HEADLINES:
India mipi makaihna ah khelhna lampi zuih hilou ding- Modi
PM Modi in Karnataka a Vikas Parv rally uap in thugen
Davangere, May-29: India Prime Minister Narendra Modi makaihna in Centre ah BJP makaih NDA govt kum 2 chinna hun zatna ah PM Modi in opposition pawl apan soiselna omte hilhchian kawm in, India mipi a makaihna ah khelhna lampi hiam, lampi diklou totpih hilou ding chi’n gen hi. Tuni in Davangere, Karnataka a Vikas Parv (development festival) hunah Prime Minister in mipi tamtak paikhawmte ma a thugen in, kum 2 sunga NDA govt in asepkhiakte pulak a, Congress makaih government in minhoih deihna ziakin ngawhna tuamtuam bawl uh chi’n gen hi.
BJP makaih NDA govt in kum 2 sungin scheme khenkhat sepsuah ding omzek lai mahleh, tunitan in scheme 700 val semsuah hi’n gen a, gensetute’n a nasepna tungtang dotna a bawl lai un, office nasan a om muang manlou phial hi’n gen hi. Kum 2 paisa in India ah govt thak a om akipan in, loubawlmite leh mizawngte khualna lian diak hi’n gen a, sepna tawh kisai banah middlemen-te’ maban ding ngaihtuahna in thil tamtak sepkhiak ahi chi hi.
India ah khenkhat te’n mipi vaihawmna gingta mahle uh, mipi mah in makai ding a atelchingte uh gingtalou hi’n gen a, NDA government gensiatna ding zongin pumbuai uh chi hi. Gensiatna tamtakte lakah Modi in thil thupi semkhelou chih tanpha ngawhna om a, kum 2 paisa a ka sepkhiakte, India mipite ading ngen ahi, chi’n Modi in mipi paikhawmte lakah gen hi.
Congress makaih UPA government hunlai in mi tamlou kiangah tanvou pia in, India khua-le-tui teng ading ngaihtuahlou uh chi’n leng Modi in ngawh a, Congress in khelhna a bawl khitsate BJP (NDA) government in bawl lou ding ahi chi hi. Tuni a Modi in thupuan a bawlte Congress leh party khenkhatte’n kum 2 sung NDA government nasep tungtang dotna a bawl ziak uh hi’n kigen hi.
Miss East Queen, India 2016 kipahpihna omding
Lamka, May-23: Kuki Women Union makaihna in May 31, 2016 nitaklam dak 3:00 in Tuibuong Peace Ground a Indoor Stadium ah Miss East Queen, India 2016 title ngah Miss Veineinem Singson d/o Paokhokam Singson of Sirhima, Dimapur, Nagaland tulel a AG Colony, Kohima, Nagaland a om kipahpihna program omding hi. Huai ah Chief Host in Lunminthang Haokip, IAS, DC/CCpur pang ding a, Guests of Honour in Langkhanpau Guite, Chairman, ADC/CCpur; Brig. R.K. Shama, Commander 27 Sector, A/R; L. Mangkhogin Haokip, IPS, SP/CCpur pang ding uhi.
Special Guest in mi 5 leh Special Invitees in mi 23 pang ding uhi. Program ah Rev. L.B. Angam, Executive Director, ECA (ECCI) in Veineinem Singson adin Pathian kiang ah thumsak ding hi. Dist. admn sik in Joel Haokip, SDO/BDO Thanlon leh Seiminthang, SDO/BDO Kangvai te’n present peding uh a, KWU te’n leng present peding uhi. DC/CCpur in message gen ding a, huai ah Chairman ADC/CCpur; Veineinem Singson leh a innkuante’n thugen ding uh a, lasiam tuamtuam te’n leng lasa ding uhi.
Tuinek kiching om theihna din Rs. 5 crore vel poimawh
Lamka, May-29: Th Baite, EE/PHED apan kizadan in khawpi sung adia tui lakna Zone –III (Khuga Dam) apan tui kiningching ngahna dingin tanky kibawl in tuilawng (pipe) leng kikhung khin a, munsang deuhte a tanky adi’n tui laklutna dingin scheme tuam poimawh a, huai di’n Rs. 5 crore vel poimawh chi hi.
Khuga Dam tui in Tuibuong area, Kamdouveng lak leng supply hi’n gen a, CCpur govt H/S a water reservoir (tanky) akipan HQ Veng a IB tanky ah tui pump touhna ding in electric power poimawh a, huai di’n Electricity kiang ah transformer leina ding sum deposit zawh a hita hi’n gen hi. IB tangvum a tanky ah tui pump touh theih hunhun in HQ Veng, Phailian leh Chiengkawn area ah mipi’n tui kiching ngah ding hi’n leng gen hi.
Tulel in Khuga Dam akipan direct in Tipaimukh road, Tedim road banah Tuibuong area a lamkhang lam teng ah mipi’n tui hoihtaka ngahthei hi’n gen hi. Tuitawm hun khallai in Zone-I (Koite Lui) Zone-II (Lanva/Bungmual reservoir) ah tui kidaihlou a, Zone-III (Khuga Dam) ah bel tui kiningching tak in om a, electric power zang in tanky tuamtuam a tui pump lut theihna ding in scheme bawl ngai a, huai ding in Rs. 5 crores vel lut ding a, huai scheme sepsuah theih hileh khawpi sung ah chiklai peuhin mipi’n tuinek ding kiningching ngah thei ding hi’n gen hi. Khuga Dam akipan khawpi sunga tuinek ding supply na a kizang pipe lawngte 1 ah Rs. 30,000 vel beizou hi’n leng EE, PHED in gen hi.
