Snapdeal ah The Malsawm Initiative (CCI) huhna piaktheih

LAMKA, June-2 (PhualvaTimes) : India a online marketing lian mahmah  Snapdeal (www.snapdeal.com)  in Centre for Community Initiative (CCI) project The Malsawm Initiative (TMI) a diing a thil thoh utte adia thoh theihna diing bawlsak hi. Snapdeal in panpih ngaite panpihna Sunshine Project a neih nuai ah CCI leng kithuahpih in,TMI leh CCI in van a poimoh tuamtuam Snapdeal in a zuakte lei in piak theih hi. 

Hiai toh kisai in Snapdeal in June 1, 2016 apan in online live sakta uhi. Snapdeal in online a van tuamtuam a zuakte lak ah TMI/CCI in a poimoh chiamtehkhia in, huaite kuahiam a donate utte’n online in lei diing a, a van pen TMI/CCI kiang tung diing hi. A leitu in a van a tuna chiangchiang leng track thei ding a, van a tun chiang in CCI in a donate tu kiang acknowledgement bawl diing hi. Hiai sepsuah theihna dia pan hon lakpih Miss Kimremmawi tung ah CCI in kiphathu gen ngal hi. 

Donate utte a diing in http://www.snapdeal.com/offers/thecommunityinitiative link ah van lei in TMI/CCI kiang tung thei diing hi. Hiai toh kisai in ma laksak Kimremmawi Tonsing leh Snapdeal tung ah  CCI Deputy Director Niang Ngaih Mang news tungtawn in kipahthu gen hi. 

**

*SIGN LANGUAGE SINNA*

Khozakna hoihloute (persons with hearing impairment) pau zat sign language sin lunglutte a diing in Centre for Community Initiative (CCI) office, Nehru Marg, Central Lamka ah ngaihven theih diing hi. A lunglutte a diing in fee bangzah hiam piak in tel theih diing a, a sin diing ahihleh Indian Sign Language hi diing hi.