LAMKA, May-7 (PhualvaTimes) : Tribal Revolutionary Army(TRA) min zang a pimang a om, Thangsianbiak Zou @ Biabiak, Vice President, Zou Youth Orgn Imphal Block & PRO to MLA Singngat, apaisa April 26, 2016 apan Imphal area a pimang ahihnung, ni 12 ni, tuni'n Imphal West Commando pawlin Sekmai area ah operation abawl hun un Leikot khua ah damtakin hunkhia uh chihthu om hi. Biabiak khahkhiakna ding in TRA pawlin Rs. 70 Lakhs ngen uh a, tuzing dak 1:00 vela operation hunah amah kemtu, TRA Chief Douthanglen Kipgen zi banah Mangcha Kipgen of Langol, Imphal banah Douthanglen sanggampa leng Commando te'n mankhawm uhi. Damtak a khahkhiak ahihtheihna ding in Biabiak zi Daisy inleng Manipur Governor kiang ah bangzahvei hiam ngetna bawlta hi'n leng kigen hi.
Manipur Police Department in TRA leh KNF(N-Douthanglen) min a mipi laka sum ngetna dia kidnapping bawltu Douthanglen omna hilhtheite kiang a Rs. 1 lakh piak dia thuchiam abawlni zingchiang, tuni a damtaka Biabiak hutkhiak a om hi'n leng kigen hi.
No comments:
Post a Comment