LOCAL NEWS:
BWWA 3rd Anniversary, laibu honna leh election nei ding
Lamka, May-29: Bijang Women Welfare Assn. (BWWA) 3rd Anniversary, La (song) lakkhawm Laibu honna leh Election kithuah May 30, 2016 zinglam dak 10:00 in Bijang Community Hall ah omding hi. I- Session ah VA & BYC makaih in Election omding a, II-Session ah Chief Guest in Th. Baite. EE, PHED/CCpur hiding hi. Guest of Honour in Kamboi Gangte, AE, PHED/CCpur banah Functional President in Holkhosei Touthang, Chief of Bijang leh Ngamhao Touthang, Chief of Sielbuhjang hiding hi. Huai hun ah Retd. Pr. Lamkhosei in Laibu hongding a, kum 2016-2018 sung BWWA makai telchiang thak te’n kichiamna neiding uhi. Program sung in khuallian-te apan thugenna ban ah Electric Veng, Gangte Veng, Sielbuhjang, Vengpi/Venglai, Family Lane, Vengneo/Tanky Veng te’n special item present ding uhi.
Class X leh XII passed-te kipahpihna leh lawhsamte hanthonna nei ding
Lamka, May-29: Lungchin Welfare Society leh Lungchin Simthu saina in June 5, 2016 nitaklam dak 1:00 in L. Zamzathang Inn, Zamsuan Road, College veng ah tukum 2016 a Lungchin khawmi Class X leh XII passed-te kipahpihna leh lawhsamte hanthonna hun zang ding uhi. Huai dingin lawhching te’n vaisaite kiangah June 1, 2016 tan in Mark sheet leh passport piak ngai ding hi.
TCSA GHQ in kipahpihthu puang
Lamka, May-29: Tedim Chin Students Assn. GHQ a Inf. Secy. Zam Khan Muan in tukum class X & XII board tuamtuam a lawhchinna ngahte kipahpihthu puang a, lawhching khaloute’n leng lungkiatna neilou a, thathak lakna hizaw dingin deihsakthu puang hi. Lawhchingte’n maban ah thanuam sem, kuhkalna mah len tinten a, innsung, vengsung, khua leh minam adia zattham leh suantak hong hih uh deihthu puang hi.
Suangdoh khua ah kipahpihna omding
Lamka, May-29: Suangdoh hausa, SSPP Suangdoh block pangkhawm in June 4, 2016 in Suangdoh a Kaikho-en Academy Campus ah SSPP Suangdoh block sung a Class X & XII passed te kipahpihna program omding hi. Session-I zinglam dak 11:00 in kipan ding a, Paukhenkhup Guite, Chairman, Suangdoh govt. H/S, Pausonthang, President, SSPP Suangdoh block, Upa Dr G. Chinkholian, Chief of Suangdoh, Lianzapau Samte, President, SSPP GHQ te’n thu gen ding uhi.
Session-II sunnung dak 2:00 in Pastor VL Hminglian, Area Pastor, EBC in SSPP Suangdoh block sung a class X &XII passed teng Pathian kiang ah thumsak ding hi. G. Suanchinpau, MDC, Lianzapau Samte, Thangzamuan Tombing, Tribunal General/ATSUM, Pausonthang, Upa Dr G. Chinkholian leh M. Chinkhen, Secy. SSPP Suangdoh block te’n thugen ding uh a, program zawh in lawhchingte’ kipahpihna in ankuang umkhawm ding uhi.
Ebenezer Polyclinic hon hiding
Lamka, May-29: Langkhanpau Guite, Chairman, ADC/CCpur in May 30, 2016 zinglam dak 11:00 in New Lamka Go Cin Khup Veng ah “Ebenezer Poly-Clinic” hong ding a, Rev. Sut Khan Thang, Executive Secy. CBA in Pathian kiang ah thumna in landing hi. Huai hun ah Dr. Hatzaw, Prop. Ebenezer Polyclinic in introductory speech nei ding a, Rev M. Gousuan in thumna in hunkhak ding hi.
YPA GHQ vaipaw ding telna omding
Lamka, May-29: Hiangtam Lamka a YPA GHQ Hall ah kum 2016-2019 sung YPA GHQ makai ding mi 17 telna election omding hi. Huai adi’n nomination file 38 teng avek un paisuak uh a, YPA GHQ khangthu a election hun ah nomination file tampen hun hi’n kigen hi. Telching thak mi 17 te’n amau sung ah Central Cabinet ding-President, Vice President, General Secy. Joint Secy. 2, Finance Secy. leh Treasurer telkhe ding uh a, midang 10-te Central Executive Committee (CEC) member hiding uhi.
Lungthul (D) ah lawhchingte kipahpihna
Lamka, May-29: SSPP Lungthul block te’n June 4, 2016 nitak 7:00 in Lungthul (D) ah HSLC & HSSLC exam 2016 a lawhchingte kipahpihna nei ding uh a, Chief Guest in G. Suanchinpau, MDC pang ding hi. Functional President in Lianzapau Samte, President, SSPP GHQ leh Guest of Honour in Thangzamuan Tombing, Tribunal General/ATSUM pang ding hi. Pastor H. Thangbiaklal, bial Pastor, EBCC Lungthul (D) in student lawhchingte Pathian kiang ah thumsak ding hi. Khuallian te thugenna ban ah SSPP Lungthul Block te’n lawhchinna ngah student te present peding uh a, SSPP Lungthul Block makaih in Games & Sports neih hun a kipahman hawmkhiatna leng omding hi.
