HEADLINES:
Election adi’n kisakkholhna bangkim zawhfel hita- SEC
Tuni’n Imphal Municipal Corpn a election om ding
Imphal, June-1: Imphal Municipal Corporation a Councillor 27 leh Ward Development Committee member 54 telna dingin June 2, 2016 (Ningani) in election om ding a, zinglam dak 8.00 akipan nitaklam dak 4.00 sungin vote khiak hiding hi. Councillor 27 telna ding ah candidate 86 om a, Ward Development Committee member 54 adin candidate 128 om uhi.
State Election Commission (SEC) a Secretary Radharani Mutum, MCS in a gendan in election adia kisakkholhna thil bangkim zawhfel hita a, polling personnel teng leng amau duty-na mun ding chiat tungkimta uh chi’n gen hi. Election ah voter tengin vote a khiak theihna ding in Manipur govt in June 2, 2016 in Imphal Municipal area a govt office leh institution-te banah educational institution leh bank/commercial institution teng suti puang hi.
Assembly Constituency 7 huamsung a om Imphal Municipal Corpn a Councillor 27 telna ding ah Congress leh BJP in ward 26 ah candidate neituak uh a, CPI in ward 5 ah candidate nei uh a, Lokjan Shakti Party(LJP) in ward 2 adi’n candidate guang uh a, JD(U) in 1 nei uhi. Left Parties in Ward khenkhat ah BJP leh Congress hilou candidate dang support puang uh hi’n kigen hi. Councillor dinga candidate 86te lakah Independent candidate 26 tel uhi. Ward Development Committee member 54 telna dingah candidate 128 om uhi.
Imphal East district sunga Ward 7 ah voter 51,756 om a, Imphal West district a ward 20 ah voter 1,24,108 om a, voter teng kigawm 1,75,864 hi uhi. Polling station 255 om lakah Imphal West district a 189 leh Imphal East district a 66 hi uhi. Polling station 1 zelah polling duty 5 zel zat hiding a, huai ding ziakin polling personnel 1275 duty ding uh chi’n SEC Secretary in gen hi. Imphal West district a Polling station omteng buaina om thei dia patauh-huai(Hyper sensitive) hi a, Imphal East district a polling station 9 kia Hyper sensitive hi’n kigen hi.
Tutunga Imphal Municipal Corporation election ah Congress leh BJP kal kibeihna sang mahmah ding hi’n tamtak in gen uh a, kum 2017 bullam a Assembly election om ding ading ki-etkhiakna (rehearsal) banga ngaih hi’n kigen hi. Election a BJP makai Th. Chaoba in Municipal Corpn a ward 17 ah BJP ching ding hi’n genkhol a, ward 17 ahih hial kei leleng Ward 15 ah ahat himhim ding chi’n a kimuan thu genkhol hi.
Meghalaya state ah Congress ministry buai di’n kilang!
State leader-te’n Sonia leh Rahul kiangah SOS thon
Shillong/New Delhi, June-1: Meghalaya state ah Congress Legislature Party(MLA)te sungthu buai mahmah chihthu kiza a, huai buaina ah leng BJP makai hunkhop kigolhin MLA kiphinte makaih uh chihthu om a, himahleh huai tawh kisai unofficial hilai chihthu om hi. Huchi kalah, Meghalaya a Congress state party leader te’n Sonia Gandhi leh Rahul Gandhi kiangah buaimah uh ahihdan thukin message (SOS) kap uh chihthu kiza hi.
Meghalaya Pradesh Congress Committee Chief in BJP leader banah Assam BJP govt a Minister Himanta Biswa Sarma kimuhpih chi’n Meghalaya BJP thusuak khat om hi. Himahleh, Chief Minister Dr Mukul Sangma in bel ka government a dingin patauhna ding bangmah a omkei a, hon patauhsak sawm a thuvekte’n bangmah tan a kalsuan zou tuankei ding uh chi hi. Meghalaya a Congress MLA hunkhop in north-eastern state a buai mahmah a, patau dak ging bangtukin a om a, himahleh, tu-le-tu in bangmah gentheih ahi naikei chi leuleu uhi. Uttarakhand leh Arunachal Pradesh state tuma in naktakin buai a, tu in Meghalaya ministry hong kisawiling nawn ding hiam chih mi tamtakin ngaihdan nei uh chih ahi hi.
Meghalaya a Congress sungthu thusuak khenkhat in a gendanin, state party chief DD Lapang in Himanta Biswa Sarma kimuhpih in BJP general secretary Ram Madhav tawh leng houlim uh chi uhi. Sarma bel Congress makai muanhuai mahmah himahleh Assam CM lui Tarun Gogoi tawh a kitauhtuah ziakin Minister hilai kitawp in BJP ah lut a, Assam a BJP government bawlkhiak a a om theihna leng Sarma panlakna ziak hiban hi’n kigen hi. Tulel in BJP makai bangzahhiam Shillong ah omlel uh a, Congress MLA kiphinte’n Garo leh Khasi community kala kideidanna om ahihthute naktakin vawk uh chihthu kiza hi.
TPH member te’n Press Club ah Press-te kimuhpih
Lamka, June-1: Tingleila Production House (TPH) apat mi 4- Vania Chawang, Judge & former Orange Queen; Sian Simte, Judge; Awungshi Khaiyar, Manager, TPH leh Gil Vashun, Photographer, TPH te'n tuni sunnung dak 1:00 in HQ veng a Lamka Press Club ah Press-te kimuhpih in June 11, 2016 apan July 23, 2016 sung a Dist. tuamtuam leh TRI, Imphal ah “Tribal Euphony the Solo Hunt Manipur Season 1” ding tawh kisai genpih uhi.
Solo Hunt Manipur Season 1 ahihleh Hill District 6 apat lasa siamte’ adia stage/platform bawlsak ding, traditional & culture kepbitna ding leh Hill District khat leh khat kikal a relation/understanding om thei nang tup-le-ngim hi a, June 11, 2016 in TRI, Imphal, June 14, 2016 in Ukhrul, June 16, 2016 in Senapati, June 18, 2016 in CCpur, June 20, 2016 in Chandel leh June 22, 2016 in Tamenglong Dist. ah audition round bawl hiding chi uhi.
Promotion Tour/Concert ahihleh July 4-16, 2016 sung in Hill District teng banah Mumbai ah om ding hi. Judge Round ahihleh June 25 & 26, 2016 hiding a, elimination kipan ding hi.
June 28 & 29, 2016 in TRI, Imphal ah Stage Round, July 2, 2016 in TRI, Imphal ah Final Round leh July 23, 2016 in TRI, Imphal ah Grand Finale Round om ding hi. Participant te'n folklore khat bek asak uh ngai ding hi’n gen uhi. Kipahman ahihleh 1st in Rs 2 lakh, 2nd in Rs 50,000, leh 3rd in Rs 25,000 ngah ding a, TPH in1st la pen kiang ah cassette/album 1 bawlsak ding uh hi’n gen uhi
LOCAL NEWS:
Phalna bei a singkung phuk liausak
Lamka, June-1: Bijang hausa Holkhosei Touthang makaih in Bijang hanmual ah May 30, 2016 in Mawngkum 3 phuk uh a, Divisional Forest Officer, Southern Divn./CCpur apan phalna omlou leh “Guidelines for felling of trees from non-forests areas, 2002” bawhsiat ziak un DFO/CCpur in May 31, 2016 in Bijang hausapa’ Rs. 951 liausak in case hihbei sak hi.
