahmah dingin kilang a, sisan-naisan luang in, kuapeuh utlouh tan tuntheih in kilang hi. State Government inleng singtangmite’ lunggulh leh thilnget pekhe mai le uh singtangmite’n leng phaizangmite nawknawk nawn dingun gintakhuai lou hi.
Manipur gam leh leitang i et chiangin singtangmite’n 90% val aluah uh chih itheihsa ahi. Tua dingin tribal te’n Mizoram genlouhin Myanmar ah a chipih-sapihte utawh kizopna thuktak nei uhi. Kum bangzah hiam paisa apan Manipur phaizang helpawlte’n Myanmar gam pansanin nei uh a, Myanmarese Army-te tawh pangkhawm in nasem uh chih ahi. Tu in ahihleh, Myanmar gampen National League For Democracy (NLD) makai Aung Saan Suu Kyi makaihin mipi vaikhawmna nuai ah hong om theita a, Manipur phaizang helpawlte a ut bangbang un Myanmar gamsung ah agamtang theinawn keiding uh chih chiang mahmah hi.
Manipur phaizang helpawlte Myanmar leitang a a om theihnawn kei uleh koimun tak ah hong om theiding ua? Manipur a tribal district 5 om lakah a target masak dingpen uh CCpur district hong hikha diam chih bangleng lung himawhhuai mahmah hi. Military Junta tawh kikawi hi a ngawh a om Manipur phaizang helpawlte tu in awlawl in hong kikhin kheta uh hi’n leng genin om a, athuaktu ding pen gam leh leitang luah tampen Manipur singtangmite mah hong hi veve ding un gintakhuai mahmah hi. Manipur population ah phaizangmite a sah mahmah uh a, ahihziakin, gam leh leitang vai ah singtangmite’ opkhumna 90% bang pha ahih chiangin etlah tham ching hi. Phaizang bial mipi’n MLA 40 nei a, singtangmite’n 20 % nei uh a, gam leh leitang et in kikhai mahmah hi.
Khawvel paidan i et chiangin Manipur state hong buai deuhdeuh dinga, buai semsem laiding bang hi. President in 3 bills ah lemsakpihna apiak leh singtangmite a kiphin dinga, apiakkei leh phaizangmite kiphin ding uhi. A taktak a a thuaktu ding pen bel state govt hi a, BJP hi’n Congress Party hitaleh kuapeuh adingin hiai tungtang ah thupukna (decision) lak haksa mahmah dingin kilang hi. Bangtan buaitou ding ihia, theizouta khang!
No comments:
Post a Comment