SUUNNA:
Lianngaihkim (37) w/o Upa Ginkhanlun Zou of Maikhuli, Guwahati, tuni sunnung dak 2:00 velin cancer in si a, May 30, 2016 in ZWA hanmual, Guwahati ah kivui ding hi.
L. Goihzanang (78) f/o Thangkhansuan of Lanva, tuni zinglam dak 10:10 velin awmna in si a, nitaklam in Lanva hanmual ah kivui hi.
Phazachin Munluo w/o Kulthang Munluo of Singngat, tulel a Tuiman khua a om, damlou in si a, May 30, 2016 in Singngat hanmual ah kivui ding hi.
Zikkhanding (35) s/o (late) Ginthanlian of Bukpi, tuzing dak 7:00 velin sinna in si a, nitaklam in Bukpi hanmual ah kivui hi.
Lienkung Pudaite f/o Lallawmkim Neitham of Sielmat, tulel a Guwahati aom damlou in si a, May 30, 2016 in aluang puak leh Sielmat hanmual ah vui hiding hi. Lienkung Pudaite’ bel (late) Dr.Rochung Pudaite’ pianpih ahi.
IMPHAL NEWS:
Rape victim-te phalna lou in nau sukkiat theih hilou: Kotiswar
Imphal, May-29: Human Rights Law Network (NHLN) leh Manipur State Legal Service Authority (MSLSA)-te saina in Chingmeirong a Classic Grande Hotel ah tuni’n ‘The judicial colloquium on Sexual Health and Reproductive rights’ tawh kisai in workshop om hi. Huai ah Justice N. Kotiswar Singh in sualluih (rape) ziak a naupai te’n nau a neih khiak leh neih khiak louh ding amau tungah kinga a, amau phalna lou a nau suk kiak phal louh hi’n gen hi. Govt in sualluih ziak a naunei leh naungek a damtheihna ding un a etkai uh poimawh chi hi. Sualluih ziak a naungek piang te’n mi rape tupa gou (inheritance) luah theih nang tanvou (rights) nei uh a, mi rape tupa ta taktak bang a ngaih hiding uh a, himahleh naupang etkolna munte (adoption centre) ah khang lian ahihleh mi rape tu gou luah theihna tanvou mansuah ding uh chi’n gen hi. Hiai hun Justice Ujjal Bhuyan, Justice BK Singh, retd. Judge, Gauhati High Court leh mi tuamtuam te’n uap uhi.
Dr. Meinya’ pianna nu si
Imphal, May-29: Dr. T. Meinya, MP/Inner Manipur pianna nu kum 94 a upa Maipakpi May 26, 2016 in a tenna inn ah si a, tua hun laitak in Dr. T. Meinya in Shillong a remote control room apan Prime Minister Modi in B.G. Silchar-Jiri passenger Train a khahkhiak hun va uap hi’n gen uhi.
Assam BJP-te nungzui din chial
Imphal, May-29: Yaiskul Constituency a Bramapur Aribam Leikai a YCB mun ah tuni’n Ward No. 18 a IMC candidate Laimayum (O) Inunganbi Devi a dingin flag hoisting ceremony cum political conference om a, huai ah Assam apan Finance leh Education Minister Himanta Biswa Sarma in Manipur mipi’n Assam BJP-te nungzui dingin ngetna bawl a, Assam ah kum 2011 in BJP in MLA 8 lel nei mahleh Assembly Election hun ah BJP leh a kizoppih political party te’n seat 78 tang uhi. Manipur ah nekgukna tawh kisai a tawndan paitou zel in Police a SI post leh constable lakna dia Rs. 20 lakh leh Rs. 5-6 lakh kikal piak ngai a, hibang tawndan Assam ah leng om a, Finance leh Education Minister a let tawh kiton in July 10, 2016 tan in Education sector ah sum piak ngailou in tuailai 8,000-te sepna pe dingin gen hi. Manipur BJP te’n Election 2017 hun ah Congress zawh theihna dia hatna nei uh a, BJP in vualzawhna a ngah leh Ibobi govt. in a sepsuah zawh louh 24 hours electricity leh inn chih ah potable tap water lam ah khantouhna tun ding hi’n taklang hi.
RIMS ah aliam 29 puaklut in om
Imphal, May-29: Manipur ah ILPS zat ding phutna in JCILPS nuai a women leh students’ wing-te’n tuni’n kiphinna nei uh a, police tawh kinawktuahna ah student 24 vel liam in RIMS puaklut in om uhi. Akigendan in student wing te’n a thilphut uh telin May 24, 2016 ni a police te’n student 2 a matte uh khahkhiak ding phutna in nitaklam dak 3:40 velin Keisampat Leimajam Leikai apan Keishampat manawh in lampi zui uh a, huai nung in lampi khak tan uhi. Police te’n nitaklam dak 4:00 velin student-te hawlkhiakna ding in teargas, smoke bomb leh water canon kap khum uh a, police-te gamtatna ah student hunkhop khaw phoklou in om uh a, police te’n hospital tun uhi. Hospital a puaktung student-te ahihleh Iboton Sana Girls apan mi 19, TG Grils apan 9 leh CC Hr Sec. School apan pasal 1 hi’n gen uhi. Hospital ah first-aid piak zawh in student bangzahhiam te’n police-te kimat sak sawm in police gari ah lut uh a, JCILPS a womens’ wing te’n CM Bungalow luh sawm mahle uh lawhsam uh hi’n kigen hi.