KS Tawmbing, IFS, DFO/CCpur apan kizadan in govt gam hilou (non forest area) ah singkung suante’n Forest deptt ah registration bawl ngai a, aphuk ding chiang unleng forest deptt ah phalna (permit) lak ngai hi’n gen hi. Govt office, mimal huan (garden) a singkung, hanmual a singkum omte Forest Deptt apan phalna tellou a phuk ahihleh “Guidelines for felling of trees form non-forests areas, 2002” bawhsiat ziak in Deptt. in liausak thei, Police matsak theih leh Jail tanpha tuntheih ziakin kuapeih pilvan poimawh hi’n gen hi.
Singngat leh Behiang area ading pawkhia
Lamka, June-1: Malaria Deptt./CCpur te'n tuni'n Singngat area leh Behiang area a Malaria affected area nuai ah khua 40 ahawmkhiat ding thousilen (Long Lasting Insecticide Net/Insecticide-treated Net) pua in Lamka nusia uhi. June 2, 2016 in Telsing bazar apan New Pangsang kikal khua 32 ading thousilen (LLIN/ITN) hawmkhe ding uhi.
UPF leh govt in kum 1 sung behlap
Lamka, June-1: Satyendra Garg, IPS, Jt. Secy.(Home) NE makaih in Manipur govt apan P. Doungel, IPS, ADPG (Prison & Intl.) leh United People Front (UPF) makaite’n May 30, 2016 in New Delhi ah kihouna (Tripartite talk) nei uh a, SoO hun June 8, 2017 tan daih ding behlap ding in kilemna suaikai uh a, govt in dialogue panpah ding in thuchiam bawl chihthu kiza hi. UPF makai te'n zan in meeting nei uh a, tuni'n Manipur hongtung kiknawn uhi.
Assessment Camp atelte’ ading certificate
Lamka, June-1: SSA/RET-IED saina a Synod Hall, IB road ah January 19, 2016 in kum 18 nuailam Disabled Person-te’ adia Medical Assesment Camp neih hun atel mi 100 te’ ading Disabled Certificate piakkhiat hiding hi. Huai thu ah June 2, 2016 zinglam dak 10:00-1:00 pm sung, Laitui Medico saka Inclusive Education for Disabled (IED) Recourse Room ah application form laktheih ding a, akisaipih te’n School Identity Card Xerox copy ahihkeileh Residential Certificate tawi ngaiding a, mi 100 te list leng ettheih ding hi.
Singngat JAC Women’s Wing te’n uap
Lamka, June-1: Singngat JAC Against Anti-Tribal Bills a Women’s Wing te’n tuni’n Hospital morgue ah All Manipur Tribal Women Union (AMTWU) makaih numeite hun zatna uap di’n Bus 1 in hongkuan uh a, thu leh la ah kithuahkhawmna aneih ban uah gam leh leitang, heutu/makaite a di’n thumna nei uhi. Prog hunsung in Nianglian in tutan numei pawlte panlakna pulak in, maban ah panlak nang tam lai chi hi. Tuni a honghawh Singngat khawsung a saptuam om EBC, PCI (R), MELC, NTBC, Salvation Army, CBA leh ZPCS apan mi 60 vel hi uhi.
Pre-paid meter 8490 activate uh
Lamka, June-1: Manipur State Power Distribution Company Ltd. (MSPDCL)/CCpur te’n khawpi sung ah zan tan in Electric pre-paid meter box 11833 thuah (installed) uh a, huai lak ah pre-paid meter box 8490 activated uhi.
MANIREDA in Hmar Veng leh Forest Gate kikal street lamp zou
Lamka, June-1: Deptt. of Science &Technology nuai a Autonomous Govt Agency, Manipur Renewable Energy Development Agency (MANIREDA) te’n town area sung ah solar street light koih uh a, Hmar Veng leh Tuibuong Forest Gate kikal kha 1 val akoihlouh nung un tuni’n solar street light koihta uhi. DC’s residence apan Tipaimukh road zui in Tuibuong peace ground kikal ah nitak hun in solar street light vakta hi.
NABARD panpihna in LEDP sai hiding
Lamka, June-1: WSHG nuai a Anchor NGO atel Rural Aid Service (RAS), Tuibuong te’n NABARD panpihna zang in Livelihood and Enterprise Development Program (LEDP) financial year 2016-17 sung in saiding uhi. LEDP ahihleh Women SHG Scheme nuai a Women SHG member-te’ adingbik hia, pateh (mushroom) bawldan, vok khoihdan (piggery poultry) leh ak khoihdan (poultry) training ding uhi. LEDP nuai a training ding WHSG member 150 telkhiat hita uh a, SAGY Village Kangvai tel in Cluster 3 ah sepsuah (implement ) hiding in kigen hi. RAS in training batch 5 tan saiding a, mi 90 te’n piggery, mi 7 te’n poultry leh mi 60 te’n mushroom training ding uh a, LEDP ahihleh SHW member-te adia nektak zawnna, khantouhna leh khawsuahnang a poimawh mahmah khat hi’n kigen hi.
ZUF over ground dia muanmawh 2 man
Lamka, June-1: Police apan kizadan in 7-Assam Rifles te'n thuguk hoihtak angahnung un zan (May 31) zinglam dak 11:30 in Hengkot khaw kiangah Zaliangrong United Front (ZUF) a overground hidia muanmawh Soithianlal (35) s/o Lalkhogou of Khousabung leh azi' Kimneihthem (34) te mankhia uhi. Nupa-te’n Lamka apan Khanpi village, Henglep sub divn. Apuak ding antang kg 25 chiat bag 50, Rs. 1,52,000/- leng 7-AR te’n mukhia uh a, nitak dak 10:00 in CCpur Police Station ah pekhia uhi. CCpur Police te'n nupa-te tuni'n CJM/CCpur court ah pawkhia uh a, court in June 6, 2016 tan Police custody ah omding in phalsak a, FIR No. 27 (5) 2016 CCP-PS U/S 400/34 IPC registered uhi.
CCpur A/C Rationing Agent-te’ meeting
Lamka, June-1: CCpur Assembly Constituency sunga National Food Security Act (NFSA) nuai ah rationing agent-te’n tuni sunnung dak 1:00 in Hiangtam Lamka a YPA GHQ hall ah meeting nei uh a, anntang hawm ding tawh kisai kikumkhawm uhi. Village Authority tawh kithuah a thil omdan beneficiary-te theihsiam sak a, kg 1 a Rs. 10 ah zuak ding leh innkuan 1 in kg 10 tan leitheih ding, beneficiary a theisiamlou omna munte ah bel zuak louh phot dingin thukim uhi. NFSA guideline dungzui in beneficiary te’n anntang kg 1 a Rs. 3 in leithei ding chih hi a, agent-te’ kg 1 a Rs. 3 mah deposit sak ahih banuah transportation charge in 20 percent cut-sa in released order piak hi uhi. FCS Godown ah anntang omteng half bag a Kg 50 dan in hongpai mahleh Kg 40-45 vel pha hi’n agent-te’n gen uhi. Meeting ah rationing agent 125 om lak ah a tamzawte kihel uhi.
Hospital blood bank ah sisan unit 76 om
Lamka, June-1: Dist Hospital ah May 2016 sungin naupiang 222, OPD ah damlou ki-ensak 6,260 banah tulel in Blood Bank ah sisan unit 76 om hi. Hiai tawh kisai in deptt-te’ report danin May 2016 sungin maternity ward ah naupai ki-admit 233 lak ah naungek 222 (Pasal 92 leh numei 91) piang a, huai lak ah akawp (twins) leh piangtung si 1 tuak om in, Nu gilsung apan sisa a lakkhiak (IUD) 2 om a, nauneih ziaka si bel omlou hi’n report uhi. Children Ward ah naupang 245 (pasal 137 leh numei 91) admit lakah 3 si ua, Surgical Ward mi 113 (pasal 65 leh numei 48) mi 7 Imphal ah refer in, 1 si hi.
Ortho Ward ah mi 43 (pasal 29 leh numei 14) leh ENT Ward ah mi 10 (Pasal 2 leh Numei 8) admit in om uhi. Blood bank ah tulel in sisan A+ve unit 18, A –ve unit 1, B+ve unit 24, AB+ve unit 8 leh O+ve unit 25 om hi. May 2016 sungin mi tuamtuam apan sisan unit 157 kaihkhawm hi a, damlou tuamtuam kiangah unit 115 pekhia in, zat theihlouh unit 2 om hi’n taklang uhi. Huailou, May kha sungin blood donation camp 2vei om ziakin hundang tawh tehin blood bank ah sisan kiningching mahmah hi’n kigen hi.
HYA Gen HQ in Relief anntang khakhia
Lamka, June-1: SDO/BDO Parbung leh ADC Pherzawl huapsung a om- Damdiei, Tuolbung, Maulien leh Thingpan khua ading relief anntang tuzing dak 9:30 in Tuibuong a DTC Hall Campus ah Alan Famhoite, Asst, Secy HYA Gen HQ in khahkhia (flag-off) hi. Aman agenna ah, Hmar bial a mipi haksatna theihpih in panpihna thonkhiak theih a om kipahhuai chi a, HYA Gen HQ makaite’n Hmar bial a veh hun ua mipi haksatdan thei in govt kiangah a nget dungzui ua piak uh hidan in gen hi. Huai hun ah Shyamchandra Sharma, SDO Parbung/ADC, Pherzawl, bialtu MLA worker-te leh HYA Gen HQ akipan Alan Famhoite leh LRS Puruolte, Exe. Member/Member, Info & Publicity Deptt., HYA Gen HQ te’n leng zui uh a, 407 truck zangin anntang bag 70 pua uhi.
IMPHAL NEWS:
Central sponsor scheme-te enkhe ding
Imphal, June-1: Parliamentary Standing Committee (PSC) on rural development apan member 20 leh Officer 5 telna team te’n Manipur ah Central sector leh Centrally sponsored schemes kisem khia-te enkhe din June 18-20, 2016 sung Manipur honpha ding uhi. PSC team te’n June 16-21, 2016 sung in Khajurahao, Bhopal, Imphal leh Kohima pha ding uh a, huai hun ah Ministry of Rural Development, Ministry of Drinking Water and Sanitation leh Ministry of Panchayat Raj banah Bank te’n scheme tuamtuam a sepkhiakte uh enkhe ding uh a, Nodal Ministry in scheme etkhiakna munte ah a kisaipih thuneite kiangah theihsakna bawl ding uh hi’n kigen hi. PSC team te’n scheme tuamtuam tawh kisai in Chief Secretary banah Manipur govt. nuai a dept. tuamtuam a official-te telin SBI, SLBC Convener, UBI leh Lead Bank official-te tawh kikupkhawmna leng nei ding uh hi’n taklang uhi.
Dy. Director inn ah grenade mukhia
Imphal, June-1: Imphal East a Andro Police Station in a huamkhak Andro Khunou ah tuni zingsang dak 8:30 velin RIMS a Dy. Director Y. Rajendro (35) s/o Y. Kunjo tenna inn huangsung ah hand grenade muhkhiak hi’n gen uhi. Akigendan in Y. Rajendro innkuan te’n tuni zingsang in grenade mukhia uh a, Police-te theihsak dungzui in Police bomb squad te’n grenade vala in zinglam dak 10:00 velin supuak uhi. Hiai tungtang sum ngetna tawh kisai hi dia gintak hi a, helpawl kipuang kuamah omlou uhi.
St. Ginlal Vaiphei siluang mukhia
Imphal, June-1: Hav. St. Ginlal Vaiphei(Army no.4364248), 7th Assam Regt. tulela 1st Arunachal Army Scout, Alsa Coy, Roing Unit, Arunachal Pradesh a sem, innlam a suty zang khin Dinjan Army transit camp, Tinsukia a ki-report dia kuanlai a omna theihlouh in mang a, huaimun apan gamlalou Tea Garden ah sisa in aluang mukhia uhi. Hav. St. Ginlal Vaiphei s/o Letpu of Langmaiching Village bel tulelin Leimakhong ah om uhi. Tuni’n Jailguri Tinsukia ah post mortem bawl in om a, Panitola PS ah koih a om in zingchiang in Army te’n atenna Leimakhong ah siluang pawtung ding uh chih kiza hi. Akigendan in CMP (TCP gate) a duty-te tawh kiselbuaina aneih nung apan a omna kitheilou hi’n gen uhi.
Police te’n tear gas hunbeisa zang uh
Imphal, June-1: Imphal area ah ILPS zat ding phutna a kiphinna neite betdaihna dingin police te’n tear gas shell a zat uh a tamzaw hunbeisa hi’n gen uhi. Tears gas hunbeisa nung a zat pen damtheihna dia a hoihlouh banah mitdel, chemical burns, nau ke sak (miscarriage), Asthma puang sak a, tear gas canister in mi a khak leh sihna tanpha tun thei hi’n gen uhi. The Resource Conservation and Recovery Act of 1976 dungzui in tears gas hunbeisa-te damtheihna din lauhuai a, dan (law) dungzui a hunbeisa thautang leh galvan dangdang zangte tungah mawh khuksak theih hi’n leng taklang uhi.
IED 4 muhkhiak in om
Imphal, June-1: Molcham Police Station in a huamkhak Chandel district a Phaisangjang area ah 4-Assam Regiment te’n tuni’n IED 4 mukhia uh a, bomb disposal squad te’n IED-te susia uh hi’n kigen hi. Helpawl te’n security force-te khoih ding tupna a kam uh hiding a gingtak ahi.