TUNI THUPI:
“Mi diktat in thil tawmchik a neih mi gilou salou in thil tampi aneih keihkuih te sangin a hoihzaw hi.” -Sam 37: 16
Editor’ akipan thutut
Amasa in kei leh ka seppih staff tengin tuhun tanpha honpi a hon makaih Pa Pathian kiangah pahtawina leh thupina pia in kipahthu ka tun uhi. Huai banah mun chih a om Manipur Express ngaina a latu leh simtute tengteng, hong kithuahpih Patron Member-te, hong phungvuh advertiser-te leh lainatna tawh thumna a pangte tengteng na tung uah kipahthu ka hon gen hi. Tuni (May 30,2016) in Manipur Express kum 35 chingta hi. Kum 35 paisa May 30, 1981 in Manipur Express issue masapen suahkhiak hi a, huai hunlai a MP (Lok Sabha) N. Gouzagin in Lamka khawpi laizang a om Town office mun ah hongkhia hi.
Newspaper patkhiak tunglai in i gam dinmun niam mahmah lai a, sum-le-pai muhna (commercial purpose) hoihtak hidan a theih ziaka Newspaper pankhia tam mahleh ke’n bel huailam ngaihtuah banlou in mipi adia phatuam ding leh sepna tuamtuam-teacher, LDC/UDC, police, sepaih, officer post tuamtuam leh khawsakna kip leh detdou om theihna ding sepna awng(vacancy) om hunhun a puangzak thei ding Newspaper om leh i gam in bangzahta a phattuampih a i khawsakna leng changkang zawdeuh thei ding hiam chih khong ngaih poimawh pena nei in khawsakna haksatak kalah kana pankhe teitei hi.
Haksatna tamtak kalah leng bangchichi hiam a sunzom thei hamham in achang in sum a lakh a sim ba hialin kana paitouhpih teitei a, tuni in lawhching hiam ka tuptan tangtun zou naikei mahleng Pathian hehpihna ziakin awl-awla masawn in paitou nimnem theilai a, himahleh tunna tantan a kip leh detdou thei dinmun a i Newspaper a om ziakin ka seppih editorial staff-te, production staff, office a staff-te, agent/hawker-te leh a latute tengteng tungah kipahthu kon gen thakthak hi. Adiakin ka kipahna mahmah ahihleh survey ka bawlna uah kum 2010 tan in Manipur Express a Employment News kisuah ziaka sepna mu mi 2000/3000 valtham om chih in hon kipaksak in hon thathousak petmah hi.
Tu in Manipur Express kum 35 hial ching mahleh tuni tan in sum-le-pai kiching hiam kitoudelh theihna ding khop sum lama lawhchinna gen ding omkei mahleh gam leh mipi adia bangtanhiam phattuamna tun ahihdan ka theih in kipahhuai kasa veve hi. Maban ah panlakna ding kalbi(step) poimawhtak a omlai a, i News quality hoihzawksemna ding leh piching zawsem a suahkhiak ahih theihna ding tawh kisai thil hilai hi.
Huai tawh kisai in kum 2 paisa akipan Manipur Express print khiakna ding multi colour web officer machine thak leisawm in panlak ahi a, huai tuni tan tangtun zawh hinailou phot hi. Huai ding in Chartered Accountant in project a bawl dungzui in project tawh kisai senna ding Rs. 90 lakh phazou hi. Huai lakah Manipur Express in a puakkhiak ding Rs. 42.19 lakh hi a, bank akipan loan Rs. 50 hiding chih ahi hi. Manipur Express in a sen ding Rs. 42.19 lakh bel kum 2015 sunga piakfel hita a, Bank loan Rs. 50 lakh pen a kingak lai ziakin tutan fel nailou in ngak hi a, thil omdan theichianloute adin gintak-huailou bang hial hi.
Project cost dan in machine man Rs. 70 lakh hi a, Rs. 20 lakh bel working capital (senna tuamtuam a zat ding) ahi hi. Bank loan ngak lailai hileh hun sawt hong kiveiluat ding a deih huailouh ziakin machine man asamlai teng piakfel a machine pen hongtun hun a ngaklah huai ziakin a thak a kisan teitei ngai a, kal 1/2 sunga piakfel hita ding a, machine leng June/July, 2016 sungin Faridabad akipan hong thonkhiak ding un kihoufel hita hi.
Huai tawh kisai mah in i Newspaper tungtawn a sum muhna tamzaw a lakman(fee) hi a, advertisement akipan muhna tamzaw ding himahleh i gam economy aniam ziakin advertisement akipan muhna tawmzaw phing hi. Huaiziakin news fee hong lut ginat kei leh maban ah haksatna lianpi tuak thei din i-om hi. I Newspaper lawhchinna dinga News la a khatenga fee piate tung ah kipahthu ka gen a, khateng a pelou leh kha paisa 2/3 a bat neite’n May 2016 kha lakman tan kimtaka pechiat ding in nget leh theihsak hi a, tu dinmun a bat zel leh kha 2/3 tan news lakman bate himhim News piak zom lailai thil haksa hong suak ding hi. News bawlkhiakna ding a kizang laipuan, laitui, plate leh chemical-te bat chih om theilou in neih-leh-neihlouh hi theilou in piak teitei ngai a, fee (news lakman) bel news kipiate akha beinung a kikhon pan hisek hi. Huaiziakin news latu kuapeuh in theisiama ngai poimawh dingin i kingen in iki- theisak hi.