Jail sung ah mi 1 kikhailum
Imphal, June-1: Sajiwa Jail ah tualthatna tawh kisai a jail tang khat tuni zingsang in Sector 5 ah towel zang in window bar ah kikhailum hi. Amah bel, Arambam Naobi (27) s/o (late) Arambam Ibomcha of Takhel Makha Leikai hi a, Duty officer te’n zingsang dak 4:00 vel a Naobi kikhailum ahihlam theikhia uh hidan in gen uhi. Akigendan in Naobi in K. Sanathoi a thah banah mi 2 a suk liam ziakin July 4, 2015 in Sajiwa jail ah koih in om a, a innkuante’n lungsim veng lou leh psychiatrists hunkhop ki enkol sak hi’n leng gen uhi. A luang JNIMS morgue ah postmortem bawl zawh in a innkuante kiangah piak khiak in om hi.
Kiphinna in hindan nawngkaisak
Imphal, June-1: Manipur ah ILPS zat ding phutna a matawng a pang JCILPS te’n kiphin ding dan kichian tak puangkhe kei mahle uh Imphal area mun tuamtuam ah JCILPS gumtu te’n kiphinna nasatak nei uhi. Langjing Achouba Apunba Meira Paibi Lup te’n NH-37 in a tawtkhak Langjing Achouba chingmang area ah lampi khak uh a, Meira Paibi te’n Patsoi – Part 3 leh Part 1 ah lampi khak tan uhi. AT Mayang Imphal Road ah veng tuamtuam a Meira Paibi te’n lampi khak ua, Keishamthong Elangbam Leikai ah nupi 100 val ding te’n gari tai ding dal uhi. Khurai Lamlong Keithel ah kiphinna neite’n lampi lai ah tyre hal banah thil tuamtuam a koih ziak un gari tai theilou hi’n kigen hi. Ayangpalli road, Wangkhei area, Yairipok, Wangjing, Thoubal, Lilong, Khabam Lamkhai, Luwang Sangbam leh Mantripukhri area-te ah leng lampi khak uhi. Khwairamband Keithel, Kwakeithel, Thangal bazar, Paona Bazar, Lamlong bazar, Chingmeirong, Singajamei leh Thoubal a educational institution, dawr leh sumsinna inn teng kikhak hi.
TUNI THUPI:
“Himahleh Toupa’n tuni tan in theihsiamna lungtangte, muh theihna mitte leh zak theihna bilte ahonpiak nailouh na hi uhi.”
- Diuteronomi 29:4
EDITORIAL:
Talent banah kipahtawina!
Kuki Women Union makaihna in zan in Tuibuong Peace Ground a Indoor Stadium ah Miss East Queen, India 2016 title la Veineinem Singson d/o Paokhokam Singson of Sirhima, Dimapur, Nagaland kipahpihna program om hi. Kuapeuhin kipahpih mahmah in i thei a, uaptu leng mipi tam mahmah hi.
Miss East Queen, India ngah theihna ding kichi thil baihlam hideklou a, round tamveipi a maituah nunga lawhchinna thupitak ngah hiding hi. Melhoih leh melsia tawh kisai Pathian khutsuak ahi a, Pathian’ muhdan in mihing melsia kuamah omlou a, Amah batpih chiat siam leh bawl a om ngen ihi uhi. Himahleh, huchi kalah ana voudiak(melhoih leh kilawm tuandeuh) bel om thei mah hi a, avou diakte’ lakah leng mel-et mai a mite mit la leh midangte lungsim kuai deuh kichi leng om thei mah ahi hi.
Nungak Veineinem Singson hiai tan dinmun a tunzawh pen Northeast bial pumpi a adingin record break ahi chih haihvual ahikei a, kipahpih-huai petmah hi. Ama ading in a tempaina (talent) leng ahi ngei ding a, ama lungsim putdan diktak theikei mahlehang hibang career a sutzop zel a, title thupi leh minthang zawsem leng hong ngahtouh zel deihsak huai mahmah hi. MC Mary Kom in boxing lam lunglutna a neih ziakin tu in leitung pumpi in a theihphak hong hi a, nungak Veineinem in leng a melhoihna leh duangchingnate banah dotna tuamtuam kibawlte feltak leh lungtunhuai taka dawnna piaktheihna lungsim(presence of mind) tanpha a neih ziak hi’n kilang hi.
Talent i chih Pathian in hon piak ahi a, mihingte i tempaina a kibang kei himhim hi. A khente lemgelh siam uh a, bangzahhiamte lasiam uh a, la phuahsiam napi a lakaih bawlthei hetlou leng om hi. Tualou in, thugelh siam mahmah lah mipi mai a pau (public speech) thei hetlou leng adim in om zel hi. I topic tawh kizawi tawn kholkei mahleh, chiamnuih-thutak in gen lehang, milak a hang phanphan inn tun chiang a ‘Thaibawi’ i chih bangleng tam mahmah hi.
Pathian in leitung mihingte Amah batpih a hong bawl ahi a, ngaihtuahna tuamtuam telin gamtat-khawhei kilamdang himhim ding a hong bawl ahi hi. Leitung pumpi ah mihing simsenglouh phial atam om mahleh, mel-le-puam kibang chet omlou hi. Unau phiik mel kibang mahmah i chihte’n leng kilamdanna nei teitei uhi. Mihingte lam tuamtuam ah iki batna om mah leleng a taktak in kibatna bukim omlou ahihdan kuapeuh in i thei a, Pathian thilsiamte a bukimdan thupi mahmah hi chih kilatna ahi hi.
Huchi kalah, i mel-le-puam banah i lehkha sinna akibatlouh dungzui in ngaihdan tuamtuam hong pawtsek mah ahi a, Pathian in talent hon piakte zatdan siam leh siamlou kal tanpha kigamla mahmah hi. Lehkha lam a pai, music siam, khutsiam silbawl, laisiamlou khuak hiam himhim, kimawlna lam apai chih leh adangdang i om uhi. Pathian in talent hon piakte bangchibang in i kem in i zang uhiam chih ngaihsut huai petmah hi.
Pahtawina kichi bangleng poimawh a, hiai pe’n kitawisangna chikhat ahi hi. Kuahiam in koilai hiam ah lawhchinna a ngah leh kipahpih hiam pahtawi poimawh mahmah hi. Kigensiat sangin kipahtawina in mimal leh i society phungvuhzaw ahihdan i theih uh hoih hi. Na innkong lampi aneu (narrow) leh tua in na lungsim neu ahihdan a taklang chih pian deuhin ei lawiin kipahpihna lam chiil bawl kibang hi. Nidang in unaupa HL Khankhup in ‘Pahtawi pawl’ chih piandeuh society bawlkhiak poimawh hive aw a chih sek pen dik mahmah a, ei leh ei ikihanthawn a, Pathian in hon piak talent tuamtuam i neihte uh leitung pumpi theihding in kilahkhiak (expose) hun hita hi.
National gen louhin International level tanpha a football kimawl ding dinmun a om thei tuailai tamtak i omta a, national a football club ah leng player hunkhop i omta uh. Football kia hilou in line tuamtuam a talent i neihte uh maingaltak leh midangte zahtakna tel hetlou a i lahkhiak uh hunta hi. Unaunu Veineinem Singson, MC Mary Kom ahihkeileh national level a min vakilang ban tuamtuamte ikipahpih mahmah a, tuailai talent tuamtuam neite leng kipankhe ni chi ut ihi a, huai kawmin, mipi lamin leng amaute tawsawnna dingin kipahpihdan siam kisinlai nihang i chi hi.
Election adi’n kisakkholhna bangkim zawhfel hita- SEC
Tuni’n Imphal Municipal Corpn a election om ding
Imphal, June-1: Imphal Municipal Corporation a Councillor 27 leh Ward Development Committee member 54 telna dingin June 2, 2016 (Ningani) in election om ding a, zinglam dak 8.00 akipan nitaklam dak 4.00 sungin vote khiak hiding hi. Councillor 27 telna ding ah candidate 86 om a, Ward Development Committee member 54 adin candidate 128 om uhi.
State Election Commission (SEC) a Secretary Radharani Mutum, MCS in a gendan in election adia kisakkholhna thil bangkim zawhfel hita a, polling personnel teng leng amau duty-na mun ding chiat tungkimta uh chi’n gen hi. Election ah voter tengin vote a khiak theihna ding in Manipur govt in June 2, 2016 in Imphal Municipal area a govt office leh institution-te banah educational institution leh bank/commercial institution teng suti puang hi.
Assembly Constituency 7 huamsung a om Imphal Municipal Corpn a Councillor 27 telna ding ah Congress leh BJP in ward 26 ah candidate neituak uh a, CPI in ward 5 ah candidate nei uh a, Lokjan Shakti Party(LJP) in ward 2 adi’n candidate guang uh a, JD(U) in 1 nei uhi. Left Parties in Ward khenkhat ah BJP leh Congress hilou candidate dang support puang uh hi’n kigen hi. Councillor dinga candidate 86te lakah Independent candidate 26 tel uhi. Ward Development Committee member 54 telna dingah candidate 128 om uhi.
Imphal East district sunga Ward 7 ah voter 51,756 om a, Imphal West district a ward 20 ah voter 1,24,108 om a, voter teng kigawm 1,75,864 hi uhi. Polling station 255 om lakah Imphal West district a 189 leh Imphal East district a 66 hi uhi. Polling station 1 zelah polling duty 5 zel zat hiding a, huai ding ziakin polling personnel 1275 duty ding uh chi’n SEC Secretary in gen hi. Imphal West district a Polling station omteng buaina om thei dia patauh-huai(Hyper sensitive) hi a, Imphal East district a polling station 9 kia Hyper sensitive hi’n kigen hi.
Tutunga Imphal Municipal Corporation election ah Congress leh BJP kal kibeihna sang mahmah ding hi’n tamtak in gen uh a, kum 2017 bullam a Assembly election om ding ading ki-etkhiakna (rehearsal) banga ngaih hi’n kigen hi. Election a BJP makai Th. Chaoba in Municipal Corpn a ward 17 ah BJP ching ding hi’n genkhol a, ward 17 ahih hial kei leleng Ward 15 ah ahat himhim ding chi’n a kimuan thu genkhol hi.
Meghalaya state ah Congress ministry buai di’n kilang!
State leader-te’n Sonia leh Rahul kiangah SOS thon
Shillong/New Delhi, June-1: Meghalaya state ah Congress Legislature Party(MLA)te sungthu buai mahmah chihthu kiza a, huai buaina ah leng BJP makai hunkhop kigolhin MLA kiphinte makaih uh chihthu om a, himahleh huai tawh kisai unofficial hilai chihthu om hi. Huchi kalah, Meghalaya a Congress state party leader te’n Sonia Gandhi leh Rahul Gandhi kiangah buaimah uh ahihdan thukin message (SOS) kap uh chihthu kiza hi.
Meghalaya Pradesh Congress Committee Chief in BJP leader banah Assam BJP govt a Minister Himanta Biswa Sarma kimuhpih chi’n Meghalaya BJP thusuak khat om hi. Himahleh, Chief Minister Dr Mukul Sangma in bel ka government a dingin patauhna ding bangmah a omkei a, hon patauhsak sawm a thuvekte’n bangmah tan a kalsuan zou tuankei ding uh chi hi. Meghalaya a Congress MLA hunkhop in north-eastern state a buai mahmah a, patau dak ging bangtukin a om a, himahleh, tu-le-tu in bangmah gentheih ahi naikei chi leuleu uhi. Uttarakhand leh Arunachal Pradesh state tuma in naktakin buai a, tu in Meghalaya ministry hong kisawiling nawn ding hiam chih mi tamtakin ngaihdan nei uh chih ahi hi.
Meghalaya a Congress sungthu thusuak khenkhat in a gendanin, state party chief DD Lapang in Himanta Biswa Sarma kimuhpih in BJP general secretary Ram Madhav tawh leng houlim uh chi uhi. Sarma bel Congress makai muanhuai mahmah himahleh Assam CM lui Tarun Gogoi tawh a kitauhtuah ziakin Minister hilai kitawp in BJP ah lut a, Assam a BJP government bawlkhiak a a om theihna leng Sarma panlakna ziak hiban hi’n kigen hi. Tulel in BJP makai bangzahhiam Shillong ah omlel uh a, Congress MLA kiphinte’n Garo leh Khasi community kala kideidanna om ahihthute naktakin vawk uh chihthu kiza hi.
TPH member te’n Press Club ah Press-te kimuhpih
Lamka, June-1: Tingleila Production House (TPH) apat mi 4- Vania Chawang, Judge & former Orange Queen; Sian Simte, Judge; Awungshi Khaiyar, Manager, TPH leh Gil Vashun, Photographer, TPH te'n tuni sunnung dak 1:00 in HQ veng a Lamka Press Club ah Press-te kimuhpih in June 11, 2016 apan July 23, 2016 sung a Dist. tuamtuam leh TRI, Imphal ah “Tribal Euphony the Solo Hunt Manipur Season 1” ding tawh kisai genpih uhi.
Solo Hunt Manipur Season 1 ahihleh Hill District 6 apat lasa siamte’ adia stage/platform bawlsak ding, traditional & culture kepbitna ding leh Hill District khat leh khat kikal a relation/understanding om thei nang tup-le-ngim hi a, June 11, 2016 in TRI, Imphal, June 14, 2016 in Ukhrul, June 16, 2016 in Senapati, June 18, 2016 in CCpur, June 20, 2016 in Chandel leh June 22, 2016 in Tamenglong Dist. ah audition round bawl hiding chi uhi.
Promotion Tour/Concert ahihleh July 4-16, 2016 sung in Hill District teng banah Mumbai ah om ding hi. Judge Round ahihleh June 25 & 26, 2016 hiding a, elimination kipan ding hi.
June 28 & 29, 2016 in TRI, Imphal ah Stage Round, July 2, 2016 in TRI, Imphal ah Final Round leh July 23, 2016 in TRI, Imphal ah Grand Finale Round om ding hi. Participant te'n folklore khat bek asak uh ngai ding hi’n gen uhi. Kipahman ahihleh 1st in Rs 2 lakh, 2nd in Rs 50,000, leh 3rd in Rs 25,000 ngah ding a, TPH in1st la pen kiang ah cassette/album 1 bawlsak ding uh hi’n gen uhi
LOCAL NEWS:
Phalna bei a singkung phuk liausak
Lamka, June-1: Bijang hausa Holkhosei Touthang makaih in Bijang hanmual ah May 30, 2016 in Mawngkum 3 phuk uh a, Divisional Forest Officer, Southern Divn./CCpur apan phalna omlou leh “Guidelines for felling of trees from non-forests areas, 2002” bawhsiat ziak un DFO/CCpur in May 31, 2016 in Bijang hausapa’ Rs. 951 liausak in case hihbei sak hi.