India mipi makaihna ah khelhna lampi zuih hilou ding- Modi
PM Modi in Karnataka a Vikas Parv rally uap in thugen
Davangere, May-29: India Prime Minister Narendra Modi makaihna in Centre ah BJP makaih NDA govt kum 2 chinna hun zatna ah PM Modi in opposition pawl apan soiselna omte hilhchian kawm in, India mipi a makaihna ah khelhna lampi hiam, lampi diklou totpih hilou ding chi’n gen hi. Tuni in Davangere, Karnataka a Vikas Parv (development festival) hunah Prime Minister in mipi tamtak paikhawmte ma a thugen in, kum 2 sunga NDA govt in asepkhiakte pulak a, Congress makaih government in minhoih deihna ziakin ngawhna tuamtuam bawl uh chi’n gen hi.
BJP makaih NDA govt in kum 2 sungin scheme khenkhat sepsuah ding omzek lai mahleh, tunitan in scheme 700 val semsuah hi’n gen a, gensetute’n a nasepna tungtang dotna a bawl lai un, office nasan a om muang manlou phial hi’n gen hi. Kum 2 paisa in India ah govt thak a om akipan in, loubawlmite leh mizawngte khualna lian diak hi’n gen a, sepna tawh kisai banah middlemen-te’ maban ding ngaihtuahna in thil tamtak sepkhiak ahi chi hi.
India ah khenkhat te’n mipi vaihawmna gingta mahle uh, mipi mah in makai ding a atelchingte uh gingtalou hi’n gen a, NDA government gensiatna ding zongin pumbuai uh chi hi. Gensiatna tamtakte lakah Modi in thil thupi semkhelou chih tanpha ngawhna om a, kum 2 paisa a ka sepkhiakte, India mipite ading ngen ahi, chi’n Modi in mipi paikhawmte lakah gen hi.
Congress makaih UPA government hunlai in mi tamlou kiangah tanvou pia in, India khua-le-tui teng ading ngaihtuahlou uh chi’n leng Modi in ngawh a, Congress in khelhna a bawl khitsate BJP (NDA) government in bawl lou ding ahi chi hi. Tuni a Modi in thupuan a bawlte Congress leh party khenkhatte’n kum 2 sung NDA government nasep tungtang dotna a bawl ziak uh hi’n kigen hi.
Miss East Queen, India 2016 kipahpihna omding
Lamka, May-23: Kuki Women Union makaihna in May 31, 2016 nitaklam dak 3:00 in Tuibuong Peace Ground a Indoor Stadium ah Miss East Queen, India 2016 title ngah Miss Veineinem Singson d/o Paokhokam Singson of Sirhima, Dimapur, Nagaland tulel a AG Colony, Kohima, Nagaland a om kipahpihna program omding hi. Huai ah Chief Host in Lunminthang Haokip, IAS, DC/CCpur pang ding a, Guests of Honour in Langkhanpau Guite, Chairman, ADC/CCpur; Brig. R.K. Shama, Commander 27 Sector, A/R; L. Mangkhogin Haokip, IPS, SP/CCpur pang ding uhi.
Special Guest in mi 5 leh Special Invitees in mi 23 pang ding uhi. Program ah Rev. L.B. Angam, Executive Director, ECA (ECCI) in Veineinem Singson adin Pathian kiang ah thumsak ding hi. Dist. admn sik in Joel Haokip, SDO/BDO Thanlon leh Seiminthang, SDO/BDO Kangvai te’n present peding uh a, KWU te’n leng present peding uhi. DC/CCpur in message gen ding a, huai ah Chairman ADC/CCpur; Veineinem Singson leh a innkuante’n thugen ding uh a, lasiam tuamtuam te’n leng lasa ding uhi.
Tuinek kiching om theihna din Rs. 5 crore vel poimawh
Lamka, May-29: Th Baite, EE/PHED apan kizadan in khawpi sung adia tui lakna Zone –III (Khuga Dam) apan tui kiningching ngahna dingin tanky kibawl in tuilawng (pipe) leng kikhung khin a, munsang deuhte a tanky adi’n tui laklutna dingin scheme tuam poimawh a, huai di’n Rs. 5 crore vel poimawh chi hi.
Khuga Dam tui in Tuibuong area, Kamdouveng lak leng supply hi’n gen a, CCpur govt H/S a water reservoir (tanky) akipan HQ Veng a IB tanky ah tui pump touhna ding in electric power poimawh a, huai di’n Electricity kiang ah transformer leina ding sum deposit zawh a hita hi’n gen hi. IB tangvum a tanky ah tui pump touh theih hunhun in HQ Veng, Phailian leh Chiengkawn area ah mipi’n tui kiching ngah ding hi’n leng gen hi.
Tulel in Khuga Dam akipan direct in Tipaimukh road, Tedim road banah Tuibuong area a lamkhang lam teng ah mipi’n tui hoihtaka ngahthei hi’n gen hi. Tuitawm hun khallai in Zone-I (Koite Lui) Zone-II (Lanva/Bungmual reservoir) ah tui kidaihlou a, Zone-III (Khuga Dam) ah bel tui kiningching tak in om a, electric power zang in tanky tuamtuam a tui pump lut theihna ding in scheme bawl ngai a, huai ding in Rs. 5 crores vel lut ding a, huai scheme sepsuah theih hileh khawpi sung ah chiklai peuhin mipi’n tuinek ding kiningching ngah thei ding hi’n gen hi. Khuga Dam akipan khawpi sunga tuinek ding supply na a kizang pipe lawngte 1 ah Rs. 30,000 vel beizou hi’n leng EE, PHED in gen hi.