KS Tawmbing, IFS, DFO/CCpur apan kizadan in govt gam hilou (non forest area) ah singkung suante’n Forest deptt ah registration bawl ngai a, aphuk ding chiang unleng forest deptt ah phalna (permit) lak ngai hi’n gen hi. Govt office, mimal huan (garden) a singkung, hanmual a singkum omte Forest Deptt apan phalna tellou a phuk ahihleh “Guidelines for felling of trees form non-forests areas, 2002” bawhsiat ziak in Deptt. in liausak thei, Police matsak theih leh Jail tanpha tuntheih ziakin kuapeih pilvan poimawh hi’n gen hi.
Singngat leh Behiang area ading pawkhia
Lamka, June-1: Malaria Deptt./CCpur te'n tuni'n Singngat area leh Behiang area a Malaria affected area nuai ah khua 40 ahawmkhiat ding thousilen (Long Lasting Insecticide Net/Insecticide-treated Net) pua in Lamka nusia uhi. June 2, 2016 in Telsing bazar apan New Pangsang kikal khua 32 ading thousilen (LLIN/ITN) hawmkhe ding uhi.
UPF leh govt in kum 1 sung behlap
Lamka, June-1: Satyendra Garg, IPS, Jt. Secy.(Home) NE makaih in Manipur govt apan P. Doungel, IPS, ADPG (Prison & Intl.) leh United People Front (UPF) makaite’n May 30, 2016 in New Delhi ah kihouna (Tripartite talk) nei uh a, SoO hun June 8, 2017 tan daih ding behlap ding in kilemna suaikai uh a, govt in dialogue panpah ding in thuchiam bawl chihthu kiza hi. UPF makai te'n zan in meeting nei uh a, tuni'n Manipur hongtung kiknawn uhi.
Assessment Camp atelte’ ading certificate
Lamka, June-1: SSA/RET-IED saina a Synod Hall, IB road ah January 19, 2016 in kum 18 nuailam Disabled Person-te’ adia Medical Assesment Camp neih hun atel mi 100 te’ ading Disabled Certificate piakkhiat hiding hi. Huai thu ah June 2, 2016 zinglam dak 10:00-1:00 pm sung, Laitui Medico saka Inclusive Education for Disabled (IED) Recourse Room ah application form laktheih ding a, akisaipih te’n School Identity Card Xerox copy ahihkeileh Residential Certificate tawi ngaiding a, mi 100 te list leng ettheih ding hi.
Singngat JAC Women’s Wing te’n uap
Lamka, June-1: Singngat JAC Against Anti-Tribal Bills a Women’s Wing te’n tuni’n Hospital morgue ah All Manipur Tribal Women Union (AMTWU) makaih numeite hun zatna uap di’n Bus 1 in hongkuan uh a, thu leh la ah kithuahkhawmna aneih ban uah gam leh leitang, heutu/makaite a di’n thumna nei uhi. Prog hunsung in Nianglian in tutan numei pawlte panlakna pulak in, maban ah panlak nang tam lai chi hi. Tuni a honghawh Singngat khawsung a saptuam om EBC, PCI (R), MELC, NTBC, Salvation Army, CBA leh ZPCS apan mi 60 vel hi uhi.
Pre-paid meter 8490 activate uh
Lamka, June-1: Manipur State Power Distribution Company Ltd. (MSPDCL)/CCpur te’n khawpi sung ah zan tan in Electric pre-paid meter box 11833 thuah (installed) uh a, huai lak ah pre-paid meter box 8490 activated uhi.
MANIREDA in Hmar Veng leh Forest Gate kikal street lamp zou
Lamka, June-1: Deptt. of Science &Technology nuai a Autonomous Govt Agency, Manipur Renewable Energy Development Agency (MANIREDA) te’n town area sung ah solar street light koih uh a, Hmar Veng leh Tuibuong Forest Gate kikal kha 1 val akoihlouh nung un tuni’n solar street light koihta uhi. DC’s residence apan Tipaimukh road zui in Tuibuong peace ground kikal ah nitak hun in solar street light vakta hi.
NABARD panpihna in LEDP sai hiding
Lamka, June-1: WSHG nuai a Anchor NGO atel Rural Aid Service (RAS), Tuibuong te’n NABARD panpihna zang in Livelihood and Enterprise Development Program (LEDP) financial year 2016-17 sung in saiding uhi. LEDP ahihleh Women SHG Scheme nuai a Women SHG member-te’ adingbik hia, pateh (mushroom) bawldan, vok khoihdan (piggery poultry) leh ak khoihdan (poultry) training ding uhi. LEDP nuai a training ding WHSG member 150 telkhiat hita uh a, SAGY Village Kangvai tel in Cluster 3 ah sepsuah (implement ) hiding in kigen hi. RAS in training batch 5 tan saiding a, mi 90 te’n piggery, mi 7 te’n poultry leh mi 60 te’n mushroom training ding uh a, LEDP ahihleh SHW member-te adia nektak zawnna, khantouhna leh khawsuahnang a poimawh mahmah khat hi’n kigen hi.
ZUF over ground dia muanmawh 2 man
Lamka, June-1: Police apan kizadan in 7-Assam Rifles te'n thuguk hoihtak angahnung un zan (May 31) zinglam dak 11:30 in Hengkot khaw kiangah Zaliangrong United Front (ZUF) a overground hidia muanmawh Soithianlal (35) s/o Lalkhogou of Khousabung leh azi' Kimneihthem (34) te mankhia uhi. Nupa-te’n Lamka apan Khanpi village, Henglep sub divn. Apuak ding antang kg 25 chiat bag 50, Rs. 1,52,000/- leng 7-AR te’n mukhia uh a, nitak dak 10:00 in CCpur Police Station ah pekhia uhi. CCpur Police te'n nupa-te tuni'n CJM/CCpur court ah pawkhia uh a, court in June 6, 2016 tan Police custody ah omding in phalsak a, FIR No. 27 (5) 2016 CCP-PS U/S 400/34 IPC registered uhi.
CCpur A/C Rationing Agent-te’ meeting
Lamka, June-1: CCpur Assembly Constituency sunga National Food Security Act (NFSA) nuai ah rationing agent-te’n tuni sunnung dak 1:00 in Hiangtam Lamka a YPA GHQ hall ah meeting nei uh a, anntang hawm ding tawh kisai kikumkhawm uhi. Village Authority tawh kithuah a thil omdan beneficiary-te theihsiam sak a, kg 1 a Rs. 10 ah zuak ding leh innkuan 1 in kg 10 tan leitheih ding, beneficiary a theisiamlou omna munte ah bel zuak louh phot dingin thukim uhi. NFSA guideline dungzui in beneficiary te’n anntang kg 1 a Rs. 3 in leithei ding chih hi a, agent-te’ kg 1 a Rs. 3 mah deposit sak ahih banuah transportation charge in 20 percent cut-sa in released order piak hi uhi. FCS Godown ah anntang omteng half bag a Kg 50 dan in hongpai mahleh Kg 40-45 vel pha hi’n agent-te’n gen uhi. Meeting ah rationing agent 125 om lak ah a tamzawte kihel uhi.