LOCAL NEWS:
BWWA 3rd Anniversary, laibu honna leh election nei ding
Lamka, May-29: Bijang Women Welfare Assn. (BWWA) 3rd Anniversary, La (song) lakkhawm Laibu honna leh Election kithuah May 30, 2016 zinglam dak 10:00 in Bijang Community Hall ah omding hi. I- Session ah VA & BYC makaih in Election omding a, II-Session ah Chief Guest in Th. Baite. EE, PHED/CCpur hiding hi. Guest of Honour in Kamboi Gangte, AE, PHED/CCpur banah Functional President in Holkhosei Touthang, Chief of Bijang leh Ngamhao Touthang, Chief of Sielbuhjang hiding hi. Huai hun ah Retd. Pr. Lamkhosei in Laibu hongding a, kum 2016-2018 sung BWWA makai telchiang thak te’n kichiamna neiding uhi. Program sung in khuallian-te apan thugenna ban ah Electric Veng, Gangte Veng, Sielbuhjang, Vengpi/Venglai, Family Lane, Vengneo/Tanky Veng te’n special item present ding uhi.
Class X leh XII passed-te kipahpihna leh lawhsamte hanthonna nei ding
Lamka, May-29: Lungchin Welfare Society leh Lungchin Simthu saina in June 5, 2016 nitaklam dak 1:00 in L. Zamzathang Inn, Zamsuan Road, College veng ah tukum 2016 a Lungchin khawmi Class X leh XII passed-te kipahpihna leh lawhsamte hanthonna hun zang ding uhi. Huai dingin lawhching te’n vaisaite kiangah June 1, 2016 tan in Mark sheet leh passport piak ngai ding hi.
TCSA GHQ in kipahpihthu puang
Lamka, May-29: Tedim Chin Students Assn. GHQ a Inf. Secy. Zam Khan Muan in tukum class X & XII board tuamtuam a lawhchinna ngahte kipahpihthu puang a, lawhching khaloute’n leng lungkiatna neilou a, thathak lakna hizaw dingin deihsakthu puang hi. Lawhchingte’n maban ah thanuam sem, kuhkalna mah len tinten a, innsung, vengsung, khua leh minam adia zattham leh suantak hong hih uh deihthu puang hi.
Suangdoh khua ah kipahpihna omding
Lamka, May-29: Suangdoh hausa, SSPP Suangdoh block pangkhawm in June 4, 2016 in Suangdoh a Kaikho-en Academy Campus ah SSPP Suangdoh block sung a Class X & XII passed te kipahpihna program omding hi. Session-I zinglam dak 11:00 in kipan ding a, Paukhenkhup Guite, Chairman, Suangdoh govt. H/S, Pausonthang, President, SSPP Suangdoh block, Upa Dr G. Chinkholian, Chief of Suangdoh, Lianzapau Samte, President, SSPP GHQ te’n thu gen ding uhi.
Session-II sunnung dak 2:00 in Pastor VL Hminglian, Area Pastor, EBC in SSPP Suangdoh block sung a class X &XII passed teng Pathian kiang ah thumsak ding hi. G. Suanchinpau, MDC, Lianzapau Samte, Thangzamuan Tombing, Tribunal General/ATSUM, Pausonthang, Upa Dr G. Chinkholian leh M. Chinkhen, Secy. SSPP Suangdoh block te’n thugen ding uh a, program zawh in lawhchingte’ kipahpihna in ankuang umkhawm ding uhi.
Ebenezer Polyclinic hon hiding
Lamka, May-29: Langkhanpau Guite, Chairman, ADC/CCpur in May 30, 2016 zinglam dak 11:00 in New Lamka Go Cin Khup Veng ah “Ebenezer Poly-Clinic” hong ding a, Rev. Sut Khan Thang, Executive Secy. CBA in Pathian kiang ah thumna in landing hi. Huai hun ah Dr. Hatzaw, Prop. Ebenezer Polyclinic in introductory speech nei ding a, Rev M. Gousuan in thumna in hunkhak ding hi.
YPA GHQ vaipaw ding telna omding
Lamka, May-29: Hiangtam Lamka a YPA GHQ Hall ah kum 2016-2019 sung YPA GHQ makai ding mi 17 telna election omding hi. Huai adi’n nomination file 38 teng avek un paisuak uh a, YPA GHQ khangthu a election hun ah nomination file tampen hun hi’n kigen hi. Telching thak mi 17 te’n amau sung ah Central Cabinet ding-President, Vice President, General Secy. Joint Secy. 2, Finance Secy. leh Treasurer telkhe ding uh a, midang 10-te Central Executive Committee (CEC) member hiding uhi.
Lungthul (D) ah lawhchingte kipahpihna
Lamka, May-29: SSPP Lungthul block te’n June 4, 2016 nitak 7:00 in Lungthul (D) ah HSLC & HSSLC exam 2016 a lawhchingte kipahpihna nei ding uh a, Chief Guest in G. Suanchinpau, MDC pang ding hi. Functional President in Lianzapau Samte, President, SSPP GHQ leh Guest of Honour in Thangzamuan Tombing, Tribunal General/ATSUM pang ding hi. Pastor H. Thangbiaklal, bial Pastor, EBCC Lungthul (D) in student lawhchingte Pathian kiang ah thumsak ding hi. Khuallian te thugenna ban ah SSPP Lungthul Block te’n lawhchinna ngah student te present peding uh a, SSPP Lungthul Block makaih in Games & Sports neih hun a kipahman hawmkhiatna leng omding hi.
SUUNNA:
Lianngaihkim (37) w/o Upa Ginkhanlun Zou of Maikhuli, Guwahati, tuni sunnung dak 2:00 velin cancer in si a, May 30, 2016 in ZWA hanmual, Guwahati ah kivui ding hi.
L. Goihzanang (78) f/o Thangkhansuan of Lanva, tuni zinglam dak 10:10 velin awmna in si a, nitaklam in Lanva hanmual ah kivui hi.
Phazachin Munluo w/o Kulthang Munluo of Singngat, tulel a Tuiman khua a om, damlou in si a, May 30, 2016 in Singngat hanmual ah kivui ding hi.
Zikkhanding (35) s/o (late) Ginthanlian of Bukpi, tuzing dak 7:00 velin sinna in si a, nitaklam in Bukpi hanmual ah kivui hi.
Lienkung Pudaite f/o Lallawmkim Neitham of Sielmat, tulel a Guwahati aom damlou in si a, May 30, 2016 in aluang puak leh Sielmat hanmual ah vui hiding hi. Lienkung Pudaite’ bel (late) Dr.Rochung Pudaite’ pianpih ahi.
IMPHAL NEWS:
Rape victim-te phalna lou in nau sukkiat theih hilou: Kotiswar
Imphal, May-29: Human Rights Law Network (NHLN) leh Manipur State Legal Service Authority (MSLSA)-te saina in Chingmeirong a Classic Grande Hotel ah tuni’n ‘The judicial colloquium on Sexual Health and Reproductive rights’ tawh kisai in workshop om hi. Huai ah Justice N. Kotiswar Singh in sualluih (rape) ziak a naupai te’n nau a neih khiak leh neih khiak louh ding amau tungah kinga a, amau phalna lou a nau suk kiak phal louh hi’n gen hi. Govt in sualluih ziak a naunei leh naungek a damtheihna ding un a etkai uh poimawh chi hi. Sualluih ziak a naungek piang te’n mi rape tupa gou (inheritance) luah theih nang tanvou (rights) nei uh a, mi rape tupa ta taktak bang a ngaih hiding uh a, himahleh naupang etkolna munte (adoption centre) ah khang lian ahihleh mi rape tu gou luah theihna tanvou mansuah ding uh chi’n gen hi. Hiai hun Justice Ujjal Bhuyan, Justice BK Singh, retd. Judge, Gauhati High Court leh mi tuamtuam te’n uap uhi.
Dr. Meinya’ pianna nu si
Imphal, May-29: Dr. T. Meinya, MP/Inner Manipur pianna nu kum 94 a upa Maipakpi May 26, 2016 in a tenna inn ah si a, tua hun laitak in Dr. T. Meinya in Shillong a remote control room apan Prime Minister Modi in B.G. Silchar-Jiri passenger Train a khahkhiak hun va uap hi’n gen uhi.
Assam BJP-te nungzui din chial
Imphal, May-29: Yaiskul Constituency a Bramapur Aribam Leikai a YCB mun ah tuni’n Ward No. 18 a IMC candidate Laimayum (O) Inunganbi Devi a dingin flag hoisting ceremony cum political conference om a, huai ah Assam apan Finance leh Education Minister Himanta Biswa Sarma in Manipur mipi’n Assam BJP-te nungzui dingin ngetna bawl a, Assam ah kum 2011 in BJP in MLA 8 lel nei mahleh Assembly Election hun ah BJP leh a kizoppih political party te’n seat 78 tang uhi. Manipur ah nekgukna tawh kisai a tawndan paitou zel in Police a SI post leh constable lakna dia Rs. 20 lakh leh Rs. 5-6 lakh kikal piak ngai a, hibang tawndan Assam ah leng om a, Finance leh Education Minister a let tawh kiton in July 10, 2016 tan in Education sector ah sum piak ngailou in tuailai 8,000-te sepna pe dingin gen hi. Manipur BJP te’n Election 2017 hun ah Congress zawh theihna dia hatna nei uh a, BJP in vualzawhna a ngah leh Ibobi govt. in a sepsuah zawh louh 24 hours electricity leh inn chih ah potable tap water lam ah khantouhna tun ding hi’n taklang hi.
RIMS ah aliam 29 puaklut in om
Imphal, May-29: Manipur ah ILPS zat ding phutna in JCILPS nuai a women leh students’ wing-te’n tuni’n kiphinna nei uh a, police tawh kinawktuahna ah student 24 vel liam in RIMS puaklut in om uhi. Akigendan in student wing te’n a thilphut uh telin May 24, 2016 ni a police te’n student 2 a matte uh khahkhiak ding phutna in nitaklam dak 3:40 velin Keisampat Leimajam Leikai apan Keishampat manawh in lampi zui uh a, huai nung in lampi khak tan uhi. Police te’n nitaklam dak 4:00 velin student-te hawlkhiakna ding in teargas, smoke bomb leh water canon kap khum uh a, police-te gamtatna ah student hunkhop khaw phoklou in om uh a, police te’n hospital tun uhi. Hospital a puaktung student-te ahihleh Iboton Sana Girls apan mi 19, TG Grils apan 9 leh CC Hr Sec. School apan pasal 1 hi’n gen uhi. Hospital ah first-aid piak zawh in student bangzahhiam te’n police-te kimat sak sawm in police gari ah lut uh a, JCILPS a womens’ wing te’n CM Bungalow luh sawm mahle uh lawhsam uh hi’n kigen hi.