Hospital blood bank ah sisan unit 76 om
Lamka, June-1: Dist Hospital ah May 2016 sungin naupiang 222, OPD ah damlou ki-ensak 6,260 banah tulel in Blood Bank ah sisan unit 76 om hi. Hiai tawh kisai in deptt-te’ report danin May 2016 sungin maternity ward ah naupai ki-admit 233 lak ah naungek 222 (Pasal 92 leh numei 91) piang a, huai lak ah akawp (twins) leh piangtung si 1 tuak om in, Nu gilsung apan sisa a lakkhiak (IUD) 2 om a, nauneih ziaka si bel omlou hi’n report uhi. Children Ward ah naupang 245 (pasal 137 leh numei 91) admit lakah 3 si ua, Surgical Ward mi 113 (pasal 65 leh numei 48) mi 7 Imphal ah refer in, 1 si hi.
Ortho Ward ah mi 43 (pasal 29 leh numei 14) leh ENT Ward ah mi 10 (Pasal 2 leh Numei 8) admit in om uhi. Blood bank ah tulel in sisan A+ve unit 18, A –ve unit 1, B+ve unit 24, AB+ve unit 8 leh O+ve unit 25 om hi. May 2016 sungin mi tuamtuam apan sisan unit 157 kaihkhawm hi a, damlou tuamtuam kiangah unit 115 pekhia in, zat theihlouh unit 2 om hi’n taklang uhi. Huailou, May kha sungin blood donation camp 2vei om ziakin hundang tawh tehin blood bank ah sisan kiningching mahmah hi’n kigen hi.
HYA Gen HQ in Relief anntang khakhia
Lamka, June-1: SDO/BDO Parbung leh ADC Pherzawl huapsung a om- Damdiei, Tuolbung, Maulien leh Thingpan khua ading relief anntang tuzing dak 9:30 in Tuibuong a DTC Hall Campus ah Alan Famhoite, Asst, Secy HYA Gen HQ in khahkhia (flag-off) hi. Aman agenna ah, Hmar bial a mipi haksatna theihpih in panpihna thonkhiak theih a om kipahhuai chi a, HYA Gen HQ makaite’n Hmar bial a veh hun ua mipi haksatdan thei in govt kiangah a nget dungzui ua piak uh hidan in gen hi. Huai hun ah Shyamchandra Sharma, SDO Parbung/ADC, Pherzawl, bialtu MLA worker-te leh HYA Gen HQ akipan Alan Famhoite leh LRS Puruolte, Exe. Member/Member, Info & Publicity Deptt., HYA Gen HQ te’n leng zui uh a, 407 truck zangin anntang bag 70 pua uhi.
IMPHAL NEWS:
Central sponsor scheme-te enkhe ding
Imphal, June-1: Parliamentary Standing Committee (PSC) on rural development apan member 20 leh Officer 5 telna team te’n Manipur ah Central sector leh Centrally sponsored schemes kisem khia-te enkhe din June 18-20, 2016 sung Manipur honpha ding uhi. PSC team te’n June 16-21, 2016 sung in Khajurahao, Bhopal, Imphal leh Kohima pha ding uh a, huai hun ah Ministry of Rural Development, Ministry of Drinking Water and Sanitation leh Ministry of Panchayat Raj banah Bank te’n scheme tuamtuam a sepkhiakte uh enkhe ding uh a, Nodal Ministry in scheme etkhiakna munte ah a kisaipih thuneite kiangah theihsakna bawl ding uh hi’n kigen hi. PSC team te’n scheme tuamtuam tawh kisai in Chief Secretary banah Manipur govt. nuai a dept. tuamtuam a official-te telin SBI, SLBC Convener, UBI leh Lead Bank official-te tawh kikupkhawmna leng nei ding uh hi’n taklang uhi.
Dy. Director inn ah grenade mukhia
Imphal, June-1: Imphal East a Andro Police Station in a huamkhak Andro Khunou ah tuni zingsang dak 8:30 velin RIMS a Dy. Director Y. Rajendro (35) s/o Y. Kunjo tenna inn huangsung ah hand grenade muhkhiak hi’n gen uhi. Akigendan in Y. Rajendro innkuan te’n tuni zingsang in grenade mukhia uh a, Police-te theihsak dungzui in Police bomb squad te’n grenade vala in zinglam dak 10:00 velin supuak uhi. Hiai tungtang sum ngetna tawh kisai hi dia gintak hi a, helpawl kipuang kuamah omlou uhi.
St. Ginlal Vaiphei siluang mukhia
Imphal, June-1: Hav. St. Ginlal Vaiphei(Army no.4364248), 7th Assam Regt. tulela 1st Arunachal Army Scout, Alsa Coy, Roing Unit, Arunachal Pradesh a sem, innlam a suty zang khin Dinjan Army transit camp, Tinsukia a ki-report dia kuanlai a omna theihlouh in mang a, huaimun apan gamlalou Tea Garden ah sisa in aluang mukhia uhi. Hav. St. Ginlal Vaiphei s/o Letpu of Langmaiching Village bel tulelin Leimakhong ah om uhi. Tuni’n Jailguri Tinsukia ah post mortem bawl in om a, Panitola PS ah koih a om in zingchiang in Army te’n atenna Leimakhong ah siluang pawtung ding uh chih kiza hi. Akigendan in CMP (TCP gate) a duty-te tawh kiselbuaina aneih nung apan a omna kitheilou hi’n gen uhi.
Police te’n tear gas hunbeisa zang uh
Imphal, June-1: Imphal area ah ILPS zat ding phutna a kiphinna neite betdaihna dingin police te’n tear gas shell a zat uh a tamzaw hunbeisa hi’n gen uhi. Tears gas hunbeisa nung a zat pen damtheihna dia a hoihlouh banah mitdel, chemical burns, nau ke sak (miscarriage), Asthma puang sak a, tear gas canister in mi a khak leh sihna tanpha tun thei hi’n gen uhi. The Resource Conservation and Recovery Act of 1976 dungzui in tears gas hunbeisa-te damtheihna din lauhuai a, dan (law) dungzui a hunbeisa thautang leh galvan dangdang zangte tungah mawh khuksak theih hi’n leng taklang uhi.
IED 4 muhkhiak in om
Imphal, June-1: Molcham Police Station in a huamkhak Chandel district a Phaisangjang area ah 4-Assam Regiment te’n tuni’n IED 4 mukhia uh a, bomb disposal squad te’n IED-te susia uh hi’n kigen hi. Helpawl te’n security force-te khoih ding tupna a kam uh hiding a gingtak ahi.
Jail sung ah mi 1 kikhailum
Imphal, June-1: Sajiwa Jail ah tualthatna tawh kisai a jail tang khat tuni zingsang in Sector 5 ah towel zang in window bar ah kikhailum hi. Amah bel, Arambam Naobi (27) s/o (late) Arambam Ibomcha of Takhel Makha Leikai hi a, Duty officer te’n zingsang dak 4:00 vel a Naobi kikhailum ahihlam theikhia uh hidan in gen uhi. Akigendan in Naobi in K. Sanathoi a thah banah mi 2 a suk liam ziakin July 4, 2015 in Sajiwa jail ah koih in om a, a innkuante’n lungsim veng lou leh psychiatrists hunkhop ki enkol sak hi’n leng gen uhi. A luang JNIMS morgue ah postmortem bawl zawh in a innkuante kiangah piak khiak in om hi.
Kiphinna in hindan nawngkaisak
Imphal, June-1: Manipur ah ILPS zat ding phutna a matawng a pang JCILPS te’n kiphin ding dan kichian tak puangkhe kei mahle uh Imphal area mun tuamtuam ah JCILPS gumtu te’n kiphinna nasatak nei uhi. Langjing Achouba Apunba Meira Paibi Lup te’n NH-37 in a tawtkhak Langjing Achouba chingmang area ah lampi khak uh a, Meira Paibi te’n Patsoi – Part 3 leh Part 1 ah lampi khak tan uhi. AT Mayang Imphal Road ah veng tuamtuam a Meira Paibi te’n lampi khak ua, Keishamthong Elangbam Leikai ah nupi 100 val ding te’n gari tai ding dal uhi. Khurai Lamlong Keithel ah kiphinna neite’n lampi lai ah tyre hal banah thil tuamtuam a koih ziak un gari tai theilou hi’n kigen hi. Ayangpalli road, Wangkhei area, Yairipok, Wangjing, Thoubal, Lilong, Khabam Lamkhai, Luwang Sangbam leh Mantripukhri area-te ah leng lampi khak uhi. Khwairamband Keithel, Kwakeithel, Thangal bazar, Paona Bazar, Lamlong bazar, Chingmeirong, Singajamei leh Thoubal a educational institution, dawr leh sumsinna inn teng kikhak hi.
TUNI THUPI:
“Himahleh Toupa’n tuni tan in theihsiamna lungtangte, muh theihna mitte leh zak theihna bilte ahonpiak nailouh na hi uhi.”
- Diuteronomi 29:4
EDITORIAL:
Talent banah kipahtawina!
Kuki Women Union makaihna in zan in Tuibuong Peace Ground a Indoor Stadium ah Miss East Queen, India 2016 title la Veineinem Singson d/o Paokhokam Singson of Sirhima, Dimapur, Nagaland kipahpihna program om hi. Kuapeuhin kipahpih mahmah in i thei a, uaptu leng mipi tam mahmah hi.
Miss East Queen, India ngah theihna ding kichi thil baihlam hideklou a, round tamveipi a maituah nunga lawhchinna thupitak ngah hiding hi. Melhoih leh melsia tawh kisai Pathian khutsuak ahi a, Pathian’ muhdan in mihing melsia kuamah omlou a, Amah batpih chiat siam leh bawl a om ngen ihi uhi. Himahleh, huchi kalah ana voudiak(melhoih leh kilawm tuandeuh) bel om thei mah hi a, avou diakte’ lakah leng mel-et mai a mite mit la leh midangte lungsim kuai deuh kichi leng om thei mah ahi hi.
Nungak Veineinem Singson hiai tan dinmun a tunzawh pen Northeast bial pumpi a adingin record break ahi chih haihvual ahikei a, kipahpih-huai petmah hi. Ama ading in a tempaina (talent) leng ahi ngei ding a, ama lungsim putdan diktak theikei mahlehang hibang career a sutzop zel a, title thupi leh minthang zawsem leng hong ngahtouh zel deihsak huai mahmah hi. MC Mary Kom in boxing lam lunglutna a neih ziakin tu in leitung pumpi in a theihphak hong hi a, nungak Veineinem in leng a melhoihna leh duangchingnate banah dotna tuamtuam kibawlte feltak leh lungtunhuai taka dawnna piaktheihna lungsim(presence of mind) tanpha a neih ziak hi’n kilang hi.
Talent i chih Pathian in hon piak ahi a, mihingte i tempaina a kibang kei himhim hi. A khente lemgelh siam uh a, bangzahhiamte lasiam uh a, la phuahsiam napi a lakaih bawlthei hetlou leng om hi. Tualou in, thugelh siam mahmah lah mipi mai a pau (public speech) thei hetlou leng adim in om zel hi. I topic tawh kizawi tawn kholkei mahleh, chiamnuih-thutak in gen lehang, milak a hang phanphan inn tun chiang a ‘Thaibawi’ i chih bangleng tam mahmah hi.
Pathian in leitung mihingte Amah batpih a hong bawl ahi a, ngaihtuahna tuamtuam telin gamtat-khawhei kilamdang himhim ding a hong bawl ahi hi. Leitung pumpi ah mihing simsenglouh phial atam om mahleh, mel-le-puam kibang chet omlou hi. Unau phiik mel kibang mahmah i chihte’n leng kilamdanna nei teitei uhi. Mihingte lam tuamtuam ah iki batna om mah leleng a taktak in kibatna bukim omlou ahihdan kuapeuh in i thei a, Pathian thilsiamte a bukimdan thupi mahmah hi chih kilatna ahi hi.
Huchi kalah, i mel-le-puam banah i lehkha sinna akibatlouh dungzui in ngaihdan tuamtuam hong pawtsek mah ahi a, Pathian in talent hon piakte zatdan siam leh siamlou kal tanpha kigamla mahmah hi. Lehkha lam a pai, music siam, khutsiam silbawl, laisiamlou khuak hiam himhim, kimawlna lam apai chih leh adangdang i om uhi. Pathian in talent hon piakte bangchibang in i kem in i zang uhiam chih ngaihsut huai petmah hi.
Pahtawina kichi bangleng poimawh a, hiai pe’n kitawisangna chikhat ahi hi. Kuahiam in koilai hiam ah lawhchinna a ngah leh kipahpih hiam pahtawi poimawh mahmah hi. Kigensiat sangin kipahtawina in mimal leh i society phungvuhzaw ahihdan i theih uh hoih hi. Na innkong lampi aneu (narrow) leh tua in na lungsim neu ahihdan a taklang chih pian deuhin ei lawiin kipahpihna lam chiil bawl kibang hi. Nidang in unaupa HL Khankhup in ‘Pahtawi pawl’ chih piandeuh society bawlkhiak poimawh hive aw a chih sek pen dik mahmah a, ei leh ei ikihanthawn a, Pathian in hon piak talent tuamtuam i neihte uh leitung pumpi theihding in kilahkhiak (expose) hun hita hi.
National gen louhin International level tanpha a football kimawl ding dinmun a om thei tuailai tamtak i omta a, national a football club ah leng player hunkhop i omta uh. Football kia hilou in line tuamtuam a talent i neihte uh maingaltak leh midangte zahtakna tel hetlou a i lahkhiak uh hunta hi. Unaunu Veineinem Singson, MC Mary Kom ahihkeileh national level a min vakilang ban tuamtuamte ikipahpih mahmah a, tuailai talent tuamtuam neite leng kipankhe ni chi ut ihi a, huai kawmin, mipi lamin leng amaute tawsawnna dingin kipahpihdan siam kisinlai nihang i chi hi.
No comments:
Post a Comment