TUNI THUPI:
“Mi diktat in thil tawmchik a neih mi gilou salou in thil tampi aneih keihkuih te sangin a hoihzaw hi.” -Sam 37: 16
Editor’ akipan thutut
Amasa in kei leh ka seppih staff tengin tuhun tanpha honpi a hon makaih Pa Pathian kiangah pahtawina leh thupina pia in kipahthu ka tun uhi. Huai banah mun chih a om Manipur Express ngaina a latu leh simtute tengteng, hong kithuahpih Patron Member-te, hong phungvuh advertiser-te leh lainatna tawh thumna a pangte tengteng na tung uah kipahthu ka hon gen hi. Tuni (May 30,2016) in Manipur Express kum 35 chingta hi. Kum 35 paisa May 30, 1981 in Manipur Express issue masapen suahkhiak hi a, huai hunlai a MP (Lok Sabha) N. Gouzagin in Lamka khawpi laizang a om Town office mun ah hongkhia hi.
Newspaper patkhiak tunglai in i gam dinmun niam mahmah lai a, sum-le-pai muhna (commercial purpose) hoihtak hidan a theih ziaka Newspaper pankhia tam mahleh ke’n bel huailam ngaihtuah banlou in mipi adia phatuam ding leh sepna tuamtuam-teacher, LDC/UDC, police, sepaih, officer post tuamtuam leh khawsakna kip leh detdou om theihna ding sepna awng(vacancy) om hunhun a puangzak thei ding Newspaper om leh i gam in bangzahta a phattuampih a i khawsakna leng changkang zawdeuh thei ding hiam chih khong ngaih poimawh pena nei in khawsakna haksatak kalah kana pankhe teitei hi.
Haksatna tamtak kalah leng bangchichi hiam a sunzom thei hamham in achang in sum a lakh a sim ba hialin kana paitouhpih teitei a, tuni in lawhching hiam ka tuptan tangtun zou naikei mahleng Pathian hehpihna ziakin awl-awla masawn in paitou nimnem theilai a, himahleh tunna tantan a kip leh detdou thei dinmun a i Newspaper a om ziakin ka seppih editorial staff-te, production staff, office a staff-te, agent/hawker-te leh a latute tengteng tungah kipahthu kon gen thakthak hi. Adiakin ka kipahna mahmah ahihleh survey ka bawlna uah kum 2010 tan in Manipur Express a Employment News kisuah ziaka sepna mu mi 2000/3000 valtham om chih in hon kipaksak in hon thathousak petmah hi.
Tu in Manipur Express kum 35 hial ching mahleh tuni tan in sum-le-pai kiching hiam kitoudelh theihna ding khop sum lama lawhchinna gen ding omkei mahleh gam leh mipi adia bangtanhiam phattuamna tun ahihdan ka theih in kipahhuai kasa veve hi. Maban ah panlakna ding kalbi(step) poimawhtak a omlai a, i News quality hoihzawksemna ding leh piching zawsem a suahkhiak ahih theihna ding tawh kisai thil hilai hi.
Huai tawh kisai in kum 2 paisa akipan Manipur Express print khiakna ding multi colour web officer machine thak leisawm in panlak ahi a, huai tuni tan tangtun zawh hinailou phot hi. Huai ding in Chartered Accountant in project a bawl dungzui in project tawh kisai senna ding Rs. 90 lakh phazou hi. Huai lakah Manipur Express in a puakkhiak ding Rs. 42.19 lakh hi a, bank akipan loan Rs. 50 hiding chih ahi hi. Manipur Express in a sen ding Rs. 42.19 lakh bel kum 2015 sunga piakfel hita a, Bank loan Rs. 50 lakh pen a kingak lai ziakin tutan fel nailou in ngak hi a, thil omdan theichianloute adin gintak-huailou bang hial hi.
Project cost dan in machine man Rs. 70 lakh hi a, Rs. 20 lakh bel working capital (senna tuamtuam a zat ding) ahi hi. Bank loan ngak lailai hileh hun sawt hong kiveiluat ding a deih huailouh ziakin machine man asamlai teng piakfel a machine pen hongtun hun a ngaklah huai ziakin a thak a kisan teitei ngai a, kal 1/2 sunga piakfel hita ding a, machine leng June/July, 2016 sungin Faridabad akipan hong thonkhiak ding un kihoufel hita hi.
Huai tawh kisai mah in i Newspaper tungtawn a sum muhna tamzaw a lakman(fee) hi a, advertisement akipan muhna tamzaw ding himahleh i gam economy aniam ziakin advertisement akipan muhna tawmzaw phing hi. Huaiziakin news fee hong lut ginat kei leh maban ah haksatna lianpi tuak thei din i-om hi. I Newspaper lawhchinna dinga News la a khatenga fee piate tung ah kipahthu ka gen a, khateng a pelou leh kha paisa 2/3 a bat neite’n May 2016 kha lakman tan kimtaka pechiat ding in nget leh theihsak hi a, tu dinmun a bat zel leh kha 2/3 tan news lakman bate himhim News piak zom lailai thil haksa hong suak ding hi. News bawlkhiakna ding a kizang laipuan, laitui, plate leh chemical-te bat chih om theilou in neih-leh-neihlouh hi theilou in piak teitei ngai a, fee (news lakman) bel news kipiate akha beinung a kikhon pan hisek hi. Huaiziakin news latu kuapeuh in theisiama ngai poimawh dingin i kingen in iki- theisak hi.
No comments:
Post a